آلًــــفًيـــــزٌو !

[بثيــــنة 19]

آلسلام عليكم ورحمة الله تعآلـى وبركآته

وشرآكم خيآتي وخآوتـــي
إن شآءالله تكونوآ كآمل بخير

كتبت موضوع ووجدتـــوآ وفي آخر لحظة غلطت محيتوآ

لولآ آلحيآء لبكيت حتى شبعت ههههه
بصح قعد يغلي في قلبي وعآودت كتبتوآ على سعدي
هـــــآ سيدي عندهآ مدة منين ضربت آلمجتمع تآعنآ وحد آلموجة
اسمهآ موجة آلفيزو

آلسي آلفيزو هذآ بدآ آلمغآمرة تآعو مع آلمخلوقآت لي مش متحجبآت

كنآ قليل وين نشوفوآ مخلوقة لآبسة فيزو وتمشي بيه على أرض آلوآقع

كنآ نقولو آلبوكيمونة نآضت من آلرقآد وخرجت تحسب روحهآ مزآلت في عآلم آلأحلآم السعيدة

آيآ آلحآلة بدآت تطور وأنتقل آلفيروس للمتحجبآت
ولينآ نشوفوآ جمآعة تآع بنآت لآبسين آلسي آلفيزو مع ليكآت طويلة
كرعيــــن آلمعزة

وبدآت تطور آلحآلة وبدآت آلسيدة آلليكآت تختفي شيئآ فشيئآ حتى انعدمت
واستمر آلتطور آلفيزآوي

هآسيدي كآنوآ يلبسوآ فيزو نوآغ سآمpل

ومبعدآ تحول آلفيزو إلى فيزو آلنمر آلمقنع

ومبعدآ ولينآ نشوفو فصل آلربيع آلجميل بعصآفيره وأزهآره مرسومين على السي الفيزو

ومننسآش فيزو تمثآل آلحرية ومشتقآتوآ...إلـــــخ

ولي فشلوني جسديآ ومخيآ هي لجمآعة لي لآبسين فيزو مقطع

إيـــــــه والله غير فيزو مقطع

بكري كآنوآ يقولو آلجينــــز آلمقطع
فهمونــي بركـ هذآ وش نقولولوآ
آللحم آلمقطع مثلآ

هــــــآ خلوني نندب علــى جمآعة الفيزو ندبآ مبرحآ

قــــولولي برك ويـــن رآيحين بيهآ لعقلية هآذي

يمشيو بآلمدعو فيزو قدآم آلملأ ومييتين بآلفخر وآلسعآدة

تحت شعآر ’’ آلفيزو رمز آلتطور وآلحضآرة ’’
هآآآ مخلوقآت رآكم عبآرة عن كتلة من آلتخلف

وآلحضآرة بعيدة كـــل آلبعد عليكم

ولحآجة لي محيرتني كيفآش يخرجوآ من دآرهم بآلفيزو ؟

وين رآهم وآلديــــهم ؟

شكون قآلهم بلي آلفيزو حجآب ؟

ألـــــــف سؤآل يدور في رآسي منين نشوف آلأشكآل هآذي

وربــــــي يهدي مآخلق

إليــــــكم آلخط
ودمتم في رعآية الله وحفظه​

 

[لؤلؤة قسنطينة]

رد: آلًــــفًيـــــزٌو !

السلام عليكم
هههههههههههه قتلتيني ضحك يا مصيبة والله توحشنا مواضيعك الشيقة والرائعة، راكي تعالجي في مشاكل اجتماعية
بطريقة مرحة ماشاء الله ربي يحفظك
اما بالرجوع للموسيو فيزو واش رايحين نهدرو عليه يعني كيما قلتي ساعات تاع النمر المقنع ههههه وساعات مقطع
وساعات والله تلقيه بنفس اللون تاع الجلد تاع الانسان والله عيب كبير حتى تحشمي نتي في بلاصتهم، يعني البنات
هادو مالقى العبد مايهدرلهم وزيد كيما قلتي والديهم وين راهم؟؟ وخاوتهم وين راهم؟؟ ومن بعد يقولك بنات الجزائر
فاسدات، كن كل راجل يعس مرتو وختو وبنتو كن لبلاد راهي بخير، لكن حنا لالا نشوفو عيوب غيرنا وعيوبنا ننساوها،
اصلا كي تجي تشوفي سومة الحجاب الشرعي وسومة الفيزو وتقارني بينهم تعرفي صح شكون لي عندو قيمة وشكون لي رخيس،
واش نقولو ربي يهدينا برك ويهديهم ويرزقنا السترة
شكرا غاليتي على الموضوع المميز وماتزيديش تغيبي علينا بزاف ههه
تقبلي مروري جميلتي
​

 

[AmiR@RoRo]

رد: آلًــــفًيـــــزٌو !

ههههههههههه الله يعطيك النو
السلام عليكم
بالنسبة ليا تالمو شفت هاد الاشكال ولات تبانلي حاجه عادية ويومية
وين تدوري تصيبي 10 منهم
لا ولي عجبتني مع كل موسم فيزو هههه
فالشتا كان الكحل برك يدور مبعدا زاد المنمر وفالربيع راهم زادو المورد ومنعرف فالصيف وش يزيدو بلاك فيزو ومرسوم فيه بحر ونخل وباراسول ههه
وراهم زادونا حتى الفيزوات المقطعين فالحساب كنا نشوفوها عند الولاد جينز مقطع رجعت حتى عند البنات
ولي تغيضك ماشي لي متبرجة ديراكت لا
لي زعما متحجبة وضاربه فيزو من النوع الرفيع هنا مخك يحبس
هادي ديجا ماتتسماش متحجبة تتسمى دايره فولار برك
اشكال غريبة وكائنات اغرب
الله يهدي ما خلق برك
يعطيك الصحة بثينة توحشنا مواضيعك الحلوة

 

[ام أمينة]

رد: آلًــــفًيـــــزٌو !

ربي يستر
رانا نشوفو العجب شوهو صورة الحجاب ربي يهديهم
ولينا ما نفرقوش بين المحجة و سيفيليزي غير بالخمار
موضوع مميز و جد مهم بارك الله فيك
​

 

[louizalina]

رد: آلًــــفًيـــــزٌو !

هههههههههه ا ربي. كارتة

 

[نقاء الورد]

رد: آلًــــفًيـــــزٌو !

مساء النور
طرح رائع اختي ومشكلة كبيرة اجتاحت مجتمعنا للاسف
شوهو صورة البنت وصورة وفكرة الحجاب من أساسو والي تقهرك تلقاها مفتخرة بروحها وعاجبها الحال وتقلك رمز من التطور والجيل الجديد
والعقل ربي يجيب
بصح لي يوجع القلب صح اسكو هادم يخرجو هك قدام أهلهم ولا يتخباولا شايفينهم وضاربين النح وعاجبهم الحال مثلا ؟؟ تحيري
ربي يهدي ويستر عليهم ويدلهم للطريق الصواب
بارك الله فيك على الموضوع قمة ​

 

[تـريـــاق المحـبـة]

رد: آلًــــفًيـــــزٌو !

السلام عليكم انا اكره حاجة اسمها الفييييزوا .. ما نحبوش واتمنى يختفي من على وجه الأرض .. ومانزيدش نشوفه مانيش عارقة كيفاش الوحده تلبسه وتخرج بيه ويقولك موضة .. انا ما نتحملش نلبسه ولا نخرج بيه ووحده تبانلي نحس مازال ماكملتش لبسي وحاجة ماشي عادية ..

 

[Msb security]

رد: آلًــــفًيـــــزٌو !

للاسف اختي الكريمة نحن في مجتمع ذهب فيه الحياء لابعاد خطيرة
و اصبحت المراءة تفعل ما تشاء بدون قيود و حتي القانون معه بحجة حماية المراءة و الدفاع عن حقوق المراءة للاسف حرمو الحجاب عن كثير من الامكان العامة اهاذ حق اصبحت المراءة تتزوج بدون حق تدخل ولي امرها اهاذ حق اصبحت المراءة تلبس ما تشاء و تعمل في اي مكان بحجة المساوة بينها و بين الرجل تلبس الميني و الفيزو 3D
اومباعد يجيك من كوتي تع الدين و يقولك لازم تغض البصر مشي مليح بصح هيا مليح كي تلبس واش تحب نورمال فصلو الدين عن القانون بلد شوكسبيتان

قوله تعالى: وَإذَا سَأَلْتُمُوهُنَّ مَتَاعًا فَاسْأَلُوهُنَّ مِن وَرَاءِ حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ. {الأحزاب: 53}.وقوله تعالى: يَا أَيُّهَا النَّبِيُّ قُل لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلابِيبِهِنَّ. {الأحزاب: 59}. وقوله تعالى: وَلا يُبْدِينَ زِينَتَهُنَّ إلاَّ مَا ظَهَرَ مِنْهَا. {النور: 31}.

الحجاب عفة وطهارة للمراءة ليس تلبسه من اجل الناس لكن الله امره بلحجاب وعسى ان تكرهوا شيئا وهو خير لكم

الله المستعان وربي يجيب الخير راحت بلادي

 

[الامين محمد]

رد: آلًــــفًيـــــزٌو !

انا نخدم في ثانوية
ضمن عقود لانام
فعلا وجدنا مشكلة بخصوص اللبس الفاضح و خصوصا الفيزو
و حصة الرياضة راهي حاجة عجب
البنات فيهن اللي ما تحشمش على أصلها

واش نقول ربي يهدينا كااامل ​

 

[Malika Tlm]

رد: آلًــــفًيـــــزٌو !

.السلام عليكم
الفيزو يا الفيزو ومراه داير يا لطييييييف
التبهديل راه صاري البنت لي ربي سترها عززها تروح تلبس ليبا واو حرام عليكم واسم هدا
والكارثة تلبس فيزو ودير خمار هدي يعني منافقة تكدب علي ربي
واسم نقولو وكان رباوهم والديهم لوكان موصلوش يلبسو لبس كيما هدا وبزاف امور
ربي يسترنا يارب
تحياتي