كـرسـي التعآرف { الضيـف الثآمن عشر } melek2020

[الباندي]

رد: كـرسـي التعآرف { الضيـف الثآمن عشر } melek2020

انت قريت هندسة ميكانيكية و انا تخرجت ميكانيك ..وانا محبيتش نكمل و كرهت القراية كيفك ..رانا في الهوا سوا مي انت طباخ ماهر ماشاء الله و ربي يبعد عليك العين ... و انا حبة بيض تبحرهالي نورمال .....

هل انت من هواة السياقة الجنونية ..؟

تقباح و لا عاقل ..؟

قراراتك تديها بتعقل ولا كيما جات جات ؟

واش رايك في الباندي ..هههه ؟

تبان ملتزم ماشاء الله ربي يثبتك ....و يبعدك عليك الفتن ماظهر منها و ما بطن ..

ندير دورة عندك من بعد ان شاء الله

 

[samisa]

رد: كـرسـي التعآرف { الضيـف الثآمن عشر } melek2020

سلام عليكم
شكرا لك اخي عبد المالك
دعواتك افرحتني
ولك بالمثل اخي
ودوك زدت رجعتلك بشوية اسئلة
ههههههههههههههه نتمنى منقلقكش بزاف

​

 

[samisa]

رد: كـرسـي التعآرف { الضيـف الثآمن عشر } melek2020

-هل أنت من الأشخاص الذين يفضلون كثرة العزائم بالمطاعمـ ؟
-ماذا تحب عادةً أن تتطلب عندما يُترك لك الأختيار في طلب العشاء ؟؟

- هل مازلت الي الأن تسعي في الوصول الي حلمك أم انه قد تحقق ؟؟
-ممكن تحكيلنا اطرف موقف حصل معك
-هل لك قوانين وأنت على سفرة الطعام كأن تبدأ بشيء معين وتنتهي بشيْ معين آخر ؟؟

 

[samisa]

رد: كـرسـي التعآرف { الضيـف الثآمن عشر } melek2020

بما انك طباخ فحبيت نحطلك هاد الاسئلة ههه
-هل هناك طبق اساسي لأبد ان يوجد في وجبة طعامك ؟؟
-ماهي اكتر الاطباق التي قمت بتحضيرها بنفسك ؟
- أأنت من الناس التي لابد ان تتحدث على طاولة الطعام ؟؟
-تهتم بِ أمر التَجمع على مائدة الطعام ؟؟
-هل تهتم بِ امرالتحلية بعد الطعام ؟ وماهي افضل انواع الحلويات لديك ؟؟
- ما يشد دائما انتباهك جودة الطعام المقٌدم أم شكل المكان المدعو إلـيه ؟؟

 

[samisa]

رد: كـرسـي التعآرف { الضيـف الثآمن عشر } melek2020

-ما سر اسم عضويتك
-شخصيتك
-مزاجك
-قدوتك في الحياة
-الأمور التي تزعجك؟
-الامور التي تروق لك؟

 

[samisa]

رد: كـرسـي التعآرف { الضيـف الثآمن عشر } melek2020

-هل تمارس الرياضة ؟ أي نوع من الرياضة تفضل ؟
-هل للرياضة تاثير على صحة الإنسان ؟
-هل تحب الموسيقى ؟ أي نوع من الموسيقى تفضل ؟
-هل تحب الأفلام أم المسلسلات ؟

 

[Amine7N]

رد: كـرسـي التعآرف { الضيـف الثآمن عشر } melek2020

السلام عليكم
راهي الحالة ناشطة في الكرسي
ماعندي حتى سؤال أخي مالك
خاطرش الأعضاء راهم تهلاو فيك
إن شاء الله سيتخموك بالأسئلة
الله يدوم هناءك خويا
​

 

[Skor m@k]

رد: كـرسـي التعآرف { الضيـف الثآمن عشر } melek2020

عودة من جديد
أهلا بيك وبجديدك
يا خويا عجبني الحال ههههههههه
حتى أنا عجبوني الأسئلة تامعك
لازم تصبر خاطرش راني نصمط شـوي
في خاطركم راني صابر هههه :d

- بما انك كيفي تشجع الريال نسقسيك من هو اللاعب الي تحبه في الريال ؟
نبغي اسكو أو نكره بن زيمة
- ما رايك بما قدمته الريال هذه المرة بعد السقوطات التي نالتها هههه ؟
لاعبين وفريق بحجم الريال حجا gراف ميدو والو
- شكون لقريب ليك اكثر يماك ولا باباك ؟
يما لي قريبا ليا
- هل انت خال ام عم ؟ ولا حتى وحدة ؟
ولا حتى وحدة ..... انسان برك ههه :thumb_up02:
- هل تفضل ان تكون خال ام عم ؟
أفضل خال
- مالك طباخ ماهر ولا غير ما بدا يتعلم ؟
هذا وين بديت نتعلم
- واش هو الشيء لي خلاك تسجل في اللمة ؟
نهار سجلت كنت نحوس على وحد الحاجا قالولي لازم تسجل باش تشوفها
ممبعد سجلت
- و كيفاش شفتها و انت احد اولادها الان ؟
أروع مما كنت أظن
- ماهو تقيمك لموضوع كرسي التعآرف ؟
والله غير رائع تتعرف على أصدقاء بزاف وتشوف بزاف عقليات
- هل انت مرتاح معنآ ؟
بالطبع سورتو مع الحلوى و القهوى ليحطتهوملي الأخت samisa


--- اصبر -- اصبر - شوي ههههه نسيت سؤالي المفضل
واش تعرف على عآشقة الجنة ؟
طفلة عاقلا أو باينا بنت فميليا :up: :s







لـــــــــــــــي عودة​

بارك الله لك أختي
راني هنا منا منتحركش ههه
ربي يخليك لوالديك ان شاء الله ​

 

[Skor m@k]

رد: كـرسـي التعآرف { الضيـف الثآمن عشر } melek2020

السلام عليكم
وعليكم السلام
أهلا بالأخ الكريم في كرسي التعارف
وبك أهلا أختي
كي كنت نقرا في اعترافاتك شي لي لفت انتباهي هو تركك لدراسة
سؤالي هو
شي مرة ندمت على ترك الدراسة
ندمت مرة كنت كل منعيط لصحابي نلقاهم يقراو في الجامعة قلت لكان غير محبستش
ممبعد جازني الحال ههه
القرار لي ديتو واش كان رأي الوالدين فيه
أنا قبل الباك هدرت مع يما قلتلها منقراش حتى حجا أبار مهندس ولا أعلام آلي
ممبعد قلتلي معليش جيب الباك أو دبر راسك
عندك نزعة أدببية
والله غير والو الأدب هو لي نكرهو كامل هههه
وادا واه قولنا أكثر قصائد لي تعجبك وتقراها واسم الشاعر لي تقرالو
وقيلا الشعر الجاهلي هههه:p
معنداك نحب الشعر تاع الامام الشافعي رحمه الله
عودة لمجال الدراسة بما انو كنت باغي هندسة معمارية علاه ما عودتش لباك ودرتها
لكان عودتلو مشكيتش نجيبو أصلا كي قريت شويا فالجامعة مخي ولا روطار ههه كرت لقرايا
بالتوفيق
​

شكرا لك أختي على هذه الاطلالة
وفقك الله في حياتك
أدام الله أيامك بالخير والمحبة ​

 

[Skor m@k]

رد: كـرسـي التعآرف { الضيـف الثآمن عشر } melek2020

انت قريت هندسة ميكانيكية و انا تخرجت ميكانيك ..وانا محبيتش نكمل و كرهت القراية كيفك ..رانا في الهوا سوا مي انت طباخ ماهر ماشاء الله و ربي يبعد عليك العين ... و انا حبة بيض تبحرهالي نورمال .....
شكرا خويا الباندي حتى خويا تخرج مكانيك ملقا خدما موالو حتى هو راهو كاره
هل انت من هواة السياقة الجنونية ..؟
البيرمي معنديش عجزت نجوزو :d
بصح عندي موتو منذاك نجهل بيها هههه
تقباح و لا عاقل ..؟
أو عاقل كثرمن اللازم
قراراتك تديها بتعقل ولا كيما جات جات ؟
كل مرا كيفاه على حساب المورال

واش رايك في الباندي ..هههه ؟
عبد هايل شفت هنا في اللمة كامل يبغوك :thumb_up02::thumb_up02:
تبان ملتزم ماشاء الله ربي يثبتك ....و يبعدك عليك الفتن ماظهر منها و ما بطن ..
ماشي لهذيك الدرجة ههه
والفت ندور مع الاخوة

ندير دورة عندك من بعد ان شاء الله

دور كاش ما تلقى هههه
بارك الله لك خويا الباندي باين نتى ناس ملاح :thumb_up02:
راني نستنى فيك ​

 

[Skor m@k]

رد: كـرسـي التعآرف { الضيـف الثآمن عشر } melek2020

سلام عليكم
شكرا لك اخي عبد المالك
دعواتك افرحتني
ولك بالمثل اخي
ودوك زدت رجعتلك بشوية اسئلة
ههههههههههههههه نتمنى منقلقكش بزاف

​

شكرا أختي فضلك سبق
معليش راني واجد غير اسئلي​

 

[Oussama.GF]

رد: كـرسـي التعآرف { الضيـف الثآمن عشر } melek2020

مبروووك عليك اخي مالك
سوال وش هو اسم حقيقي ؟
انت كملت لقراي ؟

 

[الامين محمد]

رد: كـرسـي التعآرف { الضيـف الثآمن عشر } melek2020

أخي و حبيبي مالك راني جيت
وجدلي أتاي و شامية
ههههههههههه
حبيبي مالك قرأت اجاباتك الشي اللي فهمته أنك تمل بسرعة
هل أنا محق ادا نعم
خبرني ليش تمل و تكره بسرعة
حبيبي مالك طريقتك لحفظ القرآن بالثمن ام بالربع هل باللوحة ام المصحف
ما هي أخطر تجربة عشتها
ما هي أسعد تجربة عشتها
ما هي أفشل تجربة عشتها
من تكره
علاقتك بالقهوة
علاقتك بالمقاهي
علاقتك بالملعب
علاقتك بالشارع
علاقتك بالمسجد

لي عودة بحول الله
نخلي المكان للمشاغبين ههههههههه
و الله نحب شغبهم
​

 

[red rose]

رد: كـرسـي التعآرف { الضيـف الثآمن عشر } melek2020

اهلا بك فكرسي التعااارف
درك مكاش اسئلة بصح لي عودة خخخ

 

[أم منيــــــر]

رد: كـرسـي التعآرف { الضيـف الثآمن عشر } melek2020

السلآم عليكم
اهلا بيك ابني مالك
راني نشوف الجماعة راهم متهليين فيك الله يبارك يعطيهم الصحة
انا راني مشغولة ليام هادو بالضياف
المهم جلسة ممتعة ان شا الله
جمعة مباركة
دمتم
​

 

[Skor m@k]

رد: كـرسـي التعآرف { الضيـف الثآمن عشر } melek2020

بواسطة samisa

-هل أنت من الأشخاص الذين يفضلون كثرة العزائم بالمطاعمـ ؟
واله غير منبغيهمش كاملين جيني ثقيلة الماكلة في المطاعم نحبها في البيت
-ماذا تحب عادةً أن تتطلب عندما يُترك لك الأختيار في طلب العشاء ؟؟
أنا عادة منخيرش ناكل كلش

- هل مازلت الي الأن تسعي في الوصول الي حلمك أم انه قد تحقق ؟؟
مزال متحقق حتى حلم رنا نستناو ههه
-ممكن تحكيلنا اطرف موقف حصل معك
مرة كنت رايح بالموطو مع واحد صاحبي أخينا لوحد المسجد نسمعو الدرس
في الطريق جازت علينا كار طرشتنا بالما موسخ هذاك النهار تمرمدنا
هكذاك أو رحنا للمسجد
والله كل منتفكرها نموت بالضحك
-هل لك قوانين وأنت على سفرة الطعام كأن تبدأ بشيء معين وتنتهي بشيْ معين آخر ؟؟
أنا كيما ليزالجيريا نكل برك نخلط كلش ني قانون ني والو ​

شكرا لك أختي
أسعد الله أيامك​

 

[Skor m@k]

رد: كـرسـي التعآرف { الضيـف الثآمن عشر } melek2020

بواسطةsamisa

بما انك طباخ فحبيت نحطلك هاد الاسئلة ههه
-هل هناك طبق اساسي لأبد ان يوجد في وجبة طعامك ؟؟
لا يوجد طبق أساسي ناكل واش كاين منشرطش
-ماهي اكتر الاطباق التي قمت بتحضيرها بنفسك ؟
عدت نطيب بزاف ماسيدوان في المنزل كي متكونش يما خوتي يبغوه بزاف
- أأنت من الناس التي لابد ان تتحدث على طاولة الطعام ؟؟
نتكلم شوية بزاف سورتو مع العائلة الكبيرة
-تهتم بِ أمر التَجمع على مائدة الطعام ؟؟
على حساب الوقت
-هل تهتم بِ امرالتحلية بعد الطعام ؟ وماهي افضل انواع الحلويات لديك ؟؟
قليل ماشي بزاف نبغي قرعة كوكا مور الماكلا
الحلويات لي نبغيهم هو التشاراك
- ما يشد دائما انتباهك جودة الطعام المقٌدم أم شكل المكان المدعو إلـيه ؟؟
جودة الطعام ميهمنيش المكان لبغا في براكة
كل واحد أو حالو مع البيت أو المكان الي عرضك فيه ​

راهم بداو الأسئلة يحلاو
منين راكي جيبيهم
مكنتش كامل نتوقعهم هههه
:regards01::regards01:​

 

[Hakan]

رد: كـرسـي التعآرف { الضيـف الثآمن عشر } melek2020

السلام عليكم اخي مالك :
هل اعجبت بفتاة ؟وهل كتبت من اجل فتاة ؟
هل يمكن ان تعشق في هذا العالم الافتراضي؟ وهل يمكن ان تتزوج عن طريق النت ؟
وفي الاخير اشرحلي توقيعك ان امكن .[الهم اغفرلي ولوالدي ولأم منير و اخوتي وكل المسلمين ]
سلاام نلتقي من بعد ..
​

 

[Malika Tlm]

رد: كـرسـي التعآرف { الضيـف الثآمن عشر } melek2020

السلام عليكم اخي مالك

اخي مالك راني رجعتلك باسئله شابين وخفاف

هل مالك من الناس لي يصومو شعان ؟

واش هو البيت الشعري لي ياتر فيك ؟

مالك واحد غبنته ومزال باقي فخاطرك لحد الان ؟

نت من الناس لي يفوتو نهارهم رقاد في رمضان ؟

كلمة قالوهالك و مزال ماترة عليك وكي تتفكرها تتالم ؟

نتمني منكونش طولت عليك خويا

ربي يعينك و يوفقك ​

 

[الباندي]

رد: كـرسـي التعآرف { الضيـف الثآمن عشر } melek2020

السلام عليكم اخي مالك :
هل اعجبت بفتاة ؟وهل كتبت من اجل فتاة ؟
هل يمكن ان تعشق في هذا العالم الافتراضي؟ وهل يمكن ان تتزوج عن طريق النت ؟
وفي الاخير اشرحلي توقيعك ان امكن .[الهم اغفرلي ولوالدي ولأم منير و اخوتي وكل المسلمين ]
سلاام نلتقي من بعد ..
​

واش بيك انت داخلها عشقت ماعشقت ...:d:d:d

اونكات هاذي عند لاPوليس ... :d:d:d

اخطاك من الاسئلة تاعو ..راهو يلغمهم بزاف هههههه