رسالة اعتذار باسم الجميع...

[Moha le sage]

غاضني الحال على ختي حليمة كي واحد بعثلها برية فيها كلمات مخلة بالحياء....

البالو قلب خرين حيوانات ماشي عباد .....

جماعة تسيبورتي ... وتروح تسكر ...

جماعة تخرج من الصطاد .. اللي تلقاه تكسرو ...

خرين تهدرلهم على ليكيب لخرى يسبوها ويسبو ناسها ..

هاذو ما همش بشر ولكن ياجوج و ماجوج ...

واللي فحل ما يفحالش في طفلة ....

نعرف البالو مديور باه تتعارف بيه شعوب ماشي باه تتهاوش..

ذرك تقول ال كابا تلقا لجماعة من سطيف يسبو فيها و في ناسها

تقول لبابيا كيمثليه ... وعلاه هاذ الشىء ....

انا عندي خيرة صحابي من البرج و العلمة اوا نسيبورتي الكحلة وهوما البابية و الكابا

لاه التفرقة هاذي لي لحقتنا باسم البالو ... يروحو ياكلو في الحب و يجلبو على الناس

التفريقة هاذي لحقت حتى للمنتديات .. ولاو الناس يديرو لي كلان تاع البالو ؟؟؟

موحا ess + سليم الكحلة ؟؟ ... vive cabba + علي الكابا حبي ؟؟؟
.... وروح اتاع العلمة و زيد منهيه للقبايل ...

يا جماعة كونكم عقال .. اجبدو روحكم للكبيرة ... البالو رياضة تاع منافسة اخوية وتعارف ..

و المنتديات مساحة للتواصل وابداء الراي ... ديرو صحابكم ماشي علاجال الفانيو ولكن علا جال

تقارب الافكار.. ومتخلوش التفريقة تسود ومتخلوش جماعة منحطة تصوقكم للتصرفات اللا اخلاقية

خليو المنتدى هاذا صرح جميل ... خالي من الكلام البذيء ... ربي دارلكم عقل تخمو بيه...

قال تعالى ** ولا تنابزو بالالقاب بئس الاسم الفسوق بعد الايمان **

باسمي وبسم اخواني اتقدم باعتذار لختنا حليمة .. وانا خليت صفحة بيضاء باه نولي من بعد ونكتب

في هاذ الموضوع اللي نعانيو منو جميعا

اللهم لا تحاسبنا بما فعل السفهاء منا

نقولو لناس سكيكدة والعلمة و البرج ولقبايل و الشاوية ولقسنطينية والقالمية و اي واحد ساكن

الجزائر راكم خاوا ... وحدود الولاية حدود ادارية ومحبة شخص في الله ما عندهاش حدود

خوكم محمد

 

[Jagwar]

شكرا خويا تركان كيف فتحتى الموضوع و أنا نشاركك الرأي ونعتذر للأخت حليمة نيابة عن الشخص المسيء _ وأنا ما رانيش دخلت باش نشعل النار و لكن نعتبر و الجميع يشاطرونى الرأي أن هذا الشخص ماشى من وجهو المنتدى وراح يبقى مغضوب عليه حتى يعتدر هو شخصيا لأختنا حليمة.

مرة أخرى نتأسف لأختنا و نقولولها ما ديريش فى بالك وما تعمريش راسك بتفاهات واحد عقلو صغير.








​

 

[الورد الأحمر]

ناس تافهة
مشكور
...​

 

[4LI_4LGERI4]

نحن لا نعلم بهذا المشكل ..

فإن كان إنسان حقير بهذا الشكل وتجرأ على احد أعضائنا فوجب تبليع الإدارة بذلك لحذفه نهائيا من المنتدى ..

فنحن هنا تربطنا الأخوة والمحبة في الله ولا تفرق بيننا ألوان بشرة او ولايات او فرق كرة قدم لا تسمن ولا تغني . ..​

 

[drissemed]

الله يهديهم و يهدينا

يا خاوتي اي مشكل بلغو الادارة هي تتصرف معاه
احنا مادبينا مايريحوش هذو فاسدين هنا بيننا
و كيما قالوها من قبلي حنا هنا تربطنا الاخوة و المحبة في الله
​

 

[Moha le sage]

نحن لا نعلم بهذا المشكل .. ​

فإن كان إنسان حقير بهذا الشكل وتجرأ على احد أعضائنا فوجب تبليع الإدارة بذلك لحذفه نهائيا من المنتدى ..​

فنحن هنا تربطنا الأخوة والمحبة في الله ولا تفرق بيننا ألوان بشرة او ولايات او فرق كرة قدم لا تسمن ولا تغني . ..​

والله هي صاحبة القرار .. وانا الا قائل كلمة حق ... وعلى العموم عندها موضوع بهاذ الشان في المنتدى العام

 

[بنت قسنطينة]

السلام عليكم
اشكركم جميعكم على الردود و المشاركات
و شكر خاص خاص جدا للاخ محمد تاركان
اولا: تفاجأت حقا من الرسالة و الله صدمتني ... لم اعرف ماذا افعل في تلك اللحظة ... و ربما الموضوع اللي كتبته عن الرساله كان اكبر دليل ... لانني كنت جد جد غاضبة .
ثانيا: حولت الرسالة للادارة ... بعد طلب منها و في الحال تم سحب العضوية من ذلك الشخص ... و اشكر الادارة لانها اهتمت بالموضوع و عالجته في حينه .
ثالثا: اعرف جيدا ان هناك ناس محترمين و طيبين في المنتدى ... لذلك لم افكر يوما في التخلي عنه ... بل كل يوم احبه و اعضاءه اكثر ....
رابعا: اشكركم ... و كلمة الشكر قليلة .... لكن تأكدوا ان هذا الموضوع اسعدني كثيرا ... و اكد لي انه في ناس تحبني و تحب لي غير الخير ... موضوعك اخي محمد صدمة اخرى بالنسبة لي .... لكن هذه المرة صدمة مليحة ... صدمة تاع فرحة .....
احبكم جميعكم​

 

[Moha le sage]

السلام عليكم

اشكركم جميعكم على الردود و المشاركات
و شكر خاص خاص جدا للاخ محمد تاركان
اولا: تفاجأت حقا من الرسالة و الله صدمتني ... لم اعرف ماذا افعل في تلك اللحظة ... و ربما الموضوع اللي كتبته عن الرساله كان اكبر دليل ... لانني كنت جد جد غاضبة .
ثانيا: حولت الرسالة للادارة ... بعد طلب منها و في الحال تم سحب العضوية من ذلك الشخص ... و اشكر الادارة لانها اهتمت بالموضوع و عالجته في حينه .
ثالثا: اعرف جيدا ان هناك ناس محترمين و طيبين في المنتدى ... لذلك لم افكر يوما في التخلي عنه ... بل كل يوم احبه و اعضاءه اكثر ....
رابعا: اشكركم ... و كلمة الشكر قليلة .... لكن تأكدوا ان هذا الموضوع اسعدني كثيرا ... و اكد لي انه في ناس تحبني و تحب لي غير الخير ... موضوعك اخي محمد صدمة اخرى بالنسبة لي .... لكن هذه المرة صدمة مليحة ... صدمة تاع فرحة .....

احبكم جميعكم​

واحنا ان شاءلله لاجل جزائر بدون تفرقة و منتديات جميلة و اناسها محترمون

 

[Moha le sage]

 

[Speedular]

يعطيك الصحة خو تاركان