استضافة @Soumia hadj mohammed ضيف لماوي في رمضان

[جليلوس]

اهلا اهلا اهلا يا هلال اللمة وبوراك اللمة هذي قيبة
شفت ا جاري حطولي فيه الدرGة تع الهندية وقالك مرحبا هههههه
هههه اواه حتى انت كلامك فيه اللوش كش بانب رح يطرطقو انا نهرب لا بقلاوة لا قلب اللوز ههه تشحشوليييش
الله يسلمك صحا فطوركم
آمين ههههه

​

احممممم احمممممم

ياااااو الهلال راه رايح غير ودعوووه

الله يسلمك سمية ربي يحفظك ختي

مكان لا بوانب لا محارق ليوم نسقسيك غ شوية

ونخليك تستمتعي بسنيوة البقلاوة قبل مانجيبلك العرام تاع ليكاستيون

 

[Soumia hadj mohammed]

واجتمع القوم على ان يسألوا ههه يااهااااهااا

مرحبا هاكو شوي قبش مشاعر
يشاهد هذا الموضوع: 5 (الأعضاء: 3، الزوار: 2)​

• Soumia hadj mohammed​
• جليلوس​
• الامين محمد​

​

 

[Soumia hadj mohammed]

السلام عليكم ورحمة الله تعالى وبركاته
نعود دائما بأسئلة خفيفة ظريفة
1- كلمة عن هذه المفردات: العائلة - الاحسان - الثقة
2- ماهو الفصل المفضّل لديك؟
3- هل تعملين على اليوتوب؟ وهل لديك عدد مُعتبّر من مشتركين؟
4- اتصالك بالانترنت عبر الهاتف أو الحاسب؟ وأيهما تُفضّلين؟
5- هل هناك شيء ينقص المنتدى؟
6- من هي الولاية المفضّلة لديك؟
7- ماهي المهنة التي تحلمين بها وتَمنّيتها؟
8- مارأيك في أعضاء اللّمة؟
9- ماهو الأمر المُميّز الذي حدث في حياتك ودائما تتذكرينه؟
10- هل تدرسين في الجامعة بنظام الاقامة؟
11- كان نشاطك جيد وملحوظ في المنتدى، لماذا قلّ حضورك؟
12- لو اخترت جانب واحد من بين: الطبخ والرسم والدراسة، ماذا تختارين؟
13- هل انت فضولية في أي شيء، تبحثين في كل التفاصيل؟
يُتبع....
​

وعليكم السلام ورحمة الله وبركاته
اهلا بعودتك اخي بشير
1- كلمة عن هذه المفردات:
-العائلة : سَكَنْ
- الاحسان : سعادة
- الثقة: إيمان وتأمين
2- ماهو الفصل المفضّل لديك؟
الصيف بيان سير ، الشتاء نفضله فالثلج والربيع فالحشاوش ههه
3- هل تعملين على اليوتوب؟ وهل لديك عدد مُعتبّر من مشتركين؟
لا ، عندي قناة بصح مانيش ناشطة فيها
4- اتصالك بالانترنت عبر الهاتف أو الحاسب؟ وأيهما تُفضّلين؟
في زوج في قديم الزمان ، افضل الحاسوب
5- هل هناك شيء ينقص المنتدى؟
لا ادري لاني بعيدة شوي بش نقدر نقدر النقص لكن على العموم ينقص تواجد كثير من الاعضاء ان شاء الله يكونوا بخير ويرجعوا
6- من هي الولاية المفضّلة لديك؟
مزال ما عرفتش
7- ماهي المهنة التي تحلمين بها وتَمنّيتها؟
مهندسة ، طبيبة جراحة ، مُزارِعة ، شاف ، مصمة أزياء
8- مارأيك في أعضاء اللّمة؟
هايلين ناس ملاح عايلة هايلة
9- ماهو الأمر المُميّز الذي حدث في حياتك ودائما تتذكرينه؟
الاسبوع الاخير من التمرميد قبل التخرج
10- هل تدرسين في الجامعة بنظام الاقامة؟
درست نص نص اقامة واقارب
11- كان نشاطك جيد وملحوظ في المنتدى، لماذا قلّ حضورك؟
نعم نوعا ما ليس كثيرا ،، قل حضوري بسبب تعطل حاسوبي
12- لو اخترت جانب واحد من بين: الطبخ والرسم والدراسة، ماذا تختارين؟
الدراسة والطبخ
13- هل انت فضولية في أي شيء، تبحثين في كل التفاصيل؟
فضولية نعم لكن مش لدرجة الالحاح والتفاصيل

صح فطوركم

​

 

[Soumia hadj mohammed]

سلاااام
سمية عضوة قديمة هي غنية عن التعريف بون باش ماتقوليش شكون هادي لي تعرفني وانا مانعرفهاش أنا صفاء "أشرقت نفسي"بدلت إسمي برك هيهيهيهي
وضرك نبدا نسمط
بسم الله وعلی بركة الله
ماإسمك؟ هههه
كم عمرك؟
لونك المفضل؟
من هو الشخص الذي تقتدي به في حياتك؟
حلمك؟
طموحاتك؟
أهدافك؟
كي تولي عندك يااااسر دارهم واش ديري بيهم؟
طبقك المفضل؟
تحبي قناة سميرة؟
كيفاش سجلتي في اللمة هل هي
صدفة ام دعوة؟
حاجة درتيها وندمتي عليها؟
المهم راني خلطت شعبان مع رمضان ههههههه
صح فطوووووركم

وعليكم السلام ورحمة الله
يا هلاااااااا يا تلااا عدتو تلبسو قفاطن وكراكوات وانا كنت غاطسة مع القراية كي جيت ما عرفت شكون من شكون الا اللي قعدوا بامساواتهم تع زمان
ههه احرزوا راكم راهي قاتلكم سمية غنية عن التعريف
شني ذااا بيبليسيتي ول قريب حيت روحي اكتيفيا + غني بالبيفيدوس ههههه

ههه سمطي سمطي الي بدواه الخاوة كمليه نتي
ماإسمك؟ هههه
مالكي ضاربك نهار الليل ول ها سموني سمية وكانو راح يسموني في صغري مريم وفي زوج نبغيهم
كم عمرك؟
25 سنة وبضعة اشهر
لونك المفضل؟
اسود
من هو الشخص الذي تقتدي به في حياتك؟
شخص صابرا مجتهدا مثابرا لا ينهزم
حلمك؟
نروح مكة
تكون عندي مزرعة
طموحاتك؟
كثيرة راهي في بوح قلم سمية ، الطموح الذي يحضرني حاليا في مخيخي هو نطور نفسي في مجال التصوير والتصاميم
أهدافك؟
ما يحضرني الان: حفظ القران
كي تولي عندك يااااسر دارهم واش ديري بيهم؟
خلي برك يولو عندي وسع نقلك
راح نشري بيسي وكامرا ونسافر ههههه
طبقك المفضل؟
قوتلكم عندي بزاف اطباق نحبها
الملوخية تع الحبة ماش المطحونة والي تطيبها عمتي ربي يحفظها
تحبي قناة سميرة؟
عادي مرة مرة نشوفها
كيفاش سجلتي في اللمة هل هي
صدفة ام دعوة؟
حصة الرياضة في سنة 4 متوسط بسبب الاستاذ تع الرياضة
حاجة درتيها وندمتي عليها؟
مرغرين لي ستعملتها قبل لبارح فالقاطو وهي موش تع قاطو وخسرتلي القاطو هههههههههه

صح فطورك

​

 

[Soumia hadj mohammed]

مرحبا بضيفت هذه السهرة اتمنى لك التوفيق في مثل هذه الاسئلة التي تطرح عليك دون ان اطيل عليك اسئلتي هي كالاتي:
1\ ماتقييمك لضيفت السهرة السابق الاخت أماني
2\كيف تقضين ايام رمضان المتبقية وهل انهيت من اعداد القاطو اذاكان جوابك نعم فأرينا صور عن مثل هذه الحلويات
3\ ماتقييمك للمنتدى الجميل والأعضاء المتواجدين فيه
4\ اوصفي لنا شعورك وانت في هذا المنتدى
5\ صح رمضانك وصح فطورك وصح عيدك
وبتمنا لكل اعضاء المنتدى كذلك عيد مبارك

الله يسلمك اختي هدى
1\ ماتقييمك لضيفت السهرة السابق الاخت أماني
ما كانتش حاضرة واحييها اخت طيبة وعضوة نشيطة
2\كيف تقضين ايام رمضان المتبقية وهل انهيت من اعداد القاطو اذاكان جوابك نعم فأرينا صور عن مثل هذه الحلويات
اقضيها مثل الايام السابقة برك شوي تغير الروتين هاد الايام الخيرة زادت لاشارج وزاد دخل القاطو
نعم اليوم درت حلوى الرافاييلو عبارة عن صابلي مع نوادكوكو وحبيبات ساك محشووين بحلوة الترك و شوكولا
الصور باذن الله غدا نديرلك اشارة ونحطهم
3\ ماتقييمك للمنتدى الجميل والأعضاء المتواجدين فيه
منتدى لاباس به جيد والاعضاء ناس ملاح ومثقفين ومرحين
4\ اوصفي لنا شعورك وانت في هذا المنتدى
راحة واستمد منه التشجيع
5\ صح رمضانك وصح فطورك وصح عيدك
الله يسلمك ختيتو صح فطورك

​

 

[Soumia hadj mohammed]

احممممم احمممممم

ياااااو الهلال راه رايح غير ودعوووه

الله يسلمك سمية ربي يحفظك ختي

مكان لا بوانب لا محارق ليوم نسقسيك غ شوية

ونخليك تستمتعي بسنيوة البقلاوة قبل مانجيبلك العرام تاع ليكاستيون

احممممم احمممممم
ههه حم حم ولا قعد ههه شكون قالك جيب البقلاوة قدام المغرب هههه
ياااااو الهلال راه رايح غير ودعوووه
على من راك هلال رمضان ولا هلال اللمة ولا في زوج ؟ ههه
الله يسلمك سمية ربي يحفظك ختي
آمين ويحفظك
مكان لا بوانب لا محارق ليوم نسقسيك غ شوية
مزال ما شفت حتى قنبلة من عندك هه ولا راك تشارجي ول
ونخليك تستمتعي بسنيوة البقلاوة قبل مانجيبلك العرام تاع ليكاستيون
مرسي مرسي بوكو
راني جبتلكم القطايف قبيل خخخخ​

 

[Soumia hadj mohammed]

يشاهد هذا الموضوع: 4 (الأعضاء: 2، الزوار: 2)

• Soumia hadj mohammed
• quěěŋ ŏŏŏŏf gříěf

 

[صانعة الإبتسامة]

الله يسلمك وانتي زادا صح فطورك
هههههه ضحكتني في حياتك كاملة ندمتي غير علی المرغرين الله الله عليك
بون نرجعو للأسئلة المميزة يعني ههههههه
واش طيبتو للفطور؟
كليتي شوية ولا يااااسر؟
شكون غسل لماعن؟
واش شريتي لبسة العيد؟
واش درتي انواع قاطو؟
في عيد هدا ناوية توفيتيه نوم ول؟
ما نوع المارغرين لي خسرلك قاطو خلي نديرو ببلسيتي ضدها
نشالله كنت خفيفة وظريفة احم احم

 

[Golden Man]

السلامُ عليكِ اختي سمية
كيف حالك ان شاء الله راكي بخير ..

عندك الزهر جيت متأخر شويا ههههه

**********
ندخلو ف الموضوع مباشرة ههه


بسم الله
1/ كلمة في اللغة العربية ؟

2/ هل تؤمني بالحب وما تعريفك له ؟ هههههه

3/ الماكلة ألي ما تصبريش عليها وما تقدريش تفارقيها خلاص هههههههه

4/ادا جاك رجل طلب يدك وهو يسكن بعيد على داركم لنقل ف المريخ مثلا .. ما عندكش مشكل ولا لازم يكون قريب لداركم ههههههههههههه

5/خيري وحدة من الثلاثة هههههههه
أ/ سيارة


ب/ طيارة


جـــ/ خيـل




6/ دهب ولا فضة هههههههه





7/ اي وسيلة اعلام واتصال تحبين استعمالها / هاتف أو كمبيوتر ..ولمادا؟



في المتابعة...

 

[أبو عاتكة]

يا وخذي ياوخذي واش راه صاير في سمية المسكينة
قالتلهوووم فسدلي البورطابل محبوش يحشموا
قالتلهوووم الميكرو حرقلي ماحبوش يحبسو
قاتلهم الاعصاء كامل زينين مستيحاوش
ياهاااااها
ذرك لوكان متنقصوش الاسئلة تضربكم تريفورميكم صان بارصان

شوفي انا اليوم منزيدش الاسئلة راني عطشااان راح ناخذ هذا الطبسي نتاع الدلاااااع وندسو نفطر بيه

منبعد ولكن راح ندعيلك ارفعو يديكم وقولي معايا آمين:

روحي ان شاء الله ندعيلك بالربح والنجاح والتوفيق والسعادة والفلاح اللهم عوضها عن جوعها وتقياشها في مطاعم الجامعة وخوفها من مصيرها وسنوات تميزيرها وأوقات تمرميدها وبكاءها وشخيرها بمستقبل واعد زاهر يكون فيه منزل فاخر به حقل فسيح وبحيرة ومنظر بديع وزوج مطيع يعمل على الاقل مدير حتى منقولوش وزير قلبه حرير ومعدنه أصيل ومعاك ماعندو مايدير وسيارة بآخر موديل وطائرة دائما جاهزة وشركة خاصة بعرض الازياء والتصوير متكونش في دزاير تكون في ايطاليا او البرازيل بصح لازم تتفكرينا تبعثيلنا نجوك ولا تجينا المهم الرحمة على والديك بجاه ربي في دزاير ماتخلينا. ادينا نروحو ڨاع ادينا لاشتا في باسينا . ياهااااه .

امين امين واخر دعواهم ان الحمد لله ربي العالمين. صحا صيامك وصحا فطورك وربي يتقبل من الجميع.

 

[الامين محمد]

يا وخذي ياوخذي واش راه صاير في سمية المسكينة
قالتلهوووم فسدلي البورطابل محبوش يحشموا
قالتلهوووم الميكرو حرقلي ماحبوش يحبسو
قاتلهم الاعصاء كامل زينين مستيحاوش
ياهاااااها
ذرك لوكان متنقصوش الاسئلة تضربكم تريفورميكم صان بارصان

شوفي انا اليوم منزيدش الاسئلة راني عطشااان راح ناخذ هذا الطبسي نتاع الدلاااااع وندسو نفطر بيه

منبعد ولكن راح ندعيلك ارفعو يديكم وقولي معايا آمين:

روحي ان شاء الله ندعيلك بالربح والنجاح والتوفيق والسعادة والفلاح اللهم عوضها عن جوعها وتقياشها في مطاعم الجامعة وخوفها من مصيرها وسنوات تميزيرها وأوقات تمرميدها وبكاءها وشخيرها بمستقبل واعد زاهر يكون فيه منزل فاخر به حقل فسيح وبحيرة ومنظر بديع وزوج مطيع يعمل على الاقل مدير حتى منقولوش وزير قلبه حرير ومعدنه أصيل ومعاك ماعندو مايدير وسيارة بآخر موديل وطائرة دائما جاهزة وشركة خاصة بعرض الازياء والتصوير متكونش في دزاير تكون في ايطاليا او البرازيل بصح لازم تتفكرينا تبعثيلنا نجوك ولا تجينا المهم الرحمة على والديك بجاه ربي في دزاير ماتخلينا. ادينا نروحو ڨاع ادينا لاشتا في باسينا . ياهااااه .

امين امين واخر دعواهم ان الحمد لله ربي العالمين. صحا صيامك وصحا فطورك وربي يتقبل من الجميع.

لالا ما نقولس ااامين حتى تحلم يمين انها ما تنساناش هههههههه

 

[Skor m@k]

السلام عليكم
اهلا ختي سمية ان شاء الله بخير وكل العائلة
شويا اسئلة نبداو

هل انت مع التحواس كل مرة وين ولا تحبي تريحي في بلاصة برك ؟
شحال زرتي من ولاية في الجزائر ؟
وواش هي الولاية ولا لمدينة لي عجباتك وحبيتي تزوريها ولا زرتيها وعجباتك ؟
واش من لهجة تعجبك يهدرو بيها ؟؟
ماتقوليليش الجلفاوية برك
هههه ماشي كيما حكيمو لي مايهدرش كي الجلفاويين

الارشيتاكت تحبيه من صغرك ولا الطريق لي داك ليه ههههه ؟
كي كنت تقراي جاك تخمام بلي هذا الميتيي صعيب شويا على لبنات ؟
في داركم كي قلتيلهم نتبع ارشيتاكت واش كان جوابهم ؟ ولا ردة فعلهم ؟
شحال عندك ماكليتيش لحم الجمل ؟
واش هي الاكلة لي كي طيبيها تفتخري بيها في قلبك بلي جي بنينة ؟
أكلة ماتتمنايش تاكليها ؟
البوجغللو بالدرسة تحبيه ؟
كلمة لأكلة الخفاش لي تباصينا بيها هههه

نبدلو شويا ههههه
زواج تقليدي ولا عصري ؟
لو يخطبك كاش واحد وانت تتعلقي بيه ووالديك مايعجبهمش كيفاش تقدري تقنعيهم هههه
تحبي زواج الاقارب ولا ماتحبيش زواج الفاميلية وجد سلالتهم ههههه
الزواج من ولاية اخرى وعادات وتقاليد اخرى تقبلي ولالا ؟
كيما قال حكيم قلب اللوز ولا بقلاوة انا نقولك لحم لحلو تحبيه ههههه

نكتفو بهذا القدر نقدرو نولو نورمالمو
اتهلاي
صح فطورك​

 

[Soumia hadj mohammed]

سلاام عليكم صح فطوركم ☺
ماتكلكوش ما تكلكوش
هاني جيت الله غالب حتى لذرك راني خطفت شوي وقت ليوم نهار كوزينة فطور وقاطو الله المستعان هكا مزال ما كملت باقيلي فينيسيو تع قاطو واحد
مزال ما قريت المشاركات راكم مزهيين الحالة بالالغام على حساب الشوفة
المهم مرحبا بينا عندكم ومرحبا بيكم عندنا
امسية طيبة

​

 

[Soumia hadj mohammed]

الله يسلمك وانتي زادا صح فطورك
هههههه ضحكتني في حياتك كاملة ندمتي غير علی المرغرين الله الله عليك
بون نرجعو للأسئلة المميزة يعني ههههههه
واش طيبتو للفطور؟
كليتي شوية ولا يااااسر؟
شكون غسل لماعن؟
واش شريتي لبسة العيد؟
واش درتي انواع قاطو؟
في عيد هدا ناوية توفيتيه نوم ول؟
ما نوع المارغرين لي خسرلك قاطو خلي نديرو ببلسيتي ضدها
نشالله كنت خفيفة وظريفة احم احم

الله يسلمك ختيتووو المهبولة صح فطورك
هههه يا ودي بكاتني الله لا تعاودت غلطة كما هديك

واش طيبتو للفطور؟
شوربة و لحم داند فاللفرن و فطائر محشوة بالسردين سلطة و بقلاوة
كليتي شوية ولا يااااسر؟
ما عقلتش ههه ماكليتش بزاف باسكو انا لي طيبت وكي نطيب ماناكلش ماعدا الفطائر توع السردين الطبسي كملتو ورحت نزيدلهم ههه ضحيت انا لي نزيد ناكل ههه
شكون غسل لماعن؟
لاجورني انا وتع الفطور دالة اختي ربي يحفظها
واش شريتي لبسة العيد؟
ماشريتش
واش درتي انواع قاطو؟
درت حوة الرافايلو وقاطو ساك بحلوة ترك وقاطو القصبة وصابلي الليون ودوماااج مرحش ندير بقلاوة لانو ختي اصرت ديرها
في عيد هدا ناوية توفيتيه نوم ول؟
العيد لي فات فات مع البيسي والخدمة اهلي وغافروني عند البيرو ههه ونسيت الوالدة وختي حتى للفطور ههه كانت قريبة السوتنونس اما هد العام ان شاء الله الغدة تع لارشي نفرغها ههه زكارة مكرة يجوز عيد هايل باذن الله مالقري راه كاين نشاط كثيف هد الايام تسمى فيها رقاد هههه
ما نوع المارغرين لي خسرلك قاطو خلي نديرو ببلسيتي ضدها
تارتينو ومانعرف كفاه حتى درتها وعارفتها انها تع طلي فقط
نشالله كنت خفيفة وظريفة احم احم
كنتي مثل الريش الابيض يتطاير هه
اهلا بيك وصح سحورك

​

 

[Soumia hadj mohammed]

السلامُ عليكِ اختي سمية
كيف حالك ان شاء الله راكي بخير ..

عندك الزهر جيت متأخر شويا ههههه

**********
ندخلو ف الموضوع مباشرة ههه


بسم الله
1/ كلمة في اللغة العربية ؟

2/ هل تؤمني بالحب وما تعريفك له ؟ هههههه

3/ الماكلة ألي ما تصبريش عليها وما تقدريش تفارقيها خلاص هههههههه

4/ادا جاك رجل طلب يدك وهو يسكن بعيد على داركم لنقل ف المريخ مثلا .. ما عندكش مشكل ولا لازم يكون قريب لداركم ههههههههههههه


5/خيري وحدة من الثلاثة هههههههه



6/ دهب ولا فضة ههههههه




7/ اي وسيلة اعلام واتصال تحبين استعمالها / هاتف أو كمبيوتر ..ولمادا؟


في المتابعة...

وعليكم السلام ورحمة الله وبركاته
اهلا خيو قولدن ، رانا لاباس حمد لله مع حلويات العيد والتكشريد اوفيسيال

1/ كلمة في اللغة العربية ؟
بــــحـــــر

2/ هل تؤمني بالحب وما تعريفك له ؟ هههههه
هه نعم اؤمن ، غير ان هناك قصصا اراها بالواقع منها ما تجعلني تؤمن به ومنها ما تجعلني استغرب فيه
الحب شيء فطري بالقلب لا تتحكم فيه ، نحب الله نحب الانبياء نحب خاتم الرسل نحب اهلنا نحب أشخاصا لم نراهم نحب من نظرة من صدفة وبدون سبب نحب اشخاصا لا نعرفهم تماما من غير ملاقاة صدفة ، كلها تجعل في القلب سعادة اذن هو شعور جميل

3/ الماكلة ألي ما تصبريش عليها وما تقدريش تفارقيها خلاص هههههههه
ههه قلنا لازانيا والسردين وملوخية ههه كاين بزاف مهم حاجة فيها الجبن فالفرن ههه
4/ادا جاك رجل طلب يدك وهو يسكن بعيد على داركم لنقل ف المريخ مثلا .. ما عندكش مشكل ولا لازم يكون قريب لداركم ههههههههههههه
اهاحيه من الكرة الارضية ومجاش ههههه
المريخ لااه انا رايحة ندير اكتشاف لكوكب ول
ماعنديش مشكل نحب نكتشف مناطق جديدة

5/خيري وحدة من الثلاثة هههههههه

6/ دهب ولا فضة ههههههه
ذهب ياخويا يا خويا ههه



7/ اي وسيلة اعلام واتصال تحبين استعمالها / هاتف أو كمبيوتر ..ولمادا؟
كومبيوتر
نحب نخربش في امور كثيرة ومختلفة الهاتف مايساعدنيش كيما البيسي

في المتابعة...
اهلا بك اخي قولدن متابعة طيبة
صح سحورك

 

[Soumia hadj mohammed]

يا وخذي ياوخذي واش راه صاير في سمية المسكينة
قالتلهوووم فسدلي البورطابل محبوش يحشموا
قالتلهوووم الميكرو حرقلي ماحبوش يحبسو
قاتلهم الاعصاء كامل زينين مستيحاوش
ياهاااااها
ذرك لوكان متنقصوش الاسئلة تضربكم تريفورميكم صان بارصان

شوفي انا اليوم منزيدش الاسئلة راني عطشااان راح ناخذ هذا الطبسي نتاع الدلاااااع وندسو نفطر بيه

منبعد ولكن راح ندعيلك ارفعو يديكم وقولي معايا آمين:

روحي ان شاء الله ندعيلك بالربح والنجاح والتوفيق والسعادة والفلاح اللهم عوضها عن جوعها وتقياشها في مطاعم الجامعة وخوفها من مصيرها وسنوات تميزيرها وأوقات تمرميدها وبكاءها وشخيرها بمستقبل واعد زاهر يكون فيه منزل فاخر به حقل فسيح وبحيرة ومنظر بديع وزوج مطيع يعمل على الاقل مدير حتى منقولوش وزير قلبه حرير ومعدنه أصيل ومعاك ماعندو مايدير وسيارة بآخر موديل وطائرة دائما جاهزة وشركة خاصة بعرض الازياء والتصوير متكونش في دزاير تكون في ايطاليا او البرازيل بصح لازم تتفكرينا تبعثيلنا نجوك ولا تجينا المهم الرحمة على والديك بجاه ربي في دزاير ماتخلينا. ادينا نروحو ڨاع ادينا لاشتا في باسينا . ياهااااه .

امين امين واخر دعواهم ان الحمد لله ربي العالمين. صحا صيامك وصحا فطورك وربي يتقبل من الجميع.

يا وخذي ياوخذي واش راه صاير في سمية المسكينة
هههه
قالتلهوووم فسدلي البورطابل محبوش يحشموا
هااا وحدة ☝
قالتلهوووم الميكرو حرقلي ماحبوش يحبسو
هااا زووج ✌
قاتلهم الاعصاء كامل زينين مستيحاوش
مادام دليلة ثلاثة
ياهاااااها
ومدام دليلة 4
ذرك لوكان متنقصوش الاسئلة تضربكم تريفورميكم صان بارصان
ههه واك قالككم رب العلمين نتوما هدي مسكينة لا تلفون لا بيسي وطايحين عليها بلي كاستيو ،، رزق بويكم ؟
شوفي انا اليوم منزيدش الاسئلة راني عطشااان راح ناخذ هذا الطبسي نتاع الدلاااااع وندسو نفطر بيه

وزيد كاس جيو

منبعد ولكن راح ندعيلك ارفعو يديكم وقولي معايا آمين:

روحي ان شاء الله ندعيلك بالربح والنجاح والتوفيق والسعادة والفلاح اللهم عوضها عن جوعها وتقياشها في مطاعم الجامعة وخوفها من مصيرها وسنوات تميزيرها وأوقات تمرميدها وبكاءها وشخيرها بمستقبل واعد زاهر يكون فيه منزل فاخر به حقل فسيح وبحيرة ومنظر بديع وزوج مطيع يعمل على الاقل مدير حتى منقولوش وزير قلبه حرير ومعدنه أصيل ومعاك ماعندو مايدير وسيارة بآخر موديل وطائرة دائما جاهزة وشركة خاصة بعرض الازياء والتصوير متكونش في دزاير تكون في ايطاليا او البرازيل بصح لازم تتفكرينا تبعثيلنا نجوك ولا تجينا المهم الرحمة على والديك بجاه ربي في دزاير ماتخلينا. ادينا نروحو ڨاع ادينا لاشتا في باسينا . ياهااااه .

امين امين واخر دعواهم ان الحمد لله ربي العالمين. صحا صيامك وصحا فطورك وربي يتقبل من الجميع.
كي شغل خلطتلي المحاسيس ماجات دمعة ما جات ضحكة
آمين آمين ربي يحفظك استاذ ابو فيصل نورت الضيافة بروحك المرحة
أضحك الله سنك
صح سحورك

​

 

[Soumia hadj mohammed]

لالا ما نقولس ااامين حتى تحلم يمين انها ما تنساناش هههههههه

كفاه زعما
اواه انا ماننساش اللمة منين خرجتلي بيها عمي الامين
​

 

[Soumia hadj mohammed]

السلام عليكم
اهلا ختي سمية ان شاء الله بخير وكل العائلة
شويا اسئلة نبداو

هل انت مع التحواس كل مرة وين ولا تحبي تريحي في بلاصة برك ؟
شحال زرتي من ولاية في الجزائر ؟
وواش هي الولاية ولا لمدينة لي عجباتك وحبيتي تزوريها ولا زرتيها وعجباتك ؟
واش من لهجة تعجبك يهدرو بيها ؟؟
ماتقوليليش الجلفاوية برك
هههه ماشي كيما حكيمو لي مايهدرش كي الجلفاويين

الارشيتاكت تحبيه من صغرك ولا الطريق لي داك ليه ههههه ؟
كي كنت تقراي جاك تخمام بلي هذا الميتيي صعيب شويا على لبنات ؟
في داركم كي قلتيلهم نتبع ارشيتاكت واش كان جوابهم ؟ ولا ردة فعلهم ؟
شحال عندك ماكليتيش لحم الجمل ؟
واش هي الاكلة لي كي طيبيها تفتخري بيها في قلبك بلي جي بنينة ؟
أكلة ماتتمنايش تاكليها ؟
البوجغللو بالدرسة تحبيه ؟
كلمة لأكلة الخفاش لي تباصينا بيها هههه

نبدلو شويا ههههه
زواج تقليدي ولا عصري ؟
لو يخطبك كاش واحد وانت تتعلقي بيه ووالديك مايعجبهمش كيفاش تقدري تقنعيهم هههه
تحبي زواج الاقارب ولا ماتحبيش زواج الفاميلية وجد سلالتهم ههههه
الزواج من ولاية اخرى وعادات وتقاليد اخرى تقبلي ولالا ؟
كيما قال حكيم قلب اللوز ولا بقلاوة انا نقولك لحم لحلو تحبيه ههههه

نكتفو بهذا القدر نقدرو نولو نورمالمو
اتهلاي
صح فطورك​

ياهلاااااااا الحاج سكيكير المسكر ماليكو
من قرن وزمار ما شفتكتش فالحومة تع اللمة
حمد لله كلهم بخير سوال عليكم

هل انت مع التحواس كل مرة وين ولا تحبي تريحي في بلاصة برك ؟
كل مرة ووين ههه
شحال زرتي من ولاية في الجزائر ؟
وهران -بليدة- العاصمة- بجاية- مستغانم -سيدي بلعباس -معسكر- غيليزان وبشار ههه سكنت فيها
وواش هي الولاية ولا لمدينة لي عجباتك وحبيتي تزوريها ولا زرتيها وعجباتك ؟
البليدة زرتها وعجبتني
ومزال فخاطري كم من ولاية
تمنراست ، تيبازة ، باتنة ، قسنطينة
واش من لهجة تعجبك يهدرو بيها ؟؟
الغرب وهران
ماتقوليليش الجلفاوية برك
ههه ياتل ااا متى لحوال هه
هههه ماشي كيما حكيمو لي مايهدرش كي الجلفاويين
خخخ علاه اصله منين جلفة وباتنة
الارشيتاكت تحبيه من صغرك ولا الطريق لي داك ليه ههههه ؟
ههه انا احلامي مع الازمان متلونة خاطر في صغري كنت نتمنى نكون سائقة طائرة او شرطية محققة ،، اما مهندسة فلما كنت بالثانوية
كي كنت تقراي جاك تخمام بلي هذا الميتيي صعيب شويا على لبنات ؟
وقت القراية ماكانش عندي وقت حتى به نمشط شعري وانت تقلي تخممي فالميتي ، كنت نخمم نخدم خدمتي تع الورشة والبحوث وووو
في داركم كي قلتيلهم نتبع ارشيتاكت واش كان جوابهم ؟ ولا ردة فعلهم ؟
ماقالوش على التخصص بقدر ما قالو على الولاية لي رح ندرس فيها وآنذاك كانو مدولي اختياري الثالث مناجم في بجاية وين كانت ردة فعلهم رفض وحيرة مثلي تماما
شحال عندك ماكليتيش لحم الجمل ؟
اممم نظن كليته العام الماضي
واش هي الاكلة لي كي طيبيها تفتخري بيها في قلبك بلي جي بنينة ؟
مرقة فول بدون لحم البساطة ياخويا ياخويا ايضا كسكس بالمرق والمحاجب والمسمن باسكو هدو يكوموندهم بزاف سيرتو البيتزا تبغيها الوالدة وطاجين الزيتون
أكلة ماتتمنايش تاكليها ؟
محمصة اااااا
البوجغللو بالدرسة تحبيه ؟
وي هههه
كلمة لأكلة الخفاش لي تباصينا بيها هههه
وشمن خفاش ، جديدة هدي ومعلاباليش وه ؟ دك نضرب طلة نشوف ترا
الله لا تربح عدوك ، اووو طلعولي الخفافش تع الصح
نبدلو شويا ههههه
زواج تقليدي ولا عصري ؟
عصري باينة
لو يخطبك كاش واحد وانت تتعلقي بيه ووالديك مايعجبهمش كيفاش تقدري تقنعيهم هههه
ها بني لكل حادث حديث بلاك ندير حراك سلمي فالدار هههه سلمية حضارية🏳
تحبي زواج الاقارب ولا ماتحبيش زواج الفاميلية وجد سلالتهم ههههه
لا افضله
الزواج من ولاية اخرى وعادات وتقاليد اخرى تقبلي ولالا ؟
نعم وشنو لازم ستاج كامل شامل قبل لا نروح لعندهم
كيما قال حكيم قلب اللوز ولا بقلاوة انا نقولك لحم لحلو تحبيه ههههه
بقلاوة اكيد
لحم لحو ماعندي حاجة فيه
نكتفو بهذا القدر نقدرو نولو نورمالمو
ههه انت حطيت قازال وقلت نكتفو بالقدر وش من قدر ياجدك
نورمالمو تولي ههه
اتهلاي
صح فطورك
الله يسلمك اهلا بيك
صح سحورك

​

 

[Soumia hadj mohammed]

بقاولي زوج اسئلة
الى الغد ان شاء الله
صح سحوركم ​

 

[Golden Man]

بقاولي زوج اسئلة
الى الغد ان شاء الله
صح سحوركم ​

دوخووك وعياوك واقيل اختي سمية.. خلاص انا ما نزيدش ههههههههه