مشكلتي حساسة شوي

[مشكلتي]

مشكلتي حساسة شوي يا ريتكم ماتفهمونش بالغالط (للنساء فقط)

السلام عليكم من جديد

مشكورين على ردودكم

اولا الحمد لله منيش حامل

تا نيا ... الى الاخت راضية حامدة
منيش نقولك اللي مخطوبين غاع يديرو هكا
بويسك انا نعرف شرفي مليح مانستناش حتى ينصحوني عليه

يا اختي قتلك صرات غلطة مي مهيش مكمولة
والحمد لله طول عمري عايشة محافظة على شرفي
وانا كنت عند الطبيبة قاتلي مازالكي طفلة
يعني مازالكي عذراء

المهم مشكورين على ردودكم والحمد لله فاتت على خير

العقوبة للي مازالو
​

 

[روز]

الف الحمدلله
شكرا على التعقيب وبي يباركلك في زواجك ويهنيك

أكيد الاخ راضية حامدة ماكنتش تقصدك بالكلام تجريح او ماشابه
بقدر ماكانت تنصح في لي جايين بعدك بانهم مايعملوش نفس الغلطة
والغلطات مثل هاذو عواقبهم كبيرة ربي ينور كل فتاة وشاب ان شاءلله

ربي يهدي سركم ويطيب عشرة كل الازواج

تمت الموافقة
​

 

[هدوء المطر]

وعليكم السلآم ورحمة الله
الحمد لله كي تأكدتي بلي ماراكيش حامل ونعطيك نصيحة من الأحسن ما تزيديش تخرجي معاه هذو الشهرين، malgré que راه راجلك قدام ربي وقدام العباد، بصح باش تهني روحك من التوسويس والقيل والقال هذا ماكان، وإذا حبك تخرجي معاه بالسيف ادي معاك أختك حتى بعد العرس ويرحمها ربي...
ربي يكملك على خير إن شاء الله.​

 

[Hakan]

ومن قال ان المخطوبين على سنةالله ورسوله بامكانهم الالتقاء هكذا والذهاب مع بعضهم ولمس بعضهم ولوو بالاحضان والتقبيل عندكمم نقص دين لازم تعرفوه والسيد هذا واش راه حاب منك باسكو راني نشوف فيه انسان قذر اذا كان حاب يتجوزك من اجل المتعة فقط سلام .

 

[السلطانة]

وعليكم السلام
ربي يوفقك اختي
حاولي تديري حدود بيناتكم الشي لي من المفروض يندار من الاول
حتى يوصل العرس

 

[راضية حامدة]

الحمد لله

نظن انك زعفت من كلامي
و لو اني ما تمنيت الا يكون الخير
و كلامي ليك كان كاخت كبيرة عليك ليك انت و لكل الفتيات
و انت وش كنت تستناي مني نقولك
نقولك ايه ماعليش درتي حاجة هايلة و هذا من حقك ووووو
و انا من موضوعك الاول فهمت بلي مازالت عذراء لكن رغم هكا بزاف بنات رغم عذريتهم يحملو يا اختي
انت راكي صغيرة و امور جميلة بزاف راهي تستنا فيك
مش حاباتك تضيعيهم فقط

لا
هذه اصبحت ظاهرة و كاين بزاف شباب و شابات لمجرد الخطبة فقط او انه تكلم مع اهلها يسمحو لنفسهم ببزاف امور

ما تزعفيش مني حبيبتي
من البارح و انا نفكر فيك و ندعي ربي يفرج عليك و ما تكونيش حامل
و انت تردي عليا هكا؟ هههههه
ما تديري والو في بالك
ياك يقولك خوذ راي لي يبكيك و ما تاخذش راي لي يضحكك
و انا كنت صريحة معاك و عاتبتك عتاب الاخت لاختها و وضحتلك امور ربما تغيبلك انت

الحمد لله و اتعلمي الدرس

 

[روز]

بارك في الاخت راضية حامدة على المجهود والنصائح الذهبية

ونرجو من البقية عدم التجريح والرد بالكلمة الطيبة
// تم الحذف
ويجب ان نراعي ونحترم اصحاب المشاكل ونرد بالتي هي احسن وبالطريقة التي تهدأ من روعهم وتجد الحلول
وبارك الله فيكم وجعل كل كلمة طيبة نافعة في ميزان حسناتكم

نكتفي بهذا القدر