ام سراج وملاك
:: عضو مُشارك ::
- إنضم
- 26 ديسمبر 2012
- المشاركات
- 243
- نقاط التفاعل
- 542
- النقاط
- 21
-
اهلا بالجميع حبيت اول شيء نقلكم بالنسبة للصور الاسم الذي فيها هو اسمي في منتدى آخر
كنت شفت تحلية دوار الشمس في فايس بوك وطبعا عجبتني فكرة التزين قررت اني نجربها لكن نغير في الوصفة لانو الطبقة الثانية نتاع صاحبة الوصفة تشبه لطبقة حلا المرايا وانا صراحة ذوقها يجيني غريب كنت جربتها من قبل كل شخص وذوقو
طبعا جربتها ليوم وحرفت في الوصفة فقررت اني نخدم كرام باتسيار الوصفة نتاعي فقررت اني نعوضها مكانو واكيد صور ت الخطوات باش تفهمو طريقة التحضير مليح منكثرش الهدرة بزاف ونخليكم مع المقادير والصور
الطبقة الاولى:
باط قاطو ماجور مرحي مليح ضفتلو كمية من الزبدة المذابة بالتقريب حوالي اربع ملاعق ولميتو بشوي عسل بالعسل وحطيتو في الاكياس الورقية نتاع المدلان ولضيت عليه مليح بالملعقة
الطبقة الثانية : تحضير كرام باتيسيار
في اناء نحط 2 مغارف كبار نشاء + 2 مغارف كبار فرينة + 4 مغارف كبار سكر عادي ( او حسب الذوق ) + حبة بيض ومن جهة نكونو فيضنا نصف لتر حليب انا مستعملتش الكمية لي في الصورة كي يفيض مباشرة ننصب الحليب بسرعة فوق المكونات لي ذكرتها ونحرك بسرعة باش ميطيبش البيض ونقلب الخليط في الطاوة ونرجعها فوق النار ونحرك حتان يثقال الكرام باتسيار وضفتلو منكه الغذائي لي في الصورة ذوق موز او اي ذوق تحبوه او لافاني غبرة
ملاحظة : لكرام باتيسيار اذا خدمتوه وحبيتو تضيفوه في البريوش او الميلفاي او تستعملوه وين تحبو متحطوهش في ثلاجة زيدولو طرف زبدة صغير وحركوه مليح باش ميديرلكمش القشرة الفوقانية نتاع لحليب حطوه في طبسي مسطح باش يبرد
هنا صبيت الحليب الفايض وحركت بسرعة وطبعا نرجعوه فوق النار
هنا لكرام بتيسيار واجد ونحطوه فوق الطبقة الثانية
وفوقو نحطو نصف حبة قاطو اوريو نقسمو الحبة الى نصفين ونحطوه في الثلاجة يتماسك
الطبقة الثالثة :
زوج كيسان ماء مغلي ونضيفولو زوج فلان فاني ونحرك مليح ونحطو بالمغرف في الاخير انا زدت درت قطرة من منكه الغذاثي ذوق موز جاني طعمو رائع وطبعا ندخلوه مرة اخرى الى الثلاجة
هنا راهو في صحن التقديم
وهذي الوصفة الاصلية لي هزيت منها الفكرة
لاتنسوني من صالح دعائكن
تحياتي للجميع
ام سراج وملاك
آخر تعديل بواسطة المشرف:
