جينا نديرو طلة بعد غياب 10 سنوات

[ماكانش]

السلام عليكم
إن شاء الله راكم كامل ملاح
لا أدري هل مازال يتفاعل أو على الأقل يطل على المنتدى بعض المكافحين القدماء

 

[السلطانة]

وعليكم السلام. ورحمة الله وبركاته

وانا نضال نسقسي ونقول الاستاذ مكانش واش راه ههه مكانش لي طمنا عليك
الحمد لله انك بخييير

ايامات واش راك تهدر ومواضيعك ولاتوقيعك حذاري سريع الاشتعال

اختك ساندريلا تاع بكريييي


@فريد أبوفيصل

 

[Adem4dz]

اهلا وسهلا بيك خويا .. إن شاء الله هذه المرة "كاين" ههههه

 

[إلياس]

مرحبا بعودتك من جديد

 

[ام أمينة]

اهلا و سهلا من جديد و ان شاء الله الاعضاء القدم يتفكرو المنتدى و يولو

 

[أم عبد الله]

اهلا اهلا زارتنا البراكة عمو ماكانش راك هنا هههها

 

[جمــآنــة]

يا الله! مانيش مصدقة بلي رجعنا في نفس الفترة بعد أكثر من 10 سنين.. سبحان الله
لا أعلم إن كنت تتذكرني أخ سفيان، لبارح برك كنت نشوف في ردودك وتعليقاتك على منشوراتي..
اللمة الجزائرية لمة بمعناها الحقيقي!

 

[Adem4dz]

يا الله! مانيش مصدقة بلي رجعنا في نفس الفترة بعد أكثر من 10 سنين.. سبحان الله
لا أعلم إن كنت تتذكرني أخ سفيان، لبارح برك كنت نشوف في ردودك وتعليقاتك على منشوراتي..
اللمة الجزائرية لمة بمعناها الحقيقي!

مرحبا بيك انتِ تاني جمانة..

راكم غير ليزونسيا ياو هههه

 

[ماكانش]

وعليكم السلام. ورحمة الله وبركاته

وانا نضال نسقسي ونقول الاستاذ مكانش واش راه ههه مكانش لي طمنا عليك
الحمد لله انك بخييير

ايامات واش راك تهدر ومواضيعك ولاتوقيعك حذاري سريع الاشتعال

اختك ساندريلا تاع بكريييي


@فريد أبوفيصل

ههههههههههههههههه مت بالضحك خاصة كي تفكرتي التوقيع
الله يحفظك ساندريلا والله وربي عالم ديما في البال، ويعطيكم الصحة مازلتو هنا واقفين
ايه كيفاه ندير لقلوب واليدين والرسوم هاذوك هنا ؟ هههه
ساندريلا زماني، كنتي مدايرة حالة ههههه

 

[ماكانش]

اهلا وسهلا بيك خويا .. إن شاء الله هذه المرة "كاين" ههههه

هههههههه الله يحفظك خويا لعزيز
كاين وديما اللمة ولملة واقفة وكاينة

 

[ماكانش]

اهلا و سهلا من جديد و ان شاء الله الاعضاء القدم يتفكرو المنتدى و يولو

الله يحفظك ختي
والله المنتدى هذا مايتنساش، فوتنا فيه سنين وشهور متعة

 

[ماكانش]

اهلا اهلا زارتنا البراكة عمو ماكانش راك هنا هههها

سبحان الله
قيل لعلي بن أبي طالب رضي الله عنه : هل يوجد أشد من المتوت ؟، قال نعم، فقد الأحبة
لا حرمنا الله فوائدكم ونصائحكم

 

[ماكانش]

يا الله! مانيش مصدقة بلي رجعنا في نفس الفترة بعد أكثر من 10 سنين.. سبحان الله
لا أعلم إن كنت تتذكرني أخ سفيان، لبارح برك كنت نشوف في ردودك وتعليقاتك على منشوراتي..
اللمة الجزائرية لمة بمعناها الحقيقي!

ههههههه إذا مابدلتيش الإسم مازلت متفكرك
يامات عسل فاتو والله
حقا كيفاه نشوف المواضيع السابقة ؟؟؟؟ البارح بت نتفتف عيت نلقاهم

 

[ماكانش]

مرحبا بعودتك من جديد

الله يحفظك الأستاذ الفاضل

 

[Hakan]

أهلا بيك الاخ المهم انا منيش من الجيل نتاعكم واش هو نرحب بالكلاسيك ،المواضيع القديمة ادخل الصفحة نتاعك وتصفح مواضيعك ،واذا تحب مواضيع كاش عضو ادخل الصفحة نتاعوا بالتوفيق أخي

 

[ماكانش]

أهلا بيك الاخ المهم انا منيش من الجيل نتاعكم واش هو نرحب بالكلاسيك ،المواضيع القديمة ادخل الصفحة نتاعك وتصفح مواضيعك ،واذا تحب مواضيع كاش عضو ادخل الصفحة نتاعوا بالتوفيق أخي

الله يحفظك أخي حكيم، ربي يسترك، يعني ندخل للعضوية تاعي ؟

 

[أم عبد الله]

سبحان الله
قيل لعلي بن أبي طالب رضي الله عنه : هل يوجد أشد من المتوت ؟، قال نعم، فقد الأحبة
لا حرمنا الله فوائدكم ونصائحكم

اسمها لمة وحقا جمعتنا كعائلة نفتقد لاخوتنا ونسأل عنهم نفرح بمن عاد وندعو لمن مازال ف عداد الغياب نسأل أن يكونوا كلهم دون استثناء بخير
ممم سوال كيفاش تفكرتها ولا كيفي جامي نسيتها مي كنت نعجز نجي ك راهو ليزونسيا

 

[Hakan]

الله يحفظك أخي حكيم، ربي يسترك، يعني ندخل للعضوية تاعي ؟

ياخويا انت راك عرفتني وانا والله غير ما عرفتك ههههه ها كيفاه تشارشي ،في خانة البحث تصيب المواضيع والمشاركات ،وانت شوف على واش تحوس .

 

[ماكانش]

اسمها لمة وحقا جمعتنا كعائلة نفتقد لاخوتنا ونسأل عنهم نفرح بمن عاد وندعو لمن مازال ف عداد الغياب نسأل أن يكونوا كلهم دون استثناء بخير
ممم سوال كيفاش تفكرتها ولا كيفي جامي نسيتها مي كنت نعجز نجي ك راهو ليزونسيا

أمين أميييين
والله جامي نسيتها، شغل كنا فيها بالنية وكانو يامات ملاح وناس باينين واضحين، ويكما يقولو الحب اللول مايتنساش هههههه
جربت ندخل قبل عامين قاتلي المود باص غالط خرجت ماحوستش نفهم مي البارح قاتلي غالط تبعت المراحل واسترجاع كلمة السر وتبديل كلمة السر والإيميل قلت والو لازم ندخل
والحاجة الثالثة توحشناكم .....

 

[أم عبد الله]

ياخويا انت راك عرفتني وانا والله غير ما عرفتك ههههه ها كيفاه تشارشي ،في خانة البحث تصيب المواضيع والمشاركات ،وانت شوف على واش تحوس .

مشاهدة المرفق 157264

واش حكيم زهمرت ههه ماعقلتوش كان داير حالة ف واش راك تهدر ههه