طوايش الجزايريين و ما أدراك ماهي...

[angel]

صافي قسم الطوايش هو القراي:001_smile:..حنا طوايشيين و ديما قسمنا هو اللول في الاقسام.

مارسي مروة ، جهاد العاقلات:001_rolleyes: على المرور..هويتونا خخ:blush:
انا شفت الاسئلة عند مادام ايا هي غير خرجت انا رحت وجبت الاسئلة وهي قاعدة تحوس عليهم :lol:خخخ عجبتني هاذي كاش نهار نسييها:tongue_smilie:.

مارسي آنجل.راكي طوايشية تاع الصح :wink:


بلامزية ختي

طوايشية وسكتي

(اسمعي بيناتنا ارواحي نديرلك سطاج اوك)

:music_whistling::music_whistling::music_whistling:
​

 

[ماريا17]

انا انا انا.......................
استاذ كان تحت
وانا كنت3ايتاج صبيت عليه الماء وخبيت القرعة
-----------
طرشقت محريقة في القسم​

​

 

[lamine23]

انا كاين ياسر كيم قلتو غير طوايش حنا لولين
انا قصتي كيفاه حكمني لموراقب اسمو:blink: شارون نحكي مع لمخلوقة:blush: في الساحة دارلي استدعاء درت معاه عركة وخرجت وليوم تاني رجعت كلي مصرا والو
شكرااا على الفكرة​

 

[programmeur]

يا اختي سعدكم أنتوما كملتو الدراسة راني غاير منكم وتقول لوكان غيل قعدت في الثانوية ودخلتها غيل دوبلاج
اما انا راني خايف الا الصيف نفوته فوق كراس هههههههههههههههههههه
على يامات ان شاء الله نكملو هادو الاختبارات ونتهنو
المهم نقولك مرة خصرت جهاز تاع 10 ملايين انا وصحابي
وروحت عند الاستاد قتله الجهاز خسر وحده جا مسكين يجري
والخلعة لاقفاته ........ هو مسكين قال خبزتي راحت
مع لي صاب واحد في كرطابه الرملة قالنا ناقص 5 نقط في معدل المادة
والمشكلة الجهاز كانت خاصاته وحد القطعة وهاديك القطعة أنا رميتها قدام الاستاد
العين في العين
بصح من بعد فاقت بينا الادارة
وحبو يطردونا كي جاو يبداو بيا صابوني الاول في الكلاصة ماصابو مايديرو هههههههههه
وامور أخرى تهبلي من الضحك

 

[نور الانوار]

مليحه مليحه
​

 

[مايلي]

من كثرة ماندير طوايش قاع نسيتهم ههههههههههههه
معليش كي نتفكر راني نجي نحكيلكم ياو ليتوش تاوع الكلافي ومايكفوش لطوايشي هههههههههههه​

 

[مايلي]

راني تفكرت
مرة كنا في المختبر نديرو في تجربة
وانا الفيزيك زيييييييييييييييررووووووووووو مانفهم فيها والو
ياك الأستاذة دارتلنا تقويم ويا للأسف كنت أنا الأولى في القائمة
ايا نظت وجيت نجرب زعما...ياك كي دخلت لابريس ظربت لاماس طفا كلش ...أيا قاع لضواو تاع المؤسسة طفاو هههه ياو انحرقو ههههههههههههههه​

 

[ملكة زماني]

انا كنت باغية نخرج الراحة والاستاد مايخليناش
ملا طفلت كانت تبكي يماها مريضة
ايا قلت انا نغتانم الفرصة
درت روحي تاثرت ورحت نبكي بالصوت ومبعد رحت نجريدزيت الباب وخرجت كي نتاع الافلام العربي نتاع بكري

 

[sousouna]

حرقتي ضواو المؤسسة.مبروك عليك خخ
اي يا ملكة مام انا صرات حكاية تشبه لهك صاحبتي ما وجدتش روحها للفرض.دبرت عليها ادير روحها رايحة تدوخ و ادير النية في لهبال و تخرج.صفرتلها وجهها شوي بانت مريضة صح خخخ.
مارسي عطرتونا بمروركم​

 

[sousouna]

شكرا ماريا 17.لمين.23.بروقرامور.نور على المرور نورتونا والله​

 

[sarah02]

علابالكي انا اصلا مانتحملش في اعمال الشغب نتاوعي:laugh:
خطرة طردنا البروف خزنا في دروج وقعدنا ناكلو الكوجاك خخ:laugh: لي يجوز يحير ويفوت:blink:يقولنا ماباقيلكمش كوجاك:001_huh:

​

 

[omar.lakaf]

ماقريت مادرت الطوايش​

 

[mokha1422]

iih ya 7asra 3la zman a6wayach ih
layta achababa ya3odo yawman ....................
li2o5biroho bima fa3ala lmachibo

 

[دمعة توبة]

يا أختي وش نقولك
يسميونا قسم المهابل احنا في قسمنا من أولنا لآخرنا تاع طوايش وش نقولك
البنات تاع الكلاصا كامل قروب وحدة نتجمعو مع بعض
الصف المراقب كرهت حياتو كي يدور في الساحة وين يروح يلقانا ندورو
كي تصوني تلقاي الكلاصا كاملة حاكمة الباروداج تطل
نص يهبط يدور ونص حال الطيق ويطل
اذا دخل الاستاذ يلقا القسم وكأنو فيه زوبعه رملية
كي يطلع الاستاذ للقسم ساعة وهو يستنا
نطلعو بالواحد ويظالو يهاوشو مي حنا لا حياة لكن تنادي
في الدرس وش نقولك لي ميساج رايحيين جايين نكتبو في الورق
ونبعثو لبعضانا
حصة الفرنسية الانجليزية بالنسبة للذراري صحة راحة
اوخرين راهم راقدين واوخرين حالين الطيق ويتفرجو في لي رايح وجاي
واوخرين تلقايهم راهم يسمعو في لي بورطابل الغنا وتايهين واوخرين كاينين حتى لي يديرو باف ويسمعونا كامل:laugh:
بلا مانقولك بين الحصص كي يديرو الغنا ويدوروها شطيح اسكتي برك قلبك يحبس من شطيح الذر من شدة الضحك :lol::lol::lol:
لكن الحاجة المليحة فينا مانوصلوش الاساتذة وكي يعودو يشرحو نتبعو
لكن النتيجة مش مليحة خلاص ونص قسمنا تقريبا راح يعاود العام

وأرع حاجة درناها وماننساهاش هي في الايام الاخيرة
هربنا لاستاذ الادب ماحبيناش نقراو
الذراري خرجو
ايا رحنا تخبينا في كلاصة والمراقب يحوس علينا مي ما لقاناش
وحدة ما حبتش تجي معانا وراحت حضرت سجلها حاضرة وسجلنا حنا غياب:blink:
مي غدوا جينا ودخلنا قرينا نورمال والحمد لله
وش نقولك والله يوم روعه وكون من الان حتى لغدوا وانا نحكيك ماظنيتش راح نحكيلك على قسمنا وكل وش درنا

تقبلي مروري عزيزتي....

ان شاء الله نكون ما طولتش عليك :001_smile:​

 

[sousouna]

لالا نورمال ما طولتيش
حكاياتكم عجبوني مادامهم على الطوايش خخخ
في الطوايش ماكانش قد كلاصتنا.لولاد يضربو الاساتذة كل للي تقولو عليه آمبوسيبل يصرا في كلاصة.تلقاوه في كلاصتنا.متيقرين فرات خخخ.
نشيب و مانكملش حكايات طوايشنا.عندنا 3 سنين و حنا فرد كلاصة.خلصنا الطوايش تاع الدنيا كامل.
ايا مارسي و بون 8.​

 

[sousouna]

اها مازال ماخلصناش.نكملو الباقي في لليسي ان شاء الله.
​

 

[دمعة توبة]

لالا نورمال ما طولتيش

حكاياتكم عجبوني مادامهم على الطوايش خخخ
في الطوايش ماكانش قد كلاصتنا.لولاد يضربو الاساتذة كل للي تقولو عليه آمبوسيبل يصرا في كلاصة.تلقاوه في كلاصتنا.متيقرين فرات خخخ.
نشيب و مانكملش حكايات طوايشنا.عندنا 3 سنين و حنا فرد كلاصة.خلصنا الطوايش تاع الدنيا كامل.

ايا مارسي و بون 8.​

الله يسلمك اختي امالا رانا كيف كيف :lol::lol:

بون نوي واتهلا في روحك​

 

[همسة الجزائر]

:lol::lol::lol: فكرتيني في بزاف طوايش خخخخخخخ​

بصح انا كنت السوسة :blushing: نحرش والزملاء اللي معايا يقومو بالمهمة هههههه​

اى مالا حنا دايما نسابو باش مانقراوش نهار الانتخابات جاو الحراس رقدو في اقسامنا​

خلصو الانتخابات رجعنا لقينا الريدوات ماكانش:w00t::w00t:​

شبعنا فرحة خصوصا والشمس تحرق قلنا خلاص مانقدروش نقراو فالسخانة​

واحد ورا واحد نروحو نشكيو وصلناها لوين ماتوصلش خخخخخخخ:001_rolleyes:​

امالا عندنا استاد مسؤول فمادة العلوم التجريبية حنا نشكيو وهو يكملنا قالنا ماتقراوش كون مايربكولكمش الرديوات منا لغدوا:w00t:​

احنا حكمناها تم تم خلاص قالنا الاستاذ ماتقرااااوش:001_smile:​

اليوم التانى سحبت:bored:قلنا ماعليش اليوم اللي وراه الغاشي الكل نسا غير انا طلعت نجري للقسم مالقيتش الرديوات :w00t:​

درت عليهم ستوووب اللي يجي نرجعو ودرنا اضراب قدام القسم ههههه​

الاستادة تاع الفرونسي تنسا ندخلو وحنا ماحاشمينش على اصلنا:bored:​

وتجي الطامة الكبرى استاد العلوم قال ماشفت ماريت ماقلتلكم ماتقراوش:blink:​

الاستادة تاع الفرونسي نقصت لنا 4 نقط فالفرض هادا قبل مانديروه:blink:​

حاشمتنا ساعة كاملة خخخخخ بصح سكوت تام اللي يتنفس تخلا عليه:mellow:​

وهكدا كنا كل يوم نديرو حاجة بصح ماتجي غير علينا هههههههه:bored:​

 

[ثابت على العهد]

انا استاذتي حطتلي صفر في الرياضيات ( انا اعترف امامكم اني غبي في الراضيات ...مانفوتش 4ولا5 ) وبما انها حطتلي صفر.......قلتلها انا نحطلك 000000في لاباي تاعك(يعني الشهرية تاعها ) المسكيتة صدقت وقاتلي ما عدش تعاودها قدامي ولا نحطلك 0000000. . .

-----------------------------------------------------------------------------------------------------------------

وولد عمي كيف كيف يشيخ على الاساتذة . . .


جاه مرة استاذ رياضيات في الاختبار هذا الاستاذ تقدرو تقولوا بلي راو حشام ......ولد عمي عيط للأستاذ ...وقالو في وذنيه هاك هذي الورقة (يعيني يغش عن طريق الاستاذ) مدها لصاحبي. . .


الاستاذ لبى طلب ابن عمي. . .وراح مد الورقة لصاحب ولد عمي. . .

-------------------------------------------------------------------------------------------------------------


وحكاية اخرى لولد خالي. . .

كلفوه المراقبين بجمع الدراهم تاع التصاور . .جمعهم ولد عمي وراح يصرف فيهم . . .

اليوم اللي جاهم الصوار . . . فاقت بيه الرقابة عيطتلوا. . .جاب ولي امرو. . .

ولد عمي لعب دروالبريء وابوه قال للرقابة ولد ما يدريرهاش . . .المهم ربح صفقة . . .







ان شاء الله تكونوا اعجبتكم. .

 

[نجاة40]

واحد المرة طفل يقرا معايا شرا كارت بوصطال تصوني قلتلو اعطيهالي دقيقة وانا وياه المشاكل يحبونا بزاف حطيتها فوق الطاقة وخليتها تصوني كي دخلت الاستاذة نتاع الادب هي تقرا والموسيقى معاها تسكت تعيط وتقولنا اغلقو الهاتف وانا والطفل ميتين بالضحك مسكينة حتى صوتها راح والموسيقى مازالت ياخي تبعت الصوت لقاتها كي طفاتها تلاحت فوق الطفل لي يقرا معايا تكريزات عليه قتلاتو مسكين وانا عييت نحبس من الضحك
والله بزاف طوايش درتهم ولحد الان لوكان فالنهار مانديرش حاجة ما يبردش قلبي​