مآعليش تدخلوا؟؟ الي نجحوا فالبآك..

الحالة
مغلق ولا يسمح بالمزيد من الردود.
رد: مآعليش تدخلوا؟؟ الي نجحوا فالبآك..

معليش اختي ان شاءلله تجيبيه لعام الجاي وخليكي متفائلة ومتفقديش الأمل
واجتهدي العام القادم ان شاءلله
 
رد: مآعليش تدخلوا؟؟ الي نجحوا فالبآك..

قال ساندريلا زماني:
وعليكم السلام
أحييك اختي بيلا
على شجاعتك وقدرة طرحك للموضوع بالرغم من صعوبة الموقف الا انك وقفتي وهنئتي الناس لي نجحت واعترفتي بلي غلطتي
عادي جدا حبيبتي تعاوديه وبربي ان شاء لله تجيبيه

المهم الصحة والعافية

كاين ناس توفات ومافرحتش بالنجاح تاعها قبيل شفت طفل جاب 12.05
الله يرحمو توفى قبل مايشوف النتائج

وكاين لي توفات امو وبوه ونجح بصح مقدرش يفرح لأنو فقد أعز مايملك

الحمد لله على كل حال

الانسان بالرغم من كلش لازم يحمد ربي منعرفوش الخير وين
إضغط للتوسيع...


+1
نفس الكلام اختي ساندي
 
رد: مآعليش تدخلوا؟؟ الي نجحوا فالبآك..

يا ختي ما تزعفيش الاغلبية ما جابوش
انت ما جبتيش الباك أنا ما جبتش البيام و ما زعفتش
صح شفت أهلي زعفانين و لكن و عدتهم نجيب العام الجاي
و جبت و طلعت المرتبة الثانية في مدرستي
أنا غيرت المدرسة تعرفت على ناس جدد
و جبت نتائج ممتازة و فرحت أهلي أنت تاني
ديري كيفي و توكلي على ربي ما كانش الي ما يغلطش
إعذروني على التطفل مانيش فالباك لكن لما شفت الموضوع
تاع أختي توينكل ستار قلت لازم ندخل
 
رد: مآعليش تدخلوا؟؟ الي نجحوا فالبآك..

اختي متعرفيش واش ربي صرف عليك ...لعه خير ليك
الدنيا متحبسش على الباك ...صدقيني و اعلابالي حرقة الباك صعيبة و يحس بيها غي اللي فات عليها
ربي مافيه غي الخير ..الوقت راه يجري و منا للعام جاي تجيبه ان شاء الله باذن الرحمان و تفرحي والديك و صحاباتك و خاوتك هنا في اللمة
لعله خير لعله خير ان شاء الله
 
houssiiine، تم حظره "حظر دائم". السبب: مخالفة القوانين
رد: مآعليش تدخلوا؟؟ الي نجحوا فالبآك..

اختي الباك ماهوش العالم كامل حتا انا خويا ماجابوش و عادي
عقبال العام الجاي
 
رد: مآعليش تدخلوا؟؟ الي نجحوا فالبآك..

سلاموا
مبروووك لطلبة بكلوريا نجاح ولعقوبة للتخرج من جامعة
ولي منجحوش عام قادم نجاح بأذن الله
 
رد: مآعليش تدخلوا؟؟ الي نجحوا فالبآك..

عبير شوفي شحال يبغوك. ناس.
والله حترت عليك وسقسيت عليك .. مي ماعليش قدر الله وما شاء فعل
انشاء الله تعوضي امك العام الجاي وسلميلي على يماك بزاف بزاف
 
رد: مآعليش تدخلوا؟؟ الي نجحوا فالبآك..

عبير أيتها الغالية
كل شيء من الله في من الخير مانعجز عن ادراكه
ثقي بالله واعتبريها تجربة فاشلة واجعليه اساسا لطريق التفوق
العام المقبل ان شاء الله بانتظار فرحتك على أحر من الجمر
أحييكِ يا عزيزتي
وكل دمعة تأتي ببسمة
الزمن كفيل بهذا
ولكن شدِّ أزرك وكوني على قدر المسؤولية
أرفع لكِ القبعة​
 
رد: مآعليش تدخلوا؟؟ الي نجحوا فالبآك..

السلام عليكم و رحمة الله تعالى و بركاته
يا غاليتي مادا اقول لكي ؟
والله قلبي يتقطع عليكي و على اختي ايضا لكن ما باليد حيلة
قدر الله و ماشاء فعل
و هؤولاء اللي جابوه ماشي بيدهم اكيد تعبوا و كل شيء لكن لو ما كتبلهمش ربي يجيبوه و الله مايجيبوه حتى و لو كان حافظين كل شيء و يعرفو كل شيء
كل شيء بيد الله ، و انتي تعلمين ان الله لا يعطي عباده الا ما يراه خيرا لهم
لدا لا تقولي ما قريتش ولا ادري مادا ، قدر الله و ماشاء فعل غاليتي
عسى ان تكرهوا شيءا و هو خير لكم و عسى ان تحبوا شيءا و هو شر لكم
تعلمي و قومي بما عليكي و قولي باذن الله سانجح العام المقبل ، توكلي على الخالق و ابداي غاليتي ليست نهاية العالم
والله انا نهار ما جبتوش عشيت نضحك و نغني عادي جدا حتى حطوني هبلت من الخلعة
لكن لا فهدا قضاء ربي و لا توجد خلعة ولا شيء
لدا غاليتي لا تبقي هكدا ارجوكي من اجل امكي اولا و من اجل كل احبابكي ثانيا
ان امكي حين بكت ، بكت عليكي انتي على مستقبلكي انتي لانها ام و لم تبكي لتشعركي بالذنب غاليتي
لدا كفي عن هدا و قفي من جديد و باذن الله لن يكون الا الخير
تحياتي القلبية و حبي غاليتي
ارجوكي كوني قوية و كوني كما عهدتكي دائما ، حامدة شاكرة على ما قدر الله
في امان الله و حفظه
سلام الله عليكم
​
 
رد: مآعليش تدخلوا؟؟ الي نجحوا فالبآك..

شوفي حبيبتي الدنياا هاذي مقدرة و مكتوب
و مش نهاية العالم انك مديتيش
انا كيفك مديتش عامي الاول
مي اليوم راني وصلت لطموحي لي كنت نتمناه من الصغر يعني
حققت لي كنت حاباتو جبت الباك و رحت للجامعة و راني نخدم خدمتي لي نحبهاا
العام الجاي ان شاء الله
ابدايه بصرامة و انش اء الله الفرحة تجيك و تنسيك هاذ العام
تحياتي
​
 
رد: مآعليش تدخلوا؟؟ الي نجحوا فالبآك..

سلام عليكم اختي عبير معليش اختي ماشي نهاية الدنيا

صح حاجة صعيبة وقاسية مي ان شاء الله فيها خير

وماتفقديش الامل العام الجاي ان شاء الله ربي يسرلك وتنجحي ان شاء الله

بالتوفيق لك
 
رد: مآعليش تدخلوا؟؟ الي نجحوا فالبآك..

السلااام عليكم
يااختي عبير
ابكي وابكي وابكي
حتى تخرجي الدمار اللي راهو في قلبك
وجامي تخليها في قلبك
ومن بعد شوفي في المرايا وشوفي اسكو راكي بخير رايحة تلقاي روحك مازالك وااقفة
انعم مادام عبير مازالها على قيد الحياة فما زال الخير وربي يعوضلك ان شااء الله
لا للياس
واش الفايدة كي تجيبي الباكالوريا ب10 ومن بعد تتمرمدي في الجامعة

الوالدين يفرحو بيك نهار الباكالوريا لكن ما ضنيتش رايحين يفرحو نهار يشوفوك في الجامعة بمستوى هابط تقراي وكي شغل ما تقراايش
الوالدين نتاوعك يفرحو بيك نهار يشوفوك بنيتي الاساس نتاع المستقبل نتااعك بتخصص مليح والتخصص المليح يجي مع معدل مليح دونك العام الجااي تحلاي بالشجااعة
وجيبي المعدل المليح
وصدقيني اللمة ما عندها حتى علااقة المشكل مشكل تسويف وفقط واغلب اللي ما جابوش الباك خدعهم التسويف
يااختي ادخلي للمة وزورينا وتجيبي الباك نتاعك بالمعدل اللي تبغيه سلااام وقلوبنا راهي معاك خيتي...​
 
رد: مآعليش تدخلوا؟؟ الي نجحوا فالبآك..

عسى ان تكرهوا شى وهو خير لكم ماتعمرى راسك مالوا
ذوك تلقائ العم الدراسى دخل رانى متاكدة بلى تزيرى روحك وجبيه بمعدل مليح تفرحى وتفرحى اهلك وتفرحينا معاك
بالتوفيق ان شاء الله
 
رد: مآعليش تدخلوا؟؟ الي نجحوا فالبآك..

معليش أختي توينكل هادا مكتوب ربي " عسى أن تكرهوآ شيئا و هو خير لكم "

ان شاء الله العام الجاي بربي تجيبيه
 
رد: مآعليش تدخلوا؟؟ الي نجحوا فالبآك..

عسى ان تكرهوا شى وهو خير لكم ​
 
رد: مآعليش تدخلوا؟؟ الي نجحوا فالبآك..

سبحان الله حاطة توقيع وماكيش منفذة و ش راهو يقول
كي تبكي وتندبي وتنوحي وتشكي ماراح يفيدك فحتى شي
+ يماك حاجة باينة رح تبكي ماشي كيعاد نتي ما فرحتيهاش
باسكو راهي تقول بنتي قرات ومانجحتش زيديلها هذا باك ماشي نهاية العالم
يعني مازالت لحياة قدامك تبرهني على قدراتك و تفرحي والديك وتفرحي خاوتك هنا
فاللمة ، اللمة راهي جسد واحد يعني كي ينضر عضو منها تنضر اللمة وحنا رانا معاك
و وراك وبربي ان شاء الله العام الجاي هاد الوقت راكي فرحانة وتشوفي دموع الفرحة ماشي دموع الحزن
ربي معاك خيتو و ماتقلقي روحك ما والو علاه لي نجح فالباك دخل للجنة و لي مانجحش دخل للنار
ما تقلق ختي روحها ما والو لحياة طويلة ومازالو عندك فرص زيري روحك والعام الجاي بربي ان شاء الله
تديري عرس هههههه :p

تحياتي​
 
رد: مآعليش تدخلوا؟؟ الي نجحوا فالبآك..

يا حبيبتي كيما هدرتلك فالرسالة هادا ما عندي ولا الجماعة راهم كفاو الهدرة ووفاو
ربي ما فه غير الخير لحبيبة ما تقنطيش من رحمتو​
 
رد: مآعليش تدخلوا؟؟ الي نجحوا فالبآك..

اختي والله متزعفي عاوديه وتعلمي من اخطاءك انا شفت واحد مسكي ن مات قبل مايشوف الفرحة تع يماه
الله يرحمو ويسع عليه
do.php
احمدي ربي
 
رد: مآعليش تدخلوا؟؟ الي نجحوا فالبآك..

السلام عليكم
اختي توينكل ماهيش نهاية العالم

انا كون جات بيدي الناس كامل ينجحو

مي هذا مكتوب ربي

ماعليش انشاء الله تنجحي لازم تكون عندك العزيمة والارادة اجتهدي فالعام الجاي انشاء الله و فرحي والديك

ماتفقديش الامل و خلي ماماك تتبسم و ديري في بالك بربي ان شاء الله تنجح يو نفرحيها

بالمناسبة حبيت نقولك عندي بنت خالتي العام اللي فات اهملت الباك نتاعها ماقراتش اصلا كانت غير تتمسخر و حاسباتو لعبة ايا جوزاتو مانجحتش

عاودت هاذ العام دارت الكوراج الله يبارك جاباتو بتقدير جيد جدا هاذ المرة كي دارت العزيمة جاباتو

كامل حرنا فيها كيفاش تحصلت على هاذ المعدل

ماعليش المهم ديري العزيمة و الارادة اقراي مليح تلقاي روحك حنونتي و تفرحي والديك

ربي بهنيك اختي و ربي معاك

:)​
 
رد: مآعليش تدخلوا؟؟ الي نجحوا فالبآك..

فَإِنَّ مَعَ الْعُسْرِ يُسْرًا (5) إِنَّ مَعَ الْعُسْرِ يُسْرًا
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top