الطاكسيات والكلونديستان

[w@l!d]

السلام عليكم....
.......
نشالله راكم قاع ملاح معليش ....
الي ماهوش مليح ربي يفرج عليه
علابالي متعرفونيش وكاين الي يحصوني
انا قديم لهنا مي الله غالب واحد مقعدش برك
معليش ندخلو للسوجي دركا
الي هو الكلونديستان
الي يفهموني مليح الي يديبلاصيو بزاف والجامعيين الي يقراو بعيد على الدار
كي طيح بيه وميلقاش طاكسيات ولا الكيران يبقا غير الكلون
وانت لازم عليك تركب معندكش كي دير
والله يا خوتي غي يقطعو تقطاع
يعني بلاصة الي ترحلها 70 دج تولي 700دج
او مخك يحبس اا مصراتليش خطرة ولا زوج متلقاش واش تقول
نحكيلكم خطرة كنت رايح من بلعباس لل غليزان طاكسي ب 35الف كاين كتر من 300كلم هنا نورمال مي
وصلت روطار شوية يعني متقدرش تبقا في لاجونص ومتقدرش ترجع مين جيت
راك حاصل ايا هنا تلقا الجماعة تقارع يهدرو غيرر 100الف والفوق يسرقك وانت تشوف والمشكل مشية تاع 25 كلم
تجي في بالك تمشي300 كلم ب 35الف و 25 كلم ب100الف
معليش انا سلكت داك النهار دبرت على روحي
بصح الي طيح بيه في بلاصة ميعرفهاش ولا مونك دراهم
كيفاه يدير حتا المباتة برا ومتبشرش بالخير راها ريسك كبير هذا غير مثال برك
يقولونا واش رايكم فهاد لعباد او كاش ما طاحولكم دي كا كيما هكذاك...
........
طولت عليكم معليش ...الكتبة بلاك تخرج مخلطة شوي باسكو كتبتها بالتلفون
ههههه ها صبرو عليها وخلاص
.....
سلام
​

 

[لؤلؤة قسنطينة]

رد: الطاكسيات والكلونديستان

السلام عليكم اخي الكريم ^^
تم الاعتماد
بارك الله فيك على الموضوع اخي
صراحة ربما مانقدرش نفيدك بزااف في هاد الموضوع
خاطر خاطيني طاكسيات ومشتقاتها، انا من جماعة البيس برك هههه
بصح نقولك لي كلونديستان علاه لقاو رايهم خاطر لقاو الفراغ والطاكسيات عطاوهم فرصة
خاطر الناس ساعات تلقى روحها في وضع وين تحتاج تحكم طاكسي بصح يلقاو لي الطاكسيور يتكبرو ويتشرطو
ومايحبوش يديوك وين حاب يوليو يروحو لي كلونديستان ، يعني على هادي لخرين دارو رايهم
نقولو ربي يهديهم برك
شكرا اخي على الموضوع
تقبل مروري​

 

[إلياس]

رد: الطاكسيات والكلونديستان

بارك الله فيك على الموضوع اخي

 

[w@l!d]

رد: الطاكسيات والكلونديستان

السلام عليكم اخي الكريم ^^
تم الاعتماد
بارك الله فيك على الموضوع اخي
صراحة ربما مانقدرش نفيدك بزااف في هاد الموضوع
خاطر خاطيني طاكسيات ومشتقاتها، انا من جماعة البيس برك هههه
بصح نقولك لي كلونديستان علاه لقاو رايهم خاطر لقاو الفراغ والطاكسيات عطاوهم فرصة
خاطر الناس ساعات تلقى روحها في وضع وين تحتاج تحكم طاكسي بصح يلقاو لي الطاكسيور يتكبرو ويتشرطو
ومايحبوش يديوك وين حاب يوليو يروحو لي كلونديستان ، يعني على هادي لخرين دارو رايهم
نقولو ربي يهديهم برك
شكرا اخي على الموضوع
تقبل مروري​

و عليكم السلام...
وفيك بركة اختي /شكرا على الاعتماد
الواحد الي يديبلاصي للبعد يصراولو لي كل هادو
ذاك البيس كي نلقاه راني سيد الناس هو وقتو باين وكاين الي ميقدرش يتبع الوقت
يبروفيتي لوكازيون وقت ما تجي
والطاكسي صح كاينين الي يتقلشو كاي وين كي منلقاش
نخلص بلاصة باش ننزل في بلاصة خلاف جاية في طريقو
خير ملي تبقا بلا ركبة ..
الله يهديهم ويهدينا..
​

 

[w@l!d]

رد: الطاكسيات والكلونديستان

بارك الله فيك على الموضوع اخي

وفيك بركة اخي ..
شكرا على المرور ..​

 

[الزهرة الحمراء]

رد: الطاكسيات والكلونديستان

السلام عليكم خويا
يعطيك الصحة على الموضوع
وعودة ميمونة اذا هذا وين رجعت
والله كيما قالت اختي مريم الموضوع هذا مانفيدكش فيه بزاف لانيو خاطيني لي كلونديستان بصراحة لاني نخاف منهم ومانحسش روحي مضمونة فيه كيما الطاكسي
وبصراحة الظاهرة لي حكيت عليها انت كاينة علاش لانو فرصة جاتو لعند رجليه هو علابالو بلي الخدمة راقدة والطاكسيور هو لي يخدم بزاف والناس تفضل الطاكسي على الكلونديستان ليها كي يجيه كاش واحد تلقاه يبروفيتي عليه يعني من عند واحد برك يدي سومة تع زوج ولا ثلاثة وهكا يخرج رابح ماشي خاسر
ربي يهدينا ويصلح احوالنا
بارك الله فيك اخي
دمت في رعاية الله وحفظه​

 

[فارس الروح]

رد: الطاكسيات والكلونديستان

يستغلو الظرف هوما دايما ويستغلو حاجة الناس
ربي يهديهم

 

[بنفسج]

رد: الطاكسيات والكلونديستان

السلام عليكم
اممم منقدر نفيدك لانو ممريتش بموقف كيما هاك لانو مزلت فالليسي وهيا قريبة لدارنا
لكن نظن يديرو هاك استغلالا لضروف الناس كيما قال الاخ قبلي
ربي يهدي
تحياتي ليك اخي وشكرا على الموضوع
سلام​

 

[{مُدَلَّلَتُهُ}]

رد: الطاكسيات والكلونديستان

السلام عليكم و رحمة الله و بركاته

يعطيك الصحة على الموضوع خويا


و الله غي تع نيشان يقطعو . . . مرات كي نجي و يكون رايح الحال و لا ماكانش طونسـpـور يولو يدولك في دراهمك و انت تشوف المشكل ما عندك ما تقول بالأخص طفلة على5 تع العشية في لاجونص و في الشتا مشكل كبير !

مرة كان خويا الصغير مريض . . نورمالمو يخلص علينا 50 دج قاللنا اعطولي 250 دج نوصلهلكم ! b1 sur في حالة كيما هاذيك ما عندك ما تقول على خاطر ما عندكش حل وحداخر ما غيره

الله يهديهم . . . في الحق ماجاتش عليهم برك النآس gـاع راهم يمشو بعقلية "طاg على من طاg"


​

 

[GI Joe]

رد: الطاكسيات والكلونديستان

wa alaikom salam
ana sratli mara m3a taxi, tah 3lia lil b3ida 3la dar, prc lbus dar retard kan accident

nestena yjouni m dar 1H30 impossible
wala nraweh fi clandestin m3a des jeunes iimpossible thani

hazit taxi ville, ghali bssah fraaaht ki 9dert nraweh bark

w dharbet l voyage fi ramdhan thaani yeprofitiw f l ocasion ydoubliw l prix ki yekhlassou les bus
wkilhom rabi
​

 

[w@l!d]

رد: الطاكسيات والكلونديستان

السلام عليكم خويا
يعطيك الصحة على الموضوع
وعودة ميمونة اذا هذا وين رجعت
والله كيما قالت اختي مريم الموضوع هذا مانفيدكش فيه بزاف لانيو خاطيني لي كلونديستان بصراحة لاني نخاف منهم ومانحسش روحي مضمونة فيه كيما الطاكسي
وبصراحة الظاهرة لي حكيت عليها انت كاينة علاش لانو فرصة جاتو لعند رجليه هو علابالو بلي الخدمة راقدة والطاكسيور هو لي يخدم بزاف والناس تفضل الطاكسي على الكلونديستان ليها كي يجيه كاش واحد تلقاه يبروفيتي عليه يعني من عند واحد برك يدي سومة تع زوج ولا ثلاثة وهكا يخرج رابح ماشي خاسر
ربي يهدينا ويصلح احوالنا
بارك الله فيك اخي
دمت في رعاية الله وحفظه​

وعليكم السلام...
الله يسلمك اختي اي طاكسي كي تلقايه رحمة ربي
المشكل راهم خطرا يديرو اضراب خطرا ميخدموش...كل خطرة وكيفاه
خطرات نلقى وحدين لباس يديو بسعر معقول نورمال يفهم الموقف
تحسب هوما مايطيحوش اونبان
الحمد لله كاين ربي.
وفيك بركة اختي
سلام...

يستغلو الظرف هوما دايما ويستغلو حاجة الناس
ربي يهديهم

شفت كيفاه خويا الله يهدينا ويهديهم ..

السلام عليكم
اممم منقدر نفيدك لانو ممريتش بموقف كيما هاك لانو مزلت فالليسي وهيا قريبة لدارنا
لكن نظن يديرو هاك استغلالا لضروف الناس كيما قال الاخ قبلي
ربي يهدي
تحياتي ليك اخي وشكرا على الموضوع
سلام​

وعليكم السلام..
ومنتمناوش تلحقي ليه اختي ...وربي يسهل في قرايتك..
هي باينة استغلال ..
ايه ربي يهدي ..
سلام...

السلام عليكم و رحمة الله و بركاته

يعطيك الصحة على الموضوع خويا


و الله غي تع نيشان يقطعو . . . مرات كي نجي و يكون رايح الحال و لا ماكانش طونسـpـور يولو يدولك في دراهمك و انت تشوف المشكل ما عندك ما تقول بالأخص طفلة على5 تع العشية في لاجونص و في الشتا مشكل كبير !

مرة كان خويا الصغير مريض . . نورمالمو يخلص علينا 50 دج قاللنا اعطولي 250 دج نوصلهلكم ! b1 sur في حالة كيما هاذيك ما عندك ما تقول على خاطر ما عندكش حل وحداخر ما غيره

الله يهديهم . . . في الحق ماجاتش عليهم برك النآس gـاع راهم يمشو بعقلية "طاg على من طاg"

​

وعليكم السلام ورحمة الله...
شفتي كيفاه الطكسيات ميوفروش الخدمات
في وقتها ويكملو وقت ما طلعاهم ويضلو يشتكو
والله غير مشكلة سيرتو للبنات المغارب في لاجونس بلا طكسيات ماهيش ساهلة
حتى هوما يبروفيت لوكازيون الي متتراطاش ..الله يهديهم برك..
مالgري تو مزال كاين ناس فيهم الخير..
سلام...

wa alaikom salam
ana sratli mara m3a taxi, tah 3lia lil b3ida 3la dar, prc lbus dar retard kan accident

nestena yjouni m dar 1H30 impossible
wala nraweh fi clandestin m3a des jeunes iimpossible thani

hazit taxi ville, ghali bssah fraaaht ki 9dert nraweh bark

w dharbet l voyage fi ramdhan thaani yeprofitiw f l ocasion ydoubliw l prix ki yekhlassou les bus
wkilhom rabi
​

هاديك هي ماعندك ما ديري لازم تروحي خير كا تبقاي في لاري بلا فايدة وسيرتو الوقت روطار بزاف
ودار بعيدة ..المشكل راها كي الواحد ميديرش حسابو ويرفد معاه الدراهم كيفاه يدير معاهم ...
معليش كاين ربي...

 

[zagane]

رد: الطاكسيات والكلونديستان

السلام عليكم
ارواح عندي انا نحكيليك
وسيغتو كي يقول ليك انا رايح نرجع فارغ نوصلك ونولي
وكي يوصلك تشوفو راح يعيط لكورسا جديدة

 

[Hamasaki]

رد: الطاكسيات والكلونديستان

والله غير عندك حق يستغلو ظروف الناس وماكاش شفاقة خلاص ومايقولوش هدا غريب بلاك نساعدوه بلعكس ينترو من نعندو ربي يهدي ما خلق

 

[w@l!d]

رد: الطاكسيات والكلونديستان

السلام عليكم
ارواح عندي انا نحكيليك
وسيغتو كي يقول ليك انا رايح نرجع فارغ نوصلك ونولي
وكي يوصلك تشوفو راح يعيط لكورسا جديدة

ههههه والله غير صح
وبزيادة طريق كاملة تلقاه غي يشتكيلك
الطنوبيل ذيك يرجعها بياس دي طاشي
تحير فيها كيفاه قاعدة تتمشا هههه
اي كاين وحدين ركبت معاهم قبل ما يوصل
بالتلفون يدبر البلايص لي يرجعهم
خلي برك ... كيما قالك
عيش تشوف...

والله غير عندك حق يستغلو ظروف الناس وماكاش شفاقة خلاص ومايقولوش هدا غريب بلاك نساعدوه بلعكس ينترو من نعندو ربي يهدي ما خلق

شفتي كيفاه اختي ها الله غالب مابقاتش رحمة فالعباد هاذو