ماذا ستطبيخين اليوم أنستي سيدتي الجزء 55

[anissa 13]

رد: ماذا ستطبيخين اليوم أنستي سيدتي الجزء 55

هدا خرشف مع تريد او رقاق كيما يقولو البعض راجلي :love01: عندو قانون لازم الخرشف بالتريد ههه





هادو كورنيات باردين عجينة مورقة حشيتها بفرماج وكاشير مقطع ومايوناز مخلطين



هادو سوندويشات التوست تاع روز ادمنت عليهم ههه هنا مادرتلهمش من لفوق فرماج زدت معاهم سوب وسلاطة وفلفل





هادي حريرة :-r



عجائن مع مرقاز وسلاطة ( قولولي علابالنا هههه ) :d



شوصون عجينة مورقة




سمحولي بلاك كاين صور مكررين حطيتهم من قبل والله ماعقلت




​

 

[رواء الروح]

رد: ماذا ستطبيخين اليوم أنستي سيدتي الجزء 55

صباح الخيرات ماشاء الله

اختي انيسة مبروك عليك الدار لجديدة مسبقا و ربي يهنيك بيها كي ترجعي ديرريلنا زردة بطعام الله الله و خلينا ناكلو تاع مبروك

مبروك الكونيكسيو و كل عام وهي بخير

ام عثمان يعطيك الصحة سخفتني لابوري ديالك توحشتها عندي بزاف مطيبتهاش

ملاكو هذاك الطعام باه طيبتوه تبانلي هذيك الكابوية ولا مانعرف ؟

حنا غدانا السلق و لبارح درت دولما تاع لكرومبيط جات هايلة بصح الصور رني غير كي نقدر نحطلكم ناس داري ميعرفوش هاذي لوبسيو تاع تصوري ههههه غير كي نكون وحدي لي ندير رايي


لي عودة بحول الله

 

[الحلم الوردي]

رد: ماذا ستطبيخين اليوم أنستي سيدتي الجزء 55

ملاكو هذاك الطعام باه طيبتوه تبانلي هذيك الكابوية ولا مانعرف ؟

اهلا اختي هديك كورجات مقطعة بالطول و لا تقدري ترابيها صافي هد الطعام نتاع ناس الصحراء كي كنا عايشين تماك ولينا نديروه
صافي تحكمي الزروديا والبطاطا والكورجات يجو مرابيين في نتاع الي يخدمو فيه الخيار
ولا مقطعين بالطول على حساب الرغبة نتاعك
ولاصوص يجي تقيل ماشي كيما نتاعنا يجي نوغمال
بصحتكم اخي رواء
​

 

[نبض الحياة]

رد: ماذا ستطبيخين اليوم أنستي سيدتي الجزء 55

السلام عليكم ورحمة الله وبركاته
صح فطووركم لحبيباات ويعطيكم الصحة كامل واش طيبتوا
انوووسة مبرووك الدار الجديدة الغالية
وتوحشت اطبااقك بزاااف
سيرتو الحريرة امممممم طبق رئيسي وغير مستغنى عنه هههه

 

[رواء الروح]

رد: ماذا ستطبيخين اليوم أنستي سيدتي الجزء 55

اممم هاني نتخايل المذاق ديالو و نحب انا لاصوص تاع الطعام كي تجي ثقيلة حنا في دارنا تجينا ديما خاثرة اما ناس داري العكس يكثرو الماء لدرجة تحسي انو الطعام ولا يسبح طريقة التقطيع عجبتني في اقرب وقت نجربها ان شاء الله انا من عشاق الطعام ناكل منو و مانشبعش بصحتكم مرة اخرى

 

[الحلم الوردي]

رد: ماذا ستطبيخين اليوم أنستي سيدتي الجزء 55

بصحتك اختي انيسة كل شيء يشهي
الله يسلمك اختي رواء ان شاء الله تسسييها وتجيك مليحة
غدانا اليوم شربة سلطة ديسار
​

 

[بنقابي افتخر]

رد: ماذا ستطبيخين اليوم أنستي سيدتي الجزء 55

السلام عليكم
مصحاتكم واش درتو
اليوم غدايا الارز بالسردين بطريقه رائعه

امممم
والكارانتيتا والسلاطه ماصورتهم

 

[أم عثمان]

رد: ماذا ستطبيخين اليوم أنستي سيدتي الجزء 55

السلام عليكم ورحمة الله وبركاته

ليدي الطبق يشهي ما شاء الله عليك،ماجوبتينش على وصفة السباقيتي.

أنيسة ما شاء الله كل شيء يشهي ،يعطيك الصحة، عتبة مباركة،إن شاء الله تربحو عليها.

 

[بنقابي افتخر]

رد: ماذا ستطبيخين اليوم أنستي سيدتي الجزء 55

اسمحيلي ام عثمان ماشقتش طلبك
مي
ولو تكرمي
بو ن. غلي السباغيتي مع حبه جمبو
وحضري لصوص انا درت
رابيت نصف حبه بصل وثوم وطماطم وحطيت زعيتر والكمون وفلفل اسود ملح
في المول درت سباغيتي وشكلتها على اساس عش
حطيت في كل عش صوص وفقست حبه بيض رشة ملح والفرماج رابي
ودخلتها للفورن وشعلي غير من الفوق
تجي هبال وكل واحد حطيلو عشو خخخخخ

 

[مريم.]

رد: ماذا ستطبيخين اليوم أنستي سيدتي الجزء 55

اسمحيلي ام عثمان ماشقتش طلبك
مي
ولو تكرمي
بو ن. غلي السباغيتي مع حبه جمبو
وحضري لصوص انا درت
رابيت نصف حبه بصل وثوم وطماطم وحطيت زعيتر والكمون وفلفل اسود ملح
في المول درت سباغيتي وشكلتها على اساس عش
حطيت في كل عش صوص وفقست حبه بيض رشة ملح والفرماج رابي
ودخلتها للفورن وشعلي غير من الفوق
تجي هبال وكل واحد حطيلو عشو خخخخخ

فكرة رائعة والله راح نجربها ربي يسترك اختي بنقابي افتخر​

 

[الحلم الوردي]

رد: ماذا ستطبيخين اليوم أنستي سيدتي الجزء 55

لبارح كان عيد ميلاد اختي
نتمنالها كل السعادة
وعقبال مئة سنة
ربي يحفظها لينا



​

 

[بنقابي افتخر]

رد: ماذا ستطبيخين اليوم أنستي سيدتي الجزء 55

كل عام وهي من الله اقرب
وبرضاه تحلى ايامها.
عقبال للألف سنه

 

[الحلم الوردي]

رد: ماذا ستطبيخين اليوم أنستي سيدتي الجزء 55

كل عام وهي من الله اقرب
وبرضاه تحلى ايامها.
عقبال للألف سنه

الله يسلمك اختي
ان شاء الله يارب
ربي يخليك اختي
​

 

[الحلم الوردي]

رد: ماذا ستطبيخين اليوم أنستي سيدتي الجزء 55

عشــآنــآ







​

 

[@R@ZIK]

رد: ماذا ستطبيخين اليوم أنستي سيدتي الجزء 55

لبارح كان عيد ميلاد اختي
نتمنالها كل السعادة
وعقبال مئة سنة
ربي يحفظها لينا



​

ربي يحفظها ويطول عمرها
عقبال 100 سنة ان شاء الله​

 

[@R@ZIK]

رد: ماذا ستطبيخين اليوم أنستي سيدتي الجزء 55

مساااااااااء الخير لبنات
ان شا الله لاباس​

 

[rose09000]

رد: ماذا ستطبيخين اليوم أنستي سيدتي الجزء 55

صباح الخير عليكم لماويات حمد رجعولنا أنترنت خلونا قفة بل يدين:d
اليوم نعلق في غرضي عل طيابات الفحلات تع بلادي
رزيقة طيابك الله يبارك صوراة مش مليحة و راه يخرج هايل بصحتكم حبيبتي و هذيك المعقودة راهي تشهي:up:
أم محمد أمين حللي و ناقشي عييت نخزر في هذاك الطبق ماعرف واشن لي مع شلاظة خس
أميرته صيامكم في الجنة حبيبتي
أنريس ليك وحشة عزيزتي مرحب بيك طلي علينا
ملكة زماني ماخليتي مالح و لا حلو و لا حلوى الله يبارك عليك و بصحتكم و عيد ميلاد سعيد لأختك لعقوبة للعام الجاي و أرسليلي حبة مندرين شهاتني ديجا دخلت:-r
أختي رواء الروح كلش يشهي الواحد يحير واش يخير أنا ندي الشواء:dو يعطيك الصحة تطبيق ناجح :up:و على عفسة تع التصاور أنا خرجتهلم طايطا قالتلهم مشاركة في منتدي و نحط تصاوري فيه:d
أم عثمان ربي يخليك حبيبتي النو نوركم و حبيت نجرب خبز باغيت بصح لازم نشري سنيوة خاصة بيه طيابك بدون منازع الله يبارك عليه ربي يحفظك أختي و هذوك لبيني:s
حبيبتي أنيسة إن شاء الله عتبة مربوحة و الله كل واحدة تغيب على الكوزينة تخلي بلاصتها فارغة ربي يعاونك ماشي ساهلة الرحلة :regards01:و الله يبارك طيابك الواحد يقعد يخزر بصحتكم
أسماء هذاك الروز بالصوص من لونو راه يشهي و شكرا على الوصفة حبيبتي
روكا الله يبارك تهليت في الكوزينة في غياينا:thumb_up02:
سوسو وراكي وقيلة راكي لاتية تربي إياد أداك علينا ربي يحفظوا:d
اليوم فطوري لسان طير باللحم مكفت راه بقالي من البارح :yahoo01:

إن شاء الله مانسيت حتي واحدة و لي نسيتها تسمحلي بديت نراجع من صفحة 26



​

 

[rose09000]

رد: ماذا ستطبيخين اليوم أنستي سيدتي الجزء 55

هذوا شوية طيابات أيام لي فاتت

لوبيا ماشطو باللحم

خبز فطير

تورت تع البصل

​

 

[بنقابي افتخر]

رد: ماذا ستطبيخين اليوم أنستي سيدتي الجزء 55

امممم روز ليك وحشه
هاديك التورته راهي تهبل باينا تشهي
يعطيك الصحه اختي

 

[الحلم الوردي]

رد: ماذا ستطبيخين اليوم أنستي سيدتي الجزء 55

ربي يحفظها ويطول عمرها
عقبال 100 سنة ان شاء الله​

اللهم آمين يارب
ان شاء الله
ربي يخليك اختي رزيقة
​