هي حلم أم هي كابوس

[ahras algerie]

البارح في الليل وأنا راقد شوفت منام في منامي​

​

كنت راقدحتى سمعت صوت انفجرات في كل مكان نهظت من فراشي نشوف واش راه صاري​

​

حتى لمحت طائرات أول مرة تشوفهم عيني طائرات تقنبل كل مكان الدار لي فيها الضوء هدف ليهم أول شيء قمت بيه​

​

غلقت كل النوافذ وفي وسط هذاك الصراخ لي جاي من عند جيرنا وحتى وسط دارنا صرخت وناديت خويا وقلتلو بأعلى صوت​

​

خذ الهاتف وأتصل بالشرطةلالا حبس أتصل بالجيش وين راه الجيش هل عندو علم بواش راه صاري في منامي​

​

سمعنا صراخ طفل لي هو ابن الجيران يصرخ بأعلى صوت لدرجة أنو غطى حتى صوت الطائرات أنا من خوفي غلقت وذني لكن أمي فتحت الباب واذا بصاروخ متجه ليها مباشرة أنا من شدت هذ الموقف ما قدرتش نكمل هذا الكابوس الى نهايتو كانت راه تكون بتأكيد مأساوية نهظت وأستغفرت واحكيتها لخويا الصغير لي زعف لأني مأعطيتلوش دور في الحلم​

​

لكن هو سألني سؤال نقدر نقول بريء لوكان هذ الحلم ولا الكابوس حلم بيه فلسطيني بمن يتصل ماعندهمش جيش ولا شرطة تحميهم ولا دولة ؟؟ قلت أكيد كل فلسطيني يعيش هذ الكابوس يتصل ولا ينادي على حماس​

​

أنا حبيت نسألكم أنتم هل حماس حلم أم كابوس
بالنسبة ليا انا حلم لأن كل مشروع ولا هدف بدايتو حلم وحلم حماس معروف تحرير القدس وفلسطين​

​

هي حلم كل مسلم وفلسطيني حماس لتذكير حكامنا المتخاذلين أختارها الشعب في أنتخبات نزيهة​

​

حماس يا رؤساء الغرب يا من تتغنونا بالديمقراطية أختارها الشعب هل هي حلم أم هي كابوس​

​

حماس اليوم أصبحت شماعة يعلق عليها حكامنا فشلهم​

​