سلاطة مهراس مسيلية حرة

[Madjid Farid]

السلام عليكم ورحمة الله تعالى وبركاته أعضاءنا الكرام كيف الحال ان شاء الله بخير :thumbup:

اليوم جايبلكم موضوع تهزو عليه كروشكم

السلاطة مهراس المسيلية والبرايجية

لوازم التحضير :

-7 جواوات فلفل
-بيدون ماء
-كسرة بلا زيت
-مهراس
-طماطم حَبْ
-ثوم وكسبر أهم شيئ :cursing:

التحضير :

أحرق الفلفل والطماطم فوق الطاجين وحطهم في المهراس هرس هرس ههرس

دير الكسرة فوقهم ودير شوي ماء وملح وثوم وكسبر وهرس

هرس هرس هرس هرس هرس

خلصت وا ؟؟؟؟؟؟؟؟؟؟؟؟؟
زيد هرس هرس هرس هرس حتان توجعك إيدك

مزال !!!!!

هرس هرس هرس هرس

المهم راها وجدت كول بالهناء والشفء كيما قالها عمي المهبول بالشفاء عليك


نشالله نكون قد أفدتكم بالسلاطة هههههههههههههه آيا السلام عليكم وصحا عيدكم

 

[حنين الروح+]

السلام اخي
السلاطة تاعكم زي تاعنا نسموها سلاطة مشوية وتتفرم
وراهي تجي حارة وبنينة شكرا لك.

 

[الأسمر]

ايه انا عند بالي بلي هذي ميسموهاش سلاطة
هذا يقلولو عندنا في لمسيلة كين الي يقلو ازفيطي
وكين الي يقلو البطوط كيما احنا في بلعايبة نقلولو لبطوط
وناس بوسعادة وهذيك جويه يقلولو ازفيطي
​

 

[layla]

شكرا
بارك الله فيك
على المجهود​

 

[Sami Captive]

 

[MIMI23]

السلام عليكم

مرسي ياسر اختي على السلاطة
حنا في عنابة نقولولها حميص

 

[meima39]

شكرا على الوصفة

احنا عندنا نقولولو الزفيطي
ساهل مش صعيب انا نعرف نديرو
كاش نهار نديرو و راكم معروضين قاع يا اهل اللمة

 

[بيكهام]

ازفيطى لعزار مختصوون فيه ناااس بوسعادة​

 

[01walid]

شكرا لك صاحب الموضوع
وبارك الله فيك على مجهود التهراسسسس

مرسي ياسر اختي على السلاطة
حنا في عنابة نقولولها حميص

أسمع أنا من عنابة أيضا
راك خرجت على الموضوع
مشي الحميص ......ههههه.... "الحميص نهرسو فه الكسرة هههه ...؟؟؟!!!!

 

[momoude]

يعطيك الصحة على المهراس سلاطة المسيلية انا تاني من المسيلة

 

[بلبلة الجزائر]

إذن هذا هو الزفيطي !!!

من بعد نجربوا ,,,,,

شكرا لك أخي الفاضل

​

 

[بلادي الجزائر]

شكرا على زفيطي صح انا مسيلية وهذا هو الزفيطي ولا لمهراس كيف كيف اووووووووووو حار وبنين يهبل

 

[Madjid Farid]

شكرا للجميع على المروووووور