- إنضم
- 13 أفريل 2013
- المشاركات
- 14,618
- نقاط التفاعل
- 54,535
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلام عليكم اهل اللمة الكرام
ان شاء الله احوالكم بخير؟ ربي يهنيكم كامل ويوفقكم لكل خير
المهم اليوم رايحة نتكلم على موضوع الساعة وعلى الموضوع لي راهو يترأس نشرات الاخبار درك
والموضوع لي ولينا نرددوه على لسانا في كل بيت وهو اختطاف الاطفال بديناها بحكايات اختطاف الاطفال من اجل الانتقام وتصفية الحسابات
ومن بعد ولات التجارة بالاعضاء ومن بعد ولا الاب والام نفسهم متورطين في عملية الاختطاف وووو
المهم هاد الموضوع لي راهو مرهب كل عائلة ولي خلا اطفالنا تخاف وخلانا نقولو الدنيا ماعادش فيها لامان بصح .....
اليوم ماجيتش نوجه اتهام لأصحاب القلوب المتحجرة لي تخطف في الاطفال بدون رحمة وتشوهلهم اجسادهم
اليوم جيت نوجه الاتهام للأم وللأب بالرغم من انهم الضحية في هاد القضية والسبب رايح نحكيلكم عليه ..
يوم الاثنين جيت مروحة من الجامعة لعشية ماجيت نلحق جهة الحي تاعنا لحقت ال5 تاع العشية والبلاصة لي نعدي منها خالية غير سيارات
وماكانش الناس بزاف واذا كاينين معظمهم رجال انا قاعدة نمشي ونزرب هكاك نشوف في طفلة صغيرة واقفة في نص الطريق عمرها يجي بين 3 و5 سنوات هكاك صغيرة خلاص وانا كل مانقرب والطفلة تشوف معايا كلي قاصدتني ولا تحتاج حاجة مني وغير لحقت لعندها نلقاها قربت ليا وقاتلي قطعيني للجهة الثانية خاطر السيارات من تم مستحيل تقدر وحدها
انا فرحت ومت بالفرحة هههه وليت حكمتها من يدها واستنيت ينقصو السيارات وقطعتها غير وصلتها للجهة الثانية سقسيتها قتلها تسكني هنا؟
(يعني في الجهة لي وصلتها ليها) قاتلي لالا، مالا استغربت وقتلها مالا وين تسكني؟ قاتلي في الجهة الاخرى (يعني لي قطعتها منها) قتلها مالا وين رايحة؟ قاتلي رايحة نشري تما تشوكيت الدنيا خالية وماكانش حوانت كاينة سوبيرات وبعيدة تشوف الخيال تاعها من بعيييد خلاص، انا تشوكيت طفلة صغيرة خلاااص تروح تشري على 5 والدنيا فارغة؟؟؟ وزيد غير سيارات يعني لي يحب يخطفها يهزها بسيارة ويطير ولا قادر حتى يقيسوها ومايشوفوهاش وزيد لازمها تعدي على مسجد قاعدين يبنيو فيه يخدمو فيه واحد الاشخاص انا كي نعدي قدامهم ونخاف لدرجة يتبلاو، بقيت نشوف قلت نروح معاها تشري زيد يشوفوني معاها يقولو حابة تخطفها ولا.. نخليها غاضتني وليت بقيت نشوف معاها وقتلها روحي بلعقل وبالاكي من الطريق واتولهي حتى ترجعي للدار قاتلي هيه وطلعت تجري وانا بقيت نعس فيها من بعيد حتى شفتها دخلت تشري طلعت راسي جيهة دارها قلت بالاك يماها تعس فيها مالقيت حتى عبد تشوكيت تاع الصح، يعني للدرجة هادي مطيشين ولادهم ومن بعد كي يتخطفو يقولك كيفاه، ساعات نروح نقرا ولاد قريب مايبانوش من الارض يدورو في بلايص خاليين نصهم يلعب ونصهم يجري جهة السيارات ووالديهم تقول موتى وكي تصرالهم حاجة يبدا النديب وولدي وولدي صح كاين لي تخطفو ولادهم من قدامهم ولا من مدارسهم بصح طفل صغير تبعتيه قبل المغرب بشوي يروح يشريلك ونتي تتفرجيلي في مسلسل ولا معرف واش وولدك مطايش ماش هكا بعد وينهو قلبهم يعطيوهولي، انا راهي برانية عليا قلبي اتقسم عليها وبقيت نلوم في روحي كي مارحتش معاها وبقيت نخمم اذا رجعت للدار بخير ولالا ويماها طالقتها وزيد تقولها اشريلي يعني واش من قبل برك
المهم خاوتي واش رايكم في كلامي؟ وهل اختطاف الاطفال يتحملوا فيه الوالدين جزء من المسؤولية ولالا؟؟؟
نتركلكم الخط دركا باه تعبروا وربي يحفظ وليداتنا من كل شر ويحميهم ان شاء الله
تحياتي
ان شاء الله احوالكم بخير؟ ربي يهنيكم كامل ويوفقكم لكل خير
المهم اليوم رايحة نتكلم على موضوع الساعة وعلى الموضوع لي راهو يترأس نشرات الاخبار درك
والموضوع لي ولينا نرددوه على لسانا في كل بيت وهو اختطاف الاطفال بديناها بحكايات اختطاف الاطفال من اجل الانتقام وتصفية الحسابات
ومن بعد ولات التجارة بالاعضاء ومن بعد ولا الاب والام نفسهم متورطين في عملية الاختطاف وووو
المهم هاد الموضوع لي راهو مرهب كل عائلة ولي خلا اطفالنا تخاف وخلانا نقولو الدنيا ماعادش فيها لامان بصح .....
اليوم ماجيتش نوجه اتهام لأصحاب القلوب المتحجرة لي تخطف في الاطفال بدون رحمة وتشوهلهم اجسادهم
اليوم جيت نوجه الاتهام للأم وللأب بالرغم من انهم الضحية في هاد القضية والسبب رايح نحكيلكم عليه ..
يوم الاثنين جيت مروحة من الجامعة لعشية ماجيت نلحق جهة الحي تاعنا لحقت ال5 تاع العشية والبلاصة لي نعدي منها خالية غير سيارات
وماكانش الناس بزاف واذا كاينين معظمهم رجال انا قاعدة نمشي ونزرب هكاك نشوف في طفلة صغيرة واقفة في نص الطريق عمرها يجي بين 3 و5 سنوات هكاك صغيرة خلاص وانا كل مانقرب والطفلة تشوف معايا كلي قاصدتني ولا تحتاج حاجة مني وغير لحقت لعندها نلقاها قربت ليا وقاتلي قطعيني للجهة الثانية خاطر السيارات من تم مستحيل تقدر وحدها
انا فرحت ومت بالفرحة هههه وليت حكمتها من يدها واستنيت ينقصو السيارات وقطعتها غير وصلتها للجهة الثانية سقسيتها قتلها تسكني هنا؟
(يعني في الجهة لي وصلتها ليها) قاتلي لالا، مالا استغربت وقتلها مالا وين تسكني؟ قاتلي في الجهة الاخرى (يعني لي قطعتها منها) قتلها مالا وين رايحة؟ قاتلي رايحة نشري تما تشوكيت الدنيا خالية وماكانش حوانت كاينة سوبيرات وبعيدة تشوف الخيال تاعها من بعيييد خلاص، انا تشوكيت طفلة صغيرة خلاااص تروح تشري على 5 والدنيا فارغة؟؟؟ وزيد غير سيارات يعني لي يحب يخطفها يهزها بسيارة ويطير ولا قادر حتى يقيسوها ومايشوفوهاش وزيد لازمها تعدي على مسجد قاعدين يبنيو فيه يخدمو فيه واحد الاشخاص انا كي نعدي قدامهم ونخاف لدرجة يتبلاو، بقيت نشوف قلت نروح معاها تشري زيد يشوفوني معاها يقولو حابة تخطفها ولا.. نخليها غاضتني وليت بقيت نشوف معاها وقتلها روحي بلعقل وبالاكي من الطريق واتولهي حتى ترجعي للدار قاتلي هيه وطلعت تجري وانا بقيت نعس فيها من بعيد حتى شفتها دخلت تشري طلعت راسي جيهة دارها قلت بالاك يماها تعس فيها مالقيت حتى عبد تشوكيت تاع الصح، يعني للدرجة هادي مطيشين ولادهم ومن بعد كي يتخطفو يقولك كيفاه، ساعات نروح نقرا ولاد قريب مايبانوش من الارض يدورو في بلايص خاليين نصهم يلعب ونصهم يجري جهة السيارات ووالديهم تقول موتى وكي تصرالهم حاجة يبدا النديب وولدي وولدي صح كاين لي تخطفو ولادهم من قدامهم ولا من مدارسهم بصح طفل صغير تبعتيه قبل المغرب بشوي يروح يشريلك ونتي تتفرجيلي في مسلسل ولا معرف واش وولدك مطايش ماش هكا بعد وينهو قلبهم يعطيوهولي، انا راهي برانية عليا قلبي اتقسم عليها وبقيت نلوم في روحي كي مارحتش معاها وبقيت نخمم اذا رجعت للدار بخير ولالا ويماها طالقتها وزيد تقولها اشريلي يعني واش من قبل برك
المهم خاوتي واش رايكم في كلامي؟ وهل اختطاف الاطفال يتحملوا فيه الوالدين جزء من المسؤولية ولالا؟؟؟
نتركلكم الخط دركا باه تعبروا وربي يحفظ وليداتنا من كل شر ويحميهم ان شاء الله
تحياتي
