الامتحانات ومادارت فيا

[لؤلؤة قسنطينة]

السلااام عليكم ناس اللمة الكرام

واسعد الله اوقاتكم وأيامكم وحفظ الله اهلكم من كل سوء ان شاء الله
ان شاء الله احوالكم بخير؟ ربي يوفق الجميع ان شاء الله
على كل حال باركووووولي وافرحولي (وجيبولي لي كادو اكيد ماتجيوش يديكم فارغين )نقولكم علاه؟
لالا ماتخطبت وماتزوجت بصح خلصت الامتحاناااات وديت الاستقلال وديت الحرية بعد شهر من التعب والعناء

يا سلاااام
عيد الاستقلال تاعي كان يوم الخميس بعدما كنت مسجونة

كانت عندي رغبة نجيبها من الجامعة وانا نزغرت ونشطح للدار

(راني نتمسخر برك لا تقولو الطفلة هبلت راني مازالني في كامل قواي العقلية هههه)

المهم درك كامل الشعب يقولك فترة الامتحانات فترة عادية الشعب كامل فيها يتعب ويحفظ وووو لكن انا عندي حالة خاصة وحالة بيزار

معرف اذا تصرالكم حتى نتوما ولالا( إذا لالا نروح نداوي قبل مايفوت الحال ) المهم تبعوني نحكيلكم ليستوار تاعي مع الامتحان لي معرف تنتهي بنهاية سعيدة ولا حزينة الاحوال ماتعجبش واقيلا رايحين نطلقو هههه (المهم مازالني بقواي العقلية هههه)
كيما قتلكم انا فترة الامتحانات مشكلتي مانقدرش نحفظ قبل شهر ولا شهرين مافهمتش علاه تقول عندي ثقب اسود في مخي نحفظ زوج كلمات بعد ربع ساعة ننساهم مالا ككل الفتيات الجزائريات نبدا الحفظ قبل الامتحان على الاكتر بـ 3 أيام ومن هنا يبدا مسلسل الرعب "مريم والامتحان" ولا يسمح بمشاهدته لأصحاب القلوب الضعيفة
اممم اول قاعدة في هاد المسلسل انو في فترة الامتحانات ماتقرب ليا ماتتكلم معايا ماتشوف معايا خاطر انا نكون نحفظ هكاك ومنارفيا واعصابي نحسها حاكمة دربوكة وتطبل ويزيد يجي عبد يسقسيني ولا يتمسخر معايا راني قادرة نفجر قنبلة نووية فيه نورمال اصلا العبد هاداك نعود نشوف فيه الكلمات الصعاب لي ماقدرتش نحفظهم
مالا اطونسيو "ممنوع الاقتراب قابل للاشتعال"

النقطة الثانية، في فترة الامتحانات لا علاقة لي بالجمال نهائيا ههههه لي يحب يخطب مايجيش يخطب في فترة الامتحانات خاطر تهرب بدون رجعة هههه، خاطر عينيا يدورو نولي هكا

شعري يطلع في السما يولي برابول يحكم القنوات كامل وصراحة يساعدني في المراجعة يجيبلي الالهام هههه( وانا نقول انشتاين علاه شعرو طالع ههه) وجهي يصفار عينيا يصغارو ابتسامتي تولي شاحبة (نليق يطلبو بيا

) نخاف حتى نخرج من الغرفة ونقابل والديا خاطر رايحة تصرالهم صدمة وقادر حتى يسلموني للشرطة يقولو سراق هجم علينا هههه
القاعدة الثالثة: انو كي نكون نحفظ تولي عندي علاقة بالفن مثلا الرسم، البلايص الفارغين في الكراس كاملين نعمرهم اشجار وقلوب كن نلم اللوحات تاوعي لي نرسمهم في فترة الحفظ ندير معرض للفنون الجميلة، مثلا تاني الغناء، نكون نحفظ نورمال نلقى روحي نلحن في الكلمات بصح ايماجينيو نحفظ في سعر الصرف ونحول من الدولار للاورو اتخيلو اللحن تاعها بلحن بلادي هي الجزائر وهي هكا "نحولوووو الاورو للدولار ونحولوووو الدولار للاورو والحفاظة كيف ساهلة والامتحان ماقدرت عنو" هههه (شكرا لكل من لحنها ههه) ايضا الرقص .. نكون نحفظ حتى نلقى روحي بديت
نشطح

والمشكلة القلم لي في يدي لي زعما نقرا بيه يولي آداة للتطبال نولي نطبل ونشطح (المهم لكل مار من هنا دعواتكم لي بالشفاء العاجل هههه)
القاعدة الثالثة: نحفظ بالصوت

يعني ندير الضجيج للناس ومانسمحش بأي ضجيج كي نكون نحفظ

خاطر ممنوع عبد يتكلم قدامي ولا يتفرج قدامي في التلفاز من حقي غير انا نحفظ بالصوت ولازم نسمع غير صوتي (هادي هي القوانين الداخلية ويجب احترامها

)

القاعدة الرابعة: قادرة نكون نحفظ في أمان الله حتى تحكمني هستيريا من الضحك

وساعات تحكمني هيستيريا من البكاء

وساعات نكون نحفظ حتى نلقى روحي تايهة نشوف مع الحيط تاع دارنا تقول أول مرة نشوفو ونتعرف عليه وفي الاخير ظهر ولد فاميليا هههه وساعات نغيص في احلامي الوردية حتى نلقاها فاتت ساعة هههه
القاعدة الخامسة: هي أنو في الامتحانات حياتي كاملة تولي حفاظة نتغدا ونريفيزي في مخي نمشي ونريفيزي في مخي نركب البيس ونريفيزي في مخي، والمشكلة الكبرى تصرالي قبل النوم، نبقى نريفيزي حتى تلحق 11 تاع الليل نولي نقول هيا مريم احكمي بلاصتك بزاف عليك من بعد نستلقي في فراشي نولي نقول كيفاه نبقى فاطنة ومانريفيزيش؟ نولي نجيب الكراس ونريفيزي وانا راقدة، ومن بعد تلحق الـ 12 نقول هيا مريم خلص وقت المراجعة درك ارقدي، غير نخبي الكراس ونرقد وعينيا مغمضين نلقى روحي نريفيزي

تبا اغربي عن رأسي ايتها الكلمات الشريرة، والمشكلة نبقى نحلم في روحي نجوز في الامتحان والصباح نوض مخلوعة على 4 تاع الصباح نجري للتيليفون نقول بالاك راح عليا الحال هههه
المهم لا علينا مجنونة مرت من هنا عرفتو درك علاه انا طول العام عاقلة هههه
وكي نلحق لقاعة الامتحان ولا للجامعة يصراولي تاني حوايج معرف اذا يصراولكم حتى نتوما ولالا (قولو يصراولكم وخلاص خلي نحسو بعضانا ههه)
أول حاجة: أني نجي حافظة ومراجعة وفرحانة بروحي ومن بعد نلتقي بوحدة نعرفها تقولي انا الدرس لي جاني صعيب هو الدرس كذا وكذا وانا جامي لا سمعت بالدرس هاداك ولا بلافامي تاعو من الخلعة نولي نشوف معاها هكا

الحاجة الثانية: لما نكون واقفة قبل الامتحان بنص ساعة ولا ساعة ونشوف استاذ المادة هاديك جايز قدامي وهاز محفظة فيها اوراق الاسئلة نتمنى لداخل في قلبي نهجم عليه ونسرقلو المحفظة هاديك ونشوف الاسئلة ونبرد قلبي
الحاجة الثالثة: لما ندخل الامتحان ونلقى هادوك البنات القاريات زعما

حاكمين يريفيزيو في الكراريس والاوراق تطاير ويجريو من عبد لعبد نولي نتوسوس وكي يقولولهم خبيو الكراريس تلقاهم مايقدروش على فراق كراريسهم قريب ينحيوهولهم بالكُلّاب تولي تشوف في مسلسل هندي تاع فراق بين فتاة وكراس انا نورمال نعاود الكاسيط في مخي وخلاص هههه
الحاجة الرابعة: يمدولك ورقة الاسئلة تبقى تتفرج معاها ملييح تجيبها ساعة و25 دقيقة ونتا تتعرف عليها و5 دقايق برك تجاوب فيهم لدرجة ماعرفتش منين تبداها هههه بصح تشوف جماعة خلاف طايحين في الكتابة ساعة ونص وكي يخرجو يخرجو يبكيو يقولك ماكملناش هههه تبا لحياتي التعيسة والمشكل الاكبر تدي خير عليهم في لافيشاج
اممم بخصوص ضيف الشرف لو ميسيو "افيشاج" خليتو للنهاية خاطر هاد المخلوق الشرير مستقبلك المهني متوقف عليه لدرجة غير تلحق لورقة لافيشاج هاديك تعود تصوطي على الاسماء غير باه تلحق لاسمك تولي تشوف بقية الاسماء مكتوبين بالشينوية غير اسمك شاعل فيه الضوء

تبع بصبعك المرتجف في السطر باه تشوف النقطة ونتا تتفكر في ايام الطفولة وين كنت سعيد بحياتك ولا هم يقلقك وفجأة بوووووم الفاجعة

مانكملش رأفة بالقلوب الضعيفة هههه
المهم مانطولش عليكم بزااف واذا نتوما تاني عندكم عادات غريبة في فترة الامتحانات خبرونا عليها ماتحشموش هههه
وحتى لي مازال ماطلعش للجامعة معليش يشارك معانا بطريقة المراجعة تاعو وبالحالة تاعو كي يستقبل النقاط الشابين هههه
المهم ماتبخلوش عليا بردودكم
واتهلاو في رواحكم
سلااام

​

 

[الورد الأحمر]

السلام عليكم ورحمة الله

امممم ربي يهدي من خلق أقتلوها قبل أن تتكاثر ... واش هذا يا أختي راكي في حالة وحبيت نطمنك انتي برك هك :p.

فكرتيني زمان كنت نقرا كنت كيفك مستحيل نحفظ قبل الامتحان نخلي حتى لليلة الامتحان نحفظ شوية وأنا كنت من النوع لي يقرا الدرس مع لمراية ولا نمشي في الدار كاملة ونقرا بالصوت باه كي نشوف السيجي ويسقسوني على حاجة معينة نتفكر وين كنت وقت قريتعا ووين كنت واقفة وفي أي كوانة من دارنا. كان راسي خفيف مالا يا نقرا في الليل يا الصباح كي نكون رايحة للجامعة وانا في البيس نحل الكراس نقرا الدروس لي متوقعتهم وندخل نفوت الامتحان.

تفكرت مرة دخلنا لومفي ورا الاستاذ تاع مادة الامتحان وهو معبي لي سيجي وطاحتلو ورقة من لي سيجي وبقيت مع ضميري نعبيها ولا نخليها ونفوت الامتحان بنزاهة وكانت معايا صاحبتي قالتلي عبيها علينا خلينا نخدمو عرنا جبنا المعدل معاه هههه وعباتها هي وانا غرني الشيطان وعاودت خرجت معاها شفنا السيجي وحلبناه ودخلنا وآخرتها ديت 10 وفي الامتحان لي قبلو ما كانش عندي السيجي جبت 15.5 ههههه قىيب قلتلو اخلايا أو كان عندي السيجي منين جاتني العشرة .

مغسي ع الموضوع فكرتيني في زمان الجامعة وربي ينجحك.

 

[لؤلؤة قسنطينة]

السلام عليكم ورحمة الله

امممم ربي يهدي من خلق أقتلوها قبل أن تتكاثر ... واش هذا يا أختي راكي في حالة وحبيت نطمنك انتي برك هك :p.

فكرتيني زمان كنت نقرا كنت كيفك مستحيل نحفظ قبل الامتحان نخلي حتى لليلة الامتحان نحفظ شوية وأنا كنت من النوع لي يقرا الدرس مع لمراية ولا نمشي في الدار كاملة ونقرا بالصوت باه كي نشوف السيجي ويسقسوني على حاجة معينة نتفكر وين كنت وقت قريتعا ووين كنت واقفة وفي أي كوانة من دارنا. كان راسي خفيف مالا يا نقرا في الليل يا الصباح كي نكون رايحة للجامعة وانا في البيس نحل الكراس نقرا الدروس لي متوقعتهم وندخل نفوت الامتحان.

تفكرت مرة دخلنا لومفي ورا الاستاذ تاع مادة الامتحان وهو معبي لي سيجي وطاحتلو ورقة من لي سيجي وبقيت مع ضميري نعبيها ولا نخليها ونفوت الامتحان بنزاهة وكانت معايا صاحبتي قالتلي عبيها علينا خلينا نخدمو عرنا جبنا المعدل معاه هههه وعباتها هي وانا غرني الشيطان وعاودت خرجت معاها شفنا السيجي وحلبناه ودخلنا وآخرتها ديت 10 وفي الامتحان لي قبلو ما كانش عندي السيجي جبت 15.5 ههههه قىيب قلتلو اخلايا أو كان عندي السيجي منين جاتني العشرة .

مغسي ع الموضوع فكرتيني في زمان الجامعة وربي ينجحك.

وعليكم السلام ورحمة الله وبركاته
اهلا بيك اختي نورتيني بمرورك العطر
ههههههههههه مادام وضعت هاد الموضوع هنا يسمى درك افكاري تتكاثر هههه هههههه وانا زعما حطيت الموضوع باه نطلع المورال ونشوف لي كيفي
ساع ظهر المرض هادا ماقاس حتى واحد من غيري ههههه حالتي خطيرة حسب الشوفة
هههههه هاني اكتشفت حالات اخرى وهي الحفظ قدام المراية، انا مانمشيش انا نجلس فوق المطرح جلسة الساموراي ونبدا ههه
انا المشكل راسي في الفهم خفيف تمرين فيه زوج صفحات في رقم قياسي نفهمو اما الحفظ ولا مخي تقيل خلاااص وليت كلمة باه نحفظها لازملي عام
عجبتني نفوت الامتحان بنزاهة هههه، اي ساعات يستاهلو بعض الاساتذة يخرجولك قلبك وساعات وحايد والله مسؤولين حتى تحشمي تكوبي ولو وحدك في غرفة
والدليل هاد الاستاذ بالسيجي وعطاك عشرة هههه ربي يهديهم برك وربي يشفيني
العفو حبيبتي كل الشكر لكِ على كرم المرور والرد الراقي ربي يحفظك واللهم آمين ربي يوفقك ان شاء الله لكل خير
تحياتي ​

 

[Skor m@k]

السلام عليكم
يامحاينك راكي داخلا محرشة علينا ولا على الامتحان هههههه ضرب نص ساعة نقرى شويا ممبعد نعيا
نعاود نروح ندور شويا ونولي نقرى وهكذا بقيت وحد النص ساعة وانا مع موضوعك ههههههه
ضرك نقولك علاه طولت باش قريتو هههههههه نقرا شويا ونتفكر اليمات تاع لقراية ههههه
نغيس عقلي يولي للور ههههه ممبعد ننسى بلي راني نقرى في موضوعك ههههههه
نعاود نروح وهكذا حتى تفكرت كلش هههههه
انا فالجامعة مكانتش عندنا حفاظة غير الرياضيات والفيزياء لي صدعتنا راسنا بالقوانين ههه
ولا فالباك لي زعما بديت نحفك بكري قبل وحد 5 شهور قلت نليكيدي الشاسيات ههه قصدي الشخصيات
المشكلة درت القلب وحفظتهم مي قبل الباك بوحد اليومين لقيت روحي نسيتهم ههههه نندب حظي هههه
أنا هو العدو اللدود تاع لحفاظة خاطرش نروح نحفظ نلقى روحي نحسب فالكالاج ولا شحال من رتيلة فالحيط هههه
الله غالب والفنا الرياضيات غير لحساب هههه نقول خلاص ليوم لازم نحفظ
نخرج برا ونريح تحت الشجرة باش مانحسب والو هههه هناك لي كثر يولي يعجبني لحشيش
نقدر حتى نولي نتذوق فيه هههه تولي تعجبني الطبيعة
لوكان نقولك شحال ديت فالباك تاع المواد تاع حفاظة تضحكي عليا ههههه
عربية 6 فلسفة 6 تاريخ وجغرفيا 7.5 وشريعة 12 زعما مسلمين ههههههه
هذي في لحفاظة مي بصح المات ولا الفيزيك والميكانيك كنت نطير فيهم
لحسابات والرسم والقوانين انا هو باباهم ههههه
ضرك ندورلك للجامعة ههههه قبل الامتحان هههه
أنا مافاهم فيها والو هههه والمشكلة داير نواضر نمبان زعما قاري ههههه
النواضر والشعر ليس وهابط على عيني هههه هذا تقول حافظ كلش ههههه
وانا ربي لي عالم هههه يجو لعندي معليش نريحو قدامك تورينا شويا ههههه
والمشكلة نقوللهم ايه معليش ريحو وانا غير باش يورولي هوما هههههههه
مانعرف والو وهو حاسبين لي لابس النواظر قاري وحافظ كلش
امالا في لافيشاج كنت نبعث صاحبي يشوف ههه يجيني فرحان ههههه 0.75 في المات 0.5 فالفيزيك 1 فالشيمي 15 في الأنفو ههههه
بصح انت وحدك في لحفاظة هههه شبعت ضحك كان عندي موووووووودا ماقريتش موضوع يضحك ههههه
هاه زارتنا براكة فالقسم تاعنا هههههههه
يعطيك الصحة ختي مريم على هذا الموضوع الجميل
ان شاء الله ماتدخيش للراطراباج برك هههههه
سلام​

 

[GI Joe]

hh 3edjbetni ta3 mantawelch 4likom ba3dha texte tawil wa 3aridh
rana netchabhou surtt f les gestes ki ydirohom ness f la fac
ana tbi3ti c maalich na9ra l 3 ta3 sbah mais laazem netfaredj 9abl ma nergod maali ko ya camera caché ya 10 mn men film ay hadja almihim impossible men 9raya l rgued direct

tellment stressé nemt que marawehtech l dar bekri w b9aw yssa9ssou fia w bach ykhalouni tranquil ktebli djedi equation gali heliha hhh w ana b9it nkasser fi rassi m3aha
w nemt thani hadi la courbe ta3 la loi normal f probabilités djaya 3ala chakl djarass kont nel3eb fogha hhhh keli ana rani chiffre w tla3t l la valeur max w djit habta m3aha hh
mnamati bozzar 3labali

 

[Smile Queen]

سلام حبوبتي مريم ههههههههههههههههههه غدوا عندي كونترول ودخلت هنا زعما نبدل جو لقيت موضوعك هذا زادت نسبة توتري علاه عليك علااااااااااه هاخيتي علاه ههههههههههههههه
بزاف حوايج قلتيهم راهم فيا انا ثاني اطمئني معاك مهابل بزاف هنا ههههههه
بالنسبة ليا قرايتي - مهندسة الكترونيك- السيستام القديم يعني ماكانش حفاظة وكنت نحبها بكري مي بعد سنواااااااااااااااااات رجعت نكمل ماستر 2 حاسة بغربة مع القراية ههههه تبدل كل شي
حاسة روحي ماقريتش من قبل سبحان الله
المهم يا خيتي بالاربعا رحت زعما نقرا في المكتبة مع الجيل الجديد باش نحس شوية بتأنيب الضمير لاني عندي امتحانات وماكنتش نحضر ني كور ني تيدي هههههه كنت مرة على مرة نجي غير ضيفة شرف ونحشم نحس روحي جدتهم ومرة على مرة يغلطو يحسبوني استاذة كبيرة من ولاية اخرى
ايا رحت ريحت معاهم لقيت روحي خارج مجال التغطية
يحلو في السيجيات تاع الاعوام لي فاتو وانا كي شغل جيتهم من اهل الكهف ههههههههههههه قريب يقولولي كم لبثتي
المهم راني في قمة الخلعة وتخيلي حليت غير سيجي برك وقاعدة نحفظ فيه هههههههه تالمو خلاص مخي انتهت صلاحيته المشكل حتى باش نقرا الرموز تاعهم نسيت جدهم طول
الله يستر وخلاص ههههههه كون يسمعو بيا نتحاوز
ادعولي

 

[عاشقة الكرة]

السلام عليكم
مريومة ويا مريومة مادرتي فينا ليوما هههه
الحمد لله كي تهنيتي سلامة راسك ...مكانش فرحة كيما فرحة نهار لخر تاع لكنترول مالڨري علابالك بلي راها مهرودة مي النهار لخر عيد من غير الأعياد هههه
وش نقلك تقدري تقولي حنا كنا مع المات و القوانين بالفرنسية و أرواحي نجيك عمك أنشتاين تتلفلو وكُنا مع البيتو (يعني الخرسانة)هاذ الموديل منحكيلكش قد ماديري معاه مش تاع خير طول هههه سوجي فيه صفحة والاجابة16 صفحة ومبعد تدي 1 ولا 0.75 نورمال كي صباح الخير وفيما يخص الحفاظة منحكيلكش حنا حفاظتنا بالفرنسي صدقيني جامي حفظت آلافونس انا منحبش نحفظ مي اذا حفظت نشد ...و وقتاه نحفظ في الوقت البدل الضائع مثلا عندي كونترول على 8 نوض على 5 ولا 6 نحفظ بولي مافيهاش هههه طبعا مش نحفظو نشطبو أكل(هاذي منضنش تجي ،هاذي مش داخلة،هاذي ساهلة،اواه هاذي نقراها برك) خخخخخ وفي لخر انت تدخلي للكلاسة ويتحطلك سيجي تبااا ماهذا الكائن الغريب (اااا اسمحلي خويا جامي قريناه)
هههه انا ريفيزيت و ربي معطاش ...ايا فيما يخص الكتابة والرسم والفن منحكيلش انا نوصل نكتب في رجليا ديراكت هذا اسمي هاذو قلوب ههههههه خريطة اني نقلك
أيا كاين تاني واحد الموديل كانت أمنية حياتي ندي 1 فيه ههههه اني نقلك0 يخبط وفرحانة وجه البخص خخخخخ
ويعجبك أنا راني نقرا غير ليلة الرعد لا سمانة الافونس لا شهر لا يديك لا يجيبك نريفيزي في ليل الغدوا نروح نعقب ونشوف شيء بنات من خلقهم ربي وهوما يدمرو يقراو ليل مع نهار ويضالو يتخباو و يشكيو منحكيلش و اي معلومة يسكيفيوها
ايا نهار يتعلق لافيشاج يشوفوني غير انا يعني منتحيرش خلاص نريح في دارنا مبسوطة تجيني نقطتي على السريع هههه متقوليليش برك معندكمش هاذ الاشكال وفي الموايان جينيرال نكلاسي خير منهم خخخخخ العسة يا بنتي العسة
منطولوهاش كثر ويبقى أفجع فيلم رعب في العالم هو فيلم الآفيشاج و الراتراباج سيناريو يتعاود
ربي يوفقك حنونة وتبقى اجمل لحظات يتفركها الواحد يبتسم بصح تتفكري شي بروف وشي عباد تسمي عليه ههههه
الله ييسرلك امورك ولعقوبة للآفيشاج نشوفو حاجة باهية

 

[Hakan]

جامي جامي في حياتي كرهت الامتحانات والقرايا وحياتي كيما جبت الباك وطلعت للجامعة
يا بن عمي والله ثلاثا غير اسوأ حاجة انك تقرى في اقامة جامعية يطلعولك صحابك لاطونسيون
ويهبطلك السكر باسكو صاحبك نتاع الشمبرة ما تتفاهمش معاه
هو يحب يريفيزي في الليل وانت تحب تريفيزي في النهار هيا في الليل تجي ترقد او يخلي الضوء شاعل
امالا ما ترقدش في الليل وراحت الريفيزيون نتاع النهار
ثاني حاجة حفظ المواد العربية غير حفظ المواد الفرنسية باسكو صراحة تكره حياتك
اولا ليكور ما حضرتهم ثانيا لغة ما تفهمهاش الا بالمترجم
وخخخخخ علاه ديريلي هاك فكرتيني ورانا في فترة امتحانات مي ربي يسلكلها
ان شااء الله صحيتي ختي مي ظهرتي بنادم آخر في فترة الامتحانات تقول عليك
ضربة فيها حبة حمراء هذيك اللي تذهب العقل هههه سلام ​

 

[GI Joe]

السلام عليكم
مريومة ويا مريومة مادرتي فينا ليوما هههه
الحمد لله كي تهنيتي سلامة راسك ...مكانش فرحة كيما فرحة نهار لخر تاع لكنترول مالڨري علابالك بلي راها مهرودة مي النهار لخر عيد من غير الأعياد هههه
وش نقلك تقدري تقولي حنا كنا مع المات و القوانين بالفرنسية و أرواحي نجيك عمك أنشتاين تتلفلو وكُنا مع البيتو (يعني الخرسانة)هاذ الموديل منحكيلكش قد ماديري معاه مش تاع خير طول هههه سوجي فيه صفحة والاجابة16 صفحة ومبعد تدي 1 ولا 0.75 نورمال كي صباح الخير وفيما يخص الحفاظة منحكيلكش حنا حفاظتنا بالفرنسي صدقيني جامي حفظت آلافونس انا منحبش نحفظ مي اذا حفظت نشد ...و وقتاه نحفظ في الوقت البدل الضائع مثلا عندي كونترول على 8 نوض على 5 ولا 6 نحفظ بولي مافيهاش هههه طبعا مش نحفظو نشطبو أكل(هاذي منضنش تجي ،هاذي مش داخلة،هاذي ساهلة،اواه هاذي نقراها برك) خخخخخ وفي لخر انت تدخلي للكلاسة ويتحطلك سيجي تبااا ماهذا الكائن الغريب (اااا اسمحلي خويا جامي قريناه)
هههه انا ريفيزيت و ربي معطاش ...ايا فيما يخص الكتابة والرسم والفن منحكيلش انا نوصل نكتب في رجليا ديراكت هذا اسمي هاذو قلوب ههههههه خريطة اني نقلك
أيا كاين تاني واحد الموديل كانت أمنية حياتي ندي 1 فيه ههههه اني نقلك0 يخبط وفرحانة وجه البخص خخخخخ
ويعجبك أنا راني نقرا غير ليلة الرعد لا سمانة الافونس لا شهر لا يديك لا يجيبك نريفيزي في ليل الغدوا نروح نعقب ونشوف شيء بنات من خلقهم ربي وهوما يدمرو يقراو ليل مع نهار ويضالو يتخباو و يشكيو منحكيلش و اي معلومة يسكيفيوها
ايا نهار يتعلق لافيشاج يشوفوني غير انا يعني منتحيرش خلاص نريح في دارنا مبسوطة تجيني نقطتي على السريع هههه متقوليليش برك معندكمش هاذ الاشكال وفي الموايان جينيرال نكلاسي خير منهم خخخخخ العسة يا بنتي العسة
منطولوهاش كثر ويبقى أفجع فيلم رعب في العالم هو فيلم الآفيشاج و الراتراباج سيناريو يتعاود
ربي يوفقك حنونة وتبقى اجمل لحظات يتفركها الواحد يبتسم بصح تتفكري شي بروف وشي عباد تسمي عليه ههههه
الله ييسرلك امورك ولعقوبة للآفيشاج نشوفو حاجة باهية

hh ana thani 3andi beton smana l djaya galouli matetm3ich kamel djibi fog 5, raabi ykoun fel 3awn

 

[لؤلؤة قسنطينة]

السلام عليكم
يامحاينك راكي داخلا محرشة علينا ولا على الامتحان هههههه ضرب نص ساعة نقرى شويا ممبعد نعيا
نعاود نروح ندور شويا ونولي نقرى وهكذا بقيت وحد النص ساعة وانا مع موضوعك ههههههه
ضرك نقولك علاه طولت باش قريتو هههههههه نقرا شويا ونتفكر اليمات تاع لقراية ههههه
نغيس عقلي يولي للور ههههه ممبعد ننسى بلي راني نقرى في موضوعك ههههههه
نعاود نروح وهكذا حتى تفكرت كلش هههههه
انا فالجامعة مكانتش عندنا حفاظة غير الرياضيات والفيزياء لي صدعتنا راسنا بالقوانين ههه
ولا فالباك لي زعما بديت نحفك بكري قبل وحد 5 شهور قلت نليكيدي الشاسيات ههه قصدي الشخصيات
المشكلة درت القلب وحفظتهم مي قبل الباك بوحد اليومين لقيت روحي نسيتهم ههههه نندب حظي هههه
أنا هو العدو اللدود تاع لحفاظة خاطرش نروح نحفظ نلقى روحي نحسب فالكالاج ولا شحال من رتيلة فالحيط هههه
الله غالب والفنا الرياضيات غير لحساب هههه نقول خلاص ليوم لازم نحفظ
نخرج برا ونريح تحت الشجرة باش مانحسب والو هههه هناك لي كثر يولي يعجبني لحشيش
نقدر حتى نولي نتذوق فيه هههه تولي تعجبني الطبيعة
لوكان نقولك شحال ديت فالباك تاع المواد تاع حفاظة تضحكي عليا ههههه
عربية 6 فلسفة 6 تاريخ وجغرفيا 7.5 وشريعة 12 زعما مسلمين ههههههه
هذي في لحفاظة مي بصح المات ولا الفيزيك والميكانيك كنت نطير فيهم
لحسابات والرسم والقوانين انا هو باباهم ههههه
ضرك ندورلك للجامعة ههههه قبل الامتحان هههه
أنا مافاهم فيها والو هههه والمشكلة داير نواضر نمبان زعما قاري ههههه
النواضر والشعر ليس وهابط على عيني هههه هذا تقول حافظ كلش ههههه
وانا ربي لي عالم هههه يجو لعندي معليش نريحو قدامك تورينا شويا ههههه
والمشكلة نقوللهم ايه معليش ريحو وانا غير باش يورولي هوما هههههههه
مانعرف والو وهو حاسبين لي لابس النواظر قاري وحافظ كلش
امالا في لافيشاج كنت نبعث صاحبي يشوف ههه يجيني فرحان ههههه 0.75 في المات 0.5 فالفيزيك 1 فالشيمي 15 في الأنفو ههههه
بصح انت وحدك في لحفاظة هههه شبعت ضحك كان عندي موووووووودا ماقريتش موضوع يضحك ههههه
هاه زارتنا براكة فالقسم تاعنا هههههههه
يعطيك الصحة ختي مريم على هذا الموضوع الجميل
ان شاء الله ماتدخيش للراطراباج برك هههههه
سلام​

وعليكم السلام ورحمة الله وبركاته
مرحبا بيك خويا مالك نورت الموضوع بتواجدك
ههههههه محرشة عليكم وعلى الامتحانات فيزوج المهم لي نلقاه في طريقي نبرد فيه قلبي هههه
مالا مزية لي حكيت على الامتحانات كن حكيت على الطفولة مالا تجي تقرا الموضوع ماتزيدش تولي خلاص هههه يخطفوك الذكريات
حنا تاني عندنا واحد لي موديل تاع فهامة ينوضلك الشجر في راسك نورمال كيما العام لي فات كان عندنا تحليل مالي معمق
اصلا التحليل ولا التسيير المالي في حد ذاتو واعر وزيدلو معمق تبا لحياتي الاليمة بصح هكاك وخرجتو بــ 11 هههه
اممم في الباك كان مازال ماصابنيش هاد المرض هههه كنت لاباس بيا حفظت آلاف ومئات الشخصيات وكن حتى ديت مليح هههه (اصلا اجتماعيات نكرها)
ابابا لقيت واحد خلاف كيفي وعندو عادة غريبة يحسب الرتايل في الحيط ههههه موهبة عظيمة هادي احسن من الرقص والغناء هههه
ههههههه عجبتني زعما مسلمين انا في الباك اسوء نقطتين ديتهم في الفلسفة والاجتماعيات واعلى نقطة في الاقتصاد 20 (لا داعي للتصفيق ههه)
الفلسفة والاجتماعيات غمضو عينيكم عليهم، هههههههه عجبتني النواظر والشعر ليس يخي مهبول بصح هادي راحت بكري درك شعر مكشرد
ويجيب نقطة مليحة راح هاداك العاقل لي بالنواظر، اييه يا لافيشاج ماتفكرنيش درك حنا زعما وقت التكنولوجيا مانشقاوش للجامعة
زعما النقاط يتحطو في النت ولا في صفحة رسمية في الفايس بوك يعني تشوف الكوارث تاعك وحدك ههههه والنقاط خليهم لربي
انا صراحة من السنة ثانية جامعي في السداسي الاول مازدت ديت نقطة هابطة خاطر تما ديت 2 ههههه كي شفتها شبعت ضحك خاطر خدمت كلشي صحيح
من تم نقاطي ملاح الحمد لله ههه بصح هاد العام راني شاكة في واحد المادة قالك الاستاذ تاعها يخبط ب 2 و 4 علابالي رايح يخبطني بنقطة كارثية ههههه
مليح انو موضوعي ضحكم شوي، ان شاء الله خويا مع اني في دائرة الخطر مع اني والله ماكانش موديل ندخلو إلا ونكون مطبقتو 100 بالمئة يعني ضامنتو
ومن بعد كي تشوف السيجي يصرالك ارتجاج في المخ تلقى الحفاظ كاملة هاديك ماعندها حتى فايدة تغيضك عمرك هههه
لا علينا ربي يوفقنا ان شاء الله وربي يوفق كل الممتحنين يارب
شكرا خويا مالك على كرم المرور ربي يهنيك خويا وربي يوفقك لكل خير
تحياتي​

 

[لؤلؤة قسنطينة]

hh 3edjbetni ta3 mantawelch 4likom ba3dha texte tawil wa 3aridh
rana netchabhou surtt f les gestes ki ydirohom ness f la fac
ana tbi3ti c maalich na9ra l 3 ta3 sbah mais laazem netfaredj 9abl ma nergod maali ko ya camera caché ya 10 mn men film ay hadja almihim impossible men 9raya l rgued direct

tellment stressé nemt que marawehtech l dar bekri w b9aw yssa9ssou fia w bach ykhalouni tranquil ktebli djedi equation gali heliha hhh w ana b9it nkasser fi rassi m3aha
w nemt thani hadi la courbe ta3 la loi normal f probabilités djaya 3ala chakl djarass kont nel3eb fogha hhhh keli ana rani chiffre w tla3t l la valeur max w djit habta m3aha hh
mnamati bozzar 3labali

هههههههههه كي شفت حالتك تطمنت يسما مازال عندي امل في الشفاء هههه ربي يحفظك ان شاء الله
اولا مرحبا بيك في الموضوع نورتيني بمرورك العطر
اما في مايخص قبل النوم والله تصرالي حتى انا بعدما نحفظ ويكون راسي معمر تماما رايحة ننهار نولي نشعل التيليفون ونتفرج
حاجة تضحك باه نحي التعب هاداك بصح شرط مانطولش بزاف خاطر راسي يولي يوجع وعينيا يحرقو من التيليفون
بصح الاحلام تاعك ماش غير بيزار هههههه انا نهار يكون عندي امتحان نجيبها ليل كامل وانا نحلم غير بالامتحان هاداك سواءا
راني داخل المدرج ونجوز في الامتحان وجاني صعيب ولا نحلم روحي توخرت ومانضتش بكري وراحلي الامتحان نولي كي المهبولة
ونوض مخلوعة هههه ودرك في فترة لافيشاج نشوف احلام متعلقة غير بالنقاط ههههه
ربي يهدينا برك وربي يشفينا ان شاء الله هههه
شكرا حبيبتي على كرم المرور وربي يوفقك في امتحاناتك ان شاء الله وبالنجاح
تحياتي​

 

[حكاية قمر]

السلام عليكم
يااه شا راكي تهدري يمات استعمار تفكريني بيها والله ما جيت نكمل تا كملت شحاال نكره وقتهم اذا نتي تحفظي بصوت عالي انا نفهم بصوت عالي مهبلتهم فدار وكامل علبلالهم شا نقرا
خاطرش نورمال يفوت عليا واحد نقولو رواح هنا نفهمك شويا كيمياء ونبدا نتفلسف علبالك تجيني طاقة عجييبة نحس روحي اينشتاينة هه
وكما قلتي ذاك لوقت تاع رقاد لي ما ترقديهش تحسيه وقت يضيع انا نبروفيتيه قاع كاش قانون نعاود نجبدو والاكيد المؤكد كاياتي عتد راسي ما تصحيش ننسى ولا
اما صباح الامتحان قلبي يخبط وكل شي نسيتو تقول ما قريت والو لبارح بحكم انو لجامعة بعيدة شوي نقول نزيد نبروفيتي مسافة الطريق ونريفيزي شوي
كنلحق تقول داخلة لمحاكمة ع جرائم تاوعي نبدا نوجد في روحي نفسيا ومعنويا
ذكرتني الاخت الورد الاحمر بحاجة هي ورقة تاع سيجي غي هاد لمرة لي فاتت صرات عفسة تقريبا كما هكا فاتت الاستاذة ع صحبتي وكان عنا اكزاما في مادة الانجليزية العلمية هكا امور تخص الكيمياء بالانجليزية
بحال اسماء ادوات المخبر وقوانين المخبر المهم في ورقة كانت راسمة اداة شافتها صحبتي جاتنا قاتلنا فوالا شا شفت ايا تشوفي شعب كاامل يحفظ في الاسماء هاذوك قلنا صاي باينة
والصدمة كي دخلنا حاطة لينا اسمها وقاتلنا اشرحو وظيفتها املا قاع طحنا ضحك لبروف ما فهم والو حسب بلي ما نعرفوش وجاتنا الصدمة بدا يهدي فينا ويقول سيجي ساهل ...
شا نزيدك وشا نحلي فضائح لا تعد ولا تحصى مي الحمد لله يا ربي خلاصت وافيشاونا وبلعت وتهنيت وزيد قررنا ندو عطلة غي من عنا وراني دايتها زكااارة في ذوك ليامات لي جاهدت فيهم

 

[لؤلؤة قسنطينة]

سلام حبوبتي مريم ههههههههههههههههههه غدوا عندي كونترول ودخلت هنا زعما نبدل جو لقيت موضوعك هذا زادت نسبة توتري علاه عليك علااااااااااه هاخيتي علاه ههههههههههههههه
بزاف حوايج قلتيهم راهم فيا انا ثاني اطمئني معاك مهابل بزاف هنا ههههههه
بالنسبة ليا قرايتي - مهندسة الكترونيك- السيستام القديم يعني ماكانش حفاظة وكنت نحبها بكري مي بعد سنواااااااااااااااااات رجعت نكمل ماستر 2 حاسة بغربة مع القراية ههههه تبدل كل شي
حاسة روحي ماقريتش من قبل سبحان الله
المهم يا خيتي بالاربعا رحت زعما نقرا في المكتبة مع الجيل الجديد باش نحس شوية بتأنيب الضمير لاني عندي امتحانات وماكنتش نحضر ني كور ني تيدي هههههه كنت مرة على مرة نجي غير ضيفة شرف ونحشم نحس روحي جدتهم ومرة على مرة يغلطو يحسبوني استاذة كبيرة من ولاية اخرى
ايا رحت ريحت معاهم لقيت روحي خارج مجال التغطية
يحلو في السيجيات تاع الاعوام لي فاتو وانا كي شغل جيتهم من اهل الكهف ههههههههههههه قريب يقولولي كم لبثتي
المهم راني في قمة الخلعة وتخيلي حليت غير سيجي برك وقاعدة نحفظ فيه هههههههه تالمو خلاص مخي انتهت صلاحيته المشكل حتى باش نقرا الرموز تاعهم نسيت جدهم طول
الله يستر وخلاص ههههههه كون يسمعو بيا نتحاوز
ادعولي

وعليكم السلام ورحمة الله وبركاته حبيبة قلبي
مرحبا بيك نورتي الموضوع بمرورك العطر
هههههههه تبعي افكاري واسرقي السيجي من الاستاذ كي يكون جايز ويروحلك التوتر هههه
الحمد لله يسما مارانيش وحدي وحالتي ماش خطيرة هههه خاطر كاين لي كيفي
ماشاء الله ربي يوفقك ان شاء الله، وفعلا صعبة انك تقراي كلاسيكي وم نبعد تكملي الدراسة بعد سنوات بنظام جديد
لازم ارادة قوية وعزيمة باه تقدري تتاقلمي وتقراي وتنجحي صح ربي يوفقك ان شاء الله
هههههه عجبتني تاع جداتهم، بصح في الجامعة نورمال كانو يقراو معانا لي 40 و35 سنة يعني يقدرو يتأقلمو
مالا ماتوسوسي روحك ماوالو ركزي في دراستك برك وان شاء الله ربي يوفقك وينجحك
هههههه معليش عاودي ريفيزي مليح برك وابذلي جهدك والباقي على ربي سبحانو
ربي يوفقك ان شاء الله وشكرا على كرم المرور
تحياتي​

 

[ثَسْكُورْثْ نَثْدُوكْلِي]

سلام عليكم مريوميتا هههه الله يبارك شحال تهدري لوكان جديتي توالي نقول طرشتيني مي كي جات هنا نقول هزيت نوادري ودرتهم باه نقرا للصحافية والفيلسوفة تاعنا ههه:p
والله لضحكتيني ورجعتيني ليامات الميزيرية خخخ هم يضحك وهم يبكي
وش نحكي انا تقريبااا نفس اللي قلتيه ديفوا نتساأل ونقول كاين أمور مش شرط نحفظهم ولاه نحفظهم من اجل نقطة مثلاا اه اوكي باه نطلع العام المكشرد نهدر على الجامعة لبسيف باه تجبدي 0 هذاك خخخ
والله لمعانات لكن الواحد كي يتخرج تبقالو مجرد ذكريات وتجارب جميلة
صحيتي على مشاركتك لنا تجربتك خخخ لاه لاه راكي رجعتيلي شريط الذكريات للوراء
هيا المهم اتمنى لك النجاح وتتخرج بامتياز يارب
بالصحة والهناء
كوني بخير وبلاك تزعفي عليا كي قلتلك تهذري بزاف خخخ بويسك صح تهدري بزاف :Love::Love::Love:
​

 

[عاشقة الكرة]

hh ana thani 3andi beton smana l djaya galouli matetm3ich kamel djibi fog 5, raabi ykoun fel 3awn

السلام عليكم
هههههههههه راهم قالولك وقد أعذر من انذر ماتخلعكش حكاية document autorisé عهههههه غير حشاوي البوليات لي جابهم ربي أكل مينفعوش بصح شرف المحاولة مليح هههه
كشما تحتاجي نعاونك راني هنا حنونة
لالا تدي باذن الله فوق 5 ركزي برك هاني انا جبت فيها 12 هههه تشوكيت نهار ديتها شوي وهزوني للكومة خخخه
ربي يوفقك حنونة

 

[آمِيْرَتُه]

السلام عليك
على سلامتك يا مريومة
فكرتيني وقت الامتحانات يصرا فيا التير خخخخ دقولي غير أنا نفوت في الامتحان
نطلع للسطح ونبدا نحفظ كي شغل نحكي مع عبد خويا يقول لماما طلعي بنتك هبلت نولي نطرح في الأسئلة ونجاوب و كأن شخص راه قاعد معايا هههه
و نهار نحس روحي مخدمتش ياه داك نهار اسود نولي نبكي كي الصغار ههههه نديها مشنفة حتى نهار يأفيشي البروف صحاباتي يولو يحاولو فيه يا بروف حمبوك أفيشي خلي حالتها تتبدل كرهنا وهي مشنفة
والحمد لله نجحنا ورزقنا ربي بخدمة ورانا نكملو كل شي يخلاص يبقو غير الذكريات
ربي يوفقك

 

[باتنية و نص]

سلام عليكم
عاش من شافك اختي
ان شاء الله تكوني ريحتي شوي..نتذكر اخر رد قريتو ليك كنتي مريضة
يعني وش نقولك..كون جيتي قدامي
راني شنشفتك
منك بالصح؟ هاذ القراية كامل وحاطة روحك من الطبقة المتوسطة !!
اسمعي ملا ختك الباتتية وش تدير
كي يلحقة لي كونترول
بون طبعا مستحيل نبدا نقرا من الصباح
عندي التزامات مع الكوزينة و و و
نخلي حتا ليلة الرعد
جواية 11 ولا 11:30
كي تكوني نتي راقدة الثم انا نكون نضت من سباتي
نهز البوليكوب
نحكم لاباج اللولى نتهلا فيها مليح نقراها عن ظهر قلب ولا قلب ظهر نسيت كيفاش يقولولعا
اومبعد لاسويت نجرب نقراها بالزربة..بش نريح ضميري
اللي بعدها. نبدا تشهد ونستغفر
نحس قلبي يستر ونتوحش دارنا
وهي تلقايني مفاتتش 15 دقيقة ملي كنت معاهم
نوض زعما باه نبدل الجو نروح عند بنت ختي الكشرودة..هي تشوفني تتلفلها الطريق خاطر لعبي سامط ودمي ثقيل ..نهز المقلة والفرشيطة نبدا نغنيلها..لالا لالا قتلو جحا وحصلوها فيك
كي نطمن بلي اهل البيت رقدو كامل
نرجع للبولي
نهزو نشوف معاه
نحسب شحال من ورقة بقاتلي
سيرتو اذا كانو ريكتو فارسو يحكمني شلل نصفي
نشوف مع الساعة
نلقا بلي من سابغ المستحيلات نكمل الموديل
نقول :اصلا اللي قرا قرا بكري
نروح نرقد نوض نشوف مع المرايا نلقا روحي زينت
يخي قتلكم قبل انا عكس الناس
كي يكونو عتدي ضغوطات نزيان ونسمان
نروح نلقا طلاب العلم
وكيما قلتي ميبردوش حتا يتاكدو بلي واحد ما ريفيزا كيفهم
يدورو علا لي كولاڨ اعهم مامل فردا فردا
ويبداو يبعدو فلعين
ممكن اللخظة الوخيدة البي نتحسر فيها نهار يوزعو لي سيجي
كيما قلتي تلقاي مجموعة ميهزوش ريسانهم
ومجموعة اخزى تحسيهن يفوتة في كونكور اورال..صحاب لي تريش
انا الثم نكره روحي
نقول ماقريت ..نا. قدرت ننقل كيما الناس. من انتم؟ههه
يعني رغم اني نذلة..عندي حانب انساني متعبني -_-
نهار لافيشاج ..نلقا الناس حاقدين عليا
خير وش كاين ؟يقولولي تكذبي وتقولي مقريتش شوفي شحال ديتي
ارواحي نتي وقنعيهم بلي صح مقريتش صح ههه
ويذا كانت النقطة تحشم..يا دار ما دخلك شر ..حاجة متوقعة من بكري لول
بصح تعرفي وشي هي اكثر حاجة غايضتني؟
ال 15 دقيقة اللي كنت نضيعهم نن عمري بش نريفيزي
سيرتو كي جربت الشوماج :')
شكون يرجعهملي
لول
ربي ينجحك اختي وتماجوري
مكرا ..معلباليش في من مي المهم مكرا وخلاص هه
تحياتي

 

[GI Joe]

السلام عليكم
هههههههههه راهم قالولك وقد أعذر من انذر ماتخلعكش حكاية document autorisé عهههههه غير حشاوي البوليات لي جابهم ربي أكل مينفعوش بصح شرف المحاولة مليح هههه
كشما تحتاجي نعاونك راني هنا حنونة
لالا تدي باذن الله فوق 5 ركزي برك هاني انا جبت فيها 12 هههه تشوكيت نهار ديتها شوي وهزوني للكومة خخخه
ربي يوفقك حنونة

sahiti sahiti, mais 3andna le mm prof ta3 rdm l 3am li fat kont tam3a f 17 djebt 5,5 hh tahetki dem3a f l'affichage
mais sna ndir l guelb nchallah 10 bark

 

[الصحافية الساخرة]

نحولوووو الاورو للدولار ونحولوووو الدولار للاورو والحفاظة كيف ساهلة والامتحان ماقدرت عنو"

ههههههههههههههههههههههههههههههههههههههههههههههههه ذخلتها نضجك طول علابلك مجانيش اللحن افالاول حتى وصلت لكلمة "والحفاظة كيف ساهلة..." باش لحنتها اللحن

الشعبي الاصيل القروابية تغني هههههه

متداوي ما والوا رانا في الهوى سوى قصدي جنون بالفطرة ههههه
مشكورة على الموضوع حقا اعجبني

 

[ضآحكة مستبشرة]

السلام عليكم مريوم
و الله يا حبيبتي حبيت نقرا موضوعك بصح شفت واش راكي كاتبة في موضوعك و الردود تاع الاعضاء عجزت باش نقرا ههههه طوااال بزاااااف بزاااااف اسمحيلي متقوليش مضربتش طلة خليني نقرا بالتقسيط ههههه
ديزوولي مريوم