2017 و اللمــــــــآويين خاصة و الجـزآئرييـن عآمة { بين السلب و الايجآب }

[ضآحكة مستبشرة]

السلآم عليكم و رحمة الله تعالى و بركاته
كيف حالكم ؟

عندي مدة محطيتش موضوع هنا
توحشت يامات لي كان فيها هذا القسم زاهي و ناشط الله الله عليـــــه
نتمنى تعاود تولـــــــي هذيك الموآضيـــــــــــــــــــــــــع

حبيت نولــــــي بيكــــــم اليوم لســــــنوات قليلة للور
وين كانت شوية الحالة فيها موفمون ماشي كيما دوكــــــــــا رانا غير كل ما نروحـــــو و هي الحالة غير تزيد تسماط معلباليش واش هو السبب و لــــــــــكن هذا الشيء راهي الناس كامل تعاني منـــــــــــــــــــو

في العامين لي فاتو ولا ثلاثـــــــــــــة كانو كاينين بزاف حوايج تميزت بيهم الســــــــــــنة و الناس كامل كانت تحكي عليهم اي انهم رجعو حديث السـاعة
خلينا نرجعو لـ 2015 كان عام مليئ بالاحداث منها كاين :


الفستان العجيب

هذيكْـ لآغوب لي واحد معرفلها لونها
و اصبحت تصالورها تتداول في مواقع التواصل الاجتماعي و المنتديات و دارت ضجة كبيـرة هذاك الوقت لانو صعيب يلقاو لونهآ و حتى حنا هنا في المنتدى حكينا فيهــــــا و درنا عليها موضوع كامل

و كاين ثـــــــــــــــــآني حكاية عم الحآج تاع : تاكلي الجآج آه
و هي حكاية وحد الشيخ على حساب منعرف انو من عين الدفلى
جاو الثعالب كلاولو الجاج ديالو لي يعيش غير منهم
فدارلهم كمين و حكمهم و طالحهم طريحة مليحة و قتل واحد فيهم
و كانت اشهر مقولة قالها : تاكلي الجاج اه تاكلي الجاج اه
مونج دو بوم آآهه زعما هادي بالرومية كيما يقولوا العجايز

و ايضــــــــــــــــــــــــــــــا الكابل تع النت كي تقطع

و هو الشيء لي دار ضجة كبيرة بزاااااااااااااااااااااف في وسط كل الجزائريين
لانو النت ولات حاجة ضرورية في حياتنا فمتقبلناش نعيشو بلا بيها
و الشعب الجزائر صراتلو صدمة و ولا كي المجنون بلا بيها ميعرف شا يدير
لانو تعود يقضي كامل وقت فراغوا فيهآ و بلا بيها متحلاش الحيآة

و كاين اشياء اخرى تميزت بيها سنة 2015 كيما :

سيدي بن غبريــــــــط . ولي جات فيه تقول لتلاميذ باك 2015 اقراو بيه و عوظوا واش راحلكم في الاضرابات
حمزة بن دلآج . و حكايتو هو انو كان يقرصن اسرائيل و يحول الاموال الى فلسطين الشيء لي معجبش الكفار و لي تم القبض عليه من طرف المريكآن
سياسية التقشف .و لي عتابروها الجزائريين حقرة لانو هاد القانون يطبق عالزوالي اما المرفه يعيش عادي
انآ ديسيديت . و لي تعرض فيها احد المسافرين لـتبهديلة من طرف هاديك الاخت لي بهدلاتو و قاتلوا انا ديسيديت
السلطان عاشور العاشر . و كان اول جزء ليه في 2015 و حاليا راه من اهم البرامج الرمضانية
عودة الطفل امين ياريشآن . الطفل المخطوف لمدة 13 يوم دار حالة كبيرة في العاصمة خاصة و كامل التراب الوطني عامة
اعتزال مجيد بوقرة للكرة . وكانت آخر لحظاتو اللي لعبها في ملعب مصطفى تشاكر مؤثرة كونه آخر مرة يلعب أمام الجمهور الجزائري الفريد


اما العام الماضي 2016


كاين بزاف حوايج منهم :

عـدم ظهور رئيس الجمهورية امام شعبه . العام لي فات السيد عبد العزيز بوتفليقة مبانش كامل قدام الشعب حتى ظننا انه قد مات و هذا شيء ميز سنة 2016
اعادة البكالوريا . و هنا كانت الكارثة الحقيقة و الصدمة الكبرى لطلاب البكالوريا بسبب تسرب مواضيع البكالوريا تقريبا كل الشعب تمت اعادت البكالوريا لهم غير الادبيين
دواء براسيتامول . لي قالو بأنه يحتوي علة سلك معدني يسبب عدة امراض خطيرة و بلي جابوه من اسرائيل
حنة ام خماس . لي قالوا كذلك بانها تسبب السرطان " عافانا الله و اياكم " و انها لما توضع على اليد تأكل الموضع لي تحطت فيه و تأكل الخلايا بصورة رهيبة
خروج التلاميذ في مظاهرات بسبب عطلة اسبوع . و هنا كانت كارثة اخرى تضاف لسجل بن غبريط الفاشل لما عاودت مدت للتلاميذ عطلة فاقت 15 يوم بعد ما مدتلهم سمانة خخخخخ

- التقشف
- الفاكسان لي قتلت لولاد
- حفرة بن عكنون
- البطاقة البيومترية لاول مرة في الجزائر
- مشكل التقاعد
- فضائح مسابقة الاساتذة

---------------------

انا حكيت على عامين ماضيين بــــــــرك كنت شفت الفرق انو عام 2015 كان افضل من عام 2016 و راني نشوف بلي عام 2016 خير من عام 2017

الهدف من الموضوع هو انو علاش حياتنا راهي غير تزيد تسمـــــــــآآآط ؟
علاش راهي غير تزيد الحلاوة تروح ؟؟
واش هو السبب و شكون هو المسبب ؟

و ثـــــــــــــــــآني انا لخصتلكم واش صرا في عامين فاتو نتوما لخصلولي واش صرا معاكم في 2017 في حياتكم الخاصة و العامة
و احكولنا كيفاش جوزتو عطلة صيف 2017 و هل كانت ايجابية ولا سلبية

ههههههههههه علبالي بلي كامل راكم كارهين حياتكم و هاذي العطلة جازت اسمط عطلة خاصة عند البنات خخخخخخ

ان شاء الله منكونش طولت عليكم

لكم الخط

في أمان الله

​

 

[ثَسْكُورْثْ نَثْدُوكْلِي]

سلام عليكم ورحمة الله وبركاته

اهلا أسومة و بناس اللمة ان شاء الله الكل بخير ^^
ايه صح كيما قلتي كل ما يجي عام تزيد تسماط الحالة وهذي حاجة باينة بويسك نحسوا رواحنا كبرنا كل عام وتنقص فينا ريحة البراءة زعما.. كي شغل نبغيو نتمسكوا بها :p
(حصلنا في رواحنا كي كنا صغار حبينا نكبروا وكي كبرنا.. )
حتى اللمة عيات مسكينة وتبغي ترجع لطفولتها :p

...
بالنسبة ليا الخمس سنوات الأخيرة هذه كلها نحس عليا
يبدو أن لعنة ما أصابتني :X3:
,,,


مشكورة ع الموضوع
وربي يسعدكم
وان شاء الله ترجع اللمة لنشاطها
بالتوفيق



​

 

[ثَسْكُورْثْ نَثْدُوكْلِي]

يتصفح حاليًا هذا الموضوع 11 مشاهد: (الأعضاء: 1, الزوار: 10).

1. ثَسْكُورْثْ نَثْدُوكْلِي

:p

 

[Salah eddin]

السلام عليكم
موضوع طويل و عريض
و يليقلو قعدة زينة
لي عودة ان شاء الله قريبا​

 

[❤️كلي أمل❤️]

السلام عليكم
مرسي اسومة علي الموضوع
حنونة هادي هي الدنيا هاك كل عام كيفاش يجوز عام حلو وعام سامط وعام شوية شوية
بالنسبة ليا انا عام 2017 صراولي بزاف حوايج كاين لي فرحوني وكاين لي بكاوني والحمد لله علي كل حال
اما علي العطلة الحمد لله جوزتها هايلة ههههه

 

[السلطانة]

وعليكم السلام ورحمة الله وبركاته
راه عندك ارشيف كبير هههه فكرتيني في بزاف حوايج فاتو في هاذ العامين

الهدف من الموضوع هو انو علاش حياتنا راهي غير تزيد تسمـــــــــآآآط ؟
علاش راهي غير تزيد الحلاوة تروح ؟؟
واش هو السبب و شكون هو المسبب ؟
صح العام لي يفوت خير منلي يجي جديد
بروبلام تاع بنة زمان راحت ولا حنا لي نكبرو كل عام نشوفو الدنيا تبدلت

و ثـــــــــــــــــآني انا لخصتلكم واش صرا في عامين فاتو نتوما لخصلولي واش صرا معاكم في 2017 في حياتكم الخاصة و العامة
هذا العام فات مع تربيتي لبنتي لي كبرت بعام
هذا ملخصي
شاركت في مسابقة التوظيف كان عندي امل كبير في النجاح لكن في هذي البلاد لازم تكون عندك لكتاف باه تفوت قدام شي ناس متستهلش
بصح معليهش ربي خير من كلش رانا نستناو في الاحتياط اذا فيها خير ربي يجيب اذا مافيهاش الله لاجات
تاني في حياتي العائلية اكتشفت حقيقة بعض الناس لي ضروني في حياتي وكلاصيتهم لاخر مرة


و احكولنا كيفاش جوزتو عطلة صيف 2017 و هل كانت ايجابية ولا سلبية
الحمد لله فوتت بون فاكونس حوست فيه وريحت بالي

تقبلي مروري
سلام

 

[ليليا مرام]

السلام عليكم
مشكورة على الموضوع طرحيه بشكل هايل نسيي نريبوندي على حسابي انا
دخلت منتتديات وجربت وكتبت بزاف مواضيع وماكانش عندي ملل وركود وديما نكتب ونشارك حتى لو مريضة لكن فترة الصيف هذي مع انو ما رحت لحتى بلاصة كيما تعرفو ما نقدرش نمشي والعملية وغيرو ممكن هذاك اثر عليا بزاف فكل حاجة ضرك كرهت كل شي مليت فالوقت اللي لازم نكتب ونشغل روحي الله غالب راهي غير تزيد تتعقد فحياتي ونفسيتي 0 باتم معنى الكلمة وممكن درجات تحت الصفر ما قدرتش نرجع كيما كنت ومش فالمنتدى وبرك حتى انا ليليا اللي كنت نضحك وقسر مهما يصيرلي خلاص اشتقت للضحكة من القلب الله غالب ندعي ربي نفسيتي تتحسن وندعي ربي كل واحد يفرج عليه ونرجعو كيما كنا وما تخميش راهم كل المنتديات هاكا مرة يطلعو ومرة يهبطو وهي رايحة واللمة عمرها ولا تفرغ او طيح خاطر نروحو ونرجعو غير هنا
مشكورة

 

[أبو عاتكة]

ربي يبارك فيك .
نظن انو الشعب الجزائري ومنهم نحن طبعا اصيب مع الوقت بسبب النكسات والخرجات نتاع الحكومات الوهميةالمتعاقبة ووضع البلاد والعباد المرتبك بالاحباط والخوف من المستقبل بل الخوف حتى من طلوع فجر اليوم التالي وما سيكون فيه من نكسات ونشعات وهموم ومشاغل واعباء جديدة تظاف الى حمله . لهذا تكون الفرحة قصيرة والابتسامة نادرة والامل متلاشى والانطباع السائد التشائم والعصبية واللهفة .
قديما كانو والدينا منهكين جسديا بالكد والعمل لكن مرتاحين نفسيا بالقناعة والصبر اما نحن فمجهدين بالبحث عن عمل ثم العمل ثم الراحة في وقت العمل ومحبطين نفسيا بقلة الصبر وتجهيز مستقبل زاهر ومضمون باسرع وقت بينما المستقبل هو الحاظر المتكرر الذي لا نلمسه وينسل من بين ايدينا الى ان يبلغ الانسان مطلع الشمس ويرى ان مستقبله قد استهلكه وانتهى وقته فاي مستقبل لانسان فان ونهايته محتومة ام هو ذلك الامل بالراحة والاستقرار في نهاية العمر وبناء مستقبل للابنة والولد وقد لا تكون خطتنا هي نفس خطتهم فيهدمون ماجهزناه لهم ليبنوا لانفسهم مستقبلا يرونه هو وليس ما رايناه نحن وقد شهدنا قصصا وعبر وفعلا هذا ما حصل .
اعود فاقول لهذا لا يحتمل الجزائري اي عبئ جديد من محيطه الخاص وداخل منزله ومنه حتى من استسلم وترك الجمل بما حمل واحتمى داخل قوقعة اللامبالاة والهروب من كل شيء حتى من عائلته ومسؤولياته سواء كان تلميذ او عامل او والد ....او ... او ... وشعاره في ذلك < كرهت .. ماكان والو .. خلينا .. > والهته سفاسف الامور وانغمس في ما ينسيه مكانته وهدفه وواجباته واصبح اللهو حالة مستقرة تستهويه.
لهذا زيادة الاعباء وتفاقم المشاكل وتكدسها وضيق العيش وقلة الحيلة وتدني الاخلاق وكثرة المناكر والانحراف عن الطريق المستقيم من اسباب < السماطة> المتسلطة على كل احوالنا وتحركاتنا . هذا جزء من جواب طويل على استفسارك .
صحيح ترين الناس تلهو وتمرح وتستريح في العطلة الصيفية لكن النفسية داخليا تعبانة والخوف و مكدرات الحياة مسيطرة على الافكار غير الظاهرة . كاحساس عام . فالسعادة الظاهرية نختلقها بشق الانفس وربما نحققها بنسبية غير عادلة .
هذا من اجل هدف الموضوع .
ربما هذا الانطباع خاطئ ومتشائم وسامط فنحن في زمن السماطة وللسماطة اهلها

اما عن ارشيفي الخاص فكما قلنا نختلق السعادة بشق الانفس كلما بنينا املا في عطلة سعيدة هدمها السعيد .
فوتو كوبي للعام لللي قبلوا فقدنا اناس نشتاق اليهم ونتذكرهم واحداث لا يسع المجال لذكرها المهم انو فيها الايجابية والسلبية .
بالنسبة ليا جاز العام كيما كل عام لا جديد على اي صعيد بعض الاهداف الصغيرة نجحنا فيها بفضل الله نحمده كثيرا وطبعا ديما الانسان يحلم ويتمنى ان شاء الله ربي يعطينا ويعطيكم الصحة والعمر السعيد . لا عطلة صيفية بالنسبة لي سوى عطلة رمضان .
الوضع العام ايجابي المهم الصحة والعافية والهناء وراحة البال والقناعة بما قسم الله لنا .
ربي يبارك فيك . خدعتيني باسلوبك و بمقدمة الموضوع الملفتة والجذابة فاردت المشاركة بعد التوقف عنده
يعطيك الصحة ولكل مشارك هنا

 

[الصحافية الساخرة]

السلام عليكم

مشكورة على الموضوع أختي أسومة

في الحقيقة لأن نفسيتي متعبة جدا كأني أحمل هموم العالم اجمع فقدت كل شيء أحببته طار كل شي من بين يديا واش يقعد حلو يرحم باباك و يماك غير السماطة
كبرنا ختيتو وصعقنا الواقع اللي كنا حاطينو في صغرنا جميل ليس فيه الا الجمال لقيناه دوك غول ووحش افترسنا من الداخل ولم يبق لنا غير هموم وجراح و خيبات امل
للاسف و للاسف صديقتي معنديش كلمة نجاوب بيها عليك بتفاؤل كل كلمة حزن و ياس
للاسف
وربي يجيب الخير ان شاء الله

 

[البحر الهادي]

لي عودة للموضوع الرائع إن شاء الله

 

[إلياس]