- إنضم
- 15 نوفمبر 2012
- المشاركات
- 7,170
- نقاط التفاعل
- 23,474
- النقاط
- 351
أهلآ وسهلآ بالجميع
عساكم بخير إن شاء الله
بدون إطالة في رمضان كنت حطيت وصفة باتيسري وأخت من الاخوات كانت طلبتهالي يمكن ام لقمان على كل إليكم الوصفة حبيباتي
نبدأ على بركة الله
تحضير الجينواز :
في البيضة أستعمل 25 غ سكر 30 غ فرينة أنتي وحسب الصنيوة الي عندك
طريقة التحضير :
دائما ادا كان عندك البيض بالثلاجة خرجيه حتى ياخد درجة حرارة المطبخ
2 بيض مع رشة ملح وملعقة صغيرة فنيلا نخلطهم بالخلاط قليلا ثم نضيف 100 غ سكر ونخلط حتى يصبح الخليط متماسك ثم نضيف الفرينة على مرتين ونغربلها مع ملعقة صغيرة خمرة
ونخلط بالسباتلا من تحت لفوق وبرفق أنا استعمل المنيوم نفرشه فالصينية ثم أسكب الخليط فوقه وندحلها الفرن من تحت متوسط ومن فوق كالشمعة
بعد اخراجها من الفرن نتركها تبرد 5 دقائق ونشيل الالمنيوم ثم نتركها تبرد تماما ونستعملها
لتحضير السيرو :
3 اكواب (نتاع تاي ) ماء
كوب ونصف سكر ( بنفس الكوب )
نكهيه حسب الرغبة أنا إستعملت ملعقة سوبارك كرام بنكهة فرومبواز
لتحضير الكريمة :
كوب كريمة سائلة تخفق مع ملعقة سكر رطب حتى تصبح متماسكة ثم نضيف 3 بو تيسويس بالنكهة المرغوبة مع 4 ملاعق كبيرة كرام شانتي
طريقة التحضير :
هنا رشمتها حسب قوالب البلاستيكية الي عندي
شوفو سُمك الجينواز رقيقة جدا
ثم نحضر القوالب
ادا وضعنا جينواز الاولى نسقيها ثم نضع الكريمة ثم جينواز ونسقيها ثم الكريمة اي بالتسلسل
هنا سيرو كيما راكو تشوفو منكه بالسوبار كرام
وهنا زدت وضعت سوبار كرام شويا بين كريمة والجينواز
ثم ندخلها الثلاجة على الاقل ساعتين ثم نأتي بسوطاس ونقلبها فوقها مثل ياغورت والتزيين يكون حسب الرغبة
أنا استعملت فيتين وشوكولا
واليكم النتيجة مع لقطات تصوير
هنا استعملت طروفا نتا الجينواز ودرتهم لي فيغين
تم بعون الله والحمد لله
