كورونا ولا لاڨريب راهي ادور بيناتنا

[أبو عاتكة]

السلام عليكم جميعا الحاضرين والغايبين والمنسيين،،،،

في الحقيقة والله ماني حاب نحكي على جدها ولا نتفكرها ولكن مكاين حتى حكايات في اللمة الحالة بايرة من غير خبار العمرة الحاجة أم السلطانة ربي يحفظها وعيد ميلاد ولازوج وشوية ماكلة في الكوزينة و هبال الكلافي نتاعsecret de coeur الباقي تقول دخلنا في فترة السبات الشتوي
المهم،،،

عندنا ايامات تقريبا دخلنا في فترة الانفلونزا وانتشار العدوى الناس بدات تتحسس منها

كي العادة كاين احاديث او اشاعات عن وجود كورونا بين الاصابات ،،الخ

هل هي كورونا فعلا او ان الناس مزالها مشوكية منها وبدات تشك في الاصابات

الشيء الثاني قد ماتعس روحك حتى مطيحش في العدوى نتاع لاڨريب والهوا حتى تتفاجئ باصابتك بيها

كي تجيك تجيك متقدرش تفوتك وماتسلمش عليك.

 

[السلطانة]

وعليكم السلام ورحمة الله وبركاته

رانا لاباس حمد لله
وصح لاڨريب لي راهي تدور مشكوك فأمرها عندنا من لافامي لي مراض وعداو بعضاهم
ربي يعافينا ويشفي كل مريض

 

[dahman kz]

وعليكم السلام ورحمة الله
واغلب الامراض ااشائعة مؤخرا اتضح انها مضخمة لتنفيذ سياسات او مخططات خبيثة تستفيد منها جهات او منظمات ما.
والكثير من هته الامراض و الاوبئة وجدت لتدميرنا او ليتم استغلالنا بها .

 

[إلياس]

وعليكم السلام ورحمه الله وبركاته
أظنها نزلات البرد و هي مصخمة فقط من بعد الناس
من يروج للاشاعات هي يريد تدميرنا فقط لا غير
بارك الله فيك اخي الكريم على الموضوع الرائع و المميز و القيم جعله الله في ميزان حسناتك يارب العالمين

 

[حاتم خليفة]

راني نعاني منها هذي الأيام
الزكام والسعلة والفشلة

 

[إلياس]

راني نعاني منها هذي الأيام
الزكام والسعلة والفشلة

ربي يشفيك يا رب العالمين اخي حاتم عليك بالحمضيات و الزيت زيتون

 

[أستاذ الفلسفة]

اظن ان الامر طبيعي وهي موسمية مع تغير في الاحوال الجوية والبرد
اصلا اكلنا غير صحي اصبح زكام خفيف يدقدق العبد
هل جزائري ياكل لبروتين والفيتامينات
ام السكريات سريعة ذوبان لي تسبب ضغط دم ومرض سكر ومرض الخبيث عفانا الله واياكم منه
بنية الجسم من الاكل طبيعي مش من عجائن مصنعة

 

[أبو عاتكة]

وعليكم السلام ورحمة الله وبركاته

رانا لاباس حمد لله
وصح لاڨريب لي راهي تدور مشكوك فأمرها عندنا من لافامي لي مراض وعداو بعضاهم
ربي يعافينا ويشفي كل مريض

كاين واحد وسوسنا بالتأكيدات على وجودها بيننا ان شاء الله متكونش هي
لكن حتى التفكير في ان تكون هي سيحول المرض الى تعقيدات تشبه الكورونا لهذا الانسان يمرض ويسكت ههه احسن
وربي يشافي ويعافي الجميع

 

[أبو عاتكة]

وعليكم السلام ورحمة الله
واغلب الامراض ااشائعة مؤخرا اتضح انها مضخمة لتنفيذ سياسات او مخططات خبيثة تستفيد منها جهات او منظمات ما.
والكثير من هته الامراض و الاوبئة وجدت لتدميرنا او ليتم استغلالنا بها .

بالفعل دخلت الامراض والفيروسات المعدية سجل الاسلحة الحديثة بل ممكن تنوب عليها باقل جهد و مال ربي يبعدها علينا اخي دحمان

 

[أبو عاتكة]

وعليكم السلام ورحمه الله وبركاته
أظنها نزلات البرد و هي مصخمة فقط من بعد الناس
من يروج للاشاعات هي يريد تدميرنا فقط لا غير
بارك الله فيك اخي الكريم على الموضوع الرائع و المميز و القيم جعله الله في ميزان حسناتك يارب العالمين

من مجرد شائعة تتحول الى تخوفات وهرج والانسان ياخذ حذره فقط واللي قدرها ربي مرحبا بيها شكرا الياس

 

[أبو عاتكة]

راني نعاني منها هذي الأيام
الزكام والسعلة والفشلة

ربي يشافيك خونا حاتم اطاكيها بالدوبارة والزفيطي الحار ترتاح
فاتت عليا هاذ النهارات وتعبتني خصوصا في الليل والان لاباس الحمد الله بدات تخف مزية مكانش السعلة.
عاونت روحي بتبخير ورق الكالتوس اذا تعرفو سرحلي نيفي ماشاء الله

 

[أبو عاتكة]

اظن ان الامر طبيعي وهي موسمية مع تغير في الاحوال الجوية والبرد
اصلا اكلنا غير صحي اصبح زكام خفيف يدقدق العبد
هل جزائري ياكل لبروتين والفيتامينات
ام السكريات سريعة ذوبان لي تسبب ضغط دم ومرض سكر ومرض الخبيث عفانا الله واياكم منه
بنية الجسم من الاكل طبيعي مش من عجائن مصنعة

اهلا اهلا استاذنا عاش من شافك
معندنا لا نظام غذائي مانعرفو ريجيم منفهموا السعرات والفيتامينات وغيرها باختصار لا نملك ثقافة التغذية وان اطلعنا عليها تصادفها عوائق اغلبها نفسية نابعة من الروتين السلوكي ورثناه دون ادراك او اختيار
اغلب الجزائريين ونظن العرب كذلك يعانون من مشاكل وامراض وتعقيدات سببها الاول سوء التغذية والعشوائية في تنظيم الاوقات.
يعطيك الصحة

 

[إلياس]

من مجرد شائعة تتحول الى تخوفات وهرج والانسان ياخذ حذره فقط واللي قدرها ربي مرحبا بيها شكرا الياس

اوافقك الراي اخي @فريد أبوفيصل اللهم امين يارب العالمين

 

[Rochdi.dz]

السلام عليكم
إن شاء الله راك بخير اخي فريد

انا في وقتها مادرتلهاش حساب هههه اي كل عام وقت لاڨريب يقلك كورونا راها دور خلي يقولو على رواحهم

 

[أستاذ الفلسفة]

اهلا اهلا استاذنا عاش من شافك
معندنا لا نظام غذائي مانعرفو ريجيم منفهموا السعرات والفيتامينات وغيرها باختصار لا نملك ثقافة التغذية وان اطلعنا عليها تصادفها عوائق اغلبها نفسية نابعة من الروتين السلوكي ورثناه دون ادراك او اختيار
اغلب الجزائريين ونظن العرب كذلك يعانون من مشاكل وامراض وتعقيدات سببها الاول سوء التغذية والعشوائية في تنظيم الاوقات.
يعطيك الصحة

يعيشك اخي الكريم
صراحة الموضوع عنده عدت جوانب لايمكن حصرها لكن مع ذلك تبقى التوعية واظافة كل عضو ومناقشته جانب من جوانب القضية امر مهم
بارك الله فيكم جميعا اتمنى ان تعم الفائدة

 

[الامين محمد]

اهلا حبيبي بوفيصل
الحقيقة هته الاعوام كل سنة قريب بشكل جديد ممكن متحورات او شي مشابه
وين نخدم مكان يعج بالبشر و لا يوجد بيني و بينهم فاصل
و اغلبهم يجوا عند راسي بالعطاس و السعال
و كثيرا ما تنتقل إلي العدوى
حاولت نغير مكن العمل بسبب أمراضي المزمنة لكن السيد المسؤول
ماهوش حاب يفهم

 

[طموحة]

السلام عليكم و رحمة الله و بركاته
فعلا الأعراض هاته المرة حادة جدا مع سرعة العدوى و غيره احتمال كبير كورونا ،لكن لا بأس الأهم الإنسان دائما لما يشوف العدوى سواء كورونا ولا غيره يحاول يهتم بالغذاء جيدا في تلك الفترة إن لم يكن مهتم دائما وهذا اضعف شيء ، السكريات أكثر شيء يضعف المناعة و يفاقم الالتهابات و الفيتامينات أكيد ملاح الزنك وفيتامين سي اتكلم حتى لو لم يصب لأنو هذه تنقص كثيير
قد يراها الإنسان بسيطة لكن مليح الإنسان يرد بالو كثير عملتلهم ربو هاته الفترة من الإصابة فقط ناهيك عن التعب و الإرهاق لي يطول ويترتب عليه تعطل مصالح الإنسان و ربي يشافي كل مريض
​

 

[حاتم خليفة]

ربي يشفيك يا رب العالمين اخي حاتم عليك بالحمضيات و الزيت زيتون

آمين يارب
راني عڨابهم بصح مكاين حتى نتيجة

ربي يشافيك خونا حاتم اطاكيها بالدوبارة والزفيطي الحار ترتاح
فاتت عليا هاذ النهارات وتعبتني خصوصا في الليل والان لاباس الحمد الله بدات تخف مزية مكانش السعلة.
عاونت روحي بتبخير ورق الكالتوس اذا تعرفو سرحلي نيفي ماشاء الله

آمين يارب
كرشي تعمرت بيهم وبلا فايدة حالتي راها غير تزيد حتى الدواوات لي مركاهملي الطبيب خلاصوا ومانفعونيش
حتى ورق الكاليتوس درتوا وخلاصلي ومانفعنيش

 

[يوسےفے]

السلام عليكم... الكتبة تلفتلي عندي مدة ما كتبتش هنا.
الواحد كي يركز مع الأعراض تقدر تفرق...ذي المرة راها قوية الشيخ أو فريد ..أخي راه مريض بها و العايلة تاعو و بعض الأصدقاء كذلك. المستشفيات عندا راها مكتظة ...خاص فقط تعلن عليها الدول وتتخلط كي السلاطة ههه عدم الاعلان افضل لانو نفسيا الناس المرضى تتأثر و رانا نعرفوا علميا انو مناعة الجسم تنقص بمجرد احساس الفرد بالخوف و القلق .. . لكن الأمر لي شد انتباهي أنو اغلبية لي نسقسيه من المرضى حول ما اذ تلقى لقاح كورنا سابقا يقولي نعم تلقيت اللقاح عكس غير المرضى او لي عندهم اعراض انفلونزا عادية وهذا ما يفتح مجال للشك و الجدل حول ماهية اللقاح السابق لي تلقاه الأغلبية خوفا من كورونا ومدى نجاعته انا سخصيا لم اتلقاه و لم أقتنع به بتاتا....طهورا انشاء الله للمرضى و الحل يكمن جله في التغذية اكثر منها مضادتات حيوية ..بورك فيك أستاذنا

 

[حاتم خليفة]

@يوسےفے راني متأكد بلي أنا الوحيد في الجزائر لي مدارش لقاح كورونا