أي شخص يريد الفيزا إلى إسبانيا لسبب قانوني - ممنوع حراقة-- انا هنا للمساعدة-

الحالة
مغلق ولا يسمح بالمزيد من الردود.
أي شخص يريد الفيزا إلى إسبانيا لسبب قانوني مثل الدراسة أو التداوي أو التجارة او أسباب حتمية انا موجود هنا للمساعدة

لكن ليس للحراقة أو طرق الحصول عليها لاجل حراقة يعني انا نساعد شخص بإرشاده للوثائق الازمة و أسباب التي تجعلهم يسلمون له الفيزا بتاكيد مظمونة 100/100
و حتى نصائح الي تنجيه من رفض
 
إضغط للتوسيع...
مشكور اخي انا اريد ان احرق الى وطني الام الحبيب الحزائر
 
بارك الله فيك
ان شاء الله كيما راك تسهل ربي يسهل عليك
 
شكرااااااااااااااااااااا لك
 
شكرا حويا ماعندكش فيزا لفرمسا أنا محتاجتها حابة نتقلب وندير عملية على رجلي شكرا
 
أشكركم جميع و بارك الله فيكم



قال salam2009:
شكرا حويا ماعندكش فيزا لفرمسا أنا محتاجتها حابة نتقلب وندير عملية على رجلي شكرا
إضغط للتوسيع...

الاخت الفاضلة

قبل كل شيء البحث عن المستشفى الذي تتوجهين إليه أو الطبيب الذي تتوجهين له

و عندما تجدي الطبيب او مستشفى إطلبي موعد - رانديفوا - و سيكون بالدفع المسبق

و كل هذا ينطلب معرفة بأحد أشخاص يقيم بفرنسا سيقوم بالدفع و تسليم موعد ثم يبعث ورقة الموعد إليك عبر البريد أو فاكس
ثم أيضا تطلبي من الشخص يقيم في فرنسا ان يستخرج وصلة الفندق الذي ستقيمي فيه و هو بالدفع أيضا و ياليت يكون غير ذالك بالمعرفة

و كذالك دوسي من مستشفى جزائرية عن حالتك ( ملفك طبي مدون فيه كل شيء عن حالتك )

و كذالك تسجيل حساب جاري في البنك خاص بالدوفيز و تضعي فيه اموال بالأور تكون معتبرة تكفي العملية و الإقامة و الفنادق



إذا كانت هذه الوثائق غير صعبة عليك فكل شيء ساهل

إن شاء الله نوفيك بكل وثائق الاخرى الازمة للحصول على الفيزا من قنصلية فرنسية إذا طلبتي مني ذالك




إ
 
آخر تعديل:
جزاك الله كل خير يا خويا حسان سجلت في هذا المنتدى غير باش تعاوني ان شاء الله اجاوبني وربي يطيك واش راك متمني
سؤال ديالي هو انا عندي attestation dacceul قي اسبانيا وانا منيش خدامة
واش لازم دوسيي نتاع وحدة ماشي خدامة الله اجازيك يا خويا متنسانيش
 
السلام عليكم و رحمة الله

و من يريدها من أجل العمل

ممكن ؟؟؟؟؟؟؟؟؟؟

بارك الله فيك

و جزاك كل خير​
 
قال ZEMERODA:
جزاك الله كل خير يا خويا حسان سجلت في هذا المنتدى غير باش تعاوني ان شاء الله اجاوبني وربي يطيك واش راك متمني
سؤال ديالي هو انا عندي attestation dacceul قي اسبانيا وانا منيش خدامة
واش لازم دوسيي نتاع وحدة ماشي خدامة الله اجازيك يا خويا متنسانيش
إضغط للتوسيع...


الاخت الفاضلة راني موجود هنا للمساعدة بإذن الله حتى نهاية

هذا سؤال بسيط جدا

إذا كنتي غير خدامة فلا مشكل أبدا

يمكن دفع شهادة عمل و تامين لوالدك إذا كنتي غير متزوجة أو شهادة عمل و تامين لزوجك إذا كنتي متزوجة

او سجل التجاري لوالدك او زوجك و شهادة من الضرائب

فالقنصلية الإسبانية يتفهمون طبيعة المجتمع الجزائري


قبل كل شيء أرجوا توضيح بعض النقاط و إن شاء الله الفيزا تكون عندك جاهزة
سنقدم لك كل الشروط و طريقة ملئ الورقة مسلمة لك لانها حساسة جدا قبل ان توضحي لي بعض الامور

من هي نوع الفيزا التي تريدينها


هناك انواع للفيزا و هي كتالي :

  1. voyage d affaire
  2. voyage touristique
  3. visite familiale
  4. visite medicale
  5. activites culturelles
  6. enfants

او بالترجمة

رحلة عمل
السفر والسياحة
زيارة الأسرة
زيارة طبية
الأنشطة الثقافية
الأطفال


و بعدما تخبريني عن نوع نقدم لك كل شروط و تفاصيل و حتى كيفيكة الحصول عليها



في انتظار ردك ​
 
قال نسمة الفردوس:
السلام عليكم و رحمة الله

و من يريدها من أجل العمل

ممكن ؟؟؟؟؟؟؟؟؟؟

بارك الله فيك

و جزاك كل خير​
إضغط للتوسيع...


نعم ممكن من اجل العمل و هذا شيء اكيد

فالفيزا من اجل رحلة العمل مدونة تحت رقم واحد في الوثيقة طلب تأشيرة الفيزا نحوا إسبانيا
 
السلام عليكم ياخويا حسان شوف يا حسان انا درت وحد شهادة تاع الضرائب وخلصت عليها مي دارلي فيها اشهر برك هذاك هو البروبلام aske يحوسو يفهمو ولا لالا ولا يحوسو غير numero وانا راني حابة
نروح فالحقيقة لفرنسا على اسبانيا :crying:قبل ما ننسى انا بابا متوفي و مطلقة ( حكايتي شويا سبيسيال)
نديرو voyage touristique
ربي يسهل لك واش راك حاب .
 
قال ZEMERODA:
السلام عليكم ياخويا حسان شوف يا حسان انا درت وحد شهادة تاع الضرائب وخلصت عليها مي دارلي فيها اشهر برك هذاك هو البروبلام aske يحوسو يفهمو ولا لالا ولا يحوسو غير numero وانا راني حابة
نروح فالحقيقة لفرنسا على اسبانيا :crying:قبل ما ننسى انا بابا متوفي و مطلقة ( حكايتي شويا سبيسيال)
نديرو voyage touristique
ربي يسهل لك واش راك حاب .
إضغط للتوسيع...

الاخت الفاضلة

القنصلية الإسبانية إما تطلب السجل التجاري و شهادة الضرائب (certiftcat d existence)
أو
شهادة العمل و ثلاث fiches de paie الأخيرة و بيان العطلة

إذا كانت شهادة الضرائب التي تتكلمين عنها هي (certiftcat d existence) فلبد من السجل التجاري و هو الأهم في الفيزا

و هذه شهادة ليس لها مدة معينة و ياليت تكون في نفس السنة التي تدفعين فيه ملف



و اعلمي ان مرة الاولى من اجل الحصول على الفيزا تكون صعبة جدا لكن بوجود كل الوثائق تكون سهلة

أي أذا لم تدفعي ملف واحد فقط فهذا يعني رفض الملف


أي سؤال فانا هنا حتى ولو على خاص

انتظر ردك

​
 
يا خويا حسان انا لكان عند الوثائق هذو علاش راني نعيي فيك
تاع وجي عندي السجل التجاري دك نفهمك انا واش درت (كسرت لك راسك بصح استحملني غير شوي )خلصت واحدة عندهامدرسة متعددة الخدمات دارتني خدامة عندها ودارتلي attestation du travail المشكل هو ا
كدفعت attestation لمصلحة الضرائب دارولي effillation فيها شهر برك
يسمى كندفع الفيزا قالولي يصيبو خدمت شهر واحد انا على هذا حبيت ندير فيزا ماشى خدامة منبقاش نكسر في راسى وسقسيتك واش لازم ملف نتاع وحدة متخدمش
 
قال حسان:
نعم ممكن من اجل العمل و هذا شيء اكيد

فالفيزا من اجل رحلة العمل مدونة تحت رقم واحد في الوثيقة طلب تأشيرة الفيزا نحوا إسبانيا
إضغط للتوسيع...

شكرا الأخ الفاضل

لكن مفهمتنيش
من أجل شخص يذهب للبحث عن عمل
ممكن ؟؟؟؟؟؟؟؟

بارك الله فيك
 
قال ZEMERODA:
يا خويا حسان انا لكان عند الوثائق هذو علاش راني نعيي فيك
تاع وجي عندي السجل التجاري دك نفهمك انا واش درت (كسرت لك راسك بصح استحملني غير شوي )خلصت واحدة عندهامدرسة متعددة الخدمات دارتني خدامة عندها ودارتلي attestation du travail المشكل هو ا
كدفعت attestation لمصلحة الضرائب دارولي effillation فيها شهر برك
يسمى كندفع الفيزا قالولي يصيبو خدمت شهر واحد انا على هذا حبيت ندير فيزا ماشى خدامة منبقاش نكسر في راسى وسقسيتك واش لازم ملف نتاع وحدة متخدمش
إضغط للتوسيع...

اخت الفاضلة لا عليك انا لن نتعب و لا نمل و لا نستحمل و لا نعيا أبد

انت لكي الحق ان تسألي عن كل ما في بالك و انا لي احق ان أجبيك بقدر إستطاعتي


ثلاث شهور شيء ممكن لكن شهر واحد ينقصك فيش دو باي fiches De pais حيث تطلب القنصلية 3 أوراق الاخيرة منه يعني في كل شهر ورقة مجموع ثلاث شهور

إذا وجدواك عملتي 3 شهور فقط فهذا شيئ ممكن و مقبول عندهم لكن شهر واحد ينقصك fiches De pais

الاخت الفاضلة ملف مدون تحت رقم 4 في ورقة شروط طلب الفيزا سياحية نحو إسبانيا

هي كالتالي :

certificat De travail . Les trios derniéres fiches De pais
et l'ordre de mission ou titre de congé

تستطيعي تفهمي تلك وحدة التي عندها مدرسة متعددة الخدمات تقدر تستخرج لكي شهادة منذ 3 شهور و تسلم لكي 3 fiches De pais و هذه الأوراق ساهلة تدل على ان عندك تامين في العمل فيها حساب الشهري مع تامين و شهادة الإجازة من عندها ثم تصديق في البلدية و الله اعلم


الاخت الفاضلة انت تريدين الإستقرار في فرنسا و تدخلي عبر اسبانيا بالتوفيق و هذا الامر مصيري إذا لبدا ان تحرصي على هذه الوثائق كاملة شهادة العمل و 3 fiches De pais و شهادة إجازة بقدر إستطاعة

لأن والدك مرحوم رحمه الله و امك مطلقة و ربما غير عاملة على إطلاق و انت غير متزوجة و نوع الفيزا هي سياحية

و الفيزا سياحية تشتد شروط العمل و تامين لو كانت الفيزا طبية فنستطيع ان نخبرك ان عمل لا يهم فهم يفهمون طبيعة المراة الجزائرية و حتمية السفر من اجل الطب فهناك حل اخر

لكن سياحية تطلب منهم معرفة حالتك في الجزائري مستقرة و يعرفون مصدر الاموال حتى يطمئنوا بإنكي في رحلة سياحية بكل تمييز و ترجعي بعد نهايتها



لان و لأن مرة الاولى لطلب الفيزا لبد من وجود كامل الوثائق المطلوبة و إلا الرفض

حتى ولو نقصت نصف ورقة فيتم الإلغاء

أما مرة ثانية و ثالثة فلا يهم أن نقصت 4 اوراق في ملف

حبيت نسألك

هل دفعت دوسي من قبل و رفضوه ؟

فإذا كان نعم ؟

فهل تم وضع طابع على الجواز السفر

و إذا كان لا

فانصحك عدم دفع حتى تحصلي على جميع الوثائق



انا في انتضار ردك و إذا كان من محال إستخراج تلك الوثائق فأخبريني
​
 
قال نسمة الفردوس:
شكرا الأخ الفاضل

لكن مفهمتنيش
من أجل شخص يذهب للبحث عن عمل
ممكن ؟؟؟؟؟؟؟؟

بارك الله فيك
إضغط للتوسيع...


لا ليس البحث عن العمل بل تجارة او غيرها

نعتذر ربما فهمتي غلط بان هذه الفيزا للإستقرار و عمل في إسبانيا و هي غير صحيحة

بل من اجل التجارة او الصناعة و غيرها
يعني يكون عامل في الجزائر و لديه اعمال في إسبانيا من مثل جلب السلع او تصدير سلع او مهمة صناعية من شاركة اسبانية و ....الخ

بل من اجل العمل التجارة أو شراكة او غيرها انوع التجارية او صناعية



و في طلب الفيزا العمل هناك شرط رقم 5

lettre d'invitation de votre partenaire espagnol spécifiant le motif .la durée et la prise en charge durant le sejour en espagne . Et tout document - contrat commercial . Factures correspondances .etc -- justifant votre relation commercial avec les partenaires espagnols


​
 
اخي حسان تبارك الله عليك وعلى مساعدة الاخرين وجعله الله في ميزان حسناتك
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top