المتزوجة تفيد و العازبة و المخطوبة تستفيد الجزء الثاني

[أمــ وليــد الجزائرية]

​

كيفكم يابنات و سيداتنا الرائعات ان شاء الله تكوني بخير​

رجعنالكم مع الجزء الثاني تاع الموضوع​

الي والحمد الله شفنا نصائح رائعة في الجزء الاول​

مع سيدات قدرنا يفتحولنا باب مكناش حنا نعرفوه​

و اغتنم الفرصة اشكر كل من نصحنا و واجهنا بكلامو و نشكر خاصة كل من ​

​

وجع الظلم , أم أيمن23​

كانو ديما في الموضوع و ديما ينفعونا بكلامهم الثمين​

ربي يخليكم لينا ​

و بيما انو رح نفتحو باب جديد للموضوع ​

حبيت نخلي بعض من تساؤلات اللمويات ديالنا :​

السؤال الاول :​

سؤالي هو للمتزوجات او اي واحدة عندها خبرة

لعروسة كي تروح لدارهم تبدا تشكي لماليها و تمنشر على عجوزتها على واش دارتلها يا لوكان على جال امر تافه يعني زايدة همها غير عجوزتها ​

هدا هو سؤالي لان من المفروض ان العروس تستغل وقتها في ذكر الله و الدعاء بتسير امورها علابالي تحب تفرغ قلبها بصح ماشي لهاد الدرجة تع حاطة غير عجوزتها في بالها​

شكرا اختي على كل شئ ​

السؤال الثاني :​

​

شكرا لكم جميعا على الموضوع الرائع ​

​

حبيت نسقسيكم حاجة ​

​

الطفلة كي تخرج من دار اهلها و تروح لدار الزوج ​

​

هل عليها ان تنسى اهلها فعلا و تعيش حياة جديدة ​

​

السؤال الثالت :​

​

الاب الي يقول لابنته انو بعد الزواج مش رح نقدر نجي ليك ​

​

بسبب البعد في هذي الحالة كيفاه راح تدير الطفلة ​

​

رح تقدر تبني حياتها وحدها و تنسى اهلها بكل سهولة​

​

انتوما يالبنات الي خليتو اهلكم و رحتو للغربة ​

​

كيفاه راكو تعيشو ​

​

هل في مرحلة من حياتك رح تجيك وين تخيري بين الاهل و الزوج ​

​

اليس هذا الشيء قاسي ​

​

كيف تنصحوني ؟ ​

​

السؤال الرابع ​

​

راح نسقسي اكيد :​

​

كي تبدى فترة الخطوبة نلقاو الطفلة تشري هذي و تزيد هذي بلاما تخمم اسكو صح تحتاجها ​

​

و المشكل انو الاهل و العائلة تلقاهم يقلولك هاذي لازم تكون هذي انا جبتها انشوف انو كل مرة كاين بدع تخرج من كلمة التروسو هذا .​

​

حبيت نقول ​

​

السؤال الخامس:​

​

1* انا عندي مشكل في المعاملة مع الجنس الاخر يعني نتعمال بعنف ونعارك حتى على اتفه حاجة​

هل يؤثر ذالك في حياتي الزوجية ؟؟
2*السؤال سيتم الجواب عليه عبر الخاص
3*حابة نعرف اسكو بودرة الطالك ملاحة لتبييض النطقة الحساسة ومافيهاش ظرر
4*اي وحدة تسكن مع بيت الشيخ راح تلقى معاناة ومشاكل مع اهل الزوج وهل تؤثر المشاكل على العلاقة بين الزوجين​

نكتفي بهذا القدر للعلم انو اختي ساندرسلا مزروبة يتنحط الموضوع ​

معلينا غير نحطوه قبل ما تطيرنا من هنا :p:d:d​

 

[روز]

رد: المتزوجة تفيد و العازبة و المخطوبة تستفيد الجزء الثاني

موضوع قيّم وجيد ان شالله العضوات يستفيدو منه
وان شالله كل وحدة تفيد الاخرى


رايحة نشارك معاكم ان شالله

لعروسة كي تروح لدارهم تبدا تشكي لماليها و تمنشر على عجوزتها على واش دارتلها يا لوكان على جال امر تافه يعني زايدة همها غير عجوزتها ​

هدا هو سؤالي لان من المفروض ان العروس تستغل وقتها في ذكر الله و الدعاء بتسير امورها علابالي تحب تفرغ قلبها بصح ماشي لهاد الدرجة تع حاطة غير عجوزتها في بالها​

شكرا اختي على كل شئ ​

أنا نفضل أن البنت تقول كل شي تحس بيه وتمر بيه لأنو بعض الأمور تبدا صغيرة وتكبر​

لكن بشرط أساسي أن المستمع يكون عاقل ويفهّم البنت بطريقة التصرف الائقة​

أي بنت تتزوج راهي باش تدخل في دنيا جديدة وناس ماتعرفهمش رايحة تعيش معاهم ​

رايحة تلقى طبائع مختلفة وعادات مختلفة وعقلية ماتعرفهاش​

وللاسف بعض الناس يشوفو انو البنت وحدها هي لي لازم تتأقلم بدون حتى مساعدة أهل الزوج ليها..هذا خطأ كبير ​

رايح توقع تصادمات في اول سنة زواج فيلزم يكون المستمع والمرشد انسان واعي واذا شافت البنت انو اختها أو أمها من النوع لي يتقلق بسرعة أو ماهوش أهل للنصيحة نفضل ماتحكيش وتروح تحكي لكاش شخص في العائلة يكون مسؤول وعاقل و رزين حتى يفهمها كفاش تقدر تخرج من مواقف معينة​

​

​

حبيت نسقسيكم حاجة​

الطفلة كي تخرج من دار اهلها و تروح لدار الزوج ​

هل عليها ان تنسى اهلها فعلا و تعيش حياة جديدة ​

​

​

​

​

​

​

​

أبدا وشكون قال هذا ؟؟ ​

البنت خصوصا دايما عندها تعلق بوالديها مش كما الرجل ودائما هوما المرجع نتاعها في الفرح والقرح​

أي وحدة لما تتزوج طبعا المفروض كل وقتها تخصصه لعائلتها وزوجها ولكن هذا لا يعني أنها تهمل حق ابوها وأمها عليها ​

لأنو حتى بعد الزواج تبقى مسؤولة عليهم لو مرضو أو احتاجوها أو اي شيء من هذا القبيل​

يلزم تتفاهم مع زوجها على عدد المرات لي تروح فيهم لأهلها وتعمل تواصل بين أهل راجلها وأهلها حتى يصيرو عائلة وحدة​

تعمل مثلا عزومات تجمعهم ببعض حتى تتكون الالفة ​

يعملوا زيارات متبادلة وهكذا​

البنت أبدا بل لا يجب أن تنسى أهلها أو عائلتها لما تتزوج بالعكس يلزم تحسسهم أنها تحبهم وأنها مانساتش تعبهم عليها وتكافئهم لانهم وصلوها لبر الامان ​

وقدرو يوفرولهم التربية الجيدة والزوج الملائم..​

​

الاب الي يقول لابنته انو بعد الزواج مش رح نقدر نجي ليك ​

بسبب البعد في هذي الحالة كيفاه راح تدير الطفلة ​

رح تقدر تبني حياتها وحدها و تنسى اهلها بكل سهولة​

​

انتوما يالبنات الي خليتو اهلكم رحتو للغربة ​

كيفاه راكو تعيشو ​

​

هل في مرحلة من حياتك رح تجيك وين تخيري بين الاهل و الزوج​

اليس هذا الشيء قاسي ​

كيف تنصحوني ؟ ​

​

​

​

​

​

​

​

وهل وصلت الامور لأنك تختاري؟​

كفاش يعني تختاري ؟​

مادام عايشة مهنية مع زوجك علاه الاختيار؟​

الحمدلله رانا في عصر التكنولوجيا كاين السكايب وكاين التلفون كأبسط حاجة فـ تقدري تتكلمي معاهم كل يوم​

مش شرط كل يوم يروح لبنتو لكن يلزم على الاقل يتصل بيها ساعة على ساعة ​

واذا ما اتصلش هي تتصل بيهم وتطمن عليهم ​

الاختيار كلمة كبيرة ويفكرو فيها فقد الناس لي يخمو في الطلاق الله لا يقدر​

يلزم البنت لما تتزوج تحط في بالها انو الان زوجها يحتاجها وراهي باش تبني عائلة ويلزم تأسسها على الصح وعلى الحب وعلى التفاهم​

وهذا مش رايح يكون الا اذا عطات من وقتها وحبها واهتمامها الكثير​

اما الاب والأم رايح يتبدل برنامجها شوية وينقص لانو الان عندها عائلة أخرى بحاجتها​

ورايح يكون الاطمئنان عليهم وتلبية حاجاتهم اذا كانوا ماعندهمش لي يساعدهم شيئان اساسيان فقط​

​

من الآخر البنت اذا كانت متهنية مامنوش الاختيار ​

واما على عائلتها فيكفي انها تسقسي عليهم وتروحلهم عند الحاجة وغير الحاجة لكن مش بطريقة يومية تزعج الزوج ​

​

​

ونظن انو اكبر هدية تعطيها البنت لوالديها هي كي يشوفوها مهنية وسعيدة ​

هذا برأيي اكبر شي ممكن تقدمو لأبوها وأمها​

​

​

​

 

[أمــ وليــد الجزائرية]

رد: المتزوجة تفيد و العازبة و المخطوبة تستفيد الجزء الثاني

بارك الله فيك اختي روز على الرد الرائع


ستقوم الاخت قريبا بالرد عليك


و ان شاء الله سنحل الاشكال

دمتي بخير​

​

 

[مطبخ الأحلام]

رد: المتزوجة تفيد و العازبة و المخطوبة تستفيد الجزء الثاني

لعروسة كي تروح لدارهم تبدا تشكي لماليها و تمنشر على عجوزتها على واش دارتلها يا لوكان على جال امر تافه يعني زايدة همها غير عجوزتها ​

هدا هو سؤالي لان من المفروض ان العروس تستغل وقتها في ذكر الله و الدعاء بتسير امورها علابالي تحب تفرغ قلبها بصح ماشي لهاد الدرجة تع حاطة غير عجوزتها في بالها​

شكرا اختي على كل شئ ​

نشوفو بزاف عرائس حديثين الزواج يشتكيو اتفه الامور للأم وهذآ بالشيء الخطأ
فكثير ما سمعنا أم تسببت في طلاق إبنتها ، أم ظل ورا بنتها ماتخليهمش يديرولك و لازم تتحكمي في الوضع ولازم انتي تأمري فهذآ خطأ لانو كثرة الحديت تأدي الى الهلاك

مانجزمش انو كل الامهات تتشابه ولكن اعتقد هكذا أفظل فبهدا البنت تكون نفسها

فمن واجب الزوجة أن تكتم أسرار عائلة زوجها إلا عند الضرورة

في هاذ الحالة لازم على العروس ان تعمل جاهدة لكسب مكانة في عائلة زوجها وبكل الطرق
حتى إن دفع بها الامر للتحمل الكلام أو الافعال فالصابر ينال وأحنا جيلنا ماعاشوش الي عاشوه أمهاتنآ فل نأخد عبرة من جدودنا ونكونو صبورين فالصبر مفتاح الفرج

يحق للزوجة أن تستشير امها في الطبخ أو شراء شيء ما

حتى ولو سألت عائلة البنت عن احوالها مع بيت زوجها تجيب بكلام مقنك مرزون ولا تترك المجال لفتح (س) و (ج)


​

 

[مطبخ الأحلام]

رد: المتزوجة تفيد و العازبة و المخطوبة تستفيد الجزء الثاني

قرأت رد الأخت روز ولكن يا أختي روز بنات اليوم ماهمش كيما بنات بكري يتحملو اي شي

هنا الفتاة عندها 16 تزوجت تغيضها حاجة صغيرة تروح تشتكيها لماماها وهادا الي رانا نشوفوه دروك

اي نصيحتي للعروصات الصغرونات تعلمي من البداية تحمل كلام الغير واحسن شيء انك تسمعي وكأنك لم تسمعي شيء

مرات تكون لعروسة هي ملات الخطأ ولكن تحس روحها ماغلطتش وغلطو بحقها

احسن طريقة هي ( أستمع وكأني لم أسمع ) تقوم بدورها كزوجة وباقي الخناقات تفوتها وتخطيها من القيل والقال

^__________________^


​

 

[مطبخ الأحلام]

رد: المتزوجة تفيد و العازبة و المخطوبة تستفيد الجزء الثاني

الطفلة كي تخرج من دار اهلها و تروح لدار الزوج ​

هل عليها ان تنسى اهلها فعلا و تعيش حياة جديدة ​

ليس بالضرورة النسيان تحاول تبدي حياة زوجية بعيدة عن كل الضغوطات وخصوصا انها ماراحش تشوف امها كيما مضاري ويمكن تكون عايشة في رخاء في دار باباها وكي تروح تلقا بزاف حوايج ناقصين ماتخليش هاد الشي يأثر عليها الا كانت هانية مع راجلها ماتفكرش في الاشياء المادية مع الوقت ربي يرزق الصابر وتفكر انو راح بين كل فترة وفترة تزور أهلها مهما كان البعد
وحتى ولو ماشافتهمش كاين وسائل الاتصال جمة وتحاول تشوفهم
وربي يهني كل وحدة
​

 

[أمــ وليــد الجزائرية]

رد: المتزوجة تفيد و العازبة و المخطوبة تستفيد الجزء الثاني

نشكرك ختي سوسو

الله ابارك كلامك صحيح

و ياريت كامل لبنات يخمو هك

لانو نشوفو في هذا الوقت يختلف التفكير بزاااف

ننتضر اراء الاخير و حتى تساؤولاتهم الاخرى

بارك الله فيك​

​

 

[روز]

رد: المتزوجة تفيد و العازبة و المخطوبة تستفيد الجزء الثاني

صح أختي سوسو بنات هذ الجيل ماعندهمش الصبر


ولكني قلت من الاول : أن المستمع يلزم يكون عاقل
هنا يبان دور الأم والأب والأخ
اذا ماقدروش يوصلو بنتهم لبر الأمان ويحبسوها اذا كانت غالطة ومايعطوهاش الحق وينهروها
وش دورهم أو فائدتهم ؟
أما اذا الأم ساعفت بنتها وساعدتها على الغلطة فهاذك شيء ثان

 

[السلطانة]

رد: المتزوجة تفيد و العازبة و المخطوبة تستفيد الجزء الثاني

سؤال:
متى يجب على الزوجة أن تفتح موضوع الغيرة مع زوجها ؟

مثلا لاحظت تصرّف اعجاب من احدى قريباته هل تتصرف معها مباشرة
أو تتحدث مع زوجها لتُحدثه عن الموقف ؟(twaswiss.com :d)​

 

[larose]

رد: المتزوجة تفيد و العازبة و المخطوبة تستفيد الجزء الثاني

انا من النوع اللي مايصبرش نمعنيلو ديراكت واذا هو دار روحو بهلول ميفهمش نقولهالو مبعد نلطف الجو هههههههههه وللاخوات حديث:p:p:p:p:p:p:p

 

[larose]

رد: المتزوجة تفيد و العازبة و المخطوبة تستفيد الجزء الثاني

انا من النوع اللي مايصبرش نمعنيلو ديراكت واذا هو دار روحو بهلول ميفهمش نقولهالو مبعد نلطف الجو هههههههههه وللاخوات حديث:p:p:p:p:p:p:p