قولي ولا قوليلي كي تكون(ي) مقلقة وزعفانة وين دير(ي) زعافك~

[~خفة روح~]

السلااااااااام عليكم ناس اللمة الزعااااااااااااااف والقلق دايرين فينا وهي في الاصل حالة نفسية صعيييييييييييبة بالبزاف مهم نحكي على روحي شوي كيما تعرفو انا رغم اني نضحك ............ بصح نهار نزعف دمعتي عند عيني ومنقدرش نخلي روحي في هذيك الحالة لازمني نخرجها في حاجة عندي صوالح بالاك مختلفة عليكم نخرج فيهم زعافي
في فصل الشتاء او الخريف:نهار تكون تصب الشتااااااا نهار نمشي تحتها ونتشمخ نحش هذيك الشحنة تروووووووووووح ولو بعدها نمرض -_*

اما الصيف او الربيع :فهي اغرب انا ندير زعافي في لعبة من صغري نحبها وجامي نكرها الجعلولة

اما اذا متوفروش لي ذكرتهم

فلدي موهبة لا تخرج الا عندما انزعج وهي الرسم

انا ارسم اشياء تعبر عن حالتي

اسئلة الموضوع:
* وين دير زعافك؟
** علق بصراحة عن الموضوع؟
***كيف ترى الاشياء التي تخرج فيها سلمى انجعاجها ؟
​

 

[السلطانة]

رد: قولي ولا قوليلي كي تكون(ي) مقلقة وزعفانة وين دير(ي) زعافك~

وعليكم السلام تم الاعتماد

ينقل لواش لمنتدى هنا فرغ واش قلبك

لأنه لايناسب منتدى واش راك تهدر

 

[red rose]

رد: قولي ولا قوليلي كي تكون(ي) مقلقة وزعفانة وين دير(ي) زعافك~

* وين دير زعافك؟
انا في الحقيقة بآردة الاعصاااب الحجرة تنطق و منتقلقش
لدرجة نخرج من عقلي
** علق بصراحة عن الموضوع؟
كل مرة خرجة جديدة هههه

***كيف ترى الاشياء التي تخرج فيها سلمى انجعاجها ؟

اكسترا اوردينار ههههههد


سلااام​

 

[خديجة 24]

رد: قولي ولا قوليلي كي تكون(ي) مقلقة وزعفانة وين دير(ي) زعافك~

ana nekharedj ze3afi f l couzina
ne93od netayeb b wach kayen f dar
ne9dhi 3la kolech

 

[ARCHICAD2016]

رد: قولي ولا قوليلي كي تكون(ي) مقلقة وزعفانة وين دير(ي) زعافك~

بارك الله فيك اختي الكريمة مساهمة رائعة

انا اذا زعفت ناكل بزاف ناكل كاش عفسة حلوة مرطبات ونشرب 6 فنجين قهوة
ونسمع سورة البقرة ... اشعر براحة

 

[touta04]

رد: قولي ولا قوليلي كي تكون(ي) مقلقة وزعفانة وين دير(ي) زعافك~

* وين دير زعافك؟

انا من نوع الي كي يزعف يحمل القلم و نكتب

** علق بصراحة عن الموضوع؟

هايل و افكار اكبر من عمرك :p:p:p:p

بوركتي


***كيف ترى الاشياء التي تخرج فيها سلمى انجعاجها ؟

افكار نيرة مليئة بالتمهبيل الي نحبوا هههه :d:d

 

[*زهراء*]

رد: قولي ولا قوليلي كي تكون(ي) مقلقة وزعفانة وين دير(ي) زعافك~

وين ادير زعلفك؟

في البكاء :cray02::cray02::cray02:

رأيك في الموضوع؟

يهبببل كيف مولاته هههه :thumb_up02::thumb_up02:

و أفعالك كي تزعفي سلمى مليحه وفيها فايده ليك :up::up:​

 

[بنقابي افتخر]

رد: قولي ولا قوليلي كي تكون(ي) مقلقة وزعفانة وين دير(ي) زعافك~

زعافي نحطو اسمعو مليح
الكوزينة~القش تصيبيني نبدل ونعاود ~ الديكور نتاه الدار
لدرجة راجلي كي يدخل يقولي التفي راه مبدل ماكان والو .. .
المكياج نطلس ونعاود ~ظفاري مايبقوش ناكلهم
الماكلة نادرا ما هكدا والا رتحت خطراتش فالصراخ
....ولوكان نصيب سلمى دارا موضوع ندخل ونفش زعافي فيييه .....

الموضوع
شيق ومرح كي مولاتو خفيف
افكارك روعة بوركتي حبيبتي ومزيد من التألق
مزيا ما درتيش متطوع ولا منطوعة. والا حصلت هههههه

 

[*فاطمة الزهرة*]

رد: قولي ولا قوليلي كي تكون(ي) مقلقة وزعفانة وين دير(ي) زعافك~

سلام خواتاتي ،

كنت كي نزعف نكسر كاش حاجة نرتاج بسرعة ويروح عيا الزعاف ، مي مخرجتش عيلا راني مكسرة 5 تيليفونات والطباسا و الفناجل بلى حساب

و درك راني كي نزعف نستغفر. و نعمل دوووووش

راي في الموضوع: عجبني بزاف ، الله يحفظك ، وننتظرو منك كل جديد و مسلي

الأشياء لي تخرجي فيها زعافك راقيين مثلكي


تقبلي تحياتي

 

[~خفة روح~]

رد: قولي ولا قوليلي كي تكون(ي) مقلقة وزعفانة وين دير(ي) زعافك~

متخيتش يكو كاين تفاعل كامل هك
نورتووووووووووووووو
شكرا لكل من زار صفحتي تقبلو تحياتي​

 

[houssiiine]

رد: قولي ولا قوليلي كي تكون(ي) مقلقة وزعفانة وين دير(ي) زعافك~

* وين دير زعافك؟
نديرو في قلبي و نكتبو فاللمة و لا نشوف فالقمر
اما فالنهار نكون دايما نضحك و فرحان منحبش نبين زعافي
** علق بصراحة عن الموضوع؟
موضوع رائع
***كيف ترى الاشياء التي تخرج فيها سلمى انجعاجها ؟
جميلة جدا لاصحاب العقول الراقية

 

[~خفة روح~]

رد: قولي ولا قوليلي كي تكون(ي) مقلقة وزعفانة وين دير(ي) زعافك~

شكراااااا حسين نورت

انا للاسف قد نكتم في قلبي​

 

[علياء الجلفاوية]

رد: قولي ولا قوليلي كي تكون(ي) مقلقة وزعفانة وين دير(ي) زعافك~

السلام عليكم و رحمة الله و بركاته
مشكورة على الموضوع سؤال في محله
اممم انا بالنسبة ليا اذا كنت زعفانة شوي نشد و رقة و ستيلو و نبدا نكتب حتان نهدى بصح يبعد عليكم كي نعاود نقرا الورقة من باعد نلقا روحي كاتبة اسرار دولة ،،،،، ( : ♥♡

 

[~خفة روح~]

رد: قولي ولا قوليلي كي تكون(ي) مقلقة وزعفانة وين دير(ي) زعافك~

انا نرسم وانت تكتبي رائع