هل انا افكر بعقل ناضج واع ؟

[مشكلتي]

السلام عليكم ورحمة الله تعالى وبركاته

الحمد لله والصلاة والسلام على رسولنا الكريم سيدنا وحبيبنا محمد صلى الله عليه وعلى آله وصحبه الطبين الطاهرين وزوجااته امهات المؤمنين ومن تبع هديه باحسان الى يوم الدين


لا اعرف كيف سأبدا حديثي فقد قصر عليه الاحساس بوهلة من الزمن لذلك ليس لدي ترتيب له في طرحه

انا سمية حاج ؛ من قبل وضعت هنا موضوعا بعنوان الدراسة

لم تكن سهلة الفترة الاخيرة من السنة الثالثة / ليسانس / عانيت فيها وبقدر العناء رافقته صبرا صبرا صبرا جميلا ولله الحمد
وهي فترة قد تؤثر حتما على نفسيتي وتفكيري بشخصيتي هه :cray02: لم أعد لاحتمل يا احبتي في الله

فترة العطلة الصيفية مرت جد رائعة مع الاهل ومارست هواياتي كما احب ولم أشأ ان اتذكر ولا لحظة مما مضى

وحين طرحت مشكلتي هنا غرضي ان ارى ارآءكم وأيضا لا أخفي عليكم كنت أحاول جاهدة في رفع معنوياتي وأستمر في ذلك حتى أكمل مساري الدراسي بعدما كانت تراودني فكرة التوقف عنها

لا اله الا الله
:cray02:

عندنا أسبوع من لي بدينا دراسة وهدا هو الثاني
انا جيت هنا فاليوم الرابع على ما اتذكر من عيد الاضحى
اتيت باكرا حتى استرخرج شهادة الليسانس التي لا اشعر حيالها باي شيء
وشرعت في علية التسجيل
وحتى التسجيل بالاقامة الذي كان صعبا قليلا لاني وودت اخذ غرفة لوحدي

الحمد لله تم كل شيء
ولازلنا لم نبدا الدراسة ، بدات في تجهيز الغرفة فاشتريت الصباغة ونحوها ثم بدات العمل فيها لوحدي طبعي لا أحب المساعدة لكن هذا دائما يكلفني خيبة امل

لا الغرفة اكتملت لحد اليوم ولا معنوياتي ارتفعت


اانا لا أشعر بشيء جيد ابدا حيال الدراسة :cray02: رغم انني احبها واحب ان اجتهد لو كلفني ذلك صحتي

ادخل الى الورشة وقلبي مقفل عليه
استمع الى الاستاد وقلبي مقفل عليه
سئمت طريقة التدريس وسئمت كل شيء فيها


نعم نعـــــم
أضحى يراود عقلي ذلك القرار
أضحى يراود قلبي ذلك الملل ذلك الحزن ذلك الاكتئاب


من الاخير يا اهل اللمة ، بكامل ارادتي اود الرجوع الي اهلي اود ان انسحب من هذا العالم الذي يسبب لي الحزن
الاا وتاتي ملامح وجه امي وابي واختاي واخي
يكسر خاطرهم فيّأ ، هم لم يتعودوا عليّ تلك التي لا تحب الدراسة

راني ندخل للكلاسة والله في نفسية متعبة كئيبة لم اعد سمية النشيطة التي لا تتوقف عن الكلام ولا المزاح ، حتى زميلاتي وزملائي ومن اعرف صار كلامي معهم ضئيل الا اذا تحدثوا معي
يطلبون مني ممازحتهم فاعتذر بابتسامة المتعب
هل انسحب ؟ خفت الندم

حوايج بزاف مقدرش نقلهم

كل ما ندير حاجة فبالي او فكرة صرت نخاف والله
من عدم تطبيقها ، تحقيقها ، الوصول اليها

صار تفكيري يذهب مباشرة الى الفشل
لكن راسي في كل دقيقة تتكرر جملة : انا نروح خلاص منيش حابة نقرا كرهت

لا حول ولا قوة الا بالله

ها انا في بداية السنة

هل اتوقف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[Soumia hadj mohammed]

رد: هل انا افكر بعقل ناضج واع ؟

؟؟؟؟؟؟؟؟؟؟

 

[zohor kfz]

رد: هل انا افكر بعقل ناضج واع ؟

سمية حبيبتي كلنا مرينا بمشاكل في الدراسة
و انا مثلك بعد ما تحصلت على الليسانس كنت كارهة و لو لا اصرار الاهل لما اتممت دراستي
و انا تاني حبيت نعيش وحدي في لاسيتي و درتا وحدي لكن عشت عام صح كئيب بمعنى الكلمة و نقلكي حاجة انه هاد الخمول لي راه فيكي ما هو الا نتيجة رسوخ فكرة ترك الدراسة و اكيد العطلة مع العائلة المريحة خلاتكي تتمسكي بالفكرة اكثر و عارفة تقولي الميناج فالدار و لا هم القراية و بعد على الدار و الجري و الطياب و زيدي الحفاظة و كل في كفة و توتر قبل الافيشاج في كفة تانية
لكن نصيحة مني لكي كاخت اكبر منكي و عايشة تقريبا نفس تجريبتكي ... استغلي كل دقيقة لكي و انتي في الجامعة عيشي مع صحاباتكي و رقدي معاهم و كولي معاهم و مادا بيكي صديقاتكي تاع السكن ميكونوش هوما تاع الدراسة هاكذا لما تتلاقاو العشية تحكيو على نهاركم و تونسو بعضاكم
طولت عليكي اسفة لكن راح يجي يوم ترجعي فيه للدار و ولله تشتاقي قعدة معا صحاباتكي ... و ماتقوليش نقدر نتلاقاهم لانه كل وحدة تعيش حياتها و ما يبقالكومش الوقت لبعضاكم و دار تاني مليحة لكن كل حاجة في وقتها حلوة
و خاصنا ترجعي سمية لي نشيطة و تحب تقرى و تتطور اه نسيت ... راكي درك في تخصص يعني راكم قلال حاولي تتقربي من اساتدتكي و من لي تقراي معاهم و حاولو تخلقو جو من النقاش في الدرس هاكدا ماتوليش تملي من الدرس

 

[،كارينا،]

رد: هل انا افكر بعقل ناضج واع ؟

حبيبتي سمية ربي يكون في عونك
هذا توسويس برك اعتذر والله بصح هذا وسواس من الشيطان استغفري ربك واسمعي القران
وصلي وادعي ربك يزيل همك ويفرج عليك
ولازمش ابدا تتخلاي على اهدافك بسبب شوية مشاكل لازم تكوني قوية وتتغلبي على كل شئ
وهادي الحياة كل نجاح تكون فيه تعقيدات ومشاكل اصلا ماكانش لي لحق لمراده بسهولة
ربي يكون معاك ويفرج عليك وماتنسايش نا كامل معاك ودعواتنا ليك واذا كاش ماحتجتي رانا هنا

 

[جوهرة الجنة]

رد: هل انا افكر بعقل ناضج واع ؟

سمية حبيبتي هاذي ليست الا وسوسة من الشيطان اكثري الاستغفار وتابعي دراستك والله اهم حاجة هي الدراسة لا تتخلي على اهدافك بهذه السهولة وبارك الله فيك وان شاء الله من الاوائل حبيبتي
دعواتنا معك حبيبتي

 

[Hakan]

رد: هل انا افكر بعقل ناضج واع ؟

وعليكم السلاام اهلا ختنا سمية واش كل هذا الاحبااط
يعني نورمالمون بنت تقرى هندسة راها عندها قلب نتاع لبؤة
الاسود تقدر تروضهم كاامل لكن معليه خيتي كل شيء فيه صبر
الحاجة اللي نتفقو فيها في كلامك ونكونو معاها جدميعا انو كاااااامل كرهنا القراية
انا واحد من ناس كرهت فكرة انو راني نقرى 5 سنوات
متواصلة يعني بزااف تالمون الواحد حاب يتسرع للحياة العملية
وعلابالي انو من اخطاء نظام lmd هو مشكل 3 سنوات وهذيك الحرية نتاع تقدر تحبس ولا تستمر
يعني ماراكمش كيما حنا لازم تخلص 5 سنوات باش تقدر تخدم
ومن هنا يعني ممكن يفشل بعض الناس في مواصلة الدرااسة نتاعهم ويجيبو الماستر
لو طرحت هذا الموضوع قبل العطلة كنت نقلك ريحي روبوزي عام
ومن بعد كملي قرايتك لكن هذا كان قبل ومع هذا كنت رايح ننصحك انو لازم تاخذي بعين الاعتبار
شخصيتك كفتاة يعني العام راهو عزيز بزاف عند الطفلة لذا ما كانش اضاعة وقت
مش كيما راجل يقدر يحبس في لاليسونس وبعد عامين ثلاث او اربع يدخل يكمل ماستر فهمتيني ختي لانو
ان شااء الله راهو موراك زواج وامور عائلة راهي تستنى فيك يعني لازم يكون تركيزك منصب
الى انهاء الدراسات نتاعك علابالي تعب وعلابالي شقاء مي ديما ديما تفكري انو راكي مثال الفتاة الناجحة
ماشاء الله عليك ونعرفو كامل في اللمة انك من نوعية الفتيات المنظمات
اما الحالة النفسية علاجها هي انو تستغفري ربي سبحانو وتقراي شويا قرآن باش تروحلك
هذيك الوساويس يااختي في الله رانا في نوفمبر
وراكي عارفة واش معناتها نوفمبر معناتها عطلة الشتاء قربت وبعد العطلة الامتحانات نتاع السيماستر الاول وبعدها مباشرة امتحانات الفصل الثاني وان شااء الله تكوني ديجا فوتي الماستر 1 بكل نجااح
لذا ما يطيحلكش المورال الا الوالد يعني انسان متفهم عيطيلو في اللتيليفون وحكيلو وضعيتك
باش اولا تفرغي واش كاين وثانيا التشجيعات نتاع الاب رايحة تاتي بثمارها
زيدي شوفي في الكلاسة نتاعك يعني ديما ديما كاين زملاء راكي حاطتهم في قائمة المنافسين نتاوعك
لذا هذوم ما تخاليلهمش فرصة انو يفوتوك في السبااق
والاخيرة واللي يعرفوها كامل انو شهادة لاليسونس ما دير والو هذيك كي نرجعو للواقع نتاعنا
هيا مالا ختي اعطيلنا ابتسامة نتاع مهندسة كبيرة وتحلايي بالشجاعة وان شااء الله يحصل خير واذا اي اسئلة ها رانا هنا
سلام...​

 

[طموحة]

رد: هل انا افكر بعقل ناضج واع ؟

سلام سمية توحشنا ابداعاتك
استهدي بالرحمان
خلي طموحك دايمن بين عينك باش تقدري تصبري علاجالو.فكري دايمن في الأشياء الايجابية لي راح تجيك بعد دراستك.
كثري من الاستغفارالصلاة على النبي راح تشوفي الفرق صدقيني
تفكري المواقف الصعبة المماثلة لي جزتي عليها و كيفاش ربي خرجك منها للأحسن و كثري الدعاء ربي ما يضيعش عبدو
صدقيني كامل نكرهو وكيما قتلك ديجا ماكاش قرايا ساهلة
وكلما ضاق الشيء اتسع و بعد كل عسر يسر بأذن الله
وراكي في تخصص ماشاء الله ناس بزاف متمنينو وديري في بالك بلي نتي انسانة مبدعة ماشاء الله وكيما قدرتي على 3 سنين تقدري على واش بقا باذن الله و الوقت راهو يجري
سمية أختي صدقيني أنا من الناس لي يحبوك حتي و ان لم أرك صدقيني وتمنياتي لك بالنجاح

 

[عاشقة الإحسان]

رد: هل انا افكر بعقل ناضج واع ؟

السلام عليكم حبيبتي سمية

بصراحة لم أجد ما أكمله لكي فالإخوة و الأخوات اللي قبلي كفو و وفو ، و ما خلوليش هدرة ، لكني أبيت الا أن أساندك و لو بكلمة للتخفيف عليك غاليتي

أنت مثال للإصرار و العزيمة و التميز ، فلا تتركي لليأس منفذا اليك ، و كوني كما عهدناك دوما ، و لا تغفلي ثم لا تغفلي من ملازمة الإستغفار و ذكر الله و الدعاء في كل صلاة ، صدقيني ستجدين راحة نفسية لا مثيل لها ، و اقبالا على الحياة و نفسا جديدا .

دعواتي لكي عزيزتي ، و ربي يريح قلبك​

 

[GI Joe]

رد: هل انا افكر بعقل ناضج واع ؟

nchikh 3lik hadja je pense c la meilleure solution
a mon avis rohi trawhi, f dar ta9edri tkhami khir w tes parents nchallah rah ysoutniw la decision ta3ek kima kanet mich yforciwek 3la l 9raya

rohi l dar w khami comme les graaands, diri rohek raki responsable, imagine des situations pas confortables, genre papak tesralou hadja w ma3andkomch pay w darkom ta3erfou que 3la issm 3amek li mayhebkomch w du jour au lendemain vs vs retrouverai dehors ?? imagiiiine bark, b3id char nchllh hadja ma tesra mais c comme ca qu on avance
dit toi koun maydjiblekch rabi mektoub zwedj raha teb9ay medhloula fi had leblad bla khadma !!

choufi f les pages w les sites les offres d emploi freqquenti ness li khalsset 9rayetha w rahi hassla, tweli oligé tkouni logiiique c la vie malazemch nkounou depandantes
la kan ta9ebli l rohek teb9ay depandante a vie allah yssahel( mich 3ayb mais hadi denia w t hes pas obligé takhedmi) eb9ay f dar un mois ou 2 3andek l wa9t jusqu au exam khami mliii ba3dha sur ya tkemli pr de bon, yaa thabssi w tertahi
​

 

[GI Joe]

رد: هل انا افكر بعقل ناضج واع ؟

w nzidlek info 3la la cité,ahemdi rabiii raki wahdek, ana rani m3a ness manefhemch mm pas loghethom w 3andhom deffaut grave w grib nroh nechki, maais hakdek w ki djini dem3a w tghidni rohi nakol chikoula ki l fahla w netfaredj w nenssa kolech nchouf ghir mama li khalitha met9al9a 3lia

diri hadja kima f dar, la mm couleur f la chambre wala cadre special wala les mm draps que ta3 dar hadja twelfi biha thani ki 3adet la nouvelle année, diri des tp pr le plaisir genre boite et miroir ynehoulek stresse ta3 l9raya :thumb_up02::thumb_up02: w investit f 3g mnin matkouni ma9nota ahedri m3a darkom, ba3di kol l bo3d 3la shabat aut mieux

couraaage​

 

[angegardienretour]

رد: هل انا افكر بعقل ناضج واع ؟

السلام عليكم

يتعرض الإنسان في حياته اليومية للكثير من المشكلات ومواقف الفشل أو عدم الوصول للنجاح المرغوب فيه، بالإضافة إلى تعرضه لظروف أقل ما يمكن أن توصف بأنها سيئة أو محبطة، فعلى سبيل المثال: ما نعيشه اليوم في عالم الواقع من خلافات ونزاعات عربية وأخبار يومية مؤلمة -والتي لا يُعرف منتهاها- يثير الكثير من مشاعر الحيرة والإحباط وفقدان الأمل، وكأن باب الأمل بات مغلقًا، وأن ما بُني في سنوات كثيرة قد يهدم في لحظات أو أيام قليلة!



ولكن الرائي للواقع اليوم ينظر لما هو حاضر ولا يعلم ما هو آت، ولا ما يخبئه القدر له من أحلام وآمال قد تكون أفضل من الواقع، فعلينا التطلع للمستقبل بعين الأمل والتفاؤل بغد أفضل حتى لا نصل إلى مرحلة اليأس والقنوط من واقع مرير (النظر للجانب المليء من الكأس)، وعلينا أن نحاول رؤية عالمنا بأفضل مما هو عليه الآن، فنرنو ببصرنا لإشراقة فجر جديد، فجر تشرق فيه شمس التطور والتغيير، والعدل والتسامح، والنهضة والعمران، والأمل في الله بتغيير الحال.



إن مشاعر الإحباط للفرد تأتي من عدم النجاح والفشل المتكرر في مواقف متعددة أو متتالية، وعدم القدرة على فعل ما يريد، كأن يبحث عن عمل ولا يجد ما يناسبه لعدة محاولات متتالية، أو يحبط نتيجة عدم التوصل لحلول للمشكلات التي يواجهها هو أو مجتمعه، وليس الفرد فقط من يقع بالإحباط واليأس، بل أحيانًا شعوب بأكملها تصل لحالة الإحباط.. فخروجها من مأزق ودخولها في مأزق آخر يتسبب في توليد مشاعر الإحباط واللاأمل.. ولكن الفشل وعدم تحقق الأهداف يفترض به أن يعلّم الإنسان مواقف جديدة للنجاح والتقدم نحو الأمام وتجاوز الواقع، فلا يرتكب الأخطاء نفسها، ولا يدع الزمان يكرر نفسه، بل يبحث عن حلول جديدة تعينه في واقع حياته، وفي تحسين ظروف مجتمعه.. فالناجح يرى من كل عقبة فرصة للتعلم والتقدم والنجاح، والمهزوم يرى من كل فرصة نجاح عقبة وإحباط!



لكي تقف من جديد بعد موقف تعثر وألم، وتخفف من آلامك وأحزانك ومشاعر الإحباط لديك؛ أنصحك بما يلي:

أولًا: لا تنتظر الرحمة والعطف من الآخرين وتقديم العون لك؛ لأن هذا العون قد يأتي وقد لا يأتي، وهذا ينطبق على الشعوب كما ينطبق على الأفراد.. فلا أحد يشعر بما تشعر به من مشاعر، ولا أحد يستطيع أن يضع نفسه بالكامل في مكانك! فأنت المسؤول الأول والأخير عن نفسك، وعن نجاحك وفشلك، ونجاح وفشل بلدك! فالتغيير يبدأ من داخلك، والمعاناة قد تكون من ضرورات التغيير أحيانًا!

ثانيًا: عليك بالجد والتعب والإصرار لتقف على أرض خصبة من جديد، فابحث عن حلول للمشكلات، ولا تقف عاجزًا مهزومًا أمام ما يصيبك، فادرس المشكلة من جميع جوانبها لتخرج بحلول إبداعية جديدة.

ثالثًا: تذكر أنه قد يشاركك الآخرون في فرحتك بنجاحك وقد لا يهتمون بذلك! فإن شاركوك فاسعد بذلك، وإن حاربوك فتجاوز الوضع وكأن شيئًا لم يكن، وإلا فإنك ستعود لدوامة الإحباط والفشل من جديد!

رابعًا: حينما تشعر بالإحباط تحدث مع من تحب، ومن يحب لك الخير ومن يدفعك للأمام، فلا تجلس مع المحبطين والمهبطين للعزائم والمدمرين الذين لا يرجون لك الخير، حتى إن كنت تحسبهم من أعز أصدقائك أو أقربائك!



خامسًا: لا تحاول الوقوف على كل كلمة جارحة أو موقف مؤلم.. وتجنب متابعة الأخبار المؤلمة والمحبطة (على القنوات الفضائية أو بالإنترنت) بشكل يومي إن كانت تسبب لك الإحباط، لأن بعض القنوات تتعمد إيصالك لتلك المرحلة من اليأس.

سادسًا: حينما تمر على ذاكرتك مواقف الإحباط والألم والتي ستثير الانفعالات السلبية لديك، فحاول تغيير مجرى تفكيرك وذكرياتك.. فابحث عن ذكريات وأفكار سعيدة ومفيدة، بدلًا من إغراق نفسك في دوامة الإحباط المدمرة لوضعك النفسي والصحي، وغيّر مكانك الذي تجلس به، ومارس أنشطة وهوايات تحبها.

سابعًا: اعلم دومًا أن الإنسان الناجح (والناجح فقط) هو من يتعرض للنقد والمحاربة ومحاولات الإحباط والتدمير.. فالبعض لا يحب أن يرى الآخرين بحال أفضل منه، أو يرى نجاحه بفشل الآخرين! فيعمل على محاربتهم، وتقويض نجاحاتهم بشتى الطرق! وما أكثر هؤلاء في زماننا! فلا تساعد أعداءك على تدمير ذاتك وتحقيق مخططهم، فتكون عدو نفسك، وتدمر إنجازاتك ونجاحاتك بنفسك وبأفكارك السلبية عن ذاتك وقدراتك! فركز على مصادر قوتك لا مصادر ضعفك.



ثامنًا: عند الشعور بالإحباط والفشل جدد أهدافك وضع لنفسك خطة جديدة لتنفيذها وحاول التمسك بها ومتابعة تحقيق ما أمكنك منها، وعزز نفسك في حال نجاحك بتحقيق أحلامك وأهدافك.. فدائما خط بأناملك خطة جديدة تمحو بها إساءات الماضي.



تاسعًا: تذكر أن الأنبياء والعظماء والعلماء تعرضوا للكثير من مواقف الإحباط والفشل، ولكنهم لم ييأسوا من رحمة الله تعالى ومن إمكاناتهم {إِنَّهُ لَا يَيْأَسُ مِنْ رَوْحِ اللَّهِ إِلَّا الْقَوْمُ الْكَافِرُونَ} [يوسف:87]، فالأنبياء استمروا في طريق الدعوة بكل ما أوتوا من قوة لإيصال الرسالة التي كلفوا بها، ولولا قوة عزمهم لضاقت بهم الأرض بما رحبت ولتوقفت دعوتهم منذ اللحظات الأولى في مسيرتهم، فليس لك أسوة خير من أنبياء الله تعالى في صبرهم وتحملهم الأذى ومواجهة مواقف الفشل والإحباط وكيفية تجاوزها، فتأمل قصة نوح عليه السلام مع قومه الذين لبث فيهم ألف سنة إلا خمسين عاما يدعوهم ويذكرهم بالله، وما آمن معه إلا قليل! وتذكر قصص سيدنا محمد صلى الله عليه وسلم مع قريش وعداءهم له وإيذاءه وإخراجه من بلدته، وتذكر قصة موسى عليه السلام مع بني إسرائيل، وقصة يوسف عليه السلام مع إخوته، وصالح عليه السلام مع قومه... لتأخذ العبرة وقوة التحمل.



عاشرًا: إن اجتاحتك مشاعر الإحباط فعليك بالتضرع لله عز وجل بالدعاء وقراءة القرآن الكريم والصلاة، فإنك حتما ستجد بها ما يسليك ويخفف عنك ويعينك على الخروج من واقعك المؤلم ويوصلك لحياة أفضل وأفكار أجمل، فلا يملك تغيير الحال إلا رب الكون ومدبر الشؤون والأحوال. ولكن إياك والاعتراض على قدر الله تعالى وما كتب لك، لأنك لا تعلم المستقبل، ولا تعلم أين سيكون الخير، فقد يكون الواقع في ظاهره العذاب ولكن في باطنه الرحمة، فلا يعلم الغيب إلا الله تعالى. فتذكر مثلا عندما تعرض رسول الله صلى الله عليه وسلم لموقف أليم محبط عند دعوته أهل الطائف حيث صدوه وآذوه وأخرجوا فتيانهم وصبيانهم ليرموا عليه الحجارة حتى أدموا قدميه الشريفتين، فجلس على إثرها ملتجئا لله تعالى بالدعاء والمناجاة بكلمات عذبة منها: "إن لم يكن بك غضب عليّ فلا أبالي، لكن عافيتك هي أوسع لي"، ففي قمة موقف الشدة والابتلاء تخرج كلمات التوكل على الله تعالى وطلب الرحمة منه، فتنزل على قلبه الطمأنينة وراحة النفس، ثم يبشره جبريل عليه السلام برضا الله تعالى، بل وباصطحابه في رحلة عليا مميزة فريدة.. رحلة الإسراء والمعراج لرؤية السموات السبع، ورؤية الجنة والنار، والدخول في عالم الغيبيات الإلهية بتقدير الله تعالى ورحمته، فلا رحمة أعظم من رحمة الله تعالى.



وأخيرًا، اعلم أن بقاء الحال من المحال، فما تعيشه من إحباط وألم لن يدوم، وكلما ازداد الكرب والألم والضيق اقترب الفرج، قال الله تعالى: {حَتَّى إِذَا اسْتَيْأَسَ الرُّسُلُ وَظَنُّوا أَنَّهُمْ قَدْ كُذِبُوا جَاءَهُمْ نَصْرُنَا فَنُجِّيَ مَن نَّشَاءُ وَلَا يُرَدُّ بَأْسُنَا عَنِ الْقَوْمِ الْمُجْرِمِينَ} [يوسف: 110].. فعليك بالإصرار والعزيمة على النجاح والتغيير والوصول للمبتغى، فنقطة الماء كفيلة بأن تثقب الصخر إن قُرنت بالمداومة!

د. آندي حجازي

المصدر: مجلة الوعي الإسلامي- العدد 585

 

[Salah eddin]

رد: هل انا افكر بعقل ناضج واع ؟

السلام عليكم
والله يا اختي سمية قا راني متعاطف معاك
...
هه ااغريب في الامر
انك ماكش وحد هكذا
... ياحسرااااه لو كان نحكيلك ...
ياك علابالك ..انا نقرا ميدسين ...و هذا عامي الزاوج
و راني لضروك مزلت محتار ...نواصل و لا نقلب التخصص
:d:dههه:d:d
المشاكل تاع الجامعة و الاقامة ...رانا Gاع غارقين فيها
الفوضى و عدم النظام و التعفاس ...ههه
الله غالب ...و الشعور بالبعد و الحنين الى الاهل و الجيران راهو عند gاع الناس لي بعاد على ديارهم
و لو ما يبانش ..و لكنو موجود ...
...........
و الانسان هذا لو كان ما يستشيرش اهل الخبرة يبقى تالف راي ..حتى يفرج عليه ربي سبحانو
...
يا ختي واش نقلك
الله يسدد خطاك و يعطيك
ادعي ربي يفرج عليك همك ....حتى ولو مانيش نشوف فيه هم
ههه
انا نشوف فيه سحاية عابرة فقط...ههه
و
:regards01:السلام عليكم:regards01:
​

 

[angegardienretour]

رد: هل انا افكر بعقل ناضج واع ؟

السلام عليكم
والله يا اختي سمية قا راني متعاطف معاك
...
هه ااغريب في الامر
انك ماكش وحد هكذا
... ياحسرااااه لو كان نحكيلك ...
ياك علابالك ..انا نقرا ميدسين ...و هذا عامي الزاوج
و راني لضروك مزلت محتار ...نواصل و لا نقلب التخصص
:d:dههه:d:d
المشاكل تاع الجامعة و الاقامة ...رانا Gاع غارقين فيها
الفوضى و عدم النظام و التعفاس ...ههه
الله غالب ...و الشعور بالبعد و الحنين الى الاهل و الجيران راهو عند gاع الناس لي بعاد على ديارهم
و لو ما يبانش ..و لكنو موجود ...
...........
و الانسان هذا لو كان ما يستشيرش اهل الخبرة يبقى تالف راي ..حتى يفرج عليه ربي سبحانو
...
يا ختي واش نقلك
الله يسدد خطاك و يعطيك
ادعي ربي يفرج عليك همك ....حتى ولو مانيش نشوف فيه هم
ههه
انا نشوف فيه سحاية عابرة فقط...ههه
و
:regards01:السلام عليكم:regards01:
​

شوف واش يخرج عليك

الا ماتحبش medcine بدل و لكن يجب ان تقرر بسرعة

وعلاش تبدل
واش تبدل
وين تبدل......الخ

اسئلة يجب ان تكون الاجوبة عندك قبل تنفيذ القرار

و الله معاكم

موفق ان شاء الله
:graduation::graduation::graduation::graduation::graduation::graduation::thumb_up02::thumb_up02::thumb_up02:

 

[Soumia hadj mohammed]

رد: هل انا افكر بعقل ناضج واع ؟

سمية حبيبتي كلنا مرينا بمشاكل في الدراسة
اهلا بالغالية
و انا مثلك بعد ما تحصلت على الليسانس كنت كارهة و لو لا اصرار الاهل لما اتممت دراستي

في وضعي انا ، لم يقم احد باجباري ، لاني بين اهلي وبالنسبة لهم انني احب ان ادرس ولن اطرح عليهم الفكرة
​

و انا تاني حبيت نعيش وحدي في لاسيتي و درتا وحدي لكن عشت عام صح كئيب بمعنى الكلمة

بالنسبة لاسيتي منيش مقلقة لوكان محبيتهاش منتحمسش اني نصلح الغرفة من حيث الصبيغة وبعض الافكار في بالي ان شاء الله نحققها لانه بطبعي نحب كي نكون ندرس نكون وحدي في فضاء مريح بالرغم من ان الوحدة بزاف تاني مش مليحة مش كيما تكوني في شمبرتك ومع اهلك و اني نعرف بعض البنات ملاح ثمك يعني حتى لو كرهت نتسلى معهن شويا
​

و نقلكي حاجة انه هاد الخمول لي راه فيكي ما هو الا نتيجة رسوخ فكرة ترك الدراسة و اكيد العطلة مع العائلة المريحة خلاتكي تتمسكي بالفكرة اكثر و عارفة تقولي الميناج فالدار و لا هم القراية و بعد على الدار و الجري و الطياب و زيدي الحفاظة و كل في كفة و توتر قبل الافيشاج في كفة تانية

صح عندك الحق ، ومزال مفهمتش هاذ السبب والله

من قبل نوض نصلي الفجر عادي ونبقى نقوم بشغل الدار هذي فوقت العطلة اما كي بدات الدراسة لا حول ولا قوة الا بالله حتى الصلاة اتثاقل عليها ولوكان نوض و نصلي نعاود نرجع لبلاصتي بففف
يعجبني الحال مي مشي مليح
وكي نتفكر بلي مفقتش بكري اتشاءم واحزن
​

لكن نصيحة مني لكي كاخت اكبر منكي و عايشة تقريبا نفس تجريبتكي ... استغلي كل دقيقة لكي و انتي في الجامعة عيشي مع صحاباتكي و رقدي معاهم و كولي معاهم و مادا بيكي صديقاتكي تاع السكن ميكونوش هوما تاع الدراسة هاكذا لما تتلاقاو العشية تحكيو على نهاركم و تونسو بعضاكم
طولت عليكي اسفة لكن راح يجي يوم ترجعي فيه للدار و ولله تشتاقي قعدة معا صحاباتكي ... و ماتقوليش نقدر نتلاقاهم لانه كل وحدة تعيش حياتها و ما يبقالكومش الوقت لبعضاكم و دار تاني مليحة لكن كل حاجة في وقتها حلوة
و خاصنا ترجعي سمية لي نشيطة و تحب تقرى و تتطور اه نسيت ... راكي درك في تخصص يعني راكم قلال حاولي تتقربي من اساتدتكي و من لي تقراي معاهم و حاولو تخلقو جو من النقاش في الدرس هاكدا ماتوليش تملي من الدرس

ان شاء الله
بارك الله فيك حبيبتي ، ربي يحفظك وييسر امورك ويرزقك ايمانا لا يرتد
​

 

[Soumia hadj mohammed]

رد: هل انا افكر بعقل ناضج واع ؟

حبيبتي سمية ربي يكون في عونك

آمين يارب ، بارك الله فيك ​

هذا توسويس برك اعتذر والله بصح هذا وسواس من الشيطان استغفري ربك واسمعي القران
وصلي وادعي ربك يزيل همك ويفرج عليك

كلما حدث معي هكذا أفعل ما قلت لي​

ولازمش ابدا تتخلاي على اهدافك بسبب شوية مشاكل لازم تكوني قوية وتتغلبي على كل شئ

لا ادري ما يحدث معي والله احيانا ينتابني تفكير بالانسحاب من كامل ارادتي وكاانني مقتنعة ​

وهادي الحياة كل نجاح تكون فيه تعقيدات ومشاكل اصلا ماكانش لي لحق لمراده بسهولة

صدقت عزيزتي وادرك ذلك ​

ربي يكون معاك ويفرج عليك وماتنسايش نا كامل معاك ودعواتنا ليك واذا كاش ماحتجتي رانا هنا

آمين بارك الله فيك اختي ​

 

[Soumia hadj mohammed]

رد: هل انا افكر بعقل ناضج واع ؟

سمية حبيبتي هاذي ليست الا وسوسة من الشيطان اكثري الاستغفار وتابعي دراستك والله اهم حاجة هي الدراسة لا تتخلي على اهدافك بهذه السهولة وبارك الله فيك وان شاء الله من الاوائل حبيبتي
دعواتنا معك حبيبتي

ا

ان شاء الله ان شاء الله
ربي يحفظك ختيتو ويوفقك ​

 

[Soumia hadj mohammed]

رد: هل انا افكر بعقل ناضج واع ؟

وعليكم السلاام اهلا ختنا سمية واش كل هذا الاحبااط
يعني نورمالمون بنت تقرى هندسة راها عندها قلب نتاع لبؤة
الاسود تقدر تروضهم كاامل لكن معليه خيتي كل شيء فيه صبر
الهندسة لا تجعل من قلب المراة مثله الذي تحمل اللبوءة بقدر الايمان

صحيح ان هذا المجال فيه كثير من الضغط و كل شيء يلعب على الاعصاب كل شي : اساتذة عملية البحث خارج الجامعة في مرحلة البحث المصاريف اللي يقراو معاك ...... لذلك احيانا تتلف الاعصاب​

معاك حاجة اللي نتفقو فيها في كلامك ونكونو معاها جدميعا انو كاااااامل كرهنا القراية
انا واحد من ناس كرهت فكرة انو راني نقرى 5 سنوات
متواصلة يعني بزااف تالمون الواحد حاب يتسرع للحياة العملية
انا نكره كي ميكونش كاين محصول او تحصيل علمي وطريقة التدريس
وعلابالي انو من اخطاء نظام lmd هو مشكل 3 سنوات وهذيك الحرية نتاع تقدر تحبس ولا تستمر
يعني ماراكمش كيما حنا لازم تخلص 5 سنوات باش تقدر تخدم
حنا ثاني لازم تزيد الماستر باسكو الليسانس وحدها لا قيمة لها خاصة فالهندسة
ومن هنا يعني ممكن يفشل بعض الناس في مواصلة الدرااسة نتاعهم ويجيبو الماستر
لو طرحت هذا الموضوع قبل العطلة كنت نقلك ريحي روبوزي عام

حطيتو فالصيف ، ومرة بالمزحة قلت لاختي مرحش ندخل هاذ العام حتى العام الاخر؛ محبتش الفكرة​

ومن بعد كملي قرايتك لكن هذا كان قبل ومع هذا كنت رايح ننصحك انو لازم تاخذي بعين الاعتبار
شخصيتك كفتاة يعني العام راهو عزيز بزاف عند الطفلة لذا ما كانش اضاعة وقت
مش كيما راجل يقدر يحبس في لاليسونس وبعد عامين ثلاث او اربع يدخل يكمل ماستر فهمتيني ختي لانو

ايه صح​

ان شااء الله راهو موراك زواج وامور عائلة راهي تستنى فيك يعني لازم يكون تركيزك منصب
الى انهاء الدراسات نتاعك علابالي تعب وعلابالي شقاء مي ديما ديما تفكري انو راكي مثال الفتاة الناجحة

ان شاء الله يارب​

ماشاء الله عليك ونعرفو كامل في اللمة انك من نوعية الفتيات المنظمات

الله يسلمك اخي حكيم​

اما الحالة النفسية علاجها هي انو تستغفري ربي سبحانو وتقراي شويا قرآن باش تروحلك

صدقت​

هذيك الوساويس يااختي في الله رانا في نوفمبر
وراكي عارفة واش معناتها نوفمبر معناتها عطلة الشتاء قربت وبعد العطلة الامتحانات نتاع السيماستر الاول وبعدها مباشرة امتحانات الفصل الثاني وان شااء الله تكوني ديجا فوتي الماستر 1 بكل نجااح
لذا ما يطيحلكش المورال الا الوالد يعني انسان متفهم عيطيلو في اللتيليفون وحكيلو وضعيتك

منيش حابة نزيد نقلقهم عليا العام الماضي برك حبيت نروح سمانة للدار كنت في حالة مش مليحة خلاص وكانو عندي لي أفيشاج ، كي قتلهم حبيت نجي برك نرتاح تقلقو وجاو لعندي هما ​

باش اولا تفرغي واش كاين وثانيا التشجيعات نتاع الاب رايحة تاتي بثمارها

صحيح ​

زيدي شوفي في الكلاسة نتاعك يعني ديما ديما كاين زملاء راكي حاطتهم في قائمة المنافسين نتاوعك
لذا هذوم ما تخاليلهمش فرصة انو يفوتوك في السبااق

للاسف مزال موصلتش للمنافسة ​

والاخيرة واللي يعرفوها كامل انو شهادة لاليسونس ما دير والو هذيك كي نرجعو للواقع نتاعنا
هيا مالا ختي اعطيلنا ابتسامة نتاع مهندسة كبيرة وتحلايي بالشجاعة وان شااء الله يحصل خير واذا اي اسئلة ها رانا هنا
سلام...​

هه حسنا
بارك الله فيك أخي حكيم لا تنساني من صالح دعائك بارك الله فيك
بالتوفيق لك ايضا​

 

[بقايا إنسان]

رد: هل انا افكر بعقل ناضج واع ؟

سلام الله على بنيتي سمية ولكي من القلب ألف ألف تحية وبعد:بعد أن كانت أفكاركي تولد من رحم وجدانكي حية فقد باتت اليوم تولد ميتة ليدخل قلبكي في دهاليز أحزان سرمدية وهذا الذي يجعل من أفكار المرأ جيفة بعد أن كانت حية
أما علمتي بنيتي أن الله خلقنا أطوارا فتتغير أفكارنا كل حين أو ليلا ونهارا قالقلب يطلب التجديد وإن سكن جسدا بليد
فكلنا نمر بهذه المراحل ونتظروقتها متى فجر الفرج يحل
عالجي أفكاركي المريضة بهمم سديدة رشيدة فأنتي أقوى من أن تسيطر عليك مثل هذه الافكار .ما عليك إلا البحث عن مفتاح يفتح لكي آفاقا جديد لتحضي بحياة هنئية سعيدة

 

[prince of love]

رد: هل انا افكر بعقل ناضج واع ؟

ممكن تفكري في والديك ؟؟ و هل ممكن تسمحي في التعب الأيام والليالي لي جوزتيهم في مرحلة الليسانس

ما تديريش كيما كي لحق للعين وما شربش .. نكذب عليك ادا ما قتلكش ما جوزناس المرحلة هاديك

انا شخصيا حبست اسبوع كامل ومن بعد رجعت في قراري و الحاجة الثانية نت ما عندكش اسباب تخليك تحبسي القراية

والصوالح لي راكي تحكي عليهم من راكي درتيهم نت وقنعتي روحك بيهم .. صح كل واحد يشوف واش يخرج عليه

مي لازمك تخممي في الأضرار على الأقل تخرجي بأقل الأضرار .. وبالتوفيق