اولاد الجامعة

[b_sarahwww]

سلام عليكم حبيت اليوم نقلكم حاجة مي عطوني رايكم فيها عندي حبيبتي تحب واحد كان يقرا معاها في مام الليسي كان يعقي في الباك وكانت هي2 حبو بعضاهم وهدت معاه ومبعد كي ربح الباك ماعدتش شافاتو والدغك مازالت تحبو ماحبتش تتصل بيه خافت لا يكون الرد لي ماتحبوش مي هو عيطلها وقالها راني نحبك مي راكي عارفا الجامعة وراني مشغول :001_unsure: قولولي راش راح الدير وهي ماقدرتش تنساه

 

[ZIZO/SAHARA]

واش نقدر انقولك الى راه ابعيد عليها من الافظل ان تنساه والبعيد على العين بعيد على القلب يعني مدام راهي بعيدة عليه راهي بعيدة على قلبو وكي قالها معنديش وقت مي انحبك ممكن ما حبش يجرحها برك اختي انتي راكي اصغيرة وهذا حب المراهقة ديما يكون هكذا حب جديد او البقاء بعيد افظل لها ان تنسى هذا الحب .هذا رايي وعندي تجربة في ذالك .ان شاء الله يكون مفيد لها.

 

[بيكهام]

كيما قالو : كفح يسيل
انا تاني نقلك راه بعيد شوفي اخر ولا خليك منهم قع
ربي معاك​

 

[طيور الجنة21]

ربي يهدينا واش من حب راكم تحكيو عليه
الحب في الله
​

 

[اعتدال]

انا نقلك يا ختي مانمنش بالعلاقات هذو طول تخضي من رايي خليك منو قادر يكون مش من مكتوبك

يعني مكلاه تكملي في هذا شي ومبعد تتشوكاي

 

[سماح4]

نقلك الصح ميلي قاللها راني مشغول غير تنساه مراهش يحبها ماشي الجامعة الي تخليه ما يسقسيش ....والايام راهي تبينلك صحة كلامي....

 

[تسبيحة]

قولي لصاحبتك اخطيك من الصحوبية لانها حراااااااااااااااااااااااااااااااااام

و في رايي اللي يحب وحدة و يخاف عليها صح يروح لدار باباها و يخطبها مش يقوللها اني نحبك

 

[Adel Adel1]

كونك متأكدة مئة بالمئة مايحبهاش
مانضنش
كي تعيطلو تقولو نحبك
يقول نخليها رودسوكور يخليلها خيط راشي تاع راني نحبك بصح الله غالب الضروف و هو يتلها بلي في يدو بنات أخرين
و يخليها تجري موراه و تعجبو بزاف هادي
قوليلها يابنت ناس راكي غير تكلحي في روحك و نسايه خيرلك
بعد ماتبعدي عليه و يشوفك مع غيرك ولا راو هو يغير و ممكن هو لي يضن نفسو يحبك
ماتخليهاش تتكلح
​

 

[ملكة زماني]

هدي باينة بلي شاف وحدة اخرى
ونتاع الجامعة عندهم الوقت

 

[N@riM@N]

لقهاااااا تبكي قالها اسكتي انا راجلك​

 

[sleepingbeauty]

هنيونا من المواضيع هادو شوية على الاقل حتى يخلصوا العشر الاواخر
​

 

[شاكيرا]

اختي العزيزة الدنيا هدي قسمة ونصيب ومن الاحسن هدي المشاعر والاحاسيس خليها داخل وحافظي عليها لانها امانة برقبتك هدا الحب وهدي الاحاسيس هي من حق انسان واحد برك في هدي الدنيا هو زوجك لي هو حلالك

 

[نجاة40]

لوكان كان يحبها مايصبر عليها دقيقة بصح حسب الشوفة راهو يتمسخر بيها قوليلها تخطيها من المواضيع هاذو وترد بالها ختراه تغلط تخلص
ليام هاذو لاحب لا هم يحزنون كل واحد يحوس على مصلحتو وخلاص​

 

[malika2008]

انا منامنش بالحب لانه خدعة كبيرة جدا

 

[Dr.CrAzY]

اخخخخخخ وشبيكم وين رايحين بهاد العقلية
حبيبها وحب وليسي وجامعة التخمام كامل راح فيــــ حوايج بات
قوليلها ديري قلب وأطلعي لجامعة وأقراي وأوصلي
وماتشوفي لحتى واحد
كلش في وقتو
خير من يجي نهار تلقى روحها ماربحت والو
لاحب كيف تقولو ولا قراية
ولادنيا ولادين
​

 

[rokho]

وعلاه واش راه يقرى في الجامعة حتان ماعندوش الوقت
اللي باعك بالفول بيعو بقشورو

​

 

[لحظة أمل]

مشغول في الجامعا؟؟؟ هادي ماتتصدقش اختي
ومام صح كون جا يحبك ماعندوش حتى 5د يعيطلها فيهم
والا يكتبلا ميساج يهنيها ويسقسي عليها؟؟؟
​

 

[BarBi3]

تخطيه و خلاص ماكاش غير هو راجل في الدنيا
​