مسلسلات ومسابقات قرآنية!

[السلطانة]

كي راكم؟واش حوالكم؟

رمضان ومعاه العطلة،خييير كبير ونعمة نحمدو عليها ربي

كلكم شفتو ولاسمعتو على المهازل تاع القنوات {مسلسلات المخدرات والعصابات والغراميات ...}
القنوات لي مفهمناش وقتاه تفوق بلي راهي تنشر في الرذيلة وتفسد في المجتمع!وزيد يعمرو في رصيدهم بالذنوب هادي سنوات مفاقوش!في عز شهر رمضان
غمونا بلي يقولو عليهم ممثلين وزادو كملوها بجماعة التيك توك لي يخيروهم بسبب عدد المتابعين والمشاهدات لي يجيبوهالهم!

وفي المقابل كاين حاجة تفرح وايجابية لاحطناها فرمضان هذا الأطفال والمراهقين لي راهم يشاركو في المسابقات الرمضانية{مسابقات نظمتها مدارس قرآنية..صفحات فايس بووك..مساجد ..وحتى المدارس العادية}هذا يدل انو عندنا حفظة القرآن حاجة تفرح .

يعني هاذو التافهين ميحشموش على رواحهم كي يشوفو أطفال ولي،بعمارهم يحفظو ويحرصو على القرآن الكريم وهوما يشطحو ويمثلو فمشاهد فساد!

لاحول ولاقوة الا بالله

 

[ذكريات]

بالفعل إنطلاقة قوية، وكأنها حرب تشنها القنوات على المشاهد لِيَضَلَّ في هذا الشهر الفضيل، وكذلك المؤثرون في قنواتهم على مواقع التواصل الاجتماعي، ربي يعين الصائمين القائمين، وكما ذكرت الحمد لله ان هنالك فئة ثابتة متشبتة بأحكام الإسلام وتشد بيد الشباب والأطفال لتستمر عادات حفظ القران الكريم وإحياء السنن والعادات والعبادات.

 

[ولّادة]

لا يزال الخير في أمتنا إلى يوم القيامة
سبحان الله كلما تشوفي ظواهر توجع القلب من فساد وقلة أدب وتطبيع مع المعاصي حتى تخليك تقولي هذا مجتمع نغسل يديا منو تشوفي نقائض كل هذا وتشوفي كيفاش الشباب مقبلين على القرآن وكيفاش راه يصنع منهم ناس صالحين مصلحين ولله الحمد
وربي يهدي الناس للخير

 

[إلياس]

صراحة لا اتباع شيء في هذا الشهر الفضيل لانه اذا راحت نفاحاته لم تعود لكن المسابقات و المسلسلات تعود

 

[الامين محمد]

شكرا اختي السلطانة
فعلا اختي هناك صراع بين الخير و الشر
و توجد عصابة من ابناء فرنسا و الحركى الجدد
مجمعة من التافهين و معهم رجال اعمال اصحاب المال الحرام
يمولون المجون في مسلسلات و سكاتشات اباحية على القنوات الجزايرية الخاصة
و ممثلين همهم المال و فقط يقبلون بعمل كل شي دنيء مقابل المال
لكن هناك ايادي خفية خلفها فرنسا الصليبية الحاقدة على الجزاير الاسلامية بالفطرة

الجزاير المسلمة بالفطرة المحبة لكل شيء فيه اخلاق و دين برعاية الله
كل مرة تنتصر بأمر يقدره الله
كما انتصرت القطة في رمضان الفائت سينتصر الاسلام في الجزاير دائما و ابدا

 

[أفنانوه]

مثل مماقلتي راهم كبار ويشوفو فلاطفال حريصين كثر منهم

مدام هذي المناظر محركتلهمش قلبهم

ماعندك ماديري

و دام باعو رواحهم متتخلعيش كي يبيعو الدين



الله يهديهم وخلاص
ويهدينا اجمعين ي رب

 

[جليلوس]

والله تجي تفهم تدوخ
علاش يعني كاين غير شهر رمضان لي يحطو فيه المسلسلات المنحطة تاع وجوههم حقا نسيت نسبة المشاهدة تزيد في شهر رمضان الناس مع مواقع التواصل مبرونشية بزاف
عام على 11 شهر ياك نتوما دايين الذنوب دايين خليكم من شهر رمضان خلوا الناس تتعبد في راحتها
ومانكذبوش على رواحنا الاغلبية راها تبع يا ماشي في التلفاز تلقاها فاليوتيب ولا مقاطع التكتوك المهم مكاش لي مافاتش على هاديك المهازل لي مع نفسك وماتقدش تتفرج عليهم

وفي المقابل تلقى اطفال في عمر الزهور حافظة الستين وعندها وحد الرصيد الثقافي واللغوي تبارك الله ماشاء الله هادو واه يغيروك ويحفزوك باش تفطن نتا تاني ورانا كامل غافلين للاسف
ربي يهدينا هاد مانقولوا

 

[أبو عاتكة]

وفي المقابل كاين حاجة تفرح وايجابية لاحطناها فرمضان هذا الأطفال والمراهقين لي راهم يشاركو في المسابقات الرمضانية{مسابقات نظمتها مدارس قرآنية..صفحات فايس بووك..مساجد ..وحتى المدارس العادية}هذا يدل انو عندنا حفظة القرآن حاجة تفرح .

هذا الامر بالفعل لاحظتو وهو حالة ايجابية مبشرة بالخير ومحفزة لمن يسير على هذا النهج و وخطر على بالي أنو بالرغم من محاربة التدين والالتزام الا انو لدينا فرصة ولدينا خامة ولدينا جزء كبير من اطفال وشباب هذا الجيل مستعد ولديه الرغبة وينتظر يد العون والتوجيه والمرافقة.
مالاحظته ايضا وبقوة انو الشباب الجزائري متمسك بجذوره وهويته العربية الاسلامية ومتعطش لها و مستعد للمساهمة في قضايا أمته وتوجهه واضح وصريح وبعزم فقط يحتاج الى العدل والاهتمام والاقتناع بأن هذا البلد لا يمكنه ان ينسلخ من عروبته ودينه ولو اراد هو بنفسه ذلك فهذا الشعب لايضل ولا يستبدل.