ام سراج وملاك
:: عضو مُشارك ::
- إنضم
- 26 ديسمبر 2012
- المشاركات
- 243
- نقاط التفاعل
- 542
- النقاط
- 21
كيما واضح من العنوان هذا الخبز ميتعجنش باليد طريقة تحضيرو تشبه للمسكوتشو هنا نمدلكم مقادير 2 صينيات نتاع فور انا درت نصف الكمية نتاع المقادير لتحب تجربو اول مرة تجرب نصف الكمية
4 بيضات + 4 كيسان حليب دافي + كاس زيت + 3 مغارف كبار خميرة الكسرة + ملح + 4 مغارف سكر عادي + بالتقريب 8 كيسان فرينة او اكثر
اول شيء نطلع بالبتار البيض مليح نضيفلو الزيت وخميرة والسكر والملح نضيف لحليب الدافي ونبقى نخلط حتان دير رغوة نحبس من البتار ونبدا نضيف الفرينة حتى نتحصل على قوام يتلاصق نكونو سخنا الفرن كي يسخن مليح نطفيو عليه نشدو صينية وندهنوها بالزيت ونرشو الفرينة مليح باش ميلصقلكمش بواسطة ملعقة نفرغ الخليط في صينية ونبقى ندهن الملعقة بالزيت ونمشي لعجين كي نكمل ندهن العجين بخليط صفار بيض وشوي قهوة طايبة ونرش جيلجلانية من فوق وندخلو لفرن طافي لي سخناه من قبل باش يخمر كي نلقاوه خمر نطيبوه مباشرة رايحين تتحصلو على اخف خبز الدار شفتوه وطعم رائع بصح متنحيوهش من صينية مباشرة خليوه يبرد ومبعد قلبو الصينية فوق الطرشونة يتنحالكم بكل سهولة تقدرو تزيدو فيه قشور القارص او علبة ياؤورت باذواق مختلفة وسكر لي يحب لحلاوة في العجين وتشربو بيه لحليب صدقوني ميتعبش خلاص وزيد خفيف بزاف منطولش عليكم ونخليكم مع الصور
هنا في هذي المرحلة يدخل يخمر في الفرن بعد مندهنوه
هنا راهو واجد شوفو واش خفيف
الوصفة المصورة
آخر تعديل بواسطة المشرف:
