الله اكبر. ادخل تشوف معايا بنت واش قالت لابيها
- كاتب الموضوع D aucun
- تاريخ النشر
كلامكما صحيح ولكن انظر هنا اخي تعدد من يريدون الزواج فلماذا تحتجز ابنتك
ان اتمت بنتي 18 وعلاش نحكمها يا اخي خصوصا اذا كان الخاطب انسان مليح ومن دون اني نقول نمد لاي كان يجب مراعاة اوصاف الزوج
شكرا اخي السوفي انت دائما رائع
هههههه يحبها حتى تهبل هاكي اختي تسمعي بالقصة لي مرا دابزت مع راجلها ايا
حبو يطلقها راحو عند عالم جليل قالو راك حاب طلقها قالو لالا قالها وانت راكي حابة تطلقي من عندو قالتله ايه اي قالها مي ايل فو تنحي كسوتك قبل ما تطلقي من عنده
ايا هي حشمت من خوها وبوها لي كانو تما اي وراحت تستر بزوجها ايا قالها الحكيم
روحي يا بنتي ما يسترك غير زوجك
علابيها المراة ما يسترها غير راجل
اولا اخي السلام عليكم
تانيا نورت الصفحة بالرد تاعك
اخي الكريم مشكور ودمت دوما باسلوبك الرائع والطرح الاروع
واسلوب الاقناع الذي تتميز بهاروع من الرائع
اخي الكريم لنكن واقعين نحن لسنا في عصر الجهل وهبل والوئد و و و و و
ولا نقول اننا في عصر العولمة حتى نترك البنت تتصرف بحرية وهي في مراهقتها
بل و نحن ايضا نتميز بالسذاجة لا
نعم الاب يعرف صلاح بنته لكن وين يبقي يبوسي فيها ما تتزوجي هادا ونا نعرف لي تتزوجيه ماشي
عقلية هادي علاخاطاك هي اللي رايحة تعيش حياتها ما شي انت
صح انت بوها مي في حدود انا كشاب ماشي بويا يقولي تزوج هديك وما تتزوج هاديك
مالغري نعرفو ما يديرها
نقولك خويا عبيدو كامل الشي شوية شوية مي الزواج ماشي لعبة
مرسي خويا الله يخليك
هاكي اختي تعرفي واحد المثل شعبي يقول
اطلق لي في يدك وجري من ورا لي في الغار
احقنالها تتشرط في الخطابة يرحم بوك واش تكوني هادي
شوفي كيما يقولو هدي لي تتشرطلها تحط رجليها في شوية ما بارد
علابالي راهي تشوف في روحها بجنب الشمس علابيها حكمتها السخانة
تعرفي قوليلها تشرطي حتى تبقي تحلمي بنص راجل
خصوصا والرجال نقصو في وقتنا
ما تقولي تزوجت بذكر تقوليلو راجل يكدب عليك
مرسي اختي
واه واه خويا راك هنا مرحبا بيك
الله يحسن العون يا اختي ناس راحت من قلوبها الرحمة ونشالله كامل ما نوصلو لهاد الحد يارب
وعليكم السلام ورحمة الله تعالى وبركاته
والصفحة خويا منورة بمولاها ربي ينورك وكلامك عني شهادة أعتز بها ربي يخليك
خويا مختار منين أعطيتك المثل قلتلك الرسول صلى الله عليه وسلم حتى يرضى حبيبنا هو لي قال وما ينطق عن الهوى وهذي كلمة مولانا يعني كلامو دايما وحي ومنها نعرفو بلي كلام الله وكلام الرسول نهاونا على هذا الشيء وهذا ماراهو جهل ولا عصر الجهالة وأحنا من الفلسفة تاعنا فالدنيا واش جبنا غير لفساد والطلاق ومهما تعددت الأسباب السبب واحد في هذا المجال وحتى واحد ما يقدر يغطي الشمس بالغربال وأنا مارانيش نقول الطفلة تدير واش تحب بصح الشرع الإسلامي هو لي يقول الإختيار ليها لاأمها ولا باباها عندو دخل وهذا كامل موجود فالأحاديث خويا مختار بصح أحنا درك ولينا نتدخلو في خوصوصيات غيرنا شغل احنا لي حابين نعشرو وأنا أعود بالله من كلمة أنا ماعندناش الحمد لله هذا الطبيعة في دارنا ونقولك صرات عندي فالدار طفلة واحدة ومنين ربي كتبلها جاوها ثلاتة خطابة في مرة ومنين حبت يما تدخل نطقت وقولتلهم حتى واحد ما يدخل روحو هي حرة وتعرف صلاحها وهي مع من تحوس تعيش ماشي حنا والحمد لله كي ما بغا ربي رانا اليوم متهنيين وهي متهنيا والمعنى من حديثي إذا جاك لي ربي كاتبولك ورضيت على دينو حاجا أخرى ماتشقاش تفكر فيها إذا هي رضات طبعا على خاطرش الحكم في هذا المسألة في يدها وعلى بالك لوكان يتدخل باباها ولا يماها في مسألة زواجها يعني يجي خطاب وهي في بالها تديه ويدخلو والديها في المسألة مع الوقت رايح تركبلها عقدة من جهة والديها وخاصة إذا تقطعو الخطابة لذلك هي تقرر وإذا هي قررت مانظنش رايحة تندم على قرار إتخدتو بنفسها وحنا ما تسال منا غير النصيحة إذا كانت كاينة يعني ماشي تشوف الخطاب مافيا وماتنصحهاش وأنا نظن راك فهمت قصدي مليح والله يجيب الخير لكل خاوتنا وربي يسهلهم في كل شيء وأنت ربي يحفظك ويخليك ويرزقك الزوجة الصالحة والذرية الطيبة إن شاء الله
مرسي اخي ربي يخليك
اخي الكريم فعلا ربي يبارك فيك ونشالله ربي يلاقيك ببنت لحلال واذا انت متزوج ربي يخلي ذريتك من ولاد لحلال ياربي
تعرف خويا صراحة ما عندي ما نعقب على كلامك
وانت قلت حبيت نزيد برك انو الشيرة اذا ما بوسيتها على حاجة غادي تتمرد لانها هي عقلها بزاف صغير على الراجل وتفكر في حوايج مايصلحوش وانا نشوف اني ما نوقف في طريق اختي ننصحها صح واذا كان راجل مايعجبش نرغمها تخليه لكن ان اصرت فهادي حياتها ومانرضاش اني نكون سبة لربما في تعاستها
وانا ارى انه القرار الاول والاخير للبنت دون نسيان التوعية لانو معظم البنات يحكمو بقلبهم ويشوفو غير قدامهم ويخلو عقلهم في لا فان
زيادة على ذلك هي تقول واش غادي يقولو الناس اذا رجع الخطاب وتتحمل تضحي بمستقبلها مع كلام الناس وهنا تكون قمة نقص الوعي
ضف الى ذلك انو نفسيا وكما قلت تتأثر الفتاة تخيل انك انت رجل ولا عيب فيك وحقيقة لا عيب حتى في الفتاة لكن مجتمعنا يعيب الفتاة وان رجع الخطاب تعرف واش يصرى فيها
وكاين اباء والله جهلة كيف واحد يبقى يرد في خطابة علاجال مليون حتى قلت بنتو انا نتزوج باطل خليني يرحم بوك انت ماشي بابا انت راك حاب تبيعني وماك حاب تشوف مستقبل تاعي
لذا ننصح كامل الاباء احترم حق ابنتك
هذه هي ثقافة الجهل التي اوصلنا اليها التهدم و العولمة ومواكبة تهدم العصر ولا نقول التقدم
منارالجزائرية
:: عضو منتسِب ::
موضوع جيدا حيث يحرم الأب والأم على بناتهم الزواج بغلائهم للمهر والطلبات ..........الخ..........
منارالجزائرية
:: عضو منتسِب ::
موضوع جيدا حيث يحرم الأب والأم على بناتهم الزواج بغلائهم للمهر والطلبات ..........الخ..........
صدقت في موقف كهذا الله اكبر
صدقت في موقف كهذا الله اكبر