يا من والفناك لا تغدى عنا... \/ بقلمي \/

[medcherif03]

مهداة لكل الأحبة



يا من والفناك لا تغدى عنا \/\/\/ الا كان انسيت حنا ما ننساك
دير الواجب لاديراللوم علينا \/\/\/ و مادرناش العيب الا حبيناك


من مدة و زمان ونا في غبنة \/\/\/ ويلا كان امشيت انا نستناك
ما طول لغياب راني في محنة \/\/\/ يا حبي غضبان عني واشنواك


صارحني و تفش عني وتهنى \/\/\/ مادسش في خاطرك قالوح وراك
يا وناسة خاطري ذالحب اجمعنا \/\/\/ بلاما شاورني و لا شاورناك


واش ذنبي لا كان قلبك اهجرنا \/\/\/ ماحنيتي في غرامك يا مقساك
ياشومة مرار وحشك بهدلنا \/\/\/ وسقانا كيسان من هجرك و اجفاك


قولي لي وعلاش راكي زعفانة \/\/\/ يا عمري بميات كية نتفداك
تدرمم عني العارم باحنانة \/\/\/ و تومي لي بالعين وتقولي بركاك


يا ولفي ارموش عينك نعسانة \/\/\/ انتي في راحة ونا جبت اهلاك
خافي ربي ياختي مادرتي فينا \/\/\/ قلبي و عظايا ما طقنا لهواك


حبك في الأجيال مثلو ماشفنا \/\/\/ ما حسوه ارهاط مثلي نتحداك
يا مضنونة فيك راني نستنى \/\/\/ و خلاني قلبي سافر راح معاك


يا عاشق بامثالنا نحلف بركانا \/\/\/ ما تلقى راحة ما تصيب ادواك
واش نعمل للقلب فط و خلانا \/\/\/ ماصنصف لي ما صبت معاه اسلاك


تمت بقلمي medcherif03
​

 

[hanaaane]

رد: يا من والفناك لا تغدى عنا... \/ بقلمي \/

صباحك جميل اخي
صراحة كلمات في قمة الروعة
و نالت اعجابي بشدة
واصل على هاذا المنوال
و انا بانتظار جديدك
تحياتي لك سيدي​

 

[medcherif03]

رد: يا من والفناك لا تغدى عنا... \/ بقلمي \/

يا حنان العشق راه امهبلنا****و ما خذيتش عبرة يرحم باباك
وهاذ القلب عاصي دهشنا**** متأكد من حالتو مانيشي شاك
ماني قادر لفراقها ما صبنا**** ننساو المحنة ولعذاب ولشواك


و انت صباحك فل و ياسمين و شكرا على المرور الحلو و العبارات الرائعة و الشيقة نورتي صفحتي دام نبضك و قلمك
ألف ألف شكر. مارسسسسسسسسسسسسسسسسسسسسسسسسسسسسسسسسسسسسسسسسسسسسسسسسي