اذا كنت كيما هاك (-) عاود حساباتك خير ليك ولينا

°~Kenza_02~°

:: عضو بارز ::
أحباب اللمة
إنضم
15 ماي 2008
المشاركات
2,936
نقاط التفاعل
31
النقاط
157

السلام عليكم
خاوتي وخواتاتي ان شاء الله تكونوا بخير وعلى خير
,,
,
اليوم جيت بموضوع جديد ونتمنى يكون ليكم مفيد :heh:
,
,
مرات نتلاقاو بناس نعرفوهم
اصدقاء ...عائلة...معارف
,
,
هدرة جيب هدرة حتى تدخلو الموضوع تاع المستقبل والطموح وكل واحد واش راه حاب يكون و وين راه حاب يوصل
115219527.jpg
228249370.jpg



وتقعد انت تبني وتعلي وتحلم وتتمنى ...وان شاء الله نكون هكذا ...و نوصل للمكان لفلاني ...وندير هكذا و نعمل هكذا و....و...و..و
80953516.jpg

,
,
وكي تكمل هدرتك وتقعد غايس في احلامك وطموحاتك
يقلك الي كنت تحكيله :closedeyes:
انت دير كامل هذاو ...ماشكيتش....اواه والله ما تقدر ...راك تحلم برك
والله ما توصل ...ماراكش شافي شحال من مرة حلمت ومادرت والو
ما تقدر دير والو :closedeyes: ديها من عندي رسمي :glare:
454001266.gif

,
,
:tears::wink::wink::closedeyes::glare::no_1:
يعني يحطمك
يكسرك
تكون في العلالي يهبط للارض
...يهبطلك المورال ..
يخليك تحس نفسك فااااشل وماقادر دير والو في حياتك
919892529.jpg


,
,
علابالي كاين منكم الي تعرض لهاذ الموقف
وكاين الي صدر منو كلام ينقص من عزيمة الناس حتى ولو بدون قصد
,
,
بصح لازم نستغلو كيما هاذ الناس باش نوصلو وين رانا حابين
غير باش نبرهنولهم بلي حنا قادرين ..وقادرين نوصلو
يعني مهما يكون كلامهم سلبي علينا ...حنا لازم نرجعوه ايجابي وفي مصلحتنا
ونحقق طموحنا يا لوكان زكاااااارة
543557484.jpg


,
,
ونحكيلكم وحد القصة قصيرة على معشر الضفادع
814712321.jpg


مرة زوج ضفادع طاحو في حفرة ...جاو ليهم الجماعة لكبيرة تاعهم وبداو يقولولهم ماكان علاه تعبو رواحكم ...استسلموا ما تقدروش تطلعو...خلاص هاذي هي نهايتكم
الضفدعة الاولى فقدت الامل ...وحبست من القفز ...وماتت
والثانية ..مادامهم يقولولها حبسي ما تحاوليش اكثر من هكذا ...مادامها تزيد اصرار وعزيمة باش توصل
ونجحت وطلعت من الحفرة
قالولها ماسمعتيناش كي كنا نقولولك حبسي ما تحاوليش
قالتلهم انا ما نسمعش وكنت نظنكم تشجعو فيا باش نوصل
,
,
والعبرة من هاذ القصة انو كلمة مشجعة ممكن تخلي الي في الاسفل يعلا ويوصل
وشوفو الفرق الي ممكن تصنعو كلمة تشجيع في حياة لخرين
,
,
وفي الاخير
562560545.jpg

115219527.jpg

**اذا استطعت ان تحلم به ..عليك تحقيقه**
,,
,

تقبلوا سلامي وتحياتي
ونتمنى نلقا ردود ومانكونش تعبت في باطل :tears:







 
آخر تعديل:
تم الإعتماد //

اه وي لحكاية تاع الضفدع هاذيك شحال نبغيها !! و الله صح فيها عبرة كبيرة

و ممكن أنا حاب نجي للموضوع من جيهة أخرى و هي أننا لازمنا نطلعو المورال للناس اللي حولنا و نحسسوهم بلي يقدرو يلحقو لوين حبو .. حتى و لو كنا حاسين بالعكس , مي معليش كلمة مليحة خير من الدنيا و ما فيها

و نحير كي نلقى واحد عايش يطيح في المورال للغاشي , بعقلية و الله ما تقدر , و ياحسراه قالوها ناس قبلك و ما داروش

و على بيها كاين مواقف لازم نكونو ما نسمعوش , كيما في لحكاية , يعني نولو طروشة باش نوصلو لهدفنا ,,, و دايمن اللي دار حاجة في بالو يوصلها إلا بغاهالو ربي

و هاذا مورصو خفيف :

(( راني لفوق نفيزي في النجوم اللي في السما ** شفت لتحت لقيتهم يفيزو فيا حسبوني نجمة ))

أيا سلام كنزة شكرا .
 
تم الإعتماد //

اه وي لحكاية تاع الضفدع هاذيك شحال نبغيها !! و الله صح فيها عبرة كبيرة

و ممكن أنا حاب نجي للموضوع من جيهة أخرى و هي أننا لازمنا نطلعو المورال للناس اللي حولنا و نحسسوهم بلي يقدرو يلحقو لوين حبو .. حتى و لو كنا حاسين بالعكس , مي معليش كلمة مليحة خير من الدنيا و ما فيها

و نحير كي نلقى واحد عايش يطيح في المورال للغاشي , بعقلية و الله ما تقدر , و ياحسراه قالوها ناس قبلك و ما داروش

و على بيها كاين مواقف لازم نكونو ما نسمعوش , كيما في لحكاية , يعني نولو طروشة باش نوصلو لهدفنا ,,, و دايمن اللي دار حاجة في بالو يوصلها إلا بغاهالو ربي

و هاذا مورصو خفيف :

(( راني لفوق نفيزي في النجوم اللي في السما ** شفت لتحت لقيتهم يفيزو فيا حسبوني نجمة ))

أيا سلام كنزة شكرا .
يعطيك الصحة خويا والله هاذا هو الي باغية نقولو بالضبط
ممكن انسان صح ماشي قادر بصح كلمة تشجيع ممكن توصلو
ووين نروحو نلقاو ناس تاع عقلية **ماتقدر دير والو* * انا نقلهم يعطيكم الصحة بيكم انا وصلت وكنتو لياااا حاجة خلاني نوصل والحمد لله ...........ولازم قاع تكونو هكا استغلو هاذيك الهدرة لمصلحتكم
يعطيك الصحة خويا نورت
 
طاطا كنزة كلامك يهبببببببببببببل يعطيك الصحة
كيما قلتي كاين ديما الي يحطمك:mellow:
كاين حالة وين واحد ما يشجعكش و يقلك في مصلحتك:no_1:
مثلا انا كي ديت الباك كنت ميتة نقرا هندسة معمارية:tears:
بابا ماحبهاش مي مارفضهاش و نصحني وقالي ديري فرنسي خير الخدمة فيها مضمونة و حاجة مليحة ليك:wink:
الهندسة راكي ديريها و تندمي
واعرة و ما تلقايش راسك ... الخ :surrender::surrender:
بقيت مصممة على رايي:glare: و بمعدلي عطاوني هندسة نظام lmd في بسكرة
يا طاطا رحت لبسكرة و قعدت شهر وحدي باه نحقق حلمي قالها نتي :surrender:
مي مبعد ما قدرتش نكمل كي مالقيتش التشجيعات و بعيدة على دارنا
ايا وليت و درت الفرنسي:yahoo::yahoo:
و مازلت الهندسة فس بالي ممكن كي نخلص نولي نديرها
مادام الحلم مازال كاين
 
هههههه نحكيلك حكايتي
انا عندي اختي تقرا في السيام
المهم جامي تعاوني في خدمة الدار وتجي توال وتبدا تحلم
انا ندير وندير ......... الخ
وانا نقولها حبسي حبسي وين رايحة رجليك راهم في الأرض
هههههههه تسكت وتوللي للواقع


يعطيك الصحة كنزة كلامك فور والانسان اللي يلقى المساندة يروح بعيد
ولكن في حدود المعقول :music_whistling:

 
طاطا كنزة كلامك يهبببببببببببببل يعطيك الصحة
كيما قلتي كاين ديما الي يحطمك:mellow:
كاين حالة وين واحد ما يشجعكش و يقلك في مصلحتك:no_1:
مثلا انا كي ديت الباك كنت ميتة نقرا هندسة معمارية:tears:
بابا ماحبهاش مي مارفضهاش و نصحني وقالي ديري فرنسي خير الخدمة فيها مضمونة و حاجة مليحة ليك:wink:
الهندسة راكي ديريها و تندمي
واعرة و ما تلقايش راسك ... الخ :surrender::surrender:
بقيت مصممة على رايي:glare: و بمعدلي عطاوني هندسة نظام lmd في بسكرة
يا طاطا رحت لبسكرة و قعدت شهر وحدي باه نحقق حلمي قالها نتي :surrender:
مي مبعد ما قدرتش نكمل كي مالقيتش التشجيعات و بعيدة على دارنا
ايا وليت و درت الفرنسي:yahoo::yahoo:
و مازلت الهندسة فس بالي ممكن كي نخلص نولي نديرها
مادام الحلم مازال كاين
اهلا بنتي معاك يا لخضرا زارتنا بركة ليوم :heh:
يا لحنونة كيما قلتي كلشي بالشجيع ولازم الانسان يحقق حلمو مهما كان
وانا تقريبا كيما انتي وعلى هاذا كتبت الموضوع الي حرقني في قلبي :tears: ...كي سقساتني وحدة تقرا معايا واش حابة ندير كي نربح الباك ان شاء الله
قلتلها بربي ندير الصيدلة لاخاطر هذا هو حلمي .....حطت عينيها :closedeyes: وقاتلي .......وعلاه ما تشفايش فالبيام شحال هبطتي على المعدل الي موالفة جيبيه فالفصول ....مالا فالباك ثاني تهبطي و impossible تقدري ديريها ...........توشاتني تاع الصح ........مي ان شاء الله بربي غير هي الي نديرها وزكارة فيها وفي غيرها
يعطيك الصحة حبيبتي نورتي
 
هههههه نحكيلك حكايتي
انا عندي اختي تقرا في السيام
المهم جامي تعاوني في خدمة الدار وتجي توال وتبدا تحلم
انا ندير وندير ......... الخ
وانا نقولها حبسي حبسي وين رايحة رجليك راهم في الأرض
هههههههه تسكت وتوللي للواقع


يعطيك الصحة كنزة كلامك فور والانسان اللي يلقى المساندة يروح بعيد
ولكن في حدود المعقول :music_whistling:

مرحبا بيك عندنا اختي
لالا يا لحنونة لازم دايما نخرجو على هاذاك الي مسميينو واقع والي فيه في حسابنا ما نقدروش نوصلو بعيد
لازم الانسان يتبع طموحو مهما كانت الظروف ومهما كان الواقع الي عايش فيه ولا واهم نفسو عايش فيه
ولازم تكوني انت السند لكبير لختك وتوصل بمعاونتك ان شاء الله
منورة الموضوع مشكووورة
 
اهلا بنتي معاك يا لخضرا زارتنا بركة ليوم :heh:

يا لحنونة كيما قلتي كلشي بالشجيع ولازم الانسان يحقق حلمو مهما كان
وانا تقريبا كيما انتي وعلى هاذا كتبت الموضوع الي حرقني في قلبي :tears: ...كي سقساتني وحدة تقرا معايا واش حابة ندير كي نربح الباك ان شاء الله
قلتلها بربي ندير الصيدلة لاخاطر هذا هو حلمي .....حطت عينيها :closedeyes: وقاتلي .......وعلاه ما تشفايش فالبيام شحال هبطتي على المعدل الي موالفة جيبيه فالفصول ....مالا فالباك ثاني تهبطي و impossible تقدري ديريها ...........توشاتني تاع الصح ........مي ان شاء الله بربي غير هي الي نديرها وزكارة فيها وفي غيرها
يعطيك الصحة حبيبتي نورتي


ان شالله حبوبتي وكل شئ ممكن
انا اسمي ريمة :sneaky2::sneaky2:
 
قاعدة نمشي عليها دايمن هي سقوط الانسان ليس فشل ولاكن الفشل ان يبقى حيث سقط

لازم اي واحد يسعى لتحقيق احلامه
 
قاعدة نمشي عليها دايمن هي سقوط الانسان ليس فشل ولاكن الفشل ان يبقى حيث سقط

لازم اي واحد يسعى لتحقيق احلامه
مشكوووووووووووورة اختي هند وصدقتي .
 
نظن انو العبد اللي يقول لخوه ماتقدرش هذا حسد و مايحبش الخير للناس و شايف روحو فاشل و حاب الناس كامل تكون كيفو و اللي يقولي ماتقدرش ...نولي نقدر و نخليهالو في قلبو و بالاك نكون انا عبرة ليه باه يدير القلب و نورمالمو الانسان اللي يحب يدير الخير يديرو حتى بكلمة ربي يعينك
شكرا على الموضوع
 
نظن انو العبد اللي يقول لخوه ماتقدرش هذا حسد و مايحبش الخير للناس و شايف روحو فاشل و حاب الناس كامل تكون كيفو و اللي يقولي ماتقدرش ...نولي نقدر و نخليهالو في قلبو و بالاك نكون انا عبرة ليه باه يدير القلب و نورمالمو الانسان اللي يحب يدير الخير يديرو حتى بكلمة ربي يعينك
شكرا على الموضوع
صح كلامك خويا
يعطيك الصحة على المرور
 
السلام عليكم

حتى في الأحلام و يحزدووك
 
سلام عليكم كنزة صحا صيفك ومبروك عليك الحلم الي راكي ناويته
اليوم راكي خرجتي خرجة تاع كصب يعطيك الصحة علي تخمامك
او كيما قالو الي يتمني خيمن الي يستني امليح كي العبد يخمم
كيفاش يبني مستقبل ويكون عندوهدف باغي يوصل ليه واشنو انوصيك
شرط ما تحكيش عليه والله الي بعيدا علي القلب ابعيد علي العين
ربي يسهل عليك او شااااااااااpouعلي الموضوع قنبلة الي ماعندوش
قلب تحياتي
 
سلام عليكم كنزة صحا صيفك ومبروك عليك الحلم الي راكي ناويته
اليوم راكي خرجتي خرجة تاع كصب يعطيك الصحة علي تخمامك
او كيما قالو الي يتمني خيمن الي يستني امليح كي العبد يخمم
كيفاش يبني مستقبل ويكون عندوهدف باغي يوصل ليه واشنو انوصيك
شرط ما تحكيش عليه والله الي بعيدا علي القلب ابعيد علي العين
ربي يسهل عليك او شااااااااااpouعلي الموضوع قنبلة الي ماعندوش
قلب تحياتي
اهلا خويا bouss .........راه نور الموضوع بمرورك ....وفتحت زهورو :heh:
يعطيك الصحة خويا على الرد المميز وربي يخليك
 
ههه صراتلي خطرة والله العظيم بديت نبكي وقلتلها اللي كنت نهدر معاها أنتي دايما هكدا شر و بديت نعيط مخليتلهاش
باسكو كنت غايسة ورحت بعييييييييييييييييييد
 
ههه صراتلي خطرة والله العظيم بديت نبكي وقلتلها اللي كنت نهدر معاها أنتي دايما هكدا شر و بديت نعيط مخليتلهاش
باسكو كنت غايسة ورحت بعييييييييييييييييييد
ناس كيما هاك قاع مالازمش نهبطو النيvو علاجالهم ونردو عليهم :closedeyes:
مشكورة اختي نورتي الموضووووووع
 
وعليكم السلام ورحمة الله وبركاته :

بارك الله فيك

فعلا موضوعك

واقعي 100/100

فكثيرون هم المثبطون

السلبيون الذين لم يكتفوا بسلبيتهم

فحاولوا نشرها بكلمات تحطم الهمم

وكما قلت ، يجب ان نقف لهم بالمرصاد

وذلك بهممنا المشحونة للأعالي ...

التي تأبى الحضيـــــــــض

اضافة :

حينما كنت صغيرة ، كنت

أحب سماع كلمات الرسوم المتحركة

لما فيها من طموح وأمل وتفاؤل

وسأسردها عليك ...وربما تتعرفين عليها


لا نستسلم للفشل ، بل نحاول من جديد

فالهزيمة في فقدان الأمل .....
*********************************

عاليا تطيـــــــــــر في الفضاء باحثا عن حلم سعيــــــد

عذرا على الاطالة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top