7 جوان قرب ,, كيراه شعوركم اتجاه المباراة ؟

خالد الزياني

:: عضو مُشارك ::
السلام عليكم ورحمة الله وبركاته هذه اول مشاركة لي وراني باغي نعرف الاحساس والشعووور



نتاع كل واحد , كل يوم يزيد يقرب الماتش انا بالنسبة ليا كي نسمع واحد قال 7 جوان



تقبضني الدوخة ان شاااااء الله برك انربحوا وانكاليفوا وانتوما واش راااايكم





:cursing: :cursing: :cursing:
 
غير يبيضولنا وجوهنا بركـ

وياربي ويلعبوا مليح ماش يديرولنا النش في الستاد
 
ان شاء الله يا ربي المصاروة انعمروهم وانعلموهم البالون



مادام كاين زياني وغزال الخسارة مع مصر محال
 
وين رااااااكم يا ولاد الخضرة والله غير دخلتوا فيا الشك ولا خاطيكم البالون .........؟
 
إن شاء الله يفرحونا الولاد ونتمنى التوفيق للشيخ سعدان وإن شاء الله يرجعوا للكرة الجزائرية السمعة نتاعها كلنا امال بتحقيق الفوز ولا شيء غير الفوز
 
آمييييييييييين ياربي من فمك لربي الله يحفظك خويا هذي الهدرة ولا خليني
 
عندك الحق خويا احنا كيماهاك من عندهم
 
انشاء الله الخضرا تربح ادا تروحو لبليدة ماديرولناش لا فيولونس برك
 
7 جوان قرب صح بالصح سقسيني كيف شعوري مع الباك راهي خلصت علينا
و نتمناو للفريق الوطني كل التوفيق
 
يا ختي هذي اللي راني خايف منها المصاروة غادي يتعمدوا استفزاز اللاعبين والجمهور وراكي عارفة رد فعل


الجزائريين ياااااااربي يفوت الماتش على خير المهم بربي الربحة لينا وشكراااا اختي على المرووووووووووور
 
ان شااااء الله الربحة للمنتخب وكل التوفيق لاصحاااب الباك والله غير راني نقول فيها من قلبي صحيت خويا
 
نقوووللكم الصح . . .انا ملي خسرت الجزائر مع الغابون في هذيك المهزلة...لأن الفريق فريقنا الوطني اقولها بصراحة مايستاهلش الملايير الذي خسرناها وماكان والوا. . .

اللي ماكان والوا . .. ما يكون والوا بعدها
 
نشاء الله نربحو ونتكاليفاو

كلناااا مع الخضر
 
انا نقولكم الصح راني كي نسمع 7 جوان نحس قلبي رح يخرج راني متراهنة مع صحبتي مصرية هي راها تقول مصر تربح و انا راني نقول الجزائر تربح ربي يوفقنا ان شاء الله و نتكاليفو
 
نربح نشاله
ما علين غير ندعو
 
ماتقولو والو ماعدا الربحة للجزائر

يا خالد كونك هاني الربحة لأولاد الخضرة
 
بارك الله فيكم قاع على المرووووووور المهم نطلبوا ربي الربحة في قاع التصفيات وكونوا هانيين هذي المرة


مايبهدلوناش ولازم نلعبوا على العلام ,, ياربي تسهل
 
السلام..
07جوان قرب يا ويلي..
انا ماني نخمم في والو غير les examens..
وصلوا وانا مابديت بوالو..
ربي يستر..
ادعولي ربي يساعدني..
ويا ربي يربح الفريق نتاعنا..
دمت سالما..
في امان الله..
 
ربي يسهل لاصحاب الباك وللجزائر أمام مصر
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.

المواضيع المشابهة

العودة
Top Bottom