كانو نساء بكري القليل اللي تملك القمح
كانو ياكلو الشعير وبربوشة الشعير هي الطبق تاعهم تقريبا كل ليلة
طبعا مش شرط يحضروها باللحم حتى بالحليب كانو ياكلوها وعين الله عليهم
وانا جبتلكم بربوشة الشعير بلحم الخروف من كوزينتي لثوار اللمة
اولا تحضري الكسكسي تاعك انا طبعا شريتو معنديش الدقاق تاع الشعير باه نحضرو
تغسلي الكسكس وتخليه بجنب يشيح ومن بعد ما يشيح عامليه كي تاع القمح امحصيه بشويا زيت تكوني حضرتي المرق تاعك اوداويتي البرمة من بصل ثوم ملح وفلفل اسود مع طماطم حب واللحم طبعا تقليهم مع بعض على نار هادية وبعدما تمرقي ويغلي المرق فوري البربوشة تاعك وعاوديها بالماء وقليل من الملح وخليها تتشرب في ماها ومن بعد عاوديلها التفوار ونحيها وطيريلها لوفار بقليل من الدهان والا معندكش ديري الزبدة كاين اللي ميحبوش ريحة الدهان الحار
ومن بعد ارجعي للمرقة نحي اللحم بعدما يطيب وصفي المرقة اذا كانو فيها عظام طبعا لحم الخروف مايخلاش الامر من مثل هذا
ثم لوحي الخضرة تاعك واش عندك والفلفل الحار وخليهم يطيبو وبعدما ادوزني المرق تاعك واطفي النار تكوني محضرا لحليب اكسري بيه هداك ليدام تاع اللحم
يعني كي تلوحي لحليب للمرق مش را تجيك البربوشة ثقيلة
وهاهم الصور بالارفاق لانو مركز التحميل اللي معتادا عليها اتحذف من عندي
كانو ياكلو الشعير وبربوشة الشعير هي الطبق تاعهم تقريبا كل ليلة
طبعا مش شرط يحضروها باللحم حتى بالحليب كانو ياكلوها وعين الله عليهم
وانا جبتلكم بربوشة الشعير بلحم الخروف من كوزينتي لثوار اللمة
اولا تحضري الكسكسي تاعك انا طبعا شريتو معنديش الدقاق تاع الشعير باه نحضرو
تغسلي الكسكس وتخليه بجنب يشيح ومن بعد ما يشيح عامليه كي تاع القمح امحصيه بشويا زيت تكوني حضرتي المرق تاعك اوداويتي البرمة من بصل ثوم ملح وفلفل اسود مع طماطم حب واللحم طبعا تقليهم مع بعض على نار هادية وبعدما تمرقي ويغلي المرق فوري البربوشة تاعك وعاوديها بالماء وقليل من الملح وخليها تتشرب في ماها ومن بعد عاوديلها التفوار ونحيها وطيريلها لوفار بقليل من الدهان والا معندكش ديري الزبدة كاين اللي ميحبوش ريحة الدهان الحار
ومن بعد ارجعي للمرقة نحي اللحم بعدما يطيب وصفي المرقة اذا كانو فيها عظام طبعا لحم الخروف مايخلاش الامر من مثل هذا
ثم لوحي الخضرة تاعك واش عندك والفلفل الحار وخليهم يطيبو وبعدما ادوزني المرق تاعك واطفي النار تكوني محضرا لحليب اكسري بيه هداك ليدام تاع اللحم
يعني كي تلوحي لحليب للمرق مش را تجيك البربوشة ثقيلة
وهاهم الصور بالارفاق لانو مركز التحميل اللي معتادا عليها اتحذف من عندي
المرفقات
آخر تعديل بواسطة المشرف:
