بعض الفنانين تاع ضرك ...

[،كارينا،]

سلام وشراكم كامل بخيرالحمدلله
كيما نعرفو كامل الجزاير الله يبارك خمسة وخموس عليها عندها شحال من فنان هايل باريكسومبل الشيخ رابح درياسة وغيييرو يا حسراه هادو من كانو يغنو مانشفالهمش مي نعرفهم لخاطرالاغنيات تاعهم شابة لنهار اليوم مزالو يسمعوها ...
لكن حنا اليوم نهدروا على( »بعض«) الفنانين "المعاويق " تاع ضرك ...
لي داخلين عليها رمضان مع شعبان يزطلو ويجو يغنو ماخلاو والووو كلشي غناو عليه
غناو على رواحتيهم ..علينا ..عليكم..
الهاي هاي .الحاي حاي ..الماي ماي..
الشعر لمطرطق..على النساء ..على الزطلة..العيب غناوه...
غاشي مجانين اجري تسمع اجري..
يدخل يوتيوب يديرلك ..هاي هاي هاي هاي هاي هاي هاي هاي تقعد تستنى هاي هاي هاي هاي هاي هاي هاي اومبعد يقولك ياالله شفت غنية فووور هايلة غير كي هبطتها على جالك عينك تتسكر
وش هبطت على جالي من صباح وانا نسمع غير هاي هاي..يقلك الهاي هاي وشبيك اخر امود (علبالكم انا كرهتها كلمة امود هادي لحوايج لمعوقة كل ولات امود)نقلك حاجة ياصاحبي انت خلي الامود عندك واقعد فيها وانا رايحة نولي للعام لي ولدت فيه 97ونقعد تما كامل مانكبرش بطلت من الامود خلوني في بكري
علاش ماديروش مديح ديني غنو عالجزاير مثلا ..ع الاسلام ..
ع لقراية ..ع الام ..ع الاب..
ع الجنة..حاجات مفيدة ....ديما الرجال يغنو عالنساء والنساء عالرجال كرهنا عندك مرتك تهلا فيها واخطيك من بنات الناس لي كل يوم معاك في فيديوهات وانتي يخي عندك راجلك تهلاي فيه واقعدي في دارك ياخيتي السترة واجب عليك..
كل يوم نبغيك ونموت عليك ابغو غير لعندكم تكونو كفيتو وفيتو..يغني ويقول انتي حياتي تبلعيط يخي اكثر حاجة يكرها الجزائري حياتو
ضاع الشباب تاعنا تجي تمشي تلقى طفل صغير اربع سنين يتحرك في حركات
تقولو فات من فوقو كاميو تخلع تقول نجري بيه لسبيطار يقولك راني نرقص في رقص الامود ويغني في هداك العيب ياماما تولي تتخبى من الحشمة "نضرب الطاسة لا اله الا الله محمد رسول الله ... روح اضرب البيبرون على روحك والله لوكان جيت يماه نحكمو نضربو عالحيط ...
والغريب انو بعض الوالدين تلقاهم لا مبالاة حاطين وليدهم قدام التلفزيون ويتفرجوا في حفلة كامل نساء ورجال النص لابسين والنص
بلا مانقولها ....
في الاخير نقولهم ربي يهديكم ويهدينا ويهديهم ويهدي جميع الخلق
حافظو على انفسكم واولادكم هدا الزمان واعر .....

 

[Skor m@k]

السلام عليكم
آه يا شكون هنا ختي كارينا واش الغيبة هذي حتى قريب درنا وكل شيء ممكن عليك هههه
ختي كارينا الصغيرونة ههههه اسمحيلي حسبتك صغيرة كي قلتي 97 عمبالي مزالكي في 15 سنة هههه
حتى عاودت درت حسابي مليح فقت بلي كبرنا بيه بيه هههه على كل حال أنا طولت باش لحقت 20 سنة هههه
واش من فنانين لي كاين ضرك واحد مايصلح فيهم يهدرو برك
نقولو لغنا مافيهش فائدة كامل مي أوموا أهدر كلام مليح
حنا هذو الفرنانين تامعنا ماشي يغنيو يصهلو برك حتى تخلاص الغنية في الأخير تفيق بلي هدر زوج هدرات هههه
والباقي كامل عويل ونباح وتقربيع وتانيت شافو الشعب يطبع برك
لا علاقة بالذوق والأصالة لي يجي الريح يديه
بصح راكي داخلا محرشة بزوج مواضيع هههه بيناتنا الأول مزال ماقريتوش هههه
معليش ضرك نضرب ليه طلة وبلاك نردلك هههه
يعطيك الصحة ختي كارينا ​

 

[ضآحكة مستبشرة]

السلام عليكم اختي
بارك الله فيك على الموضوع
اولا الغناء قبل ميكون فن راهو حرام
بصح احنا نسينا حاجة يسموها حرام و رانا نسمعوا و نشطحوا و عاجبنا الحال

انا كنت نسمع الغنا و خلاص و الأغلبية تاع شيشي الخلوي و تاع لي ڨروب
بصح الحمد لله عندي فترة مليحة وحد 3 سنين من لي بطلت نسمعوا
بصح منين ذاك ونحب نسمع و راهي حاكمة عليا غنية وحدة نسمعها بزاااااف ههه تاع الطيارة الصفرا احبسي ما تضربيش هي واقيل انشودة ثورية اما الهاي هاي و الواي واي و الوذن هاي و الجماعة تاع المخبوطين و الكباريات هذوك عفانا الله منهم و ربي يبعدنا عليهم

و رابح درياسة نحب الغنية لي يحكي فيها على كل مناطق الجزائر برك
و نحب اغنيه الصحة يا الصحة

المهم ربي يهدينا مهما حكينا عالغنا يبقى حرام ولازم نبعدوا عليه و منزيدوش نسمعوه

يعطيك الصحه اختي على الموضوع الرائع

 

[،كارينا،]

اولا كاين 15زائر لتحت شوفتهم ان شاء الله يكونو كامل فنانين يشفولي بلاصة معاهم في كاش فيديو.كليب وغنيلكم الواي على المنتدى هههه

 

[،كارينا،]

تامعنا ماشي يغنيو يصهلو برك حتى تخلاص الغنية في الأخير تفيق بلي هدر زوج هدرات هههه
والباقي كامل عويل ونباح وتقربيع وتانيت شافو الشعب يطبع برك
لا علاقة بالذوق والأصالة لي يجي الريح يديه
بصح راكي داخلا محرشة بزوج مواضيع هههه بيناتنا الأول مزال ماقريتوش هههه
معليش ضرLOR][/SIZE][/CENTER][/QUOTE]

الله لايغيبك خويا مالك ...واش قاعدين تستناو حتان ديروا عليا كلشي ممكن اه ياشعشبونة راني كنت دايرة دبزة مع مشاكلي خدمت كامل الحلول بسيف ...واش ياجدك هادي حسبتك صغيرة علاش تشوف فيا عجوز يخي قبل 4برك كنت في 15ضرك راني في 19 ههههه
وكاختصار لي قلتو كامل صح على الفنانين والاغاني و هادي حتى حاجة التحراش جاي مع اليامات مزال والله يسلمك في الاخير صحيت يا وليدي صحيت روح شوف الموضوع ومادابيك تشووف قاع مواضيعي هاك داك تولي شاطر هههههه
اهلا وسهلا نووورت بحضووورك

 

[،كارينا،]

السلام عليكم
آه يا شكون هنا ختي كارينا واش الغيبة هذي حتى قريب درنا وكل شيء ممكن عليك هههه
ختي كارينا الصغيرونة ههههه اسمحيلي حسبتك صغيرة كي قلتي 97 عمبالي مزالكي في 15 سنة هههه
حتى عاودت درت حسابي مليح فقت بلي كبرنا بيه بيه هههه على كل حال أنا طولت باش لحقت 20 سنة هههه
واش من فنانين لي كاين ضرك واحد مايصلح فيهم يهدرو برك
نقولو لغنا مافيهش فائدة كامل مي أوموا أهدر كلام مليح
حنا هذو الفرنانين تامعنا ماشي يغنيو يصهلو برك حتى تخلاص الغنية في الأخير تفيق بلي هدر زوج هدرات هههه
والباقي كامل عويل ونباح وتقربيع وتانيت شافو الشعب يطبع برك
لا علاقة بالذوق والأصالة لي يجي الريح يديه
بصح راكي داخلا محرشة بزوج مواضيع هههه بيناتنا الأول مزال ماقريتوش هههه
معليش ضرك نضرب ليه طلة وبلاك نردلك هههه
يعطيك الصحة ختي كارينا ​

 

[،كارينا،]

[QUOTE="المتفآئلة, post: 6469064, member: عفانا الله منهم و ربي يبعدنا عليهم

و رابح درياسة نحب الغنية لي يحكي الصحة يا الصحة

المهم ربي يهدينا مهما حكينا عالغنا يبقى حرام ولازم نبعدوا عليه و منزيدوش نسمعوه

يعطيك الصحه اختي على الموضوع الرائع[/QUOTE]

ياطفلة واش خليتي هدا راه ارشيف غنيات لبلاد كاملة ههههه نتمسخر مع خيتي برك ...مليح عجبتني هدرتك حاجة مليحة كي حبستي تسمعي لغناء ونقولك شوقتيني نروح نشوف هادي تاع الصفرا غنى الثورة مليح هههه على الاقل كاين هدف موراه ماشي كما تعواg تاع ضرك ...اهلا وسهلا اختي واكيد كما قلتي الغنى حرام طبعا لكن احيانا يجينا التماس نروحو نسمعو شوية مبروووك عليك كي حبستيه لعقوبة عندنا ان شاء الله ...ومنووورة المووضوع بحضورك

 

[،كارينا،]

السلام عليكم اختي
بارك الله فيك على الموضوع
اولا الغناء قبل ميكون فن راهو حرام
بصح احنا نسينا حاجة يسموها حرام و رانا نسمعوا و نشطحوا و عاجبنا الحال

انا كنت نسمع الغنا و خلاص و الأغلبية تاع شيشي الخلوي و تاع لي ڨروب
بصح الحمد لله عندي فترة مليحة وحد 3 سنين من لي بطلت نسمعوا
بصح منين ذاك ونحب نسمع و راهي حاكمة عليا غنية وحدة نسمعها بزاااااف ههه تاع الطيارة الصفرا احبسي ما تضربيش هي واقيل انشودة ثورية اما الهاي هاي و الواي واي و الوذن هاي و الجماعة تاع المخبوطين و الكباريات هذوك عفانا الله منهم و ربي يبعدنا عليهم

و رابح درياسة نحب الغنية لي يحكي فيها على كل مناطق الجزائر برك
و نحب اغنيه الصحة يا الصحة

المهم ربي يهدينا مهما حكينا عالغنا يبقى حرام ولازم نبعدوا عليه و منزيدوش نسمعوه

يعطيك الصحه اختي على الموضوع الرائع

 

[أم أُنٌَيسة]

السلام عليكم و رحمة الله تعالى و بركاته
واش من فن الله يهديك ن بل خرطي في خرطي
خاطيني الغناء حاليا لكن لما نسمع اختي تسمع نقللها واش الزبالة هدي حشاكم
ربي يهدينا و يهدي من خلقو من يشاء
بارك الله فيكي غاليتي
دمتي مميزة متميزة
تحياتي القلبية​

 

[،كارينا،]

السلام عليكم و رحمة الله تعالى و بركاته
واش من فن الله يهديك ن بل خرطي في خرطي
خاطيني الغناء حاليا لكن لما نسمع اختي تسمع نقللها واش الزبالة هدي حشاكم
ربي يهدينا و يهدي من خلقو من يشاء
بارك الله فيكي غاليتي
دمتي مميزة متميزة
تحياتي القلبية​

ايه هادي لي قلتها انا ولاوو غير يخلطو قلتلهم يغنو ع الدين ع الام ع الاب متلا بعيد عالحرام ...وعلى هديك الواي واي كيما قلتي زبالة تاع هاد الوقت ...مليح ماراكيش تسمعي في الغنا هايلة...
ربي يباركلك ..مشكووورة على المروور القيم ..اهلا وسهلا

 

[أم أُنٌَيسة]

ايه هادي لي قلتها انا ولاوو غير يخلطو قلتلهم يغنو ع الدين ع الام ع الاب متلا بعيد عالحرام ...وعلى هديك الواي واي كيما قلتي زبالة تاع هاد الوقت ...مليح ماراكيش تسمعي في الغنا هايلة...
ربي يباركلك ..مشكووورة على المروور القيم ..اهلا وسهلا

ايه كاين واحد اسمو فارس ولد العلمة كنت نسمعلو
و مداير اغاني تحكي على الوضع تع الجزائر
وكاينة وحدة تع الحجاب تاج النساء الله يبارك روعة صحيح اخطا في الاول لانو سب وحد المخلوقة لكن والله تستاهل لما شفت المقابلة ديالها كون لقيتها نقتلها
و قام بشرح ثلاث مساءل تتعلق بالحجاب بطريقة رائعة
انتم ومواضيعكم هي القيمة غاليتي
و انساي امر الشكر يامخلوقة مانزيدش نعاود ولا البشماق
ترحب بيكي الجنة ان شاء الله
تحياتي غاليتي​

 

[حلم كبير]

السلام عليكم و رحمه الله تعالى وبركاته
اختي الفاضلة شكرا لك ويعطيك الف الف عافية وصحة عليه
الغنا راد عليهم ربي ودارو حاجة ديرو غنية هادفة ،ديرو كلمات تصلح
من اللي بداو الجزائريين يغنيو نعدوهم على الاصابع الفنانين نتاع الصح.
وه يا ربي طريق الليسي عقبة وكي عياتني هاذي غنية هاذي هدرة
وه يا ربي لزرق سعاني
وه يا ربي هذاك نتاع البنان اللي قال عليه الاخ صلاح @habchisalahdin الزوالي ولا واش اسمو
شوي شوي يديرو كليب يشايخو مع بعض مع اللحن والموسيقى يعني اتخيلو

وشراك لاباس. ....... .لاباس وانت لاباس
رحت للمرشي لبارح ........ والخضرا غالية تذبح
وانت كشما اخبار ولا ....... راك مدمر هاذ الايام واقيلا
انا راني مع الاولاد والمرا ....... والحالة راهي بزاف مشومرة
خرجت نقمة للطفل فالبلدية. ...... وعلى حالها وقفوني ساعة يعطيهم خلية
.....
وهكذ حتى تكتمل الشياخة ويسدل الستار ويديرلك
المنتج الاول فلان الفلاني
المنتج الثاني علان. العلاني
سيناريو ههههه سيناريو.: .........
الملحن ههههاي ملحن:..........
المخرج : المجنون اللي هرب من مستشفى المجانين
الشعر:. طبعا حلم كبير
ويفتاخرو ويديرولها كليب
الله يصلح الاحوال

الاخت الكريمة طاب يومك
وتقبلي مروري مع فائق الاحترام والتقدير
حلم كبير​

 

[،كارينا،]

السلام عليكم و رحمه الله تعالى وبركاته
اختي الفاضلة شكرا لك ويعطيك الف الف عافية وصحة عليه
الغنا راد عليهم ربي ودارو حاجة ديرو غنية هادفة ،ديرو كلمات تصلح
من اللي بداو الجزائريين يغنيو نعدوهم على الاصابع الفنانين نتاع الصح.
وه يا ربي طريق الليسي عقبة وكي عياتني هاذي غنية هاذي هدرة
وه يا ربي لزرق سعاني
وه يا ربي هذاك نتاع البنان اللي قال عليه الاخ صلاح @habchisalahdin الزوالي ولا واش اسمو
شوي شوي يديرو كليب يشايخو مع بعض مع اللحن والموسيقى يعني اتخيلو

وشراك لاباس. ....... .لاباس وانت لاباس
رحت للمرشي لبارح ........ والخضرا غالية تذبح
وانت كشما اخبار ولا ....... راك مدمر هاذ الايام واقيلا
انا راني مع الاولاد والمرا ....... والحالة راهي بزاف مشومرة
خرجت نقمة للطفل فالبلدية. ...... وعلى حالها وقفوني ساعة يعطيهم خلية
.....
وهكذ حتى تكتمل الشياخة ويسدل الستار ويديرلك
المنتج الاول فلان الفلاني
المنتج الثاني علان. العلاني
سيناريو ههههه سيناريو.: .........
الملحن ههههاي ملحن:..........
المخرج : المجنون اللي هرب من مستشفى المجانين
الشعر:. طبعا حلم كبير
ويفتاخرو ويديرولها كليب
الله يصلح الاحوال

الاخت الكريمة طاب يومك
وتقبلي مروري مع فائق الاحترام والتقدير
حلم كبير​

ههههه ياخويا حلم كبير والله عندك
وهديك لغنية لي كتبتها ايا يلا نشوفو كاش مزطول يغنيلها نشبعوا دراهم تمشي في هاد الوقت ههههولا لي يجيك يبدا يغني عادي ...
موسيقى ومعاها نباح اوب المرتبة الاولى عالميا دوووخ
اهلا وسهلا جميل ردك
مشكووور على المرووور الرائع