الربيع {مشاركتي في مسابقة يامات البركة والقعدة الزينة}

[ليليا مرام]

رد: الربيع {مشاركتي في مسابقة يامات البركة والقعدة الزينة}

الله يسعد يامك يا زهرة الزئبق على مزاحك الظريف
لالا ماتخافيش درك كولي برك راه الفور خباط والميكروأوند وين يبان الكنون والمجمر
أما على سؤالك :
بكري هنا ماكناش نسكنو في فيلا ولا قصر ولا برج كنا نسكنو في دار مبنية بلعواد اي لعيدان ومطرية بالطين ومغطية بالديس ونشوفوها قصر بصح الي عندهم يشوفوها قربي الهمه وحدا هذيك الدار مدايرين قربي يجي صغير على الدار وهبط عليها فالعلو هذاك القربي كاين ليطريه بالطين من الداخل وكاين لالا أحنا هداك تاع البقرة لحبيبة نديروه خبز ونلصقوه فالقربي من برا منها يطري القربي ومنها تفوت عليه الصيف والخريف ينشف وييبس وممبعد الوقت ليجيو يخبزو ينحيو بالوحدة ويشعلو بيه النار علا بالك وتنحيه من بلاصتو تحسبو قوفريت ولا قاطو يتكسر ويتفتفت وحدو ههههههههههه* وفي حالت يخافو عليه من لمطر ينحيوه كامل ويخلوه فالقربي* فهمتي درك وعلرفتي قيمة المادة المشتعلة المطهية للبطون الجائعة*
الله يرضى عليك وشكرا على مشاركاتك المميزة​

تقبلوا تحياتي

اهلا اخي
امين يا رب ويسعدكم كامل
ايا وزيد تغطو بيه القربي زعمى فبلاصت السيما :s:s:s وبعدو تنحوه وديروه يشعل ضرك هذي بقرة والا لوزين نتاع سيما وكبريت واش راهي تاكل هذي سبحان الله ايه العجب اول مرة نسمع بيها هذي انا الخلاصة والمفيد ماناكلوش لو يقولولي يرجعك روطار 20 سنة خلي نزيد لافونس
ومنك نستفيد كل مرة جيبنا عفسة هاكا نورني اموا نلقى الشاوي الفحل نتاعي ما يقوليش ما تعرفي والو اموا نكون نعرف شوي
الله يخليك وينورك والقربي كامل سكنا فيه اصلنا من تراب ونرجعو للتراب وحلاوة القربي ما تعرفو الفيلا
شكرا لك

 

[رابح66]

رد: الربيع {مشاركتي في مسابقة يامات البركة والقعدة الزينة}

صح لقلوب ضيقة وماولتش صفية وربيع حلوا وبكم يا ناس اللمة يحل ودنيا مازلها بخير كي كاين الناس مليح كما ناس اللمة الجزائرية ربي يحفظكم

هاو لكلام تاع الربيع صح وريحة بكري
تشرفت بحظورك ومرورك العطر أختي الكريمة نعمات
حقا لقد تطرقت لوصف في محله الربيع تاع بكري راهم مجسدينو ناس اللمة لحبايب كل واحد جاب ذكرى وعشنا لحظات سعيدة حقا
مي قعدة الربيع تاع جدي وجداتي الله يرحمهم وقعدت يما وبابا الله يحفظهم وهذاك النسيم في وقتو ماتتقارنش خلاص بقعدات اليوم
أسعدني تواجدك أختي نعمات الله يهنيك ويبارك فيك​

تقبلوا تحياتي

 

[رابح66]

رد: الربيع {مشاركتي في مسابقة يامات البركة والقعدة الزينة}

اهلا اخي
امين يا رب ويسعدكم كامل
ايا وزيد تغطو بيه القربي زعمى فبلاصت السيما :s:s:s وبعدو تنحوه وديروه يشعل ضرك هذي بقرة والا لوزين نتاع سيما وكبريت واش راهي تاكل هذي سبحان الله ايه العجب اول مرة نسمع بيها هذي انا الخلاصة والمفيد ماناكلوش لو يقولولي يرجعك روطار 20 سنة خلي نزيد لافونس
ومنك نستفيد كل مرة جيبنا عفسة هاكا نورني اموا نلقى الشاوي الفحل نتاعي ما يقوليش ما تعرفي والو اموا نكون نعرف شوي
الله يخليك وينورك والقربي كامل سكنا فيه اصلنا من تراب ونرجعو للتراب وحلاوة القربي ما تعرفو الفيلا
شكرا لك

الله يباركلي في خاوتي وخواتاتي الشاوية لعزاز على قلبي
وعندي من فيهم بمنزلة أخي واختي ربي يسمعني عليهم كل خير ويلاقيني بيهم في كل ساعت خير
أما أنا عربي ومتجدر من أصول عربية من ضواحي إحدى بلديات سكيكدة
وشكرا لك اختي الفاضلة على بصماتك الرائعة كل الإحترام والتقدير لك​

تقبلوا تحياتي

 

[خديجة ph]

رد: الربيع {مشاركتي في مسابقة يامات البركة والقعدة الزينة}

وعليكم السلام اخي رابح
والله غصنا معاك في زمن القعدة الزينة و يامات البركة ، عن نفسي كيما يقولو ناس الشرق ولاد الباطيمات ما عشتش هاذي الامور كلها ربما فقط عادة البراج هي اللي بقات لليوم ومع جيلي لكن نتذكر الوالدة دائما كانت تحكيلنا على هاذوك الايام العزاز على قلبها كي تروح للدوار و يلقطو الوقيد هههههه ما يلقطوهش خضر حتى ييبس شوي وعن مغامراتها مع البقرة كي تولد و الصيصان كي يفقسو هههه
حنا كنا دايما كي تبدى تحكيلنا نربعو حداها و نعيطو على بعضنا الكل اجريو بدأت مغامرات هايدي هههههه غير تبدا تحكي نرجعو نعيطولها هايدي
كيفاش كانت النساوين طول الوقت خارج البيت يشتغلو بالخبيز و شجر الزيتون و غرس الاعشاب العطرية في جنان المنزل و يأكلو البقرات و يلقطو البيض و يفوت النهار و هوما راحو يجيبو من عند فلان كذا و فلانة كذاما كانت لا ضيقة خاطر لا امراض القلب و السمنة اللي فتكت بالنساء الان الاولاد جل وقتهم يلعبو في الحوش ما يكسرو غالي ما يكسرولهم عظامهم
ترباو بعيدا عن المنزل فعرفو قيمة المنزل و يقدرو اهميته و انه لابد يرجعله و ولاد درك ترباو لاصقين في حيوط المنزل فكرهوه وصارت امنيتهم يعيشو بعيد عليه
مشكور اخي

 

[رابح66]

رد: الربيع {مشاركتي في مسابقة يامات البركة والقعدة الزينة}

وعليكم السلام اخي رابح
والله غصنا معاك في زمن القعدة الزينة و يامات البركة ، عن نفسي كيما يقولو ناس الشرق ولاد الباطيمات ما عشتش هاذي الامور كلها ربما فقط عادة البراج هي اللي بقات لليوم ومع جيلي لكن نتذكر الوالدة دائما كانت تحكيلنا على هاذوك الايام العزاز على قلبها كي تروح للدوار و يلقطو الوقيد هههههه ما يلقطوهش خضر حتى ييبس شوي وعن مغامراتها مع البقرة كي تولد و الصيصان كي يفقسو هههه
حنا كنا دايما كي تبدى تحكيلنا نربعو حداها و نعيطو على بعضنا الكل اجريو بدأت مغامرات هايدي هههههه غير تبدا تحكي نرجعو نعيطولها هايدي
كيفاش كانت النساوين طول الوقت خارج البيت يشتغلو بالخبيز و شجر الزيتون و غرس الاعشاب العطرية في جنان المنزل و يأكلو البقرات و يلقطو البيض و يفوت النهار و هوما راحو يجيبو من عند فلان كذا و فلانة كذاما كانت لا ضيقة خاطر لا امراض القلب و السمنة اللي فتكت بالنساء الان الاولاد جل وقتهم يلعبو في الحوش ما يكسرو غالي ما يكسرولهم عظامهم
ترباو بعيدا عن المنزل فعرفو قيمة المنزل و يقدرو اهميته و انه لابد يرجعله و ولاد درك ترباو لاصقين في حيوط المنزل فكرهوه وصارت امنيتهم يعيشو بعيد عليه
مشكور اخي

وعليكم السلام ختي خديجة وجمعة مباركة
مرحبا بأختي الي زادت عطر ونور للموضوع
راني معاك ختي صح ولاد وبنات الباطيمات تحرموا ومحرومين من كدا متعة وإتمتاع من الطبيعة في كل الفصول
مي كانوا حنا يجيونا ولاد وبنات قسنطينة في العطل وخاصة من أجل هديك العادات والله فوتنا معاهم أوقات سعيدة وهم تاني مايتناوش يروحو وكون تشةف حنا في ديك الوقت الطفلة تقول أو جا لبلدي والطفل يقول أي جات لبلدية هههههه علابالك نشوفوا فيهم تقول هبطو من كوكب آخر هما يجيو مبيشين ولابسين جديد وحنا الي بلبوط والي بشورط وفيه زوج نواضر ولي ولي هههههه بصح والله فوتنا يامات حلوين وبقاو عزاز علينا * زلبراج كيما قلت كاين لمزال لدرك محافظين على العادة وما يفوتوهاش*
حاجة أخرى طرقتي ليها ختي خديجة تاع لوقيد اليابس حتى هنا كنا في الصيف نروحو نتلموا ونديو شكاير ونطلقو عليها إسم *نروحو نوقدو* ونجيبو هداك لوقيد اليابس علابالك سعات يسبقونا وحدين خرين وإلا مع الوقت ينقص مي كنلقى وقيدة تحت ديسة ولا ما بايناش تحت لحشيش اي تقول لقيت رنيبة من الفرحة والي يرجع الشكارة فارغة هذاك نهارو كحل فالدار هههههههه *
اما النساوين هايمة فل****ل ترعى منها من لبقر هي سلة وهذا لحلاح وهي قرنينة وهذي حرشة وووو والله روعة تلك الأيام *
شكرا ختي خديجة مرة أخرى الله يهنيك ويباركلك في ميمتك​

تقبلوا تحياتي