medcherif03
:: عضو منتسِب ::
- إنضم
- 2 مارس 2016
- المشاركات
- 52
- نقاط التفاعل
- 81
- النقاط
- 3
محلاها بنت بلادي...فحلة زينة و اتهبل
يحفظها سيد سيادي...عزيزة عندي ما تتمل
الاسم عربي واتاها...دين وحشمة تلقاها
سبحان ربي سواها...عين و زين وعقلية
هيا عرضي واجوادي...هيا عزي من لول
عشقي فيها و اعنادي...بحنانة تخطف لعقل
أمازيغية و نهواها...بحسن وأخلاق رباها
يسعد من فاز آداها...صيل ظرافة وتربية
نفخر بيها و نعادي...الحساد عليها وانبهدل
نحميها ولو بزنادي...والله بعمري كي انعول
وبنت الصحرا مبهاها...قريبة للقلب ابغاها
نمشي و نقرب باباها...بنت الرمال الذهبية
يا سعدي بأم اولادي...فهامة وارزانة و عقل
نوهبها عمري عادي...مانجيب رومية نحصل
و بنت التلي تسواها...سكر و عسل حلاها
قمرة وضوات اسماها...سمرة فاللون خمرية
عليها لحني وانشادي...بنت الصيل والمخول
نوض عليها باجهادي...انسبل روحي وانكمل
شاوية فحلة و معتاها...فاقت القمرة بضياها
تسوى الدنيا بشناها...مولاة النيف ثورية
فيها لمحبة و اكبادي...اتنورداري كي تدخل
هيا خيري و ازبادي...حلوة مسرارة وعسل
نعيش ونموت معاها...ما نقدر انفرط فيها
اللي باعها و شراها...تافه ما يسوى حية
معاها فرحي واعيادي...معاها نبني المستقبل
مانبدل بنت بلادي...ما نرخس عنها و انذل
ندير الواجب برضاها...في وقت الشدة نلقاها
الله يرحم من رباها...حشمة و حيا و تربية
هي تاريخي واجدادي...هي الماضي والأصل
بيها فخري وازيادي...ورد و ياسمين و فل
دير اجميلك و انصرها...وسط اعياني نسترها
اكنوز الدنيا ما تسواها...هيا روحي و عينيا
ابجاه النابي الهادي...تسلكها من كل اوحل
رفيقة للقلب اسنادي...حجاب عليها ما تغفل
بقلمي medcherif03
يحفظها سيد سيادي...عزيزة عندي ما تتمل
الاسم عربي واتاها...دين وحشمة تلقاها
سبحان ربي سواها...عين و زين وعقلية
هيا عرضي واجوادي...هيا عزي من لول
عشقي فيها و اعنادي...بحنانة تخطف لعقل
أمازيغية و نهواها...بحسن وأخلاق رباها
يسعد من فاز آداها...صيل ظرافة وتربية
نفخر بيها و نعادي...الحساد عليها وانبهدل
نحميها ولو بزنادي...والله بعمري كي انعول
وبنت الصحرا مبهاها...قريبة للقلب ابغاها
نمشي و نقرب باباها...بنت الرمال الذهبية
يا سعدي بأم اولادي...فهامة وارزانة و عقل
نوهبها عمري عادي...مانجيب رومية نحصل
و بنت التلي تسواها...سكر و عسل حلاها
قمرة وضوات اسماها...سمرة فاللون خمرية
عليها لحني وانشادي...بنت الصيل والمخول
نوض عليها باجهادي...انسبل روحي وانكمل
شاوية فحلة و معتاها...فاقت القمرة بضياها
تسوى الدنيا بشناها...مولاة النيف ثورية
فيها لمحبة و اكبادي...اتنورداري كي تدخل
هيا خيري و ازبادي...حلوة مسرارة وعسل
نعيش ونموت معاها...ما نقدر انفرط فيها
اللي باعها و شراها...تافه ما يسوى حية
معاها فرحي واعيادي...معاها نبني المستقبل
مانبدل بنت بلادي...ما نرخس عنها و انذل
ندير الواجب برضاها...في وقت الشدة نلقاها
الله يرحم من رباها...حشمة و حيا و تربية
هي تاريخي واجدادي...هي الماضي والأصل
بيها فخري وازيادي...ورد و ياسمين و فل
دير اجميلك و انصرها...وسط اعياني نسترها
اكنوز الدنيا ما تسواها...هيا روحي و عينيا
ابجاه النابي الهادي...تسلكها من كل اوحل
رفيقة للقلب اسنادي...حجاب عليها ما تغفل
بقلمي medcherif03