موناليزا..... زجل جزائري
بدمعي نبكي ع الزهر الكاوني
وعلى قلبي القاهرة كيف انساتو
كي نذكرها كي السامر صاهدني
ومنها في لدخال تسني جمراتو
آمضعفني طيفها ما بعدني
سكنت دمي والعظم كي رشاتو
ديما باكي كي الصابي تركتني
وهذاك المفـــــــطوم والام ارماتو
تايه عنها لاعقل إوريني
وبعدن طــــــارت بيه فزت وداتو
ما عندي قا حبها راه اقهرني
آمضـــنوني ما قدرتش كياتو
يا الغدارة وين عهدك يا عيني
ويا بسمة يا سارقة كل احياتو
آ الوردة يا الجافية خليتيني
قلبي كيف الطير خاصم طيراتو
حبك طاغي كي الهزة دمرني
ريب ساسي ما بقى راه امحاتو
آ لحنينة صورتك ما تركتني
سكنت فكري بايعاتو وشـــــراتو
عيونك ذي جبار ظالم ساجني
وللا دكتاتـــور هاتف بحياتو
طايع كل أأوامرو كي لحقتني
ما نعصي محال صفعة رمشاتو
أل*** عجيبها أحمر حني
حب الجــــــوهر طل منها وراتو
والجبهة وضاحها نا محني
لبدر الكامل لا سحابة غطــــاتو
وكلام المعنى حسو هداني
عازف ع الأوتـــــــــار طاعت ألاتو
*** فاتن يا حبيبة هضمني
اروايح تفـــــــــــاح يانع نظراتو
والريحة مشمومها راه اسباني
مسك وكوثـــر طالعة من زهراتو
ل*** الفاتن يا الطيف ارحمني
عجبة هاذ الريم شارد عن ذاتو
أميرة لبنات نايا هجرتني
موناليزا هاربة من لوحاتــــو
