صباح الخير على ناس لخير انشاء الله تكونو كامل لاباس.حبيت نهدر معاكم في وحد لقصة صراتلي من اقرب الناس ليا وهي بنت عمي ولي هي كانت بمثابة اختي التوام دوركا راكم تقولو هادي وش بيها بدات مشا ركتها بشكي والله ماني من هادوك الناس لي حبو يشكو ياسر paske الشكوى لغير الله مذلة وانا والله غير هاذي جرحتني نتاع الصح دوركا نبدالكم لحكاية واعطوني رايكم الشي لي درتو صح ولا غالط.هاذي القصة صرات في فرح خوها وللي هوا بن عمي osi بحكم اني انا مانحبش لمخالطة نتاع الناس ياسر مش اللي جا نحبو و يعود هو حياتي (راكم فهمتو وش نقصد)المهم يجي وحد نهار في لموفموا نتاع لعرس وراكم عارفين واحد ما يعود لاتي بلوخر كنت قاعدة نقسر مع بنات عمومي في الليل وجات هي بحذايا وبدات تحكيلي على عمها وانا والله ماكان في بالي حاجة كيما هكذا قلت حاجة عادية خلي نجربو وعلاش لا نشوفو ونتعلمو.....وانا كي لمسكينة كنت حاطا في بالي بلي دورلي على صلاحي وتحبلي لخير كيما انا نحبهولها مانكذبش عليكم بدات لحكاية تدخل راسي عجبني وقلت لكوراه يكون مكتوبي وش نقلكم في الليلة الثانية من العرس جات وقاتلي راه حاب يشوفك وهي راها متفاهمة معاه وعارفة وش كانت نيتو مني ويقولك اللي يمشي بنيتو عمرو ما يخيب والحمد لله دعوة الخير وانا متربية على حاجة واللي هي ماندرق على امي حتى حاجة راني حاكيتلها على كلش قالتهولي من قبل.....تفاجئة بصراحة منو ومنها اكثر اكثر لي كنت دايرتها ختي كانت رايحة طيحني في شباك واحد فاسد مستذئب حتى لكلمات تعجز على وصف واحد كيما هوا حكيت لامي ولاختي لكبيرة ولي هي دليلي في هاذي لحياة تفاجؤا اكثر مني تخيلو بعد ما استفسرت على هادا الشي نلقا كامل لبنات عرفين بكلش وحدة فيهم ما نصحتني ولا حتى بينتلي بلي كاينة مكيدة رايحة تنصبهالي بنت عمي وفي الاخير متخافوش راني انقى واصفى وحدة وكلو بفضل ربي اولا وامي وختي ثانيا وهاذا اشي لي داراتو اكل منغيرتها لخطراش انا مانيش كيفها سمعتي انضف من سمعتها وكل اناس يحبوني من اول جلسة معايا وهي تغير من هك paske غنية عن التعريف وعلى هاذا الشي انا كنت حابة نرجعها لطريق الصحيح وتكون مثلي بصح كي دارتلي هاد الجاست خلات في قلبي جرح كبير مانقولش حقد لخطراش انا عمري ما حقدت على واحد بلعكس نحب لخير الناس قبل مني.....رجعت معاها انسانة اخرى نقصت من روحاتي ليها ومن لهدرة عادت الهدرة معاها في حدودها وصدقوني والله كي نسمع عليها حاجة مش مليحة يغيضني لحال اكثر منها......وهي دوركا تزوجت وعندها طفل ربي يهنيها ويكبرلها بنها في طاعة ربي وطاعتها..........طولت وانا نحكي ان شاء الله ماتملوش مني وتقولو عني صامطة هههه اعطوني رايكم في شي لي درتو صح ولا راني غالطة....ولكم مني فائق التقدير والاحترام.:regards01:
-
| | [ طبخ ]: ماذا ستطبخين انستي سيدتي | [ إهداءات ]: راديو اللمة ألووو ألووو | [ نقاش ]: عزوف كبير عن المنتديات ما السبب؟ | [ دورة تعليمية ]: إتقان الاستخارة
وش رايكم
- كاتب الموضوع كافيري
- تاريخ النشر
لا حول ولا قوة إلا بالله
تجيك مالبراني تبلعيها اما من الاقربين والله تقول دخلو فيك موس
وزيد باه يلعبو؟ بأهم حاجة تملكها الفتاة
اسمحيلي مي هادو مش عيباد ومنصنفهمش في خانة البشر
والله واعر الوقت لي وصلنا ليه بنت عمك وعمها؟ ناس منحطة فعلا
(بصح قوليلي بما انها بنت عمك = عمها هو عمك تاني ولا كيفاه؟)
المهم متخافيش ربي يمهل ولا يهمل وكيما هوما حبو يطيحوك في شباك يجي نهارهم وتعياي تسمعي
انتي غلطتي من الاول كي تبعتيهم مي ربي نجاك منهم
نتمنى يكون هاد الشي عبرة ليك في المستقبل فالمؤمن لا يلدغ من الحجر مرتين
تجيك مالبراني تبلعيها اما من الاقربين والله تقول دخلو فيك موس
وزيد باه يلعبو؟ بأهم حاجة تملكها الفتاة
اسمحيلي مي هادو مش عيباد ومنصنفهمش في خانة البشر
والله واعر الوقت لي وصلنا ليه بنت عمك وعمها؟ ناس منحطة فعلا
(بصح قوليلي بما انها بنت عمك = عمها هو عمك تاني ولا كيفاه؟)
المهم متخافيش ربي يمهل ولا يهمل وكيما هوما حبو يطيحوك في شباك يجي نهارهم وتعياي تسمعي
انتي غلطتي من الاول كي تبعتيهم مي ربي نجاك منهم
نتمنى يكون هاد الشي عبرة ليك في المستقبل فالمؤمن لا يلدغ من الحجر مرتين
آخر تعديل:
اممم كآينة حآجة مآ فهمتهآش ...
بنت عمك وعمهآ ؟!
هي أصلآ بنت عمك فعمهآ هو عمّك ولآ لآلآ ؟!
على العموم وكلي ربي وأكثري من :
حسبي الله ونعم الوكيـل ...
هذو مش بشر وانتِ مآ غلطتيش كي جبدتي روحك عليهآ
هذآ هو التصرّف الصـح ولبنآت لي من نوعهآ فيهم شبهآت
اتّقوا الشبهآت ...
وانسآيهآ وكملي عليشي حيآتك عآدي بلآ تخممي فيهآ
كآن الله في عونك ... سلآمي ’
بنت عمك وعمهآ ؟!
هي أصلآ بنت عمك فعمهآ هو عمّك ولآ لآلآ ؟!
على العموم وكلي ربي وأكثري من :
حسبي الله ونعم الوكيـل ...
هذو مش بشر وانتِ مآ غلطتيش كي جبدتي روحك عليهآ
هذآ هو التصرّف الصـح ولبنآت لي من نوعهآ فيهم شبهآت
اتّقوا الشبهآت ...
وانسآيهآ وكملي عليشي حيآتك عآدي بلآ تخممي فيهآ
كآن الله في عونك ... سلآمي ’
عذرا الحاجة لي مهيش مفهومة ليا أولا هي صلة القرابة بنت عمك و عمها هو عمك....ممكن توضيح و الحاجة الثانية الحمد لله كي خرجتي منها سلامات و شاورتي قبل ماتتلاحي و لي جاك منوا الشر بعديه عليك معندك ماديري بيه...كي بنت عمك كي صاحبتك أي واحد على خاطر رجعنا في زمان الناس تبيع الناس نورمال و حاجة عادية...راح تقوليلي نعرفها مليح و تربينا مع بعض..رايحة نقولك هاذوك هوما الناس لي يدمروك و يقعدوا يضحكوا عليك...متعرمريش راسك بناس كيما هاذوا لي باعك بيعيه و متعوديش تخممي فيه
الموضوع مكرر لم انتبه له
http://4algeria.com/forum/threads/373765/
http://4algeria.com/forum/threads/373765/
شكرا مينات على بالك علاش عودتو faske لمرة لولا محبش يفوت مالا عاودتو مش بلعاني خلي جات بالصدفة على الاقل نعرفكم تحبوني ولا لا..ههههههاي:d:d:d:d:d:d
والله ياختي تحيري من ناش كيمن هاك هادو ماعنهمش قلب والا ...لا حوال ولا قوة الا بالله .....والله لامانعاد ماكانش خلاص .خلاص ....الحمد الله كي خرجتي سلامات...ربي يجيبلك اللي فيه الخير اختي ..تقبلي مروري ..
شكرا على مرورك
- إنضم
- 1 أكتوبر 2012
- المشاركات
- 4,329
- نقاط التفاعل
- 3,756
- النقاط
- 191
كاين ناس بكري يقولو وين دمك وين همك ساعات تجيك من القريب وهادا الي يغيض والمزية الي راكي حكيتي لامك واختك وسترك ربي وهي ربي يتكفل بيها ومليح انك جبدت روحك منها مادم شفتي منها شيء دوني فالافضل تخليها وما تخالطيهاش بزاف
- إنضم
- 13 أفريل 2008
- المشاركات
- 1,939
- نقاط التفاعل
- 892
- النقاط
- 51
عابر سبيل12، تم حظره "حظر دائم". السبب: مخالفة القوانين
انا اللي حيرني في الموضوع ككل انو
كيفاه هاد البنت بنت عمك ...وهادا الانسان يكون عمها
يعني اوتوماتيكيا رايح يكون عمك انت ثاني صح والا لا ؟؟
ومادام هو عمك كيفاه ماتعرفيش عمك ؟؟ وعمك حاب يتقربلك ؟؟ وناويلك نية مش مليحة ؟؟
بكل صراحة مكافهمت من الموضوع اي شيء
كيفاه هاد البنت بنت عمك ...وهادا الانسان يكون عمها
يعني اوتوماتيكيا رايح يكون عمك انت ثاني صح والا لا ؟؟
ومادام هو عمك كيفاه ماتعرفيش عمك ؟؟ وعمك حاب يتقربلك ؟؟ وناويلك نية مش مليحة ؟؟
بكل صراحة مكافهمت من الموضوع اي شيء
شكرا طاطا حتى انا بعدت عليها وماعدتش معاها كيما بكري
عمها هي صح اما انا بن عمتي
