مـــــآذآ ستطبخين آآنـــستي سيـــدتي شاركـــيـــنآ --الجزء 33--

[~lola.dz~]

يييييييي رآكم بديتوآ ترجعوآ اهلآ اهلآ بيكم الزوينآت كآمل

☺☻
​

 

[hadda0425]

لولا وقيلا عقلتي يا بيان بصحتك الاسم النص جديد هههه
​

 

[sara76]

السلام عليكم لماويات عيدكم مبارك و كل عام وانتم بخير

 

[~lola.dz~]

لولا وقيلا عقلتي يا بيان بصحتك الاسم النص جديد هههه
​

ايه خلاص نحينآ التمهبيل خخخ :p:p:d
الله يسلمكـ :regards01:
​

 

[oumsif]

مساكم بالخير لبنات وينكم درتوا اضراب علي الكوزينة :s:s:s

 

[nada242008]

صباح لخير لبنات
وينكم مازلتو صايمين ماراكمش طيبوا هههه تعبتو من الطياب والتصوير ؟ قولوا بالكلافيي برك واش طيبتوا ولا تعبتو حتى من الكتيبة خخخخخ
انا جايبتها غير عدس ومقرونة كرهنا من الطياب وماناش ساخفين على حتى حاجة
نهاركم موفق

 

[أم معتز القالمية]

اول مرة نشارك معاكم نتشرف بيكم
اخواتي
جبتلكم طاولتي تاع البارح
تاع الصيام ربي يتقبل منا ومنكم ان شاء الله

 

[~lola.dz~]

ييييييييي كي راكم رآقدين مآلكم مآلكم ههههه :d:p:p:p
هآدآ وآش طيبت ليوم كنت غي انا ومآمآ :d شكشوكة بطآطآ مقلية وكوكآ
هدوك رآهم فو كروآسون خخخ بقآتلي لبات فايتي درتهآ هكآك بآش نشربو قهوة :d:p
​

 

[meryem5]

السلام عليكم عيدكم مبارك و كل عام وانتم بخير

 

[fatima_19]

السلـآم عليكم ورحمة الله

مرآآآآآآآآآآآآآآآآحب لحبـآآآآب
صح عيــــــــــــدكم وكل عآم ونتومـآآآآ بخيــــــــــر
ان شآء الله عيدتو بيآن لبنآت
على بآلي رآني روتآر مي الله غآلب جىت ظروف ..


قبل مآ نحط قآطوآتي نحب نقولكم هذآ

نهـآر اليوم 11/08/2013 حيآتي كآملة مآرحش ننسآه سيربريز من لكبآآآآآآآآآآآر


اليوم زآرتني الغآلية والحبيبة والحنين حكيك قسمآ بالله غير فرحتي بيهآ وانآ نشوف فيهآ في دآرنآ مآ تتوصف صح صح من قلبي كنت نتمنى نحكي معىهآ وونقعد معآهآ وجه لوجه وأمنيتي تحققت يآآآآآآآآآي وآش نوصف فيهآ ووىش نخلي والله إنسآنة أي شخص يتعرف عليهآ تدخل للقلب طوووووووول ربي يحفظهآ ويطول في عمرهآ ويهنيهآ يآآآآرب وان شآء الله كيمآ فرحتيني بهآذ الزيآرة ربي يفرحك قدهآ وكثر حبيبة جآمي ننسى وآش درتي مرسي بالبزآآآآآآف يالغآآلية


عقبآآآلك يآ فريدة وفوفة
ربي لآ يحرمني من حبآبآتي االغآليآت

ايآ لبنآت نقولكم كل عآم ونتومى بخير تعيدو وتزيدو ان شآء الله


----------

مولآت الموضوع نورمآلمون مآ نهدرش معآك مي قلبي مآ يخلينيش
عيدك مبروك يالعزيزة كل عآم ونتي بخير
​

يعطيك الصحة جاوك يهبلو من فضلك لي روسات تاع هذو
شكرا

 

[بنت الجسور المعلقة]

طعيمة مرقاء بيضا

 

[بنت الجسور المعلقة]

شكشكوكة وسلاطة راح رمضان وراحت معاها بركاتو دورناها غير لخفيف :d
ولات تgزيزتي غير البصلة والفلفل والطماطيش خخخخخ

 

[مسلمة وافتخر]

ما شاء الله عليكم اخواتي يعطاك الصحة
اختي ام ندى ممكن وصفتك تاع الكروفات ولك كل الشكر والتقدير

 

[nour inasse]

السلام عليكم ورحمة الله تعالى وبركاته
صح عيدكم حبوباتي انشاء الله تكونو بخير وعافية والله ليكم وحشة بصح كنت نشوف فيكم من وراء الكواليس راني جبتلكم حلوياتي نتاع العيد تفضلو
http://4algeria.com/forum/threads/381329/#post4976790

وحبيت نطلب من ام ندى الوصفات التالية ونقلها يعطيك الصحة

وطريقتك في تحمير الدجاج بلييييييز

[/QUOTE]

 

[oumsif]

صباحكم بالخير لبنات وجمعة مباركة للجميع
عضو واحد(samora68)
والضيوف 0جامي صرات

 

[samah06]

صباح الخير على احلى لماويات
وجمعة مباركة
هيا لبنات كاش برابش والا تخليوني ناكل تاع بنت الجسور وحدي هههههههههههههههه

 

[ام فيروزا]

صباح الخير عليكم نتومه هنا وانا نحوس عليكم

 

[nada242008]

ما شاء الله عليكم اخواتي يعطاك الصحة
اختي ام ندى ممكن وصفتك تاع الكروفات ولك كل الشكر والتقدير

صباح الخير وجمعة مباركة
بنت الجسور الله الله على هذيك البربوشة والله ريوقي سالو مزية راني نطيب فيها ليوم :up:
--
وصفة الكروفات ساهلة خلاص
ترابي سنينات ثوم وتزيديلهم 2 مغارف زيت وملح وفلفل اكحل وفلفل احمر حار وشوية راس الحانوت وكمون وحبة طماطم مرابية تقليهم مليح ومن بعد ضيفي ملعقة كبيرة طماطم مصبرة وحطي الكروفات تتقلى شوي ومن بعد امرقي بكاس ما صغير وغطي عليها وخليها تطيب حوالي 10 دقائق وطفي
قدميها مع رشة معدنوس ومع فريت ولا روز

 

[nada242008]

السلام عليكم ورحمة الله تعالى وبركاته
صح عيدكم حبوباتي انشاء الله تكونو بخير وعافية والله ليكم وحشة بصح كنت نشوف فيكم من وراء الكواليس راني جبتلكم حلوياتي نتاع العيد تفضلو
http://4algeria.com/forum/threads/381329/#post4976790

وحبيت نطلب من ام ندى الوصفات التالية ونقلها يعطيك الصحة

وطريقتك في تحمير الدجاج بلييييييز

[/QUOTE]
يعطيك الصحة ام ايناس ..جاري زيارة الموضوع
بالنسبة للوصفة الاولى لي كيش على شكل باركات
العجينة لابات بريزي 250 فرينة و 125 غ زبدة ولا مارغارين وبيضة ورشة ملح و 2 مغارف كبار ما بارد تخليطهم مليح وتحطيها ترتاح في الثلاجة
ومن بعد تحليها لي لي مول وتثقبيهم وتحطي فوقهم لي كيسات وتعمريهم بالحبوب الجافة وتحطيها تطيب حتان يشقر لونها
الحشو حسب حجم القوالب
انا درت كمية صغيرة استعملت 4 مغارف كرام فراش وحبة بيض وملح وفلفل اكحل وخبطيهم مليح
قليت الفطر في مغرف زبدة على درجة حرارة عالية وبعد ما تقلى ضفتلو عصرة قارص ومعدنوس وملح وفلفل اكحل
ومن بعد ما طابت العجينة نص طياب حطيت فيها قطع تاع فرماج الميزان وزيتون مقطع والفطر وسقيتها بخليط الكرام الفراش والبيض وزينتها بجبن مبشور ومعدنوس وعاودي دخليها للفور حتان تحكم روحها
----------------------
---------------------

الوصفة الثانية صدر دجاج بالكرام فراش يجي بنين ومش ناشف يبقى محتفظ بالعصارة تاعو
قطعي صدر الدجاج طوليا كيما الشوارما
قليه في شوية زيت حتان يطلق الما تاعو وينشف ومن بعد ضيفي الفطر و ثوم بودرة وكرام فراش وعصير قارص وملح وفلفل اكحل وخليه على النار حتان تخثار لاصوص تاعو

ونفس الوصفة عاودتها مع الفيلي دو صول في الصورة لي بعدها

----------
الدجاج حطيتو مع فصوص ثوم صحيحة و2 مغارف زبدة ومغرف زيت وورقة رند وملح وفلفل اكحل ومغرف صغيرة خل ابيض قليت مليح ومن بعد مرقت بكاس ما وقفلت لاكوكوط وخليتو يطيب حتان تنشف لاصوص وتبقى حوالي فنجان
قليت البطاطا دوائر وحطيتها تتشرب لاصوص لي طاب فيها الدجاج
الدجاج حطيتو في بلاطو ودهنتو بزبدة وشعلت الفور من فوق حتان يتحمر
السر انو كي يطيب الدجاج من قبل ما يجيش ناشف يبقى من داخل طري ومن فوق محمر ومحافظ على شكلو

الطبق الاخير رشتة حمرا نعطيك الطريقة ؟

نتمنى انو الشرح يكون واضح

 

[hadda0425]

مساء الخير لبنات
تقبل الله صلاتكم بمزيد من الاجر والثواب
رقية .. ام معتز .. ام ندى .. لولا
بصحتكم طيابات بعد رمضان
حنا غير بوخفيف قليان وسلايط برك والحمد لله
اليوم درت بطاطا ببروكلو
​