اعادة البكالوريا للمقصيين بسبب التاخر ...مع / ضد ؟

Salah eddin

Salah eddin

:: عضو بارز ::
أحباب اللمة
إنضم
27 جانفي 2016
المشاركات
10,188
نقاط التفاعل
27,515
النقاط
1,886
محل الإقامة
الجلفة
الجنس
ذكر
السلام عليكم
....
صحيتو و صح قداكم و عشاكم ..الفطور و السحور خلاص
هههه
جماعة الخير اسمحولي نطرح الموضوع بالدارجة
كيما راكم عارفين
و كي العادة الوزارة تاع التربية طبعا قررت اعادة البكالوريا للمقصيين بشارة من رئيس الجمهورية​

السيد عبد العزيز بو تفليقة
...
و من هنا قلت نطرح موضوع للنقاش في هذي القضية
لانو صراحة ... لو ننظرو للامر بنظرة شاملة
نجد ان هذا القرار له عدة تبعات و فيه اخذ و رد ​

لانو انا نشوف انو لا مالازمش ينعاد الباك ​

و هذا رايي على كل حال و عندي بعض الحجج نقدمها
منها : ​

-العدل ..لانو كاين تمايز بين الي عقب الباك و هو صايم و الي يعقب و هو فطر ​

-المتاخر في الباك صح نعذروه ..بصح فقط المتاخر لاسباب قاهرة جدا ​

-كاين ياسر ناس عقبو احرار في مناطق بعيدة و عقبو عادي رغم المشقة ..شني الفرق بينهم وبين الي تاخروا ؟؟؟ ​

...​

و الرحمة على والديكم خلونا من حكاية الزهر ...تاع ياودي الي تاخر راه ما عندوش الزهر ​

ههه​

ايا اليكم مالخط ...شرفونا بآراءكم مع الحجج​

ههه​

ايا السلام عليكم جماعة ​
 
 
بالنسبة لرايي هو ماشي فكرة كي يعاودوه بصح تاني ماشي فكرة بسبت زوج دقايق تعب عام يروح
المشكل فيهم قبل ..درك لي يسكن حدا وين يفوت تجي عليه يحكي و لي يسكن بعيد كفاش يدير ؟؟
اختي عاوداتو حر فوتت في وهران و وين نسكنو مسافة ساعتين و اكثر في الحافلة :sneaky: لو موجدين النقل صحا بصح باش طرقان كلش مبلعين و يجو يحكولنا على الانظباط عيب و عار كبير
و مننسوش حتى الناس زادولهم نص ساعة في بلاصة 8:30 حطو التسعة :giggle: ادا موصلتش قضاء و قدر معندك مدير ربي مكتبلكش عذا العام
اما تاع نص صام و نص فطر حجة تافهة بكري الغزوات في رمضان و درك رجعو مبهدلين بينا تقول رايحين يحرو القدس :sleep:
و في الاخير ربي ينجح كامل لي تعبو فيه و شقاو و لي غشو كلاو حق الناس ان شاء الله عمرهم ميفرحو :sneaky:
 
قال habchisalaheddin:
السلام عليكم
....
صحيتو و صح قداكم و عشاكم ..الفطور و السحور خلاص
هههه
جماعة الخير اسمحولي نطرح الموضوع بالدارجة
كيما راكم عارفين
و كي العادة الوزارة تاع التربية طبعا قررت اعادة البكالوريا للمقصيين بشارة من رئيس الجمهورية​

السيد عبد العزيز بو تفليقة
...
و من هنا قلت نطرح موضوع للنقاش في هذي القضية
لانو صراحة ... لو ننظرو للامر بنظرة شاملة
نجد ان هذا القرار له عدة تبعات و فيه اخذ و رد ​

لانو انا نشوف انو لا مالازمش ينعاد الباك ​

و هذا رايي على كل حال و عندي بعض الحجج نقدمها
منها : ​

-العدل ..لانو كاين تمايز بين الي عقب الباك و هو صايم و الي يعقب و هو فطر ​

-المتاخر في الباك صح نعذروه ..بصح فقط المتاخر لاسباب قاهرة جدا ​

-كاين ياسر ناس عقبو احرار في مناطق بعيدة و عقبو عادي رغم المشقة ..شني الفرق بينهم وبين الي تاخروا ؟؟؟ ​

...​

و الرحمة على والديكم خلونا من حكاية الزهر ...تاع ياودي الي تاخر راه ما عندوش الزهر ​

ههه​

ايا اليكم مالخط ...شرفونا بآراءكم مع الحجج​

ههه​

ايا السلام عليكم جماعة ​
إضغط للتوسيع...
سلام صويلح
انا مع وضد
مع باسكو كاين لي مايستاهلوش وراحو ضحية وممكن كاين منهم لي تعبو قاع العام مبعد طفرتلهم
وضد زيادة على لي قلته انت حتى ماتت واحدة قصاوها من منعرت واش من ولاية عاد خمو يعاودولهم الباك وهاديك لي ماتت مسكينة واش يكون احساس والديها كي يشوفو لي كيما بنتهم عطاوهم فرصة وبنتهم ماتت من الفgعة.....
دا اقتراحي فالقضية طبعا....
 
بالنسبة​
قال فيتامين سي:
بالنسبة لرايي هو ماشي فكرة كي يعاودوه بصح تاني ماشي فكرة بسبت زوج دقايق تعب عام يروح
المشكل فيهم قبل ..درك لي يسكن حدا وين يفوت تجي عليه يحكي و لي يسكن بعيد كفاش يدير ؟؟
اختي عاوداتو حر فوتت في وهران و وين نسكنو مسافة ساعتين و اكثر في الحافلة :sneaky: لو موجدين النقل صحا بصح باش طرقان كلش مبلعين و يجو يحكولنا على الانظباط عيب و عار كبير
و مننسوش حتى الناس زادولهم نص ساعة في بلاصة 8:30 حطو التسعة :giggle: ادا موصلتش قضاء و قدر معندك مدير ربي مكتبلكش عذا العام
اما تاع نص صام و نص فطر حجة تافهة بكري الغزوات في رمضان و درك رجعو مبهدلين بينا تقول رايحين يحرو القدس :sleep:
و في الاخير ربي ينجح كامل لي تعبو فيه و شقاو و لي غشو كلاو حق الناس ان شاء الله عمرهم ميفرحو :sneaky:
إضغط للتوسيع...
اهلا فيتامينة
شوفي نروحو بالعقل ...
اولا نتي تقولي مش على زوج دقايق يروح عام
بصح السيد لازم يقرا حسابو و الزوج دقايق هو المسؤول عليها
ثانيا تقولي ...المسافة ..حنا عندنا اخرين لاحوهم مسافة 100 كلم وجنوبا يعني السخانة ما نحكيلكش و فوتو و ق العافية
يعني المسافة مش عذر و النقل ..انا شفت كين النقل متوفر خصيصا لجماعة الباك و اصلا ناس النقل يخدمو ق في ايامات الباك
و الله يجيب لي فيها خير
شكرا كي شاركتينا رايك كلامك في محلو ياوما
هه:)​
 
قال بشرى ملاك:
سلام صويلح
انا مع وضد
مع باسكو كاين لي مايستاهلوش وراحو ضحية وممكن كاين منهم لي تعبو قاع العام مبعد طفرتلهم
وضد زيادة على لي قلته انت حتى ماتت واحدة قصاوها من منعرت واش من ولاية عاد خمو يعاودولهم الباك وهاديك لي ماتت مسكينة واش يكون احساس والديها كي يشوفو لي كيما بنتهم عطاوهم فرصة وبنتهم ماتت من الفgعة.....
دا اقتراحي فالقضية طبعا....
إضغط للتوسيع...
اهلا بالاخت بشرى
نتي راكي بين بين
بصح راحو ضحية هوما لي توخرو مش الباب تغلق على ال9 غير ربع
هوما توخرو بدقيقة و لا زوج ..مشكلتهم نظن
هه
الراي الاخر راني معاك فيه
هه
شكرا كي شاركتينا رايك ​
 
أنا مع لأن الأمر عادي
من كان له مؤهل وقادر على التوفيق فما العيب وكذلك أنا مع المرة 2 والثالثة كذلك في نفس العام
لأن فيه بعض الناس تبقي تعاود الباك مش راح تجيبه :) وهؤلاء مش راح نتكلم عليهم ومش عيب/ وكاين لم يوفق في أمر سوف يوفق في ذلك الأمر لو سنحت له فرصة ثانية
فقط أنا أتسائل أين العيب في ضد إعادته؟
هناك حقيقتًا بعض الناس لم توفق في أول أمر وفي المرة الثانية تحصلو على معدل رائع جدا وكفو
وكلنا نشارك في الأمر لو تخيل نفسك مكان الذي حدث له مشكل وجد وجد في تجاوز الباكلوريا وفي أخر المطاف أغلقو عليه الأبواب بسبب التأخر
الأن مثل هذا يستحق أم لا ؟ أكيد يستحق
الامر الثاني..تخيل أحد التلاميذ لم يذهب أصلا بسبب شغل أو مرض ، وقاموا بإعادة الباكلوريا نقول يالا حظه وثم ذهب لتجاوز البكالوريا ماذا لو تحصل على معدل 13 أو ما فوقه ؟
أكيد هذا الباك يستحق الإعادة لا تدري الخير في أى طالب سوف يتجاوز الدورة سواء في الأولة أو الثانية رغم انهم كلهم طلابنا أبناءنا وأخواتنا ونتمنا للجميع النجاح في الباكالوريا
فيه ناس تقول لا بعض ونكررها بعض خاصة الذين يعرفون بعضهم البعض راح يقولو لا بسبب الغيرة

 
السلام عليكم
مالقري انا ماشي من ضمن القائمة لي طلبت رايها بصح رايحة نمد رايي :)
هي صح ناس جوزت الباك و هي صايمة نتمناو لهم التوفيق و ربي سبحانو عاونهم و جازت لاباس
انا شخصيا كنت نخاف على بنتي من السخانة و التعب انو ما تقدرش تركز ول يغمى عليها ول بزاف صوالح خفت منهم بصح الحمد لله جاز و بنتي كانت بخير
بصح اعادة الباك للمقصيين انا نشوفها حاجة مليحة و فرصة ليهم لاخاطر عام كامل يعاودو يقراو باش يفوتو بزاف عليهم
بارك الله فيهم لي اعطاوهم فرصة جديدة
انا غاضوني بزاف خصوصا هاداك الشاب نتع غيليزان
و اليوم بعض النقابات ترفض هاد الشي قالك لازم ما نشجعوش الرداءة و لازم الطالب يعرف قيمة الدراسة و قيمة الوقت
و كاين لي شجعو و طلبو باش تكون الدورة في سبتمبر حتى تكون فرصة للي ما يجيبوهش باش يعاودو
الله يوفق الجميع
 
السلام عليكم
مالڨري منيش من لاليست مي حنعطيك رايي
انا مع ومع ومع اعادة البكالوريا
قال habchisalaheddin:
السلام عليكم
وعليكم والسلام ....
صحيتو و صح قداكم و عشاكم ..الفطور و السحور خلاص
وي عندك الحق جا وقت صحا غداكم و....
جماعة الخير اسمحولي نطرح الموضوع بالدارجة
كيما راكم عارفين
و كي العادة الوزارة تاع التربية طبعا قررت اعادة البكالوريا للمقصيين بشارة من رئيس الجمهورية​

السيد عبد العزيز بو تفليقة
...
و من هنا قلت نطرح موضوع للنقاش في هذي القضية
لانو صراحة ... لو ننظرو للامر بنظرة شاملة
نجد ان هذا القرار له عدة تبعات و فيه اخذ و رد ​

لانو انا نشوف انو لا مالازمش ينعاد الباك ​
وعلاه اسيدي راك ضدهم استنا نشوفو الحجج
و هذا رايي على كل حال و عندي بعض الحجج نقدمها
منها : ​

-العدل ..لانو كاين تمايز بين الي عقب الباك و هو صايم و الي يعقب و هو فطر ​
هنا عندك الحق ومعندكش
الاسئلة نتاعالباك لول جات مليحة ماشي صعبة مي الاسئلة نتاع الزاوج من المحتمل تجي صعبة
-المتاخر في الباك صح نعذروه ..بصح فقط المتاخر لاسباب قاهرة جدا ​
نو اخي مش لازم لاسباب قاهرة كاين واحد هنا في باتنة راح لليسي وصل قبل الوقت بشوي قالو الحارس الباب هذا مغلوق روح للزاوج (مع العلم كاين مسافة كبيرة بيناتهم )هو وصل للباب الزاوج قلولو بلي الوقت خلاص وميقدرش يعڨب اخي هذا ماشي راحلو عام هكذاك
-كاين ياسر ناس عقبو احرار في مناطق بعيدة و عقبو عادي رغم المشقة ..شني الفرق بينهم وبين الي تاخروا ؟؟؟ ​

...​

و الرحمة على والديكم خلونا من حكاية الزهر ...تاع ياودي الي تاخر راه ما عندوش الزهر ​

ههه​

ايا اليكم مالخط ...شرفونا بآراءكم مع الحجج​

ههه​

ايا السلام عليكم جماعة ​
إضغط للتوسيع...
ايا باي باي
 
تحكي على النقل :rolleyes: كون جيت و وريتلنا النقل اذا كاين ;);););)
متخممش على روحك فقط
شفت واحد وصل و ال100 لي موصلوش كفاش حكايتهم ...سيرتو النقل مكانش و مكالاش نغطو الشمس بالغربال
و زيد الطرقان مبلعين مننسوش هذي المشكلة ديفوا مسافة نص ساعة نديرو فيها ساعة .يخص اذا الدولة محاباش تأخير توفر ركوب للطلبة :sneaky:
لي راهم باغيين يشجعو العلم ماشي هكدا :ROFLMAO::ROFLMAO: تشجيع من بديا من الليسيات و الخماج لي فيهم من الاساتذة لي ميحترموش مهنتهم من الاستاذ لي يجي بسروال مقطع و الاستاذة تجي تقول عرس من الطالب يجي تحسب راسلينو بسيف من الاستاذ لي لا علاقة بالتعليم من النقل لي مكانش كفاش يوصلو قرينا و شفنا ..مجاتش في دقيقة تاخير ..انا لا مع لا ضد ربي ينجحهم و يوفقهم ..
 
السلام عليكم
انا ضد علاه انا فوت في رمضان و بعيدة على الدار و بقينا برا في الشمس و الله نوصل للدار عشية نرقد طول من التعب و العطش حتى قريب دخلت سبيطار صح كاين لي تأخرو بسبب المرض او وفاة المهم سبب مقنع بصح كاين لي تأخرو لاسباب تافهة و كاين لي منفحتلهمش يروحو يفوتو و بالاك يسهلولهم المواضيع مانيش نحسد فيهم ربي ينجحهم كيما نحب لروحي نحب لغيري بصح مش عدل و الكارثة قالك الراسبين ثاني لازم يعاودو هنا صحاب 10 و 11 نحسبوهم راسبين لان المعدل ميديرلهم والو و لا ؟بالاك كاين غشاشين و كاين متأخرين و كاين مجاوش كامل قادرين يفوتو غشاش اذا كان ولد او بنت مسؤول نورمال و الله بزاف كل عام مشاكل مشاكل
المهم راح الباك و راحت المصداقية
حكيت بزاف الله غالب اسمحولي
ربي يحفظك اخي على الموضوع شكرا جزيلا
​
 
السلام عليكم
بالنسبة ليا انا والله فكرة مليييحة وبزاف هكدا عطاوهم فرصة مساكن غاضوني
ربي يوفقهم يارب يارب
تحياتي اخي
 
السلام عليكم
أنا مع إعادة البكالوريا وأنا قلت بأنو كاين واحد ملي قصاوهوم دعا ربي بصدق في قلبو وربي سمعلو والحمد لله لأنو ياخويا ماشي حاجة ساهلة تتقصا من الباك بسبب تأخير راهي صدمة كبيرة. ..

أما لي عgبو في رمضان الله غالب ياك مايقدروش يعاودو رمضان واحد آخر هاكذا جات على الأقل لي عgبو في رمضان مهما صيام بصح نفسيا كانو مرتاحين... بصح هاذوك لي العام كامل وهو يقرا ومن بعد يقصوه... ماشي حاجة ساهلة وخير مادار الرئيس لأنو مايحس بالجمرة غير لي كواتو هوما قراو ومن حقهوم يديرو الامتحان..
هذا رأيي​
 
السلام عليكم
ماعلاباليش اسكو ضد ولا مع المهم..
انو يعاودلهم حاجة مليحة .بصح في نفس الوقت مهوش عدل
اولا احنا فوتنا صايمين والسخاخين كلاتنا والتعب هوما درك يفوتوه في ابسط راحة
بصحتهم...زيد كاين اللي تأخروا عندهم ظروف بالاك تحتم عليهم الامر باش يتأخروا
الله غالب..وهاذوك اللي تأخروا ومعندهمش سبب ..انا ياسيدي عندي برنامج ندخل على 9
نمشي على 6ولا7 ندير المستحيل باش نوصل في الوقت....
الباك هذا راح فيها خلاص كل عام تصرا صايرة منا العام الجاي ان شاء الله ينحوه بالاك خلاص
بالنجاح والتوفيق ان شاء الله
المهم مجرد رأي وشكرا على الموضوع والسلام
 
ضد إعادة البكالوريا
الأسباب واضحة هناك من تعب في المرة الأولى وخاصة في رمضان
ثم لن تبق للبكالوريا طعمها السابق وأما مصداقيتها فذهبت منذ مدة من الزمن
لما أصبح الناجحين في القسم كثير معناه أصبح البكالوريا ليست له قيمة
وهذا ليس حسدا ولابغضا لكنها الحقيقة المرة التي لايحبحا الكثيرين منا
 
ضد اعادة البكالوريا وبشدة
البكالوريا مصداقيتها كإمتحان اصلا انهزت في الجزائر فمابالك تعاد ؟؟ فاين راها قيمة الباك
وديجا هاد الهدة تاع بوتفليقة او الي تسمات باسمو هي مجرد استعطاف والا تغطية كاش عفسة سياسية جديدة باش يلهيو الشعب
+
حنا عنا شعب والله مايستاهل المزية دك كي عاودوه السنة السنة الجاية المتأخرين يعاودو الكرة ( طلبة الجدد ويتأخرو ) ويطالبو باش يعاودولهم البكالوريا ويديرو اضرابات ومظاهرات وووو
هادي هي طبايع شعبنا
 
في الاعادة افادة ،اعادة البكالوريا للمقصيين حاجة مليحة يكفي الضياع الي صاير لشبابنا المسرحين من الثانويات
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top