النّسآ و قآعآت الإنتظآر

[Oussama.GF]

رد: النّسآ و قآعآت الإنتظآر

سلام عليكم
نساء قاع ميشدوش فمهم هدرة تخرج من فمهم
الله غالب نساء تاعنا صرف زايد في فمهم
وحدة تحكي لوحدة متعرفهاش تقولها راجلي منهدرش معاه في دار دايرة معاه لبgار
وحدة تحكي لوحدة تقولها انا باغية نطبق راجلي
ربي يهدي نساء تعنا

 

[همس الوُرود]

رد: النّسآ و قآعآت الإنتظآر

السلآم عليكم~

والله يعطيك الصحة أختي المبتسمة ~

كآين منو الشي الي رآكي تحكي عليه

البنآت ولآ النسآء أغلبيتهم ميقدروش يحكموا لسآنهم و يحكوا كل شيء

أنآ تآني مرة رحت يآو وحدة حكآتلنآ قصة حيآتهآ مع رآجلهآ الي مآت ووش قآللهآ قبل مآمآت ووو..

صدقيني حتى كآمل الي كنآ لتم ولينآ نبكوا متقدريش متبكيش لحكآيتهآ

هآدي مآعليش والله يعني الشي الي صرآلهآ بلآك خلآهآ تنفعل بزآف وتحكي

بصح كآين حكآيآت مستحيل يتحكآو

أصلآ مش مليح نورمآلمو أي قصة بينك وبين زوجك تبقى بينك بين زوجك ومآتحكيهآش حتى لأهلك

..أسرآر البيت تبقى أسرآر خآصة بالبيت

معلآبآليش وين حآبين يوصلوا كي يحكوا

.. ووآحد مآيرضآلك الخير من النآس أحكي ولآ أقعدي أصلآ حد مآيحس بيك ~

ربي يحفظك أختي شكرآ موضوع مميز​

 

[mà_dikrà]

رد: النّسآ و قآعآت الإنتظآر

ايييه صح كاينةة هادي
الله يلطف انا كي نقعد نستنى ونشوف ف لرض خخخخ
يقولولي واش بيك تسمعي ههه ... وأنا هاا مش نسمع من الملل
منعرف وش ندير هههه
الله يهدي من خلق برك !
موضوع فيريgوود ههه

مرسي ^^




.


.
​

 

[stelllo]

رد: النّسآ و قآعآت الإنتظآر

ربي يهدي واش خلق
ما كان واش نزيد

 

[jiji la star]

رد: النّسآ و قآعآت الإنتظآر

ها راكي عارفة نسا غب نوب و خطبك تفاجي عليك ههههه والله مفهمت أنا تاني يبغو يشرو المعريفة راكي فاهمة تروح وحدة راسها ضارها يزيدو يكملو عليها ههههه
مرسي

 

[{مُدَلَّلَتُهُ}]

رد: النّسآ و قآعآت الإنتظآر

سلام عليكم
نساء قاع ميشدوش فمهم هدرة تخرج من فمهم
الله غالب نساء تاعنا صرف زايد في فمهم
وحدة تحكي لوحدة متعرفهاش تقولها راجلي منهدرش معاه في دار دايرة معاه لبgار
وحدة تحكي لوحدة تقولها انا باغية نطبق راجلي
ربي يهدي نساء تعنا

و عليكم السلام و رحمة الله و بركاته

لا مشي gـاع هههههه ما تظلمش . . . كاين الي رزينة و كي تحكي تدي من عندها الفايدة و كاين الي الله غالب الي كاينة تحكيها ما تخمم ما تقول هادي نهدرها و هادي لا

الله أمين ربي يهدينا كاملين

منور أسامة :regards01:

السلآم عليكم~

والله يعطيك الصحة أختي المبتسمة ~

كآين منو الشي الي رآكي تحكي عليه

البنآت ولآ النسآء أغلبيتهم ميقدروش يحكموا لسآنهم و يحكوا كل شيء

أنآ تآني مرة رحت يآو وحدة حكآتلنآ قصة حيآتهآ مع رآجلهآ الي مآت ووش قآللهآ قبل مآمآت ووو..

صدقيني حتى كآمل الي كنآ لتم ولينآ نبكوا متقدريش متبكيش لحكآيتهآ

هآدي مآعليش والله يعني الشي الي صرآلهآ بلآك خلآهآ تنفعل بزآف وتحكي

بصح كآين حكآيآت مستحيل يتحكآو

أصلآ مش مليح نورمآلمو أي قصة بينك وبين زوجك تبقى بينك بين زوجك ومآتحكيهآش حتى لأهلك

..أسرآر البيت تبقى أسرآر خآصة بالبيت

معلآبآليش وين حآبين يوصلوا كي يحكوا

.. ووآحد مآيرضآلك الخير من النآس أحكي ولآ أقعدي أصلآ حد مآيحس بيك ~

ربي يحفظك أختي شكرآ موضوع مميز​

و عليكم السلام أهلين توينكل ♥

صح كاينة مرة وحدة حكاتلنا على وفاة ابنها لا صال كاملة ولات تبكي ! قريب ناضت هي تسكتنا ! فاجات على قلبها . . . هادي معليها والو بالعكس مسكينة الناس كاملين يحسنو عونها المشكل غي في الي يفركتو اسرارهم !

ماما تقوللنا المراة الفحلة اسرار دارها يبقاو في دارها ! المشاكل يعياو و ينحلو بصح كي تكون حاكية للناس ! ما ينساوش الحكاية و غي كلمة و زوج يعايروها بيهم !


ربي يسترك حبيبتي ♥ نورتي أختي :regards01:

ايييه صح كاينةة هادي
الله يلطف انا كي نقعد نستنى ونشوف ف لرض خخخخ
يقولولي واش بيك تسمعي ههه ... وأنا هاا مش نسمع من الملل
منعرف وش ندير هههه
الله يهدي من خلق برك !
موضوع فيريgوود ههه

مرسي ^^

.
​

نورمالمو تقوليلهم راني نحسب في النقاط لي كاينين في الكارلاج خخخخخ

أنا ساعات نفركت في صاكي شوية نخرب في تيليفوني كي نكره نجمع مع ماما تحسب مانيش عايشة معاها في دار وحدة هههه المهم ما يكسروليش راسي

العفو حنونة ♥ شكرا على مرورك

ربي يهدي واش خلق
ما كان واش نزيد

اللهم أمين ! ماكانش خير من الهداية

شكرا على المرور

ها راكي عارفة نسا غب نوب و خطبك تفاجي عليك ههههه والله مفهمت أنا تاني يبغو يشرو المعريفة راكي فاهمة تروح وحدة راسها ضارها يزيدو يكملو عليها ههههه
مرسي

ههههه عجبتني غب نب خخخخ !

و الله يا المعريفة . . . قالك معريفة النسا بالخف تتنسا :p

الله يعطينا العقل

مشكورة جيجي منورة حبيبتي ♥

 

[@R@ZIK]

رد: النّسآ و قآعآت الإنتظآر

يعطيك الصحة ​

موضوع في الصميم
والله كامل نعانيو من هذا المشكل ساعات نكره نروح للطبيب
النسا ما يخموش ولو كان واحدة تكون في الصالة تعرفها
اسمعي التالية
مرا مرة خويا راحت للطبيب وبدات تفرغ في قلبها بيان سور علينا وعلى ماما وتحكي في كلام ماكاش منو والمشكل حبيبتي عند الطبيب وهي متعرفهاش
خلاتها كملت الهدرة ومن بعد حبيبتي دخلت للطبيب وكي خرجت قاتلها قدام الحاضرين الهدرة لي هدرتيها كامل مكاش منها الناس نعرفهم مليح
وقاتلها سلمي عليهم
قاتلي وجها ولى حمر
وكي جات للدار خافت تكون قاتلي ولات غير في بيتها ما تخرجش قاتلها ماما واشبيك ما بنتيش قاتلها والوا وبعد اسبوع قاتلها تلقيت بواحدة عند الطبيب صحبة رزيقة ما قاتلكمش قاتلها ماما لا شكون قاتلها ما نعرفهاش بصح هي عقلتني
ومرت الأيام والشهور تلقيت بحبيبتي قعدنا نحكيو ساقساتني على مرة خويا وحكاتلي الحكاية
ضحكت ورحت للماما قلتلها لحكاية ضحكت وقاتلي على ذاك سقساتني خافت
يخي نسا ولحد الآن ما سمعتها منا
هههه
اسمحيلي طولت عليكم
تحياتي​

 

[{مُدَلَّلَتُهُ}]

رد: النّسآ و قآعآت الإنتظآر

يعطيك الصحة ​

موضوع في الصميم
والله كامل نعانيو من هذا المشكل ساعات نكره نروح للطبيب
النسا ما يخموش ولو كان واحدة تكون في الصالة تعرفها
اسمعي التالية
مرا مرة خويا راحت للطبيب وبدات تفرغ في قلبها بيان سور علينا وعلى ماما وتحكي في كلام ماكاش منو والمشكل حبيبتي عند الطبيب وهي متعرفهاش
خلاتها كملت الهدرة ومن بعد حبيبتي دخلت للطبيب وكي خرجت قاتلها قدام الحاضرين الهدرة لي هدرتيها كامل مكاش منها الناس نعرفهم مليح
وقاتلها سلمي عليهم
قاتلي وجها ولى حمر
وكي جات للدار خافت تكون قاتلي ولات غير في بيتها ما تخرجش قاتلها ماما واشبيك ما بنتيش قاتلها والوا وبعد اسبوع قاتلها تلقيت بواحدة عند الطبيب صحبة رزيقة ما قاتلكمش قاتلها ماما لا شكون قاتلها ما نعرفهاش بصح هي عقلتني
ومرت الأيام والشهور تلقيت بحبيبتي قعدنا نحكيو ساقساتني على مرة خويا وحكاتلي الحكاية
ضحكت ورحت للماما قلتلها لحكاية ضحكت وقاتلي على ذاك سقساتني خافت
يخي نسا ولحد الآن ما سمعتها منا
هههه
اسمحيلي طولت عليكم
تحياتي​

أهلين رزيقة !

ياا التبهداايل لوكان طاحت في وحدين واعرين مشي ترفد قشها و تروح لدار باباها

حنا وحدة من عايلتنا تطلقت في عمرها 20 سنة و جايبة طفل بسباب راحت للحمام و غتبت عجوزتها عند وحدة ! مالا هاديك المرا وصلت الهدرة . . . عجوزتها سكتت و شراتهالها شراتهالها مبعد طلقت على أتفه سبب !

الله يهدي ما خلق !
​