السلام عليكم
واشراكم يا اعضاء اللمة نشالله تكونو لباس
اليوم سمعت واحد القصة في قناة اقرا و عجبتني بزاااف لدرجة بكاتني و اثرت فيا
حبيتكم تقراوها نتوما ثاني بصح انا رني رايحة نحكي بالدارجة خطراكش راني لاعلاقة باللغة العربية
يلا نخليكم مع القصة
هي كلها تحكي على طاعة الوالدين
كاين طفل صفير ، عمرو واحد 4 سنين، كان يمشي في الطريق مع باباه، ملا جا طير حط قدامو، قالو يابابا واش هادا، قالو هادا عصفور، قالو بابا واش هادا، قالو هادا طير،قالو بابا واش هادا، قالوطير، و ظل يعاود فيها 21 مرة و باباه عجبو الحال و كان في قمة السعادة كي شاف اهتمام بنو بهادو لحوايج
و كي كبر الطفل ولا في عمرو 15 سنة ، اكيد حتى الاب كبر ، و ولى قاصر و علاماكانش يتعب
مالا سقسا الاب ابنو قالو واش هادا الصوت، قالو بنو صوت عصفور، و زاد قالهالو الا 2 مرات خرين كي عاد مايسمعش مليح، مالا الطفل في دقيقة تقلق و قالو اووووووووف يخي هاداوين قتلك بلي صوت عصفور
شوفو الاب مسكين هو كي كان صغير قالو 21 مرة، و هو 3 مرات برك ماقدرش يحمل
، كون جا الاب عامل بنو كيما هو و تقلق منو كي كان صغير، نقولو كما تدين تدان
مالا ياناس دايما تفكرو "ولا تقل لهما اف ولا تنهرهما، وقل لهما قولا كريما"
نتمنى تعجبكم لقصة كيما عجبتني انا
سلام
