رايح نشري الزطلة

[Lonely Girl]

الزطلة ومادارت فيك يا لحنونة ولات حاجة عادية تدخل ويشربوها قدامك وخصك تحل فمك سينو تحصلي في حاجات مراكيش قدهم ليسونسيال يخطو بلانا هدا واش نحوسو يتبحرو يشربو واش يحبو والهردة كملوها لبنات لي في السيام يزطلو نرمال والله هادي صرات تاع الصح ومعلابالها بحتى واحد ليسونسيال تعمر راسها وادا تحبي كملي معاهم القعدة وعمري دماغك لتم والله عجب وين راهم الوالدين تعرفي ديما نرجعو السبة في الوالدين بصح راكي غالطة الوالدين يديرو فينا تقة باش مانحسوش كي شغل راهم شادينا مي الولاد هوما لي ماعرفوش يستغلو هادي التقة وكاين الوالدين ماعندهمش الوقت باش يراقبو ولادهم طلقينلهم الحبال والحكومة واش تقدر دير معاهم كون تشوفي يكونو يبيعو فيها غير يسمعو لابوليس جايين يبعتو واحد لواحد يوصل الخبر كامل يتفركتو مايبقى حتى واحد كفاش رايحين يلقاوهم وديما تصرا هكدا في الدزاير راهي دايرة حالة ربي يهديهم انشاء الله

يعطيك الصحة حبيبتي مواضيعك ديما فوووووووووووووور
وتاع الصح يلزم الوقوف عندو ​

يماما عليك وش خليتيلهم يجاوبو راكي درتي مقالة نتاع الصح ايمان حنونة راكي هبلتيني وخربطتيني بهدرتك ولسانك الحلو مخليتيلي وش نقول انتي صح يتكلو عليك
هكدا ردود ولا بطل
ثانكيوووووووووووووووووووو سوماتش حبيبتي ربي يخليك ليا يارب​

 

[ندى البيضية]

ايه صح ولاو قع ميحشموش قدام ربي وعبده يزطلو نورمال ربي يهدي ماخلق وصايي هادا ما نقولو
شكرا حنونة على الموضوع

 

[el baze]

يقولو الراس لي بلا كيف مايلزملو غير السيف

راني غير نتمسخر، راهي من اكبر المصائب على الشباب واشاء الله يهديهم ربي على خاطر كاين بزاف منهم الضروف هي لي وصلتهم لزطلة وميخفاكش واش قاعد يصرا في بلادنا من hegra​

 

[Adel Adel1]

جربتوها ؟؟؟؟
تعطي دوق فالفم كأنو حنة
فيها أنواع المشهورة فيهم عندنا يسميوها بولينا تتباع طرف ب 25ألف هي مليحة و تخدم فالمخ بسرعة
و الأفضل معروفة و هي العربية يجيبوها من عنابة
الزطلة تتحط فاليد ممكن تتحرق مرات و مرات تتgوما فالفم باه تتفتف
يحلو القارو لاكان عاد تدريحة عنابية كيما يسميوها يخليوه و يديرو فيه التفتاف تاع زطلة هاديك و يدورو عليها الماصة و مبعد يقفلوها بشوية ريق
يحط القارو في فمو و يشعلو و يجبد نفسة طويلة
و يخرج الدخان من خشمو غير بشوية ببطئ خلاص باه تمشي الزطلة فيه و مبعد يزيد يجبد ممكن حتى يدير ربعة جبدات و لاكان عاد صاحبو معاه يدورهالو و معنتها يعطيلو يتكيفها شوي و مبعد يخليوها تبرد و يعاودو يشعلو القارو
فالأول تحس كشغل تقالت لبلاصة لي بين حواجبك وولات تدغدغ
و مبعد يتقال الراص و يولي يسمع صوت غريب " ززززززززززز" يسميوها الوزوايزة و يبدا يضحك و يحس فرحة و يدير حركات تاع واحد ماوش صاحي و كاينين لي مايضحكوش و مايفرحوش كي يتكيفوها
بالعكس يتوسوسو ... تحكمهم حالة تاع شك في أي حاجة و يوليو يتولهو ويقلقو و في هاد احالات يجبدو عليهم على خاطر في أي لحضة ممكن يضرب واحد ولا يقتلو
نكمل ؟؟؟.. لالا غلبت من لكتيبة


خلاصة الأمر هي حاجة فارغة و مافيهاش تمرض و ترشي العضم و تضعف العبد و يزيد يروحلو التذكير و يولي ينسى بزاف و مايقدرش يحبسا مكون يكتر منها تبقى فيه هاتى تقتلو على خاطر هي تضر الصدر بزاف
مشكورة على موضوعك أختي
أتولهو منها

 

[pixau_dz]

ربي خلق وفرق

 

[LOveLy cOmpLex]

ربي يهدي اختي
الزطلة هيا لخربت ليجان و خلتهم ديما في القاع و بعد يقولوا بلادي ما فيها والو و ملينا و لازم نحرقوا
الزطلة هيا الي خلتهم يتسحتوا من الثانويات
+ و انا نحير العقلية تاعهم كيفاش و كيفاه يفكرواا يدمروا في رواحهم بايديهم و خسارة فيهم حتى اسم مسلمين
تقبلي مروري
​

 

[نبضة قلب]

الله يسترنا و يستر جميع المؤمنين

على الموضوع​

 

[angel_fly]

ايه ولينا نشوفو العجب و ساكتين
ماشي غير الزطلة الآفات كامل عندنا و خلي و خلي

 

[مايلي]

عندك الحق ختي والزطلة لحقت حتى في المؤسسات الأستاذ يشرح في الدرس والجماعة من الوراء ولا في المراحيض يزطلو مايخافوش ربي هاذو؟الله يهديهم...​

 

[Lonely Girl]

ايه صح ولاو قع ميحشموش قدام ربي وعبده يزطلو نورمال ربي يهدي ماخلق وصايي هادا ما نقولو
شكرا حنونة على الموضوع[/
quote]
سبحانو مشكورة حنونة :001_rolleyes:

يقولو الراس لي بلا كيف مايلزملو غير السيف

راني غير نتمسخر، راهي من اكبر المصائب على الشباب واشاء الله يهديهم ربي على خاطر كاين بزاف منهم الضروف هي لي وصلتهم لزطلة وميخفاكش واش قاعد يصرا في بلادنا من hegra​

معليه هههههه والله الحقرة هاذي صح تخلي الواحد يدير حوايج دونجي عليه بصح نورمالمون يشدو في خيط ربي راح يفتحها في وجوهم نشالله
​

جربتوها ؟؟؟؟
تعطي دوق فالفم كأنو حنة
فيها أنواع المشهورة فيهم عندنا يسميوها بولينا تتباع طرف ب 25ألف هي مليحة و تخدم فالمخ بسرعة
و الأفضل معروفة و هي العربية يجيبوها من عنابة
الزطلة تتحط فاليد ممكن تتحرق مرات و مرات تتgوما فالفم باه تتفتف
يحلو القارو لاكان عاد تدريحة عنابية كيما يسميوها يخليوه و يديرو فيه التفتاف تاع زطلة هاديك و يدورو عليها الماصة و مبعد يقفلوها بشوية ريق
يحط القارو في فمو و يشعلو و يجبد نفسة طويلة
و يخرج الدخان من خشمو غير بشوية ببطئ خلاص باه تمشي الزطلة فيه و مبعد يزيد يجبد ممكن حتى يدير ربعة جبدات و لاكان عاد صاحبو معاه يدورهالو و معنتها يعطيلو يتكيفها شوي و مبعد يخليوها تبرد و يعاودو يشعلو القارو
فالأول تحس كشغل تقالت لبلاصة لي بين حواجبك وولات تدغدغ
و مبعد يتقال الراص و يولي يسمع صوت غريب " ززززززززززز" يسميوها الوزوايزة و يبدا يضحك و يحس فرحة و يدير حركات تاع واحد ماوش صاحي و كاينين لي مايضحكوش و مايفرحوش كي يتكيفوها
بالعكس يتوسوسو ... تحكمهم حالة تاع شك في أي حاجة و يوليو يتولهو ويقلقو و في هاد احالات يجبدو عليهم على خاطر في أي لحضة ممكن يضرب واحد ولا يقتلو
نكمل ؟؟؟.. لالا غلبت من لكتيبة


خلاصة الأمر هي حاجة فارغة و مافيهاش تمرض و ترشي العضم و تضعف العبد و يزيد يروحلو التذكير و يولي ينسى بزاف و مايقدرش يحبسا مكون يكتر منها تبقى فيه هاتى تقتلو على خاطر هي تضر الصدر بزاف
مشكورة على موضوعك أختي
أتولهو منها

[quote الله يسترنا منها حنا ننهيو تقول جربتوها ههههه وياسيدي راك تعرف كلشي عليها ميرسي على المعلومات خيو ربي يخليك =حمزة مغيش;1160052]ربي خلق وفرق

ربي يهدي اختي
الزطلة هيا لخربت ليجان و خلتهم ديما في القاع و بعد يقولوا بلادي ما فيها والو و ملينا و لازم نحرقوا
الزطلة هيا الي خلتهم يتسحتوا من الثانويات
+ و انا نحير العقلية تاعهم كيفاش و كيفاه يفكرواا يدمروا في رواحهم بايديهم و خسارة فيهم حتى اسم مسلمين
تقبلي مروري
​

والله صح يخربو في حياتهم بيديهم ويهلكو في صحتهم وهي اللي راها زادت فسدت اليجان تاعنا مشكوره سمايلي قيرل

الله يسترنا و يستر جميع المؤمنين

على الموضوع​

امين ياربي

ايه ولينا نشوفو العجب و ساكتين
ماشي غير الزطلة الآفات كامل عندنا و خلي و خلي

السكات هو اللي زاد هردها بيان ميرسي على مرورك
​

 

[سكوب2]

اختي المشكل ماههوش في الولد المشكل في والديه الي ماعرفوش يربوه وما حوسوش اعليه
وانزيد انقلك اي شخص مدمن على الزطلة اتعلمها في الصغر وهذي gارانتي وما كانش الي اتعلمها
فوق سن 18
وتقبلي مروري وشكراا على الطرح المميز
​

 

[Lonely Girl]

اختي المشكل ماههوش في الولد المشكل في والديه الي ماعرفوش يربوه وما حوسوش اعليه
وانزيد انقلك اي شخص مدمن على الزطلة اتعلمها في الصغر وهذي gارانتي وما كانش الي اتعلمها
فوق سن 18
وتقبلي مروري وشكراا على الطرح المميز
​

الوالدين بيانسير هوما اللي يخليو بنهم يا صحيح ياعوج
مرورك مقبووووووووووول اكيد وراك نورت صفحتي :thumbup:
​

 

[youba115]

الله يدير الخير
راه يخلص غير المدمن
التاجر راه لباس علية ومكان لي يدور عليه

 

[** غزال الصحراء **]

ليبارول تاع لطفي دوبل كانون
كلش ماشي دروق شيرا زطلة كلش ماشي ​

ليبارول تاع سفيان ديجي ​

الزطلة في كارطينا فالسما ولات تطاير
لكانك صراف بيع عراف مع الشاف
ولكانك كياف اكمي ومن لاراف تخاف
ولاماكش صراف ماكش كياف سير توسوسهم
يكلاسي وك زفاف​

الرقابة والحكومة ماكانش
شوفي واسكتي​

اللولة تاع لطفي

( كلش ماشي دروق شيرا زطلة كاشي كلش ماشي )

و الثانية ماشي تاع سفيان ديجي تاع ( Smail hoodkiller ) الغنية إسمها

الطرف ب 100 دينار مغنيها مع Karim el gang .
​

 

[إيـــ م ـــآن]

الله يستر هادا مانقولو :crying:​

 

[سماح4]

الله يهدينا ويهدي بينا تبدل الزمان ولات سلطة الاباء ما تنفعش ، ولا المدرسة ..
هذا كل تاثر بالتلفاز وبحضارة الغرب التي تدعي التطور...​

 

[driso]

هذاك ما خصك غير السواك يا مولة لحناك

 

[nina bonoise]

ربي يهدينا

 

[nina bonoise]

العبد عاد يخاف يمشي في الطريق كشما يخرج له واحد زاطل

 

[Dr.CrAzY]

زيدي عمري راسك مالا في رمضان كاين لي يفطر على القهوة وقارو زطلة
رحت أديك النهار للستاد كي لعبت عنابة مع بجاية والله دوخوني ايماجيني واحد قاعد قدامك ولخر على الجنب
من لي بدا لمتش وهوما غير يبرمو في لقوارا ليوم هداك فريمون شخت
​