- إنضم
- 5 جانفي 2017
- المشاركات
- 3,482
- نقاط التفاعل
- 8,102
- النقاط
- 946
- العمر
- 28
- محل الإقامة
- Jijel
- الجنس
- أنثى
السلام عليكم و رحمة الله و بركآته
^^
سأشفق عليكم هذه المرة تالموا راسي يوجع ما رايحاش
ندور بيكم بزاف
غير هنا برك ..
...
المهم حبيت نهدر على زمان بكري ، كيفاه عاشوا مساكن ورايحة نهدر
على النساء اللي تقهروا بزااف و كانوا تحت سلطة الجد الكبير
سمع و طاعة ، خوف و رعب .. و المرى قبل ما تشاور راجلها باش تخرج ، تروح
عند الجد الكبير و هي حاملة كل الرعب ، لازم عليها تشاوره هو الأول
و قبل ما تنطق مسكينة حرف هو يفهمها ديراكت و يشوف فيها نظرة تنسى
واش حابة تقول ، وتتبدل الطلبية و تسقسيه أسك يحتاج حاجة قبل ما تروح
تحلب البڨرة
أنا منين نريح مع يما ولا عجوزة المهم تاع بكري يولوا يفرغوا ڨلوبهم ، مالغري
ما تعرفكش بصح تولي تجبدلك على واش عاشت في الزمن الأسود هههه
تقولك يا بنتي حنا بكري تعبنا ، كنا نرفدوا على راسنا الشكاير ، البيادن تاع
الماء ، الحيوان كان ماشي هو يرفدنا على ظهروا ياو حنا رفدناه كي مرض
الله الله ، واش من معيشة ذي ، قلبي تقطع .. ( احمدوا ربي يا البنات دوك راكم
تغسلوا غير الماعن تاع خمس عباد.. ) بكري كانوا الماعن تاع جيش عسكري
يغسلوه ،، و ينوضوا على الثلاثة تاع الصباح باش تطبخ الكسرة و لا الخفاف
للجد الأكبر وراجلها و القرية كامل ،، ياو شكارة تاع سميد تعجنها الكل ، تفتل
و تشمخ .. و من بعد تغسل حوايج بالجملة و القناطر ههههه و بالماء بارد
ها واش يكملها .. يلحق الزيتون ترفد ابنها على ظهرها و هو ينذب و يعيط
و يرهجها بالفوحة هههه مالغري وتحمل و تطلع فوق الشجرة ، ديفزا تدي طيحة
و ما تهدرش نورمال كي ترجع للدار تزيد تدهن بالزيت الزيتون
و تروح تحرث الارض هي البعير .. ماكانش تاع ما تقدرش اييه واالوا
تقهروا بزاااف و رجالتهم عاجبهم الحال كي يتعبوا نورمال ،، و يخليها
تطلع للغابة وحدها ما يخافش عليها من المقنعين ، اسيدي بعدا ابعث معاها
كاش واحد الى خرج ليها حلوف ما يخرجلهاش العصبانة اللي فكرشها ههه
بصح عادي تحمل و تهز عود و تبعث المعز ولا البقر يرعوا فالغابة ، و تجيب
الحطب باش تشعل النار ..
و هلموا للداخل الآن واش صرى فيهم مسكينات ماشي كما الانوشات تاع دوك
تضرب رجلها فالباب تعيط للاسعاف ههههخخهه
المغبونات عاشوا بعاد على مواليهم في دشرة فالجبل .. البرد والجوع
النساء هوما يتعبوا و يتعذبوا ، وفاللخر الجد الكبير هو الاول ياكل و زاد اغلق
الباب موراه باش هكذا واحد ما يقلقوا و يتڨرع على راحتوا هعه
و من بعد الرجال ثانيا و النساء الدايم ربي هههه هوما قبل ما ياكلوا لازم
ينظفوا الحالة و يغسلوا الماعين ومن بعد يفقدوا ولادهم و هكذاك
و يتلموا غير على الفتات هههه
و الله تعذبوا صح معرف واش من قوة كانت عندهم !! راجلها عاجبته مرته
وهي محزمة راسها دلاعة رافدتها فوقها و حوايجها ثقال عليها ، حتى صباط
جديد ما يخممش يشريهولها و الى خمم يشريلها حاجة اول حاجة يشريهالها
هي " الدوارة والبوزلوف ، ومعاهم البوط باش تقدر تدخل فالشوك "
كانت معيشتهم صعيبة بزاااف ، و تالموا كانوا يرفدوا في قلوبهم برك ما يشكوش
ماشي كما دوك الى مرته قالت : كرهت ، راجلها الحنون يرفد قشوا ، يكري دار
وما يزيدش يبان في الميدان هههه
و المغبونات تاع بكري الى قالت " كاف " تدي كفوف و تولي لدار باباها تشبع معايرة
و كلام يجرح ، و يحكوا عليها في كل دار و قرية هههه و تولي حكاية و نكتة
يخبوها للأحفاد ..
ودوك ازويط انقلبت الحكاية ،، كبروا الولاد و تبدلت الاحوال و العجايز تفتحوا
و فاقوا وداروا رايهم فالشيوخا تاعهم هههه هو يهدر وهي تردله و تعريه بالهدرة
كما ركبلها السكر و لاطونسيون و العروة هي تخلف فالتار .. وتعطيه
و الهربة لبرى ، يظل قاعد مع الشيوخا يعس فاللي طالع وهابط هههه
...
إليكم الخط ^^
"فطوم"
^^
سأشفق عليكم هذه المرة تالموا راسي يوجع ما رايحاش
ندور بيكم بزاف
غير هنا برك .. ...
المهم حبيت نهدر على زمان بكري ، كيفاه عاشوا مساكن ورايحة نهدر
على النساء اللي تقهروا بزااف و كانوا تحت سلطة الجد الكبير
سمع و طاعة ، خوف و رعب .. و المرى قبل ما تشاور راجلها باش تخرج ، تروح
عند الجد الكبير و هي حاملة كل الرعب ، لازم عليها تشاوره هو الأول
و قبل ما تنطق مسكينة حرف هو يفهمها ديراكت و يشوف فيها نظرة تنسى
واش حابة تقول ، وتتبدل الطلبية و تسقسيه أسك يحتاج حاجة قبل ما تروح
تحلب البڨرة
أنا منين نريح مع يما ولا عجوزة المهم تاع بكري يولوا يفرغوا ڨلوبهم ، مالغري
ما تعرفكش بصح تولي تجبدلك على واش عاشت في الزمن الأسود هههه
تقولك يا بنتي حنا بكري تعبنا ، كنا نرفدوا على راسنا الشكاير ، البيادن تاع
الماء ، الحيوان كان ماشي هو يرفدنا على ظهروا ياو حنا رفدناه كي مرض
الله الله ، واش من معيشة ذي ، قلبي تقطع .. ( احمدوا ربي يا البنات دوك راكم
تغسلوا غير الماعن تاع خمس عباد.. ) بكري كانوا الماعن تاع جيش عسكري
يغسلوه ،، و ينوضوا على الثلاثة تاع الصباح باش تطبخ الكسرة و لا الخفاف
للجد الأكبر وراجلها و القرية كامل ،، ياو شكارة تاع سميد تعجنها الكل ، تفتل
و تشمخ .. و من بعد تغسل حوايج بالجملة و القناطر ههههه و بالماء بارد
ها واش يكملها .. يلحق الزيتون ترفد ابنها على ظهرها و هو ينذب و يعيط
و يرهجها بالفوحة هههه مالغري وتحمل و تطلع فوق الشجرة ، ديفزا تدي طيحة
و ما تهدرش نورمال كي ترجع للدار تزيد تدهن بالزيت الزيتون
و تروح تحرث الارض هي البعير .. ماكانش تاع ما تقدرش اييه واالوا
تقهروا بزاااف و رجالتهم عاجبهم الحال كي يتعبوا نورمال ،، و يخليها
تطلع للغابة وحدها ما يخافش عليها من المقنعين ، اسيدي بعدا ابعث معاها
كاش واحد الى خرج ليها حلوف ما يخرجلهاش العصبانة اللي فكرشها ههه
بصح عادي تحمل و تهز عود و تبعث المعز ولا البقر يرعوا فالغابة ، و تجيب
الحطب باش تشعل النار ..
و هلموا للداخل الآن واش صرى فيهم مسكينات ماشي كما الانوشات تاع دوك
تضرب رجلها فالباب تعيط للاسعاف ههههخخهه
المغبونات عاشوا بعاد على مواليهم في دشرة فالجبل .. البرد والجوع
النساء هوما يتعبوا و يتعذبوا ، وفاللخر الجد الكبير هو الاول ياكل و زاد اغلق
الباب موراه باش هكذا واحد ما يقلقوا و يتڨرع على راحتوا هعه
و من بعد الرجال ثانيا و النساء الدايم ربي هههه هوما قبل ما ياكلوا لازم
ينظفوا الحالة و يغسلوا الماعين ومن بعد يفقدوا ولادهم و هكذاك
و يتلموا غير على الفتات هههه
و الله تعذبوا صح معرف واش من قوة كانت عندهم !! راجلها عاجبته مرته
وهي محزمة راسها دلاعة رافدتها فوقها و حوايجها ثقال عليها ، حتى صباط
جديد ما يخممش يشريهولها و الى خمم يشريلها حاجة اول حاجة يشريهالها
هي " الدوارة والبوزلوف ، ومعاهم البوط باش تقدر تدخل فالشوك "
كانت معيشتهم صعيبة بزاااف ، و تالموا كانوا يرفدوا في قلوبهم برك ما يشكوش
ماشي كما دوك الى مرته قالت : كرهت ، راجلها الحنون يرفد قشوا ، يكري دار
وما يزيدش يبان في الميدان هههه
و المغبونات تاع بكري الى قالت " كاف " تدي كفوف و تولي لدار باباها تشبع معايرة
و كلام يجرح ، و يحكوا عليها في كل دار و قرية هههه و تولي حكاية و نكتة
يخبوها للأحفاد ..
ودوك ازويط انقلبت الحكاية ،، كبروا الولاد و تبدلت الاحوال و العجايز تفتحوا
و فاقوا وداروا رايهم فالشيوخا تاعهم هههه هو يهدر وهي تردله و تعريه بالهدرة
كما ركبلها السكر و لاطونسيون و العروة هي تخلف فالتار .. وتعطيه و الهربة لبرى ، يظل قاعد مع الشيوخا يعس فاللي طالع وهابط هههه
...
إليكم الخط ^^
"فطوم"
