لالا ننجموا نجاوبوا وعلاه لالا ... أنا نحب الصراحة و ما نخافش من قولة الحق :biggrin:
هل النقال مهم وضروري للفتاة ؟؟؟؟
و الله من ناحية ضروري ايه في وقتنا ولا ضروري لكل شخص سواء فتاة أو شاب ، نقولوا الحق البورتابل سهل علينا بزاف أمور و تقدر تتواصل مع الناس و تهدر معاهم في أي وقت و في أي مكان ، نعطيك مثال : البنت كي تخرج مالدار و الوقت دوك ولا صعيب بزاف يحبوا والديها ولا خواتها يتطمنوا عليها كاين طريقة ... يعني هدا مثال بسيط
أم انه التقليد لبعضهم البعض والجري وراء المظاهر ؟؟؟؟
هدا الشي صح ما نقوللكش لالا ، كاين بنات يجروا وراء المظاهر و يهمهم التقليد فقط ، يعني صحبتها شرات بورتابل هي تاني لازم تشري و لازم يكون آخر صيحة و تصرا هاد الحاجة تاني عند الولاد ( يتعاندو كيما نقولوا ) بصح أنا نعتبرو وسيلة تواصل أكثر من أنه وسيلة للتفاخر ( رأيي الشخصي طبعا ) و صدقني أنا والله غير كي نكون فالدار ما نحوسش gع عليه يعني نسحقو برا كي نروح للجامعة تعيطلي ماما ولا نهدر مع صحاباتي ، surtout كي نكون فالعطلة ننساه كامل 15 يوم و هو m déchargé :yahoo:
إذا كان للهاتف النقال فوائد ..... فهل فوائده أكثر من سلبياته ...
يا خويا التيليفون ولا التلفاز ولا أي وسيلة تاع العصر في بالي ما هي الا جسم ساكن ، يعني باستطاعة الانسان التحكم به كيفما شاء باعتباره يمتلك عقل ، و بامكانه استعماله في الفائدة فيكون نعمة علينا أو يستعمله في ما يضر فيكون نقمة ، بكل بساطة ايجابياتو احنا اللي نخرجوهم و سلبياتو احنا اللي نخرجوهم ، و اللي تكون عندها أخلاق عالية و تخاف من ربي و متربية على أساس سليم من المؤكد رايحة تتمتع بإيجابياتو ...
وهل يحتاج الى مراقبة الأهل لهواتف بناتهم؟؟؟
أم تركهم على راحتهم ؟؟؟
نقوللك حاجة بالاك بزاف ناس ما يعرفوهاش ، الانسان كي يحب يدير حاجة و خصوصا البنت لوكان تديرها في قرعة و تغلق عليها رايحة تدير كل ما تريده و بالاك كتر من كي تكون حرة ، يعني أسلوب الترهيب ما يمشيش معاهم ، البنت ادا كانت متربية على أخلاق و خوف ربي ماشي خوف باباها ولا يماها ولا اهلها كي تروح وين تروح ما تخافش عليها خاطر ربي موجود في كل مكان بصح العبد يغفل يغفل ... و هادي هي غلطة بزاف ناس ما يعرفوش يربوا بناتهم و مبعد كي يكبروا يحسوهم تمردوا عليهم و يبداو زعمة يعسوهم و ينحولهم التليفون و ...
نقوللك الحق أنا عندي نعم الأب ( الام تاني مع العلم أنها صديقتي الحميمة )و ما نظنش كاين فالدنيا أب كيما papa نعتبرو صديقي ماشي أبي برك ، مربيني على الصراحة و الحوار ، نقدر نسقسيه على أي حاجة تخطر في بالي بلا خوف و خطرات مواضيع شوية حرجة بصح يجاوبني خاطر يقوللي ادا ماشي أنا صاحبت بنتي و مديتلها الحنانة رايحة تشوف برا و حتى اخوتي الذكور نفس الشيء يعني أصدقائي ، و دايرين فيا التقة و أنا الحمد لله جامي خنتها و جامي نخونها ان شاء الله ( كيما يقول المتل أنا نقوللك سيدي وانت اعرف قدرك )
هل سن وعمرالفتاة يؤثر على أمتلاكها للهاتف النقال ؟؟؟
ما نقدروش نديرو حد معين للسن خاطر هادا يكون على حساب عقل الفتاة ، كاين بنات كبار فالسن بصح عقلهم تاعع زاوش ، و نقوللك دايما التربية هي الصح
هل يسيء الهاتف النقال لسمعة البنت وخصوصا ً إذا شوهدت في أكثر الاحيان تتحدث فيه ....
صح كي نشوفوا بنت تهدر بزاف فالتليفون نقولوا واش راهي تدير ؟ عندها شركة ؟ :yahoo: بصح أنا نهدر بزاف فالتليفون بالخصوص كي نكون بعيدة على الدار نهدر بزاف مع papa ( عندو abonnement و دايرني favorit :wink
ما نقدرش نصبر عليهم و كيما قلت هوما صحابي يعني نحكيلهم تقرير يومي ( fille à parent هههههههههههههه) و ما يهمنيش يهدروا عليا ولا لالا خاطر أنا راني sure من روحي و الحمد لله الناس كامل تشهد على أخلاقي ...
اسمحلي طولت عليك و احكيتلك حياتي بصح كان لازم نهدر و نشرح وعلاش الشي هادا راهو صاري في وقتنا ...
بارك الله فيك على الموضوع القيم و أنا نحب هاد النوع من المواضيع النقاشية ... وادا كاش تساؤل رانا هنا
جزاك الله ألف خير
