حكاية الطمّاع

[Salah eddin]

السلام عليكم و رحمة الله و بركاته
صحيتو ... وش راكم ؟ ... وش احوالكم ... الحمد لله ... قولو الحمد لله اسي ... ها ما نظلش نعاودلكم ههه
...
المهم يا سيدي ... هذي حكاية جديدة و زينة ههه نلطفو بيها الجو شوية ...و راها طويلة شوي ... جماعة خفيف ظريف ق شوفو جيهة اخرى ههه
بصح وشني ... بالاك هذي الاخيرة و منها حتاااال نهار اخر نشالله اذا حيانا ربي باه نعاودوها ههه ... ادعولنا برك ههه
بسم الله ....
قالك هذو زوج جيران ... واحد غني لاباس عليه ... و الاخر فقير محروقة عليه الحلفا ... فراك ما يسعاهش ههه
المهم يا سيدي ... قلنا غني و فقير ... و الغني هذاك ... طول يقلق في جارو الفقير و يزوخ عليه ... ساعات يبدا يشوي و يفوّح في الريحة على جارو
ساعات يـڤاري بالQ5 هذيك قدام باب جارو ههه
المهم داير فيه المكر ...
المدار يا سيدي ... الفقير هذاك واحد النهار كان خاطر .. مسافر ...رايح يحوس ولا يزور اهلو ... المهم خاطر في كواستر ( الكواستر ياك تعرفوها... طرولي ههه ) ...و راكب وحدو في الكواستر هذيك ههه ق هو و الشيفور الي يسوق ههه و مريّح مسامي الطاڤة و وذنتو حاطها على بر ههه
و الطاڤة هذيك مفتوحة ... و الميمون ...مولى الكواستر يجري 200 في الساعة هههه و تتقلب بيهم الكواستر هذيك .. و جات طول مقلوبة على الوذنة تاع صاحبنا ... .. و المخلوق ... وذنتو تحكّت من الـڤودرون ... تحكت حتان تقطعت هههه

و بدا الدم يسيل ....السيد يويّل ....و كذا و هاااي هااااي ... العياط ... الزهـڤ هههه.... ياااتل صرا فيه المكر المخلوق ههه من قبيل زوالي و زادت راحتلو وذنة ههه
المهم مولى الكواستر هذاك مترفه لاباس بيه هههه
راح ليه نوضو ...و قالو يا ودي هاك 100 مليون و اضرب النح ههه و ماسكي الحالة و ق العافية ( باه ما يباصيهش ياك كان يجري 200 في الساعة )
...
السيد الزوالي صاحبنا ... ضرب فيها هذيك ال100 مليون ... و دخل للسبيطار وقت و خرج ق العافية ... يمشي بوذنة وحدة ههه
ولا يمشي بجيهة ....ههه ...التوازن راحلو ... ههه
المهم ... بدا يصرف في هذيك ال100 مليون ...راح شرا كروسة صقيرة ... و عاود الطلية تاع الفاصاد تاع دارو ... و بدّل الباب ههه
و ريقل حالتو زين ههه وفضل حجيجة تاع صوارد زهى بيها هو و وليداتو ههه
المهم جارو هذاك شافو جاب الصوارد و شرا كروسة و كذا ... قالك هذا لي ثم ثم ترفه و ولات عندو الصوارد و الله نشوفو كفاه دارها ههه
راح ليه ...سلام عليكم ... و عليكم السلام ....
المعلم وش ... ق الخير ...راها تقول تنفست عليك ضربة وحدة ... مين جبت الخير هذا ؟ هههه
السيد الزوالي انسان نية ... حكاو قاع القضية كفاه ههه
قالك ياابوي ... هذا السيد راحتلو ق وذنة و جاب 100 مليون ههه انا ثاني و الله قللا جربتها ههه هذي ههه
السيد طمّاع ... عندو الرزق و حابّ يزيد ههه
...
المهم يا سيدي ههه ... الغني هذاك راح باه يعاند جارو و يدير كيما هو و يجيب 100 مليون ههه
راح ركب في كواستر فارقة ... و ريّح مسامي الطاڤة .. و حط وذنو عند المراية... ههه .... و راه يستنى فالكاوستر هذيك تتقلب ههه باه تروحلو الوذنة و يعطوه الصوارد ههه
...
المهم الكواستر هذيك تمشي ... تمشي .... تمشي .... بصح والو ههه لا آكسيدا لا والو ههه ... زاد قعد يستنى ... والو
كيف كيف ههه زهرو أعوج ههه
المهم طول يستنى و بدا بكره ...ايا سيدي ...طلّ من الطاڤة ... و يشوف واحد اللآكسيدا حذا الطريق ...... مصيبة راني نقولك هههه
سيمي داخل في كروسة ... الكروسة داخل في 6 عباد ... 6 عباد داخلي في بعضهم ...يااااتل حادث مرور مروع ...ههه
وش دار صحابنا .... راحي يجري مسامي موقع الحادث ... جبد موس ... و قطع بيه وذنو ...و لاح روحو مسامي الموتى هذوك ...
و بدا يعيط ... ياااو وذني .... ياااو وذني ههههه ( زعما يدير كيما صاحبو )
المهم .. السيد يعيّط و يويّل ههه
جاه السيد ينوّض فيه ... قالو: خويا وش بيك ؟ ق الخير ؟ وش كاين ؟ ههه ههه
صاحبنا قالو : هات هات قبل ال100 مليون و مبعد اهدر !!! .... ههههه
وش قالو الاخر ؟
...
قالو ياااتل نوض بركى ما تتمسخر......خلينا نكملو التورناج تاع الفيلم راها الحلقة الاخيرة اليوم
هههه

الجماعة يتورنو في فيلم ههه و هو يحسبها آكسيدا صح
ههه
و رحت وذنتو في كيل الزيت و هذي نهاية الطماع
هههه
ــــــــــــــــــــــــــــ
هذي هي ان شاء الله تكون عجبتكم الحكاية
و
السلام عليكم


​

 

[Salah eddin]

@حروف تائهة
@حمزةusma
@عمر عبد السلام
@ربي اغفرلي
@{هِشام}
@scorpion16
@Mårőųā Řāhïł
@باتنية و نص
@الحلم الوردي
@إنسانة ما
@زهور اليآسمين
@sقطر الندىs
@صدام بكل فخر
@Skor m@k
@madridista
@بنت سطيف
@يونس قاسم
@chirine zina
@ميلينا
@بشرى ملاك
@aYyÖub aDaM
@جيهان جوجو
@لؤلؤة قسنطينة
@امين احمد
@جلال عبدالمنعم
@theking
@saddek06000
@bassem1618
@BTCMADANI
@Hossam 01
@sanaya
@Soumia hadj mohammed
@ليليا مرام
@Ma$Ter
@ماجدة لربها ساجدة
@نعمات
@hakim story
@habchisalaheddin
@أم ياسمينdz
@Asseli Queen
@فيتامين سي
@omaridj27
@NOOR EL Huda
@salima77
@عآشقة الجنـة
@krimo65
@Mustapha Bita
@مكان وزمان
@طموحة
@امين احمد
@رضا الرحمان غايتي
@acher.dz
@الصراحة راحة
@محمد التبسي
@صمت المشاعر
@الامين محمد
@dahman kz
@طيب الكلام
@عاشقة الإحسان
@حلم كبير
@فتحي عاشق الجنه

​

 

[لؤلؤة قسنطينة]

السلام عليكم
ههههههه يعطيك الصحة خويا صلاح حكاية مميزة كي العادة
فكرتني في هاداك لي فضولي يحب كلشي يعرفو مرة شاف ناس متجمعين
وماقدرش يشوف واش كاين مالا ناض يعيط ويقولهم بعدو راهو خويا لي تما
كي بعدولو لقاهم دايرين على حمار ميت (حاشاك) ههههههه
يعطيك الصحة على القصة مع ان ولي حكيتها ماتشبهش لتاعك بصح فكرتني فيها هههه
ومبروك عليك استرجاع الخط هههه انا جربتو في الموضوع صلحلي
بصح من بعد ماحبش وكتاه يردوه
شكرا على الموضوع
تحياتي​

 

[حلم كبير]

السلام عليكم و رحمة الله و بركاته
صحيتو ... وش راكم ؟ ... وش احوالكم ... الحمد لله ... قولو الحمد لله اسي ... ها ما نظلش نعاودلكم ههه

لاباس خويي والحمدوالله
نشالله امورك مليحة
ربي يحفظك

المهم يا سيدي ... هذي حكاية جديدة و زينة ههه نلطفو بيها الجو شوية ...و راها طويلة شوي ... جماعة خفيف ظريف ق شوفو جيهة اخرى ههه
بصح وشني ... بالاك هذي الاخيرة و منها حتاااال نهار اخر نشالله اذا حيانا ربي باه نعاودوها ههه ... ادعولنا برك ههه
بسم الله ....

أنا مانيش من جماعة خفيف ضريف طول على روحك نقرا ونعاود ههههه
نشالله خويي معليهش ألتى باحوالك وشغالاتك ويرحمها ربي.


ههههههه وهاذي وحدها هايلة نتاع وذن بمية مليون
ولاخر بيه الطمع راحتلو وذنو المسكين
الطمع ما ولاش يفسد الطبع برك ولا حتى يفسد الخلقة هههههه
يعاند فالزوالي حليلو
ههههه بصح يستاهل
يعطيك الربح نشالله خويي نحيتلنا على خواطرنا
بارك الله فيك ​

 

[ضيوف وسـنغادر]

اضحك الله سنك يا اخي
عجبتني حكاية الطمّاع زهيتنا بيها والله
نبكيو القايلة نضحكو العشية يا سبحان الله^^
يعطيك الصّحة وشكرا​

 

[يونس قاسم]

ههههههههه مين جبتها هذي هههه
يعطيكالربح
ياتل تلقاها زينه

 

[حروف تائهة]

السلام عليكم
ههههههههههههههه وحدك خويا لكبير ههههههه
مسكين السيد راحت ودنو خسارة هههههه
عجبتني تاع يمشي بجيهة وحدة و التوازن و ماعرف واش .. عارفينك تقرا ميدسين برك ههههههه
بصح في الوصف تاع الضربة بن عمييي راني حسيت بوذني تتحك ههههههه
يعطيك الصحة صلاح

 

[nadir-18]

 

[طيب الكلام]

السلام عليكم
يعطيك الصحة خويا صلاح و الله غير هايلة هههه . راحت وذنو مسكين .. ربي يخلف عليه
في انتظار جديدك خويا ، بارك الله فيك

 

[Salah eddin]

​

السلام عليكم
ههههههه يعطيك الصحة خويا صلاح حكاية مميزة كي العادة
فكرتني في هاداك لي فضولي يحب كلشي يعرفو مرة شاف ناس متجمعين
وماقدرش يشوف واش كاين مالا ناض يعيط ويقولهم بعدو راهو خويا لي تما
كي بعدولو لقاهم دايرين على حمار ميت (حاشاك) ههههههه
يعطيك الصحة على القصة مع ان ولي حكيتها ماتشبهش لتاعك بصح فكرتني فيها هههه
ومبروك عليك استرجاع الخط هههه انا جربتو في الموضوع صلحلي
بصح من بعد ماحبش وكتاه يردوه
شكرا على الموضوع
تحياتي​

و عليكم السلام
اهلا اختي مريم ...ههه اسي مليح كي عجباتك الحكاية ههه
بصح حكاية "الحمار" حاشاك ههه قديييييمة يا حسراهه ههه جيبي الجديد
ههه
و اذا ما عندكش الجديد ههه تعلمي مني هههه
شكرا على مرورك الجميل اختي
سعيد دوما بردودك​

 

[Salah eddin]

أنا مانيش من جماعة خفيف ضريف طول على روحك نقرا ونعاود ههههه
نشالله خويي معليهش ألتى باحوالك وشغالاتك ويرحمها ربي.


ههههههه وهاذي وحدها هايلة نتاع وذن بمية مليون
ولاخر بيه الطمع راحتلو وذنو المسكين
الطمع ما ولاش يفسد الطبع برك ولا حتى يفسد الخلقة هههههه
يعاند فالزوالي حليلو
ههههه بصح يستاهل
يعطيك الربح نشالله خويي نحيتلنا على خواطرنا
بارك الله فيك

اهلا خويا حليم ههه
يا خويا يعطيك الصحة ههه ق نتا لي تحاول و تعاود باه تفهم الحكاية
ههه
كاين قاشي نتا تكتب حكاية فيها ميترة ههه وهو يخسر عليك " "
ههه
تحير ... اوموان شوية مناقشة .. يااسي عاودلي وش كتبت انا برك هههه
يعطيك الصحة خويا حليم و شكرا على وفائك

​

​

 

[Salah eddin]

اضحك الله سنك يا اخي
عجبتني حكاية الطمّاع زهيتنا بيها والله
نبكيو القايلة نضحكو العشية يا سبحان الله^^
يعطيك الصّحة وشكرا​

اهلا اختي ضيوف ... ياسي قوليلنا اسمك على الاقل ههه
شكرا على مرورك الجميل
بارك الله فيك​

​

​

 

[Salah eddin]

ههههههههه مين جبتها هذي هههه
يعطيكالربح
ياتل تلقاها زينه

اهلا خويا يونس ههه​

هذي جديدة ماكش سامعها
ياخويا سر هذا ههه
نتا ارواح ازهى شوية و ما تحوسش تفهم ههه
يعطيك الصحة خويا​

​

​

 

[Salah eddin]

السلام عليكم
ههههههههههههههه وحدك خويا لكبير ههههههه
مسكين السيد راحت ودنو خسارة هههههه
عجبتني تاع يمشي بجيهة وحدة و التوازن و ماعرف واش .. عارفينك تقرا ميدسين برك ههههههه
بصح في الوصف تاع الضربة بن عمييي راني حسيت بوذني تتحك ههههههه
يعطيك الصحة صلاح

و عليكم السلام و رحمة الله
اهلا باختي الصغيرة ههه
بصح راني نوصف في الوضع كفاه ههه السيد راحلو التوازن و المشية عواجبت
و الوذنة تحكت مع الغودرون ههه تحسي روحك تشوفي في فيلم ههه
شكرا على مرورك اختي الصغيرة
يعطيك الصحة​

​

​

 

[Salah eddin]

شكرا على المرور​

 

[Salah eddin]

السلام عليكم
يعطيك الصحة خويا صلاح و الله غير هايلة هههه . راحت وذنو مسكين .. ربي يخلف عليه
في انتظار جديدك خويا ، بارك الله فيك

و عليكم السلام و رحمة الله

اهلا بالاخت مروة ... ههه مليح كي عجباتك الحكاية

ساعة و اضربي دورة هنا كاشما تلقاي الجديد ههه

شكرا على مرورك الجميل اختي

بارك الله فيك​

​

 

[لؤلؤة قسنطينة]

و عليكم السلام
اهلا اختي مريم ...ههه اسي مليح كي عجباتك الحكاية ههه
بصح حكاية "الحمار" حاشاك ههه قديييييمة يا حسراهه ههه جيبي الجديد
ههه
و اذا ما عندكش الجديد ههه تعلمي مني هههه
شكرا على مرورك الجميل اختي
سعيد دوما بردودك​

شوف شوف قالك الجديد ههههه
ليكن في علمك يا أخ صلاح بلي قصة الطماع هادي سمعتها كي كنت نقرا في الابتدائي هههه
يعني أكثر من 15 سنة عندها
بصح باه مايكدبش العبد راك قاعد تبدلها في اللوك من برا
يعني راك تتعب مانكدبوش
بلا مزية خويا وانا اسعد بمروري
​

 

[Salah eddin]

شوف شوف قالك الجديد ههههه
ليكن في علمك يا أخ صلاح بلي قصة الطماع هادي سمعتها كي كنت نقرا في الابتدائي هههه
يعني أكثر من 15 سنة عندها
بصح باه مايكدبش العبد راك قاعد تبدلها في اللوك من برا
يعني راك تتعب مانكدبوش
بلا مزية خويا وانا اسعد بمروري
​

ههه
زعما راكي قصفتيني ولا وش ههه
ماعليش انا نجيب حكاية قديمة و نعاود نسيرجها ههه
و نديها عند الديقريساج و تخرج جديدة
ههه
شكرا اختي مريم يعطيك الصحة​

 

[أشــواق 19]

هههههههههههههههههههههههههههههههههههههههههه
ههههههههههههههههههههههههههههههههههههههه
ههههههههههههههههههههه علبيها يقولك طماع يبات فمو محلوووووووول ههههههههههههههههههههههههههه والله غ وذني عادت توجع حسيت بيهم هههههههههههههههههههههه
يعطيك الصحة خويااا راني جيت بلا متعيطولي :/

 

[لؤلؤة قسنطينة]

ههه
زعما راكي قصفتيني ولا وش ههه
ماعليش انا نجيب حكاية قديمة و نعاود نسيرجها ههه
و نديها عند الجيقريساج و تخرج جديدة
ههه
شكرا اختي مريم يعطيك الصحة​

هههههه غير نضحك برك
راك فور في كتابة القصص الكوميدية وحنا رانا متابعين ليك
بالتوفيق ​