كنت هانية قلبولي المعيشة

[أم لينة]

3aaandek l ha9 1000pr cent
men 9abl kont nchouf fiha hadja normal w khlass, mais apres cheft bent khali sralha hakda, w ness hadou chakroha bzeef mara djaw nssa bark apres beh djaa radjel, w bdet temroodh l moral ta3ha ghir yahbet hataan fhamna que batlo w magalolhomch meme pas face a face
khssert 3lih kelma wahda heed syedd mouch radjel tt simplement,koun saah radjel w pt etre yehchem et tt yforci mamah t3ayet l darhom w yetfahou c pas la fin du monde kima golti

doka ki nkhamem f rohi ana rani raaafdha rafdhan baataan hadi ta3 ydjou ychoufoni w yzidou ysselkouni hadek l 3arbon !! noon merci manich khrouff !! j crois fi wa9tna kayen d autre methodes bech ychoufou ba3dhahom bla ma tethass tofla roha mich mliha,, par exemple troh m3a familetha lel park w howa thani w yeb9aw chwia m3a ba3dh; au moin la ma3djebhech l hel rayha tetfaker l hayawanet w tehwissa hadik yetle3 l moral hh

شفتي ربي وكيلو لي دارلها هاك صح مش راجل ربي يرزقها خير منو لي تغيضك مش انو راح الله لا يردو لكن علاش مخبرهمش بلي بطل و المكتوب فض بيناتهم جاتو صعيبة لهاذ الدرجة ؟
شكرا لمشاركتك اختي الغالية نورتي موضوعي

 

[أم لينة]

بالنسبة للطفلة كيما كل واحد حياتو كاتبهالو ربي وعمرو كاتبهولو ربي ما يزيد عليه ما ينقص هكذا الزواج ما تتعب ما تعيا ما تمرض نفسيا ما تتزعزع ثقتها بنفسها عادي جدا قسمها في الزواج مازال ما وصلش هذا ماكان، نهار يوصل يسهل ربي بكل الطرق وما تدري تلقى روحها في دار راجلها. زيد لحياة ماشي زواج كاين بزاف أمور ممكن الوحدة تعزز ثقتها بنفسها فيهم وتقدر تنسى أصلا حكاية الزواج ومشاكيلو، قوليلها تتعلم ما تعييش نفسيتها ع شي ما عندهاش يد فيه، تعييها ع الشي لي بيدها أحسن، وتعاود حساباتها عوض تغبن روحها بسبة الرجال لي أصلا مش هوما لحياة تروح تشوف لعمرها شي يفيدها في دنيتها ودينها خيرلها من تبقى تبكي ع الأطلال في دوامة نفسية.

في كل الأحوال هذو كامل لي ما كمللهاش ربي معاهم أكيد ما شافلهاش ربي فيهم خير وكون كمللها مع واحد فيهم تكون مش مهنية، باختصار الله يخيرلنا الأحسن لينا لي فيه أقل ضرر .

بالتوفيق ليها .

و الله كلامك جواهر-'' قوليلها تتعلم ما تعييش نفسيتها ع شي ما عندهاش يد فيه، تعيشها ع الشي لي بيدها أحسن''-اختي ياريت كل البنات عندهم كيف تفكيرك لوكان حياتهم راهي لباس مهنيات لكن هيهات قليل لي عندها كيما تفكيرك و زيد متنسايش الوسط لي محيط بيها نبداو من اهلها وطلع لي من المفروض يكونو اكبر سند لبنتهم و عدم زواجها مش نهاية لحياتها و الا حياتها بلا راجل مش حياة ؟
بالنسبة لعادة الشوفة لي قلتيلي عليها اغلب الجزائريين عندهم نفس العوايد يجي يشوف البنت عجبتو يتقدم معجبتوش يروح لكن الاختلاف في الطريقة لي يجي بيها و الطريقة لي يروح بيها .
شكرا على ردك الراقي نورتي موضوعي باطلالتك .