فِيْ النْهَـآرْ رآقْديْنُُ و فيْ الليْلُ نآيضيـنْ

ضآحكة مستبشرة · 10 جوان 2015

اآلسٍلآم عٍليِگم ورحمة آللهـ تعٍآلے وبرگآتهـ

كيف حالكم احبتي
لا يهدا لي بال حتى انثر موضعا من مواضيعي هنا

اولا صح رمضانكم ان شاء الله تصوموه بالصحة و الهنا

في اول ليلة من ليالي رمضان ولا نقولوا قبل سحور اول يوم من رمضان شبابنا الحلوين يدخلوا للبيت كل واحد وكيفاش يتسحروا و تبدا الاحلام السعيدة

و الايام الجميلة

بالنسبة لهم
الرقاد من السحور للسبعة تاع العشية

راقدين في النهار و نايضين في الليل

رمضان الناس تقرا القران و تختم فيه
و هوما مشبعينها رقاد و بيع البلاد

علاش يا شباب علاش

راني عالبنات و الشباب و حاشا لي ميستهلش
كي يوصل الفطور يروحوا يسهروا الدخان و الغنا كي شغل مكان والو

مرة من المرات سالت زميل يدرس معايا قتلوا في رمضان بعد الفطور واش تديروا قالي مور منفطر نخرج نسهروا دخان و ضحك و سمير
قتلوا متصلوش قالي كل مرة و كيفاه مصليناش كامل كومبلي نصلوا في رمضان
قتلوا راك تكذب قول و الله قالي علاش نكب
و قتلوا فيرمضان تسمعوا لغنا قالي امالا كيفاش نجوزوا السهرة
تشوكيت مشيت و خليتوا

وين نسكن انا يدخلوا في السحور و مبعد يرقدوا لل4 ولا 5 تاع لعسية ينوضوا
يخرجوا يقصروا يجيو يفطروا يخرجوا يدخنوا و يكملوا السهرة
لا تراويح لا قران لا صلاة لا عبادة

و كاين البعض لي يصليو غير في رمضان
مفهمناش هاد الشعب هدا
واش من الفايدة داوها من هاد الدنيا ؟؟

حبيت نفهمك برك علاش فالنهار راقدين لي الناس تخدم شغالها و تختم القران في النهار هوما يرقدوا
و في الليل الي الناس تريح فيه هوما ينوضوا

يا خاويا لجيل هدا راح باطل

- اسكو كاين هاد الظاهرة عندكم ؟

- واش رلايكم في هاد النوع من شباب اليوم ؟

و السلام عليكم

بصح اغلب ولاد مدينتي يصلوا عام كومبلي و اغبهم اخوان كي تدخل لمدينتي تتلفلك تقول رانا في داعش خخ :d:d
الكل يصلي و تقي الحمد لله لاكن يبقى عينات من الشباب الذين يشهون البلاد ربي يصلحهم و يهديهم
اولاد مديني رائعين تبا كم هم طيبون

السلطانة · 10 جوان 2015

رد: فِيْ النْهَـآرْ رآقْديْنُُ و فيْ الليْلُ نآيضيـنْ

وعليكم السلام

حجز مكان ولي عودة ان شاء الله

red rose · 10 جوان 2015

رد: فِيْ النْهَـآرْ رآقْديْنُُ و فيْ الليْلُ نآيضيـنْ

PHP:

مام حنا نسهرو فرمضااان^^

Skor m@k · 10 جوان 2015

رد: فِيْ النْهَـآرْ رآقْديْنُُ و فيْ الليْلُ نآيضيـنْ

السلام عليكم
كل واحد كيفاش يشوفو رمضان
كاين تاع ماكلا أو قلبلوز وزلابية
أو كاين لي يسهر غير في رمضان على الدومين والغنا
كل واحد والهدف ديالو في رمضان
شكرا ليك عاشقة الجنة
ان شاء الله يبلغنا رمضان بالأجر والثواب

ضآحكة مستبشرة · 10 جوان 2015

رد: فِيْ النْهَـآرْ رآقْديْنُُ و فيْ الليْلُ نآيضيـنْ

شكرا لكم احبتي
نورتي شوشو ذكرى

نورت خويا مالك ربي يحفظك

Hakan · 10 جوان 2015

رد: فِيْ النْهَـآرْ رآقْديْنُُ و فيْ الليْلُ نآيضيـنْ

اولا بارك الله فيك على الموضوع الجميل
لكن ساتكلم عن شباب مدينتي

الحمد لله اذ انعم علينا بالهداية في شهره الكريم

فمنذ الليلة الاولى من رمضان يتغير الكثير في ابناء مدينتي

ارى ذالك الشاب الذي كان طول الموسم يعاكس الفتيات ويطاردهن في كل شارع قد حجز له زاوية من زوايا المسجد
وحتى اولائك الشباب الطائش قد هداهم الله

وهذا على غالب الشباب لكن هناك فئة
على العام كيما نقولو فاسدين في رمضان او غيرو
باستثناء انو ف رمضان يوقف نفسه عن الاكل والشرب
الحمد لله يعني ابناء الحي الذي اسكنه ملتزمون وكلهم فيمما بينهم تنافس شريف في ختم القرآن ومن ييصللي في الصف الاول لشهر كااامل وغيرها من المنافسات
واكيد يختلف الحال من مدينة الى اخرى
غفر الله لنا ولكم الزلات ووفقنا لاداء حق رمضان صياما وقياما...

شكراا لك اسمااء..

ضآحكة مستبشرة · 10 جوان 2015

رد: فِيْ النْهَـآرْ رآقْديْنُُ و فيْ الليْلُ نآيضيـنْ

قال hakim story:
اولا بارك الله فيك على الموضوع الجميل
لكن ساتكلم عن شباب مدينتي

الحمد لله اذ انعم علينا بالهداية في شهره الكريم

فمنذ الليلة الاولى من رمضان يتغير الكثير في ابناء مدينتي

ارى ذالك الشاب الذي كان طول الموسم يعاكس الفتيات ويطاردهن في كل شارع قد حجز له زاوية من زوايا المسجد
وحتى اولائك الشباب الطائش قد هداهم الله

وهذا على غالب الشباب لكن هناك فئة
على العام كيما نقولو فاسدين في رمضان او غيرو
باستثناء انو ف رمضان يوقف نفسه عن الاكل والشرب
الحمد لله يعني ابناء الحي الذي اسكنه ملتزمون وكلهم فيمما بينهم تنافس شريف في ختم القرآن ومن ييصللي في الصف الاول لشهر كااامل وغيرها من المنافسات
واكيد يختلف الحال من مدينة الى اخرى
غفر الله لنا ولكم الزلات ووفقنا لاداء حق رمضان صياما وقياما...

شكراا لك اسمااء..

و فيك بارك الله مهبول اللمة
نورت الموضوع
الحمد لله يا حكيم اكي انا سبقت وقلت كاين عينات من الناس يفسدوا صورة المجتمع و يشوهوها في ظل كاين الحلالي كثر من الحرامي

عجبتني انت و شباب الحي ديالك ربي يكملكم و ربي يسدد خطاكم ويهدي الظال
و يكمل للمهتدي
نورت مرة اخرى

صح رمضانك :down::down: :up::p

باتنية و نص · 10 جوان 2015

رد: فِيْ النْهَـآرْ رآقْديْنُُ و فيْ الليْلُ نآيضيـنْ

سلـــآمــ عليكمــ

~

عندنا مثل بالشاوية يقول "اوذيتنكار اوفوناس الدا ديج اوماس"

شباب مدينتك ما هم الا نبذة ومثال عن شباب الجزائر عآمة

في كل مكان تلقى الصالح والطالح لكن بدرجآت متفاوتة ،،،لكن الحمد لله انا اندرج من منطقة محافظة ومعروفة منذ القدم

وبخصوص "النهار اللي اندار للخدمة" فاهنا اسمحيلي نقتبس هدرة قالها عبد القادر السيكتور في احد عروضه واقنعتني بزاف

قال:الأوروبيون او النصاري لما يموتوا يكتب على قبرهم "هنا يرقد أو يرتاح فلان"لانو خدم في حياتو فيستاهل الراحة

اما نحن فنقول "مات فلان "،،،لأنو عاش اذن يستاهل يموت

المهم ،،،،،،،،،

خرجت على الموضوع

~

ربي يهدينا ويثتبنا

ان شاء الله اذا حيانا ربي هذا رمضان يكون غير،،،ويكون احسن من اللي قبلو

وربي يجعلنا من ختمة القرآن وممن يقومون الليل

تحياتي

آمِيْرَتُه · 10 جوان 2015

رد: فِيْ النْهَـآرْ رآقْديْنُُ و فيْ الليْلُ نآيضيـنْ

السلام عليك
نسأل الله أن يبلغنا رمضان و يبارك لنا في شعبان
موضوع في وقته
نكره حياتي من هذي الظاهرة
أنا كون نفوت 9 نتاع الصباح نعيف روحي يفوت عليا نهار كامل 0 منقدرش
و في دارنا الحمد الله مكانش لي فيه هذي العادة
حاطين رمضان رقاد و جوع برك ناسين أن شهر الغفران يا ويله لي ميقومش فيه
مشكورة على الموضوع

ضآحكة مستبشرة · 10 جوان 2015

رد: فِيْ النْهَـآرْ رآقْديْنُُ و فيْ الليْلُ نآيضيـنْ

قال باتنية و نص:
سلـــآمــ عليكمــ

~

عندنا مثل بالشاوية يقول "اوذيتنكار اوفوناس الدا ديج اوماس"

شباب مدينتك ما هم الا نبذة ومثال عن شباب الجزائر عآمة

في كل مكان تلقى الصالح والطالح لكن بدرجآت متفاوتة ،،،لكن الحمد لله انا اندرج من منطقة محافظة ومعروفة منذ القدم

وبخصوص "النهار اللي اندار للخدمة" فاهنا اسمحيلي نقتبس هدرة قالها عبد القادر السيكتور في احد عروضه واقنعتني بزاف

قال:الأوروبيون او النصاري لما يموتوا يكتب على قبرهم "هنا يرقد أو يرتاح فلان"لانو خدم في حياتو فيستاهل الراحة

اما نحن فنقول "مات فلان "،،،لأنو عاش اذن يستاهل يموت

المهم ،،،،،،،،،

خرجت على الموضوع

~

ربي يهدينا ويثتبنا

ان شاء الله اذا حيانا ربي هذا رمضان يكون غير،،،ويكون احسن من اللي قبلو

وربي يجعلنا من ختمة القرآن وممن يقومون الليل

تحياتي

و عليكم السلام عزيزتي
كيما قلتي كاين الطالح و كاين الصالح
لاكن الاغلب صالح لانوا مهما كثروا المفسدين كانوا المفلحين اكثر بكثير من المفسدين
ان شاء الله رببي يهديهم و يثبتهم و احنا منهم ان شاء الله

ان شاء الله رمضان 2015 يكون شهر توبة و غفران لكل انسان حب يتوب و يترحم
و ان شاء الله ربي يهدينا و يصلحنا و ان شاء الله نكونوا من ختمة القران و القائمين الليل باذن الله

ضآحكة مستبشرة · 10 جوان 2015

رد: فِيْ النْهَـآرْ رآقْديْنُُ و فيْ الليْلُ نآيضيـنْ

قال آمِيْرَتُه:
السلام عليك
نسأل الله أن يبلغنا رمضان و يبارك لنا في شعبان
موضوع في وقته
نكره حياتي من هذي الظاهرة
أنا كون نفوت 9 نتاع الصباح نعيف روحي يفوت عليا نهار كامل 0 منقدرش
و في دارنا الحمد الله مكانش لي فيه هذي العادة
حاطين رمضان رقاد و جوع برك ناسين أن شهر الغفران يا ويله لي ميقومش فيه
مشكورة على الموضوع

و عليكم السلام حبيبتي امون
ان شاء الله اختي ربي يباركنا و يبغلنا اجمل الاشهر

الله يخليك نورتي الموضوع
مام انا كي نطور نطور 8 ... 8.30 منزيدش منحبش نرقد في رمضان
نحب نختم القرآن
نشاهد حصص دينية
نعمل اعمال تفيدي في اخرتي
ان شاء الله ربي يعطيك الصحة و الهنا في هدا رمضان
و يهنيكم
نورتي امون

LINA LOLO · 10 جوان 2015

رد: فِيْ النْهَـآرْ رآقْديْنُُ و فيْ الليْلُ نآيضيـنْ

صح كاين منها كاين ناس كي يجي رمضان تصلي وتوب وفي الليل يرجع كيما بكري يدخن ويسهر وكاين

الي يلعب الديمينو وحتى التراويح ما يكملهاش "ربي يهدي "

ورمضان كريم للجميع

ضآحكة مستبشرة · 10 جوان 2015

رد: فِيْ النْهَـآرْ رآقْديْنُُ و فيْ الليْلُ نآيضيـنْ

شكرا على المرور حبيبتي
نورتي و كيما قلتي كاين و كاين
النص الفاسد ندعوا ربي يهديه
شكرا عالمرور

LINA LOLO · 10 جوان 2015

رد: فِيْ النْهَـآرْ رآقْديْنُُ و فيْ الليْلُ نآيضيـنْ

العفو حنونة

*زهراء* · 11 جوان 2015

رد: فِيْ النْهَـآرْ رآقْديْنُُ و فيْ الليْلُ نآيضيـنْ

السلام عليكم

موضوع شيق

بالنسبة لي لا أسهر في رمضان لأن ماما ماتحبش :smile02:

Naz iha · 11 جوان 2015

رد: فِيْ النْهَـآرْ رآقْديْنُُ و فيْ الليْلُ نآيضيـنْ

السلام عليكم ، اللهم بلغنا رمضـآن لا فاقدينْ و لا مفقودينْ
موضوع رائع و من مجتمعنا ، الحمد الله أنا الي نعرفهم يتغيرو الى الاحسنْ
أنا الاغاني منسمعشْ في رمضــآنْ خلاصْ و هدآ العام الحمد الله مانيشْ نسمع الاغاني ، راني نحبسْ بالشوية باسكو معندهمْ حتى معنـآ ،
منكدبش و نقولك نرقد على 12.00 و لا 1.00 نون ، أحنا نسهرو مع عمامي نديرو دالاة كل خطرة عند واحد و نجيبو 3.00 منبعد نتسحرو ،
هما يرقدو مي انا نون نقرا القران و نستنا الفجر يادن نصلي منبعد الى النوم ، نوض مع 10.00
و نعاود نقرا القران حتى الصلاة الظهر ، و نكمل حتى صلاة العصر منبعد الى الفرن خخخخخخخخخخخخخع الكوزينة باش ندير لفطور ، هكدآ نفوت رمضــآنْ

¬Đỉaмơŋđ ✿ · 11 جوان 2015

رد: فِيْ النْهَـآرْ رآقْديْنُُ و فيْ الليْلُ نآيضيـنْ

وعليكم السلام ورحمة الله وبركآته

تآع الصح كآين بزآف هكذا للأسف رمضآن شهر للطآعة والعبآدة مش شهر للرقآد والسهرآت للصبآح النآس اللي تبدل الليل بالنهآر وينوضو قبل الآذان بعشر دقايق مش صيآم هذآ،كي مآتحسش بالحر والجوع ووو تآخذ الأجر على قد التعب ديآلك كيفآه يحسو بقيمة وحلآوة الصيآم ..!
كل رمضآن يفوتْ رآهو نآقص من أعمآرنآ فيآريت لو نغتنموا الفرصة قدر المستطآع

ياما نآس صامو معانا رمضآن اللي فآت وهذا العآم راهم في قبورهم فلنتعض
مشكوره على الموضع أختي جآ في وقتو

ضآحكة مستبشرة · 11 جوان 2015

رد: فِيْ النْهَـآرْ رآقْديْنُُ و فيْ الليْلُ نآيضيـنْ

قال *زهراء*:
السلام عليكم

موضوع شيق

بالنسبة لي لا أسهر في رمضان لأن ماما ماتحبش :smile02:

و عليكم السلام
شكرا ع المرور
عندا الحق لا بيه الرقاد ولاالسهر الزايد
اذا زاد الشيء عن حده انقلب الى ضده

karimasgr · 11 جوان 2015

رد: فِيْ النْهَـآرْ رآقْديْنُُ و فيْ الليْلُ نآيضيـنْ

مشكورة على الميضوع ههه السهرة فيها فيها مي لازم الواحد يتكاكا شوية هاذا رمضان شهر الرحمة والغفران لازم نغتنموا الفرصة باش نلموا كاش حسنات:yahoo01: كيما انا في رمضان نرقد على 8 تاع الصباح ونوض نوجد الفطور نعاون ماما ومن بعد غسيل الماعن والتسياق وو... كي نسحرو نجبد المصحف نقرى القران ومن بعد نكمل نكونيكتي ..

AmiR@RoRo · 11 جوان 2015

رد: فِيْ النْهَـآرْ رآقْديْنُُ و فيْ الليْلُ نآيضيـنْ

السلام عليكم
يعطيك الصحة اسوم عالموضوع
صراحة احنا من النوع لي يسهر حتى للفجر
بصح مش برك شياخات وتمسخير يعني صلاة وقراءة قران
(والصراحة ماتجيينيش كامل يعني رمضان ونرقد بكري ماتجينيش خلاص هادي ههه)
وصباح ماما تنوض بكري بصح انا حتى لـ 11 :/ (علابالي شكارة رقاد كما تقول )
والشبيبة تاعنا الله يهديهم من ولاد لافامي وولاد الحومة وروح كامل يسهرو لتحت الدار بشياخات وشيشة وجماعيها
الله يهدينا كامل
ربي يبلغنا ويعفو علينا

فِيْ النْهَـآرْ رآقْديْنُُ و فيْ الليْلُ نآيضيـنْ

:: عضو بارز ::

:: أمينة اللمة الجزائرية ::

:: عضو بارز ::

:: عضو بارز ::

:: عضو بارز ::

:: مراقب عام ::

:: عضو بارز ::

:: عضو مُتميز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُتميز ::

:: عضو بارز ::

:: عضو بارز ::

:: عضو مُشارك ::

:: عضو بارز ::

المواضيع المشابهة