موتي أفضل من حياتي .......اسودت الدنيافي وجهي

[مشكلتي]

[FONT=&quot]السلام عليكم انشاء الله تكونو بخير بعكسي أنا .....[/FONT]
[FONT=&quot]المهم جيت نعلمكم بالجديد اللي والله مايسر لا حبيب لا عدو أبي اطلع على المشكل وقرر الحديث مع خطيبي بشأن العمل وقال لي أنه سيشترط عليه أن أعمل حتى بعد الزواج والا سيفسخ الخطبةعلما أن خطيبي لا يعلم ان أهلي على اطلاع بالمشكل فهو يريدني ترك العمل بدون ان اخبرهم انه هو من يريد هذا والمشكلة أني اتفقت مع خطيبي أني سأعمل الان أما بعد الزواج سأنفذ رغبته [/FONT]
[FONT=&quot]المهم أنا الان بين نارين نار والدي الذين يفكران في مستقبلي بعقليهما ولا أستطيع معارضتهما لكي لا أندم في المستقبل و أفقد ثقتهما ونار حبي المجنون لخطيبي الذي وصلت به الأمور لأن يتوسل لي لدرجة أنه بكى لأول مرة مما جعله يغلق هاتفه لشعوره بأن رجولته اهتزت....[/FONT]
[FONT=&quot]اتدرون نوع العلاقة التي أصبحت بيننا في البداية كان صدى شجارنا مسموعا وكنا نتجادل بالكلام أما الان أصبح يسيطر علينا جو الصمت والكأبة والحزن حتى أننا أصبحنا لا ندري ما يجب فعله[/FONT]
[FONT=&quot]أعلم أنه غيور وكل هذا دليل على حبه لي لكن هو وعدني قبل الخطبة أنني سأعمل في هده الفترة[/FONT]
[FONT=&quot]فعلا انا اوشك على الإنهيار فأنا احبه بجنون ولا أحتمل فكرة خسرانه لو اشترط عليه ابي داك الشرط [/FONT]
[FONT=&quot]أرجوكم ادعولي ربي يفرج عليا على المومنين ولو كاين واحد مجرب يفيدني[/FONT]
[FONT=&quot]استودعكم الله[/FONT]

 

[راضية حامدة]

رد: موتي أفضل من حياتي .......اسودت الدنيافي وجهي

تم الاعتماد
ربي يجيب الخير
فكري مليح

 

[بنت الـ25]

السلام عليكم اختي
اطلعت على مشكلتك اختي وتأثرت بزاف
ولكني نقلك هادي هي الحياة مش دايما عسل ومش لمجرد تصادفنا مشكلة نعجزو عن حلها بدون أن نخسر من نحب نقولو رانا حابين نموتو
بالعكس الطيحة اللي ما تقتلكش تقويك
بون دوك نقلك رأيي اختي عن خبرة،،ونخلي القرار الأخير ليك
أنا باختصار منشوفش فيها مشكلة عويصة لدرجة كبيرة
كل ما في الأمر انو خطيبك يغير عليك بزاف وهدا من محبتو ليك
انتي قلتي انو قبل الخطوبة كنتو متفاهمين بيا وكلشي لكني نقلك انو قبل الخطوبة هو علابالو بلي ما عندوش الحق يتحكم فيك ...الخ ولكن بعد الخطوبة يا ختي او تتبدل الأمور يولي يشوف فيك سي بون وليتي مرتو وعرضو وشرفو وواحد ما يقبل يتقاس في هاد الناحية
سقسيني أنا ... خاطر لمجرد يفكر انك كي تخرجي رايحة تفوتي على شباب يشوفوك ويطيحولك كلام رح يطرطق من داخل ربما ما صارحكش بهاد الاحساس لكني صدقيني الاحساس موجود
صح انتي بحاجة للعمل حاليا لتجهيز نفسك علابيها انا ننصحك تحاولي معاه بالعقلية تحكيو كي بكري وتتفاهمو
توضحيلو انك ما تقدريش تبطلي الخدمة حاليا وانك تحتاجيها ...الخ رح يفهمك أكيد وما يبقاش يماردي فيك
اما إذا شفتي بلي الخدمة رايحة تخسرك حبيبك ياااو بحر عليها ،،
قوليلي إذا خسرتي حبيبك وش رح ديري بالخدمة؟
يا ستي نفرضوها ما جهزتيش نفسك كيما يلزم؟ وينو المشكل ؟ انا نعرف بنات ما داو معاهم والو وكي عاد كاين الهنا عاشو فوور والشي لي مداروهش بكري داروه وعمرو ديارهم
وكاين بنات (وحدة نعرفها شخصيا) ما خلات ما تدري عرات ماليها مساكن ،، وكي عادت مش متفاهمة مع راجلها ضربت عام ونص عندو جابت معاها طفل وروحت لدار امها ورجعت الشي هداك بكل معاها
شفتي العبرة وين؟؟؟

اما بالنسبة للخدمة مورا الزواج انا يا ختي منشوفش فيها ضرورية ،، مدام قالك ماكانش خدمة مورا الزواج معناها راه قادر على مسؤولية الدار وحدو وادا شاف روحو مش قادر او وحدو يطلب منك تخدمي،،
كلشي بالمفاهمة
وبيناتنا يا ختي انا كنت كيفك كنت نقول كيفاش انا قريت وتعبت باش نقعد فالدار؟ بصح شفت النساء الخدامات كيفاش هارجين ما بيها تخدم برا وكي تروح للدار شارقة تدير الماكلة وخدمة الدار من تسياق ..الخ وبلا تربية الاولاد تولي ما ترقد لا ليل لا نهار
ترضايها انتي هاملة برا وولادك متشنططين من دار لدار وإلا من حضانة للمدرسة للدار ...ياو نعبوها زوج دورو ولادي عندي بالدنيا
وزيد انعكاساتها فالمستقبل على نفسية الاولاد ،، يلزمنا ما نشوفوش للمشكل على المدى القريب برك فهمتيني؟...

الغلطة تاعك يا اختي انك وصلتي لحكاية لوالديك ،، كان مالمفروض تعملي توازن بين الخدمة وخطيبك واللي كفتو ترجح هداك اللي تخيريه ومشاكلك الخاصة تحليها بيناتكم جامي تخلي طرف ثالث يدخل بينكم مهما كان قريب

الحل انا ننصحك تحكي مع خطيبك تراضيه وكيما قتلك لفوق احكي معاه بالعقلية وشوفي الحاجة اللي تريحو وديريها
اما باباك فهميه بلي انتي وخطيبك تفاهمتو ولو اضطريتي تكدبي عليه (كدبة بيضا) قوليلو انكم تفاهمتو تكملي خدمة مورا الزواج خاطر موحال باباك يدخل في امورك مورا الزواج وانتي على ذمة راجل تاني ويساهم في خراب بيت بنتو
ولا مورا الزواج ريكلامالك باباك قوليلو ما خرجتش عليا تمرميدة تع برا وما لقيتش روحي بين الخدمة والدار

هدا رايي اختي وانتي شوفي اللي يساعدك وديريه
​

 

[HAMZA USMA]

ربي يفرج عليكم
​

 

[miida]

اختاه كوني عاقلة فالقرار ليست مسالة حب او كره مسالة حياة هذا قرار لازم تاخديه
ورأي انا شخصيا صلي استخارة وخليها على المولى ــــــــــــ ماخاب من استخارــــــــــــــ وانا ماراحش ننساك ندعيلك

 

[TeNtOuNa]

اختي الكريمة
ماعنديش خبرة في مواضيع الخطوبة بصح عندي خبرة في الحياة الاجتماعية
العمل راهو راس مال مولاه وانتي كي لقيتي بوسط راهو ربي انعم عليك ماترفسيش النعمة برجليك
وخطيبك مهما كان مقتدر واحد مايضمن عمرو لقدر الله صراتلو حاجة مات ولا مرض وحبس الخدمة كيفاش رايحة تكون حالتكم؟
والدنيا دوارة ماتدريش غدوة يدور عليك ولا .... اوموا تلقاي مبلغ مالي مخبي للزمان
خممي مليح وهادي حياتك اتحملي نتائج افعالك مبعد ​

 

[عاشقة الصمت 13]

حد مادايملك لا بوك ولا الواليدة ......ومادامك هاداك السيد مرتاحتله ديري حتى نتي حاجة على جاله .......تخيري الخدمة وتخسريه ومن بعد تكرهي الخدمة مي وين تصيبيه داك السيد ...يادرة راح يستناك؟؟ ......شوفي ختي الوحدة كي تقول واه على واحد رايح يكمل حياته معاها وختارها من بين النسا الكل ...هيمالا تاني هي تبدا تساعف وديرله خاطره ....راه عازك ودارلك الحرمة ....انا حاجة ماكنت متخيلة بللي راح نديرها وجا الوقت وقالي خطيبي ديريها عرفته بللي غيار .....هيمالا جاتني على قلبي كي العسل خاطرش غيرة الراجل على المراة راهي في الانقراض والله اعلم كي فاه راح تتقبليها نتي .......صلي ركعتين على هاد النعمة والله يجيبلك اللي فيه الخير ويسهلك امورك ​

 

[بودبوز]

السلام عليكم ورحمة الله

اختي لن اقترح عليك واعطيكي حلا لمشكلتك انما
اقول برايي انك اخطاتي عندما قلتي لاهلك موضوع بينك وبينه
يحل فيما بينكما هو معه حق في غيرته عليك ولكن الغيرة لها حدود
ان يكون غيورا كثيرا فهذا تعدى الحب وصار جنونا وانما انتي يجب ان تتقبلي
رايه و متطلباته فهو بعلك ان قال لك ان لاتعملي فلا تعملي ان كان يستطيع اعالتك
و يقدم لك ما تشتهينه فهذا مقبول ولكن من الجيد ان تتعاونوا على مصاريف البيت وغيرها

هذا مجرد راي اختي
تقبلي تحياتي​

 

[bentouhami maria]

السلام عليكم
انا نقول بلي ما يبقاولك غير والديك وانتي تعرفي صلاحك

 

[MISS ROSE]

ربي يفرج عليك اختي​

 

[**laila**]

مادمتي في دار باباك اسمعي كلامو ..

اما كي تتزوجي ..طاعة زوجك هي الأولى

و رب رب يسهلك كل خير

بالتوفيق

 

[prince of love]

ما لقيت ما نقلك

كل شىء راهو بين يديك نت درك

ربي يفرج ان شاء الله
​

 

[salma zayna]

نصيحة ماتتخليش على خدمتك وادا كان يحبك راها يخليك تخدمي

 

[salma zayna]

ربي يفرج عليك اختي

 

[Amira28]

ربي يفرج عليك اختي ويجيب اللي فيه الخير
يا اختي افهمي روحك في الاول انت واش باغية تخدمي ولا لا
ادا ماكيش باغية تخدمي وحابة تطيعي خطيبك والديك ساهلين احكي معاهم واقنعيهم واكيد والديك ماهومش رايحييين يوقفوا في طريقك
انا متاكدة لوكان تحكي معاهم بالعقل وتفهميهم ماهومش رايحين يوقفوا في طريقك اما ادا كنت حابة تخدمي هادي شوي صعيبة وماشي مستحيلة حاولي معاه بلاك يقتنع ادا كان يحبك ماهوش راح يخليك علا جال الخدمة وراح يحققلك رغبتك
وما تنسايش لازم تكثري من الدعاء ربي معااك

 

[sarorita96]

هادي مشي مشكلة كبيرة الخدمة وش باش تديرلك
أولا .. يجب ألا تعمل المرأة في مكان فيه رجال أو تتواصل فيه مع رجال .. إلا في حدود ضيقة جدا وللضرورة ,

أما أماكن الإختلاط وإن كانت للضرورة مثل المستشفيات فهذا لا يجووووووووز , مجرد دخولك لمكان كهذا يثير

الشهوة خاصة من بعض الممرضات , ولو كان جميع الممرضات منضبطات وكثيري حياء ومنقبات طبعا لكان

الأمر سهل .. ولكن طبيعة الناس وتفاوتهم يقتضي أن تجد بعض التساهل وبالتالي لا يجوز الإختلاط تحت أي

ذريعة .. وانا أقصد الغختلاط الحقيقي وليس النت .. النت أهون ومع هذا لم يسلم
ثانيا .. لا حاجة للمرأة للمال إلا إذا كانت مساعدة للرجل حتى يتحسن الوضع المعيشي لهما , أما أن المرأة

تعمل وتحتفظ بالمال لتدلع نفسها فهذه سخافة وتضييع أموال وعدم الاحساس بقيمة الحياة , هناك أناس

لا يجدون المال وهي تضيعه , وحتى لو عملت مشاريع فإلى أي يذهب المال , وبصراحة من هي المرأة

لكي تأخذ دور الرجل في إسلوبه , أموال , تجارة , تخطيط مدن .. بالله عليك هل هذه الأعمال أنثوية ؟!!!

يجب على المرأة الإهتمام أولا وأخيرا بالبيت وبزوجها وبابناءها الذين سيأتون إلى الحياة بعد فترة , المرأة

سكن , فإذا عاد الرجل إلى البيت يحتاج إلى إنسانة " مروقة " , تحتضنه , وليس امرأة ترجع من العمل

متعبة لتقول له .. أنا مثلك متعبة : المطبخ عندك أخدم نفسك بنفسك , والأمور الزوجية الاخرى لك أن

تتخيليها .. فلا تنخدعي بالنموذج الغربي السقيم في هذه الأمور , الذي يجعل المرأة مسترجلة باستغلال

نواحي فيها , كالرغبة في أن تكون إنسان فعال ويعمل , وقد استغلوا حبها لإظهار جمالها ودلالها وطلب

المديح فجعلوها أداة جنسية ..

يمكن أن تعمل المرأة في ومن البيت .. وهذا شيء ممتاز .. أما عملها بالخارج فسيئاته كثيرة جدا , وإن

خلا من كل الأشياء السلبية التي ذكرتها فأنا لا أقول أنه محرم أو سلبي .. ولكن يحتاج إلى نظر ..
ربي يفرج عليك ولي فيه الخير ربي يجيبو

 

[اميرة في مملكة العلم]

اختي الغالية ..الحل الوحيد هو صلاة الاستخارة ...و دعوة الخالق

 

[بنـ MaPa ـت]

ربي يفرج اختي
​