اهلين بكل حبايبي زوار و رواد منتدى اطفال الجزائر .
ميخفاكمش انو الام مسكينة تعاني مع فقدان شهية ابناءها في الاكل و الاسباب تتعدد ربما مرضية . أو أن الطفل ميستسيغش الطعم أو ممكن ميجذبوش الشكل تاع الطبق و كيفية التقديم .
في صفحتي هذي الموجهة لكل الامهات و لي حبيت نتشاركو فيها ببعض الوصفات لي يحبها الصغار مع طرق مميزة لتقديمها سواء منقولة من الانترنت أو حتي أنتم خدمتوها ونالت إعجاب أبناءكم ياريت تفيدو بيها باقي الامهات لي عجزو ورفعو الراية البيضاء في حرب البسوس مع ابنائهم مع الاكل تاعهم .
راح يكون الموضوع مفتوح على طول منكم و إليكم يعني الكل مدعو أنو يحط وصفات أو ديكورات لوصفات للاطفال من أطعمة و حلويات و مثلجات و عصائر .....الخ باش نحبوهم في الاكل و تاكدو أنكم راح تفيدو الكثيرات و أنا واحدة منهم راح استفيد من كل وصفاتكم .
ياريت يكون فيه تفاعل منكم ،انتظر وصفاتكم بفارغ الصبر . وراح اشارك كل ما لقيت وصفة .
يفرك البسكويت مع الزبدة و يفرش في الصينية ويدخل الفرن لمدة 5 دقايق .
يذوب الجيلي الفراولة بنصف كوب ماء حار ومن ثم نصف كوب ماء بارد يخلط بالخلاط 3 حبات جبنة كيري مع فنجانين سكر مع جيلي الفراولة ثم يصب على البسكويت ويترك ليبرد ويتماسك بالثلاجة ونفس العملية بالنسبة لجيلي البرتقال والليمون .
تقطعيها الى اشكال كيما تحبي و قدميها لاطفالك و شهية طيبة :thumb_up02:
منقول
هذي فكرة سويت للتغيير بحيث انت تقطعي النقانق الى مورصوات و دخلي في كل مورصو كمية من عيدان السباغيتي و هي جافة قبل ما طيبيها
ثم ضعيها في قدر مليء بالماء و الملح و خليه حتى يسخن مليح ثم ارمي السباغيتي بالنقانق و خليه يطيب حتى ينضجو .
تقدري تقدميه هاك بلا اضافات لان النقانق طلقو بنتهم في السباغيتي .
تحضري صدر دجاج طايب و مفتت مليح
حبة بصل صغيرة مفرومة مليح
خبز يابس مرحي
بيضة
ملح و فلفل اسود
التحضير:
تخلطي المكونات مع بعض و اعجني مليح
اخدمي اشكال كرات او اصابع او اي شكل ابدعي فقط ههه صغريهم شوية قد لقمة اطفالك .
خليهم يرتاحو في الثلاجة باه ميتحلوش اثناء القلي نصف ساعة تقريبا.
اجبديهم و اقليهم حتى يحمارو .
قدميهم كيما تحبي تقدري تغرزي فيهم لي كيغدون في كل حبة باه ياكلها لقمة واحدة.
تقدري تقدميها مع اي صلصة تغميس مايوناز ، كاتشب،....واش يحبو اطفالك
تقدري ايضا تقدميهم مع اي نوع سلطة و بطاطا شيبسي تخدميها في المنزل.و صحتين حبايبي .
اصنعي صاندويشات و حاولي دخلي فيها خضار كالطماطم و قطع زيتون او اي خضار مطبوخة و مهروسة و اطلي بها الخبز باش تخفيها على الاطفال يعني تحايلي و ابدعي في تقديمها و رافقيها مع اي صلصة تغميس .