الفريق الدولي [ متجــدد ]

[ضآحكة مستبشرة]

ههههه اخ صلاح واقيل علبالك بكاش حاجة و راك تخبي
ان شاء الله هو مذا بينا كثر الدعاوي

 

[Salah eddin]

يا ااختنا @عآشقة الجنة
راكي تشوفي ...الماتش تاع دزاير و السينغال مبيوع من البارح ....اصبري برك
​

 

[ضآحكة مستبشرة]

ايه يا خويا رانا صابرين

 

[Salah eddin]

الصبر مليح
....
و الطلعة فيها ان شاء الله
بصح بربي نطيحو مع الكاميرون و لا الغابون و يضربونا ب 5 ....هههه​

 

[ضآحكة مستبشرة]

خاوتي ما تعليقكم على آخر الأخبار التي تقول بأن المدرب ليكنس سيرحل بعد مباراة السينغال
هل انتم مع او ضد ؟؟

و من يتحمل خسارة المنتخب هل المدرب وحده او حتى الطاقم الفني من نغيز و منصوري ؟؟​

 

[ضآحكة مستبشرة]

الصبر مليح
....
و الطلعة فيها ان شاء الله
بصح بربي نطيحو مع الكاميرون و لا الغابون و يضربونا ب 5 ....هههه​

غير نطلعوا برك نسموها طلعة الشرف و مبعد كي نخسرو ماشي خسارة !!

 

[Salah eddin]

ههه
بخصوص المدرب ...نظن من ضرزك راه وجد الكابة تاعو باه يروح لدارهم
اما من يتحمل المسؤولية ...رئيس الفاف ....3 مدربين في عام ...هذا راه club مش منتخب ....​

 

[ضآحكة مستبشرة]

شكرا اخي صلاح على رأيك

 

[Salah eddin]

العفو ....روراوة ...ماننساوش الخير تاعو
بصح ...خلاص ..لازم فرصة لشباب
هه​

 

[ضآحكة مستبشرة]

آمالا نبداو حملة كلنا ضد رحيل روراوة
لازم نوجدولو قتلة نهار يرجع للجزائر ههههه
ياووو طلب جنانو لازم فرصة لامثال بلماضي و ماجر و اكدلي على بن شيخ خههخ

 

[Salah eddin]

صح ..لازم واحد كيما بن شيخ يعود في الطاقم الفني للمنتخب
و الله الكلام لي قالو gاع صار .....ومانيش عارف و علاه ما يسمعولوش ....​

 

[ضآحكة مستبشرة]

و ماجر و بلماضي ليست لديهم كفاءة
بلماضي قادر يروح بالمنتخب بعيد بزااف

 

[Salah eddin]

بصح لو كان جاو يحوسو على مدرب كبير ...كن راهم خلاو حليلوزيتش ....الجماعة داخلين ليها سرقة و تبزنيس ...على حساب العلام و يحوسو على مدرب يمشي معاهم في المخطط

 

[sanaya]

متحلموش يخلو المدربين بحالهم

 

[sanaya]

رابح سعدان
حليلوزيتش
ماجر
زعما هادو ميصلحوش
قتلكم المشكل راه فالتسيير
مش فاللاعبين

 

[ضآحكة مستبشرة]

بصح لو كان جاو يحوسو على مدرب كبير ...كن راهم خلاو حليلوزيتش ....الجماعة داخلين ليها سرقة و تبزنيس ...على حساب العلام و يحوسو على مدرب يمشي معاهم في المخطط

خويا صلاح خلينا نكونوا واقعيين زعما حليلو هوما حاوزوه ياو السيد رآه وحدووو

 

[sanaya]

ورابح سعدان
تشفاو كفاه كان المنتخب ككان يدربو سعدان

 

[ضآحكة مستبشرة]

ورابح سعدان
تشفاو كفاه كان المنتخب ككان يدربو سعدان

اللعب كان من القلب و المدرب يعرف قيمة البلاد خاطرش لعب من قبل و شاف واش معنتها تربح باش تفرح شعب

 

[sanaya]

التسيير
خصنا مدربيين بمهارات عالية
وليس بأجسام قوية
أو جيوب مليئة
أو لمصالح أخرى
خصنا مدربين في القمة
يقدروا يهيئوا المنتخب
نفسيا و بدنيا
الجانب النفسي له تأثيرو أيضا
خصنا مدرب معندوش هدف غير يشرف الجزائر
خصنا مدرب لديه مهارة القيادة
خصنا مدرب يتقن فن التواصل مع الآخرين
خصنا مدرب يتقبل آراء الجمهور ويطبقها في حال رأى الصواب
خصنا مدرب قادر يرفع معنوياتهم و يخليهم يروحو للقمة
هدا واش خصنا أما اللاعبين لاباس بيهم نسبيا

 

[حمزةusma]

السلام عليكم