طبيب بطال وأخر يقري محو الامية و مهندس دولةagent de sécurité وعلاش نقرو؟؟؟؟

D aucun

:: طبيب ::
أحباب اللمة
إنضم
4 جويلية 2009
المشاركات
2,105
نقاط التفاعل
564
النقاط
91
العمر
35
الجنس
ذكر
أولا نقوللكم السلام عليكم
تانيا نقولكم تقبل الله صيامكم وقيامكم
وتالتا صح رمضانكم كيما نقولوها في الجزائر
رابعا خلوني نحكي شوية وشوفو معايا asqراني غالط في كلامي ولالا راكم عرفين صح كاينة البطالة ومشكلة صعيبة وعلابالي بلي الخدمة راهو بمكتوب ربي سبحانو ولكن يا خوتي كاين مرات لانسان يجهل وربي يغفرلنا حتى تبقى بعض الناس يقولو انو صح مكتوب مي ناس اليوم بقات تدخل في مكتوب ربي c vri كلام مغاير تماما للدين mais الله يحسنو العون يا خوتي راكم تشوفو عبادنا تجهل معاهم تجهل وين تلقى طبيب بطال راني نحكي صح وطبيب يقري محو الامية علاش يقتل في روحو في الجامعة يرحم والديكم وين شفتو مهندس دولة في الميكانيك وهدا نعرفو يخدم agent de sécurité في شركة تركية وعلاش هادا هو النيفو تاعنا لحق بينا وين ما لقاوش اش يخدمو ياك هادو غير لي يبانو خلونا من اصحاب الليسانس و الشهادات الاخرى تلقاه يحانك في البطال على 3000 دج هادي حالة وعلاش بقات الناس تقيس في روحها للحوت احسنو العون يا خوتي هادي حالة حالة هادي
بقى النيفو تاعنا هو دراهمك ومعرفتك ايه تلقى واحد مايعرف يكتب اسمو في الادارة و المهندسين يخدمو عساسين ياك شفت وين لحقنا هنا الواحد يفشل يقول وعلاش راني نقرى مين غادي نحكم الحيط ايه وعلاش نقرى ؟
هاكم الواحد صح ما يقنط من رحمة ربي سبحانو mais والله بزاف
وخليني نحكي ديجا جماعة والله ديبلوميست حرقو راهم في اسبانيا ومن بعد يقولك هجرة الادمغة كيفانش نت تحاوز فيه ومن بعد تقول هجرة الادمغة انا ماني نقطع وخاطيني السياسة mais راني étudiant ومن حقي نخمم في المستقبل تاعي وياك غير نقرى ومن بعد نحانك البطال على الحيط وعلاهش نقرى c الله غالب هي كيما يقول احد العلامة الجزائرين انو يليق تطلب العلم للعلم ماشي للوظيفة mais الله غالب تقرى ومن بعد تقعد بطال ما نقراش خير
هاكم خوتي ديجا راكم كامل تشوفو ياك غير قوليلي asq راني غالط؟
وقولولي واش هو la solution علاخاطر في بالكم بقى عندنا مستقبل في القراية ولا لالا؟
تفضلو بقبول تحياتي اخوكم مختار
 
ياخويا راك صحيح

وراااااو كلش عاد بالمعريفة

عندك كتف قاوي تدخل تخدم ويهزوك

فوق الراس
ولي معنودش كتف يقعد شاد الحيط

هذه جزائرنا

ويعطيك الصحة على الموضوع
 
يا خويا هذي مصيبة كبيرة اليوم لحب يقرى يقرى لروحو برك ويستنى افرج ربي على خاطر الدولة تبني غير في المدارس والجامعات والسكنات لناس لي عندهم السكنى بالمقابل تغلق في المصانع وتسرح في الخدامة ..........وهي من المفروض تفتح المصانع باه تستوعب هذ الكم من الجامعيين ....والنهار لي يقرو هذ الشباب الحرقة اعاقبوهم بالسجن واذا نجحو في الحرقة ويصبحو مغتربين الدولة الكريمة تقول ليهم حطو اموالكم في البنوك انتاعنا يعني واجب وطني وزيد انقسولهم في سعر التذاكر لدخول الوطن وارواح انت تفهم حاجة مع هذا الحكام والانظمة االجايحة والظالمة للتتحكم بثروات الشعوب ........تقبل مروري هموم مشتركة بينكم وبيننا ...........
 
H@teM، تم حظره "حظر دائم". السبب: مخالفة القوانين
خويا مشكور على الموضوع
مي راهي هادي الجزاير دراهيموك يعرفوك بناس لا يعرفوك
هادي مقولة معروفة عندنا ولقراية حاجة مليحة بصح للاسف معادش تاكل
تقبل مروري
ورمضان كريم
 
خويا لي قرا ,,قرا بكري وقتنا ضرك غير تاع خدمة مابقاتش توكل لقراية غير الناس الواصلة والباقي يروحو يحرقوا وكيما يقولوا ياكلني الحوت وما ياكلنيش الدود
 
أولا نقوللكم السلام عليكم
تانيا نقولكم تقبل الله صيامكم وقيامكم
وتالتا صح رمضانكم كيما نقولوها في الجزائر
رابعا خلوني نحكي شوية وشوفو معايا asqراني غالط في كلامي ولالا راكم عرفين صح كاينة البطالة ومشكلة صعيبة وعلابالي بلي الخدمة راهو بمكتوب ربي سبحانو ولكن يا خوتي كاين مرات لانسان يجهل وربي يغفرلنا حتى تبقى بعض الناس يقولو انو صح مكتوب مي ناس اليوم بقات تدخل في مكتوب ربي c vri كلام مغاير تماما للدين mais الله يحسنو العون يا خوتي راكم تشوفو عبادنا تجهل معاهم تجهل وين تلقى طبيب بطال راني نحكي صح وطبيب يقري محو الامية علاش يقتل في روحو في الجامعة يرحم والديكم وين شفتو مهندس دولة في الميكانيك وهدا نعرفو يخدم agent de sécurité في شركة تركية وعلاش هادا هو النيفو تاعنا لحق بينا وين ما لقاوش اش يخدمو ياك هادو غير لي يبانو خلونا من اصحاب الليسانس و الشهادات الاخرى تلقاه يحانك في البطال على 3000 دج هادي حالة وعلاش بقات الناس تقيس في روحها للحوت احسنو العون يا خوتي هادي حالة حالة هادي
بقى النيفو تاعنا هو دراهمك ومعرفتك ايه تلقى واحد مايعرف يكتب اسمو في الادارة و المهندسين يخدمو عساسين ياك شفت وين لحقنا هنا الواحد يفشل يقول وعلاش راني نقرى مين غادي نحكم الحيط ايه وعلاش نقرى ؟
هاكم الواحد صح ما يقنط من رحمة ربي سبحانو mais والله بزاف
وخليني نحكي ديجا جماعة والله ديبلوميست حرقو راهم في اسبانيا ومن بعد يقولك هجرة الادمغة كيفانش نت تحاوز فيه ومن بعد تقول هجرة الادمغة انا ماني نقطع وخاطيني السياسة mais راني étudiant ومن حقي نخمم في المستقبل تاعي وياك غير نقرى ومن بعد نحانك البطال على الحيط وعلاهش نقرى c الله غالب هي كيما يقول احد العلامة الجزائرين انو يليق تطلب العلم للعلم ماشي للوظيفة mais الله غالب تقرى ومن بعد تقعد بطال ما نقراش خير
هاكم خوتي ديجا راكم كامل تشوفو ياك غير قوليلي asq راني غالط؟
وقولولي واش هو la solution علاخاطر في بالكم بقى عندنا مستقبل في القراية ولا لالا؟
تفضلو بقبول تحياتي اخوكم مختار


salam alaycom

حيتيسيت متقف أحسن من حيتيسيت أمي
 
السلام عليكم وصحا رمضانكم
خويا موضوع حساس
بل يعتربر من حديث الساعة لي رانا عايشين فيه ونعانيو منو
اليوم انا طالب وغدوا نولي بطال كيما راك تحكي
مي وش نقلك كيما يقولو الخدمة بالديبلوم ولات كيما حكاية الغولا:sleep:
عندك معريفا تخدم وتخلص مليح
معندكش كالي الحيط والديبلوم سيغ بيه لرض
مي حبيت نقلك حاجة
الهدف من الدراسة مشي فقط العمل
الدراسة تعطي قيمة للشخص مهما كان العمل نتاعو
تقبل مروري اخي الكريم وصحا صيامك.....
 
خلي برك اللي في القلب راه في القلب
 
نــــــورمــــــال ..... مام أنا ليسونس " اتصال وعلاقات عامة " يعني صحافي ... وراني شوماجيست ... بصح مانيش حيطيست ... راني نخدم في سيبار ( عند العرب) ربي يفرج علينا
 
هههه و باش نزيدلك كاين امى يخدم طبيب كى عندو المعريفة الي الى عندو الكتاف يبنى طريق فى البحر



يعطيك الصحة على الموضوع شباب
 
يا اخي ماراكش غالط الشيئ اللي دكرتو صح
وماهوش غير فدزاير برك راهو كاين في كل البلدان العربية
حالتنا وحالة ولادنا وبناتنا
يعني تلقا واحد داي ليسانس ومتخرج بامتياز ويخدم طاكسيور
ووحدة قرات 7 سنين طب وفالاخير غمضت عين وفتحت عين لقات روحها
تقري ابتدائي لمدة سنة فقط بسبب اجازة امومة معلمة اخرى

يعني رانا قع كف كيف
حالة البلاد والادارة تعنا
ويزيدو يقوللولك رانا نحسنو فالتعليم ونطوروه
ياو وشمن تطور هااااادا ..؟؟؟
كل خطرة بقانون وفالاخير الواحد يشد الحيط
واله مافهمت ادا رانا نقراو بش نتعلمو ولا نقراو بش نخدمو
بالاك انا من رايي رانا نقراو بش نتشومورو ونتزووللو
 
يا اخي ماراكش غالط الشيئ اللي دكرتو صح

وماهوش غير فدزاير برك راهو كاين في كل البلدان العربية
حالتنا وحالة ولادنا وبناتنا
يعني تلقا واحد داي ليسانس ومتخرج بامتياز ويخدم طاكسيور
ووحدة قرات 7 سنين طب وفالاخير غمضت عين وفتحت عين لقات روحها
تقري ابتدائي لمدة سنة فقط بسبب اجازة امومة معلمة اخرى

يعني رانا قع كف كيف
حالة البلاد والادارة تعنا
ويزيدو يقوللولك رانا نحسنو فالتعليم ونطوروه
ياو وشمن تطور هااااادا ..؟؟؟
كل خطرة بقانون وفالاخير الواحد يشد الحيط
واله مافهمت ادا رانا نقراو بش نتعلمو ولا نقراو بش نخدمو
بالاك انا من رايي رانا نقراو بش نتشومورو ونتزووللو
أهلا بالاخت العزيزة كامو
اختي الكريمة اذا اردنا ذكر خريجي الجامعة الحياطين فيكفي مثال بسيط عن ذلك
لي فرد من عائلتي لا ازيد فوق هذا له ماجيستير لكن حاكم الحيط حتى انو ما قبل التشغيل لم يتم دمجه فيها ضفي الى ذلك انه سكن مديرية التربية للبحث عن منصب عمل وقاللهم اقبل اني نخدم صلاح المهم مدولي علابال نكفل عائلتو الصغيرة لكن اتعلمين ماكان ردهم
انت ذو مستوى عالي لا يحق بل يحرم عليك العمل كصلاح هذا باللفظ الواحد من احد المسؤولين
و كثيرا ما التقي بجامعيين يعملون روسوفور وقهواجي و و اذا لقى طاكسيور راه لقى
واحد قالي غادي ندير فوتو كوبيي على الديبلوم ونبيع فيه الكاكاو واش ديري اختي ربي خير ولي خلق ما يضع
واريد ان أنبه الى شيء انت يامن تبني رزقك على الرشوة لا تنسي انك تاكل سحتا مع اني نحسن العون

 
هههه و باش نزيدلك كاين امى يخدم طبيب كى عندو المعريفة الي الى عندو الكتاف يبنى طريق فى البحر



يعطيك الصحة على الموضوع شباب
هاك نقولك كاين سيرتو بارا ميديكال تقولو غادي ندير gروباج تاع الدم ةتاعي يجي ينحلك بالمقص مايعرفش كيفانش يخدم بسورانg واذا خدم بيها يخلي نصفها في الكور تاعك
 
نــــــورمــــــال ..... مام أنا ليسونس " اتصال وعلاقات عامة " يعني صحافي ... وراني شوماجيست ... بصح مانيش حيطيست ... راني نخدم في سيبار ( عند العرب) ربي يفرج علينا
ربي يبارك خويا ونقولك يجي الوقت ويفرج ربي لانو دوام الحال من المحال وراك تعرف قل لئن اجتمعت الانس والجن على ان ينفعوك بشيء لا ينفعوك الا بما كتبه الله لك وعلى ان يضروك بشيء لا يضروك بماكتبه الله لك اصبر وربي يفر ج
صحيت خويا
 
السلام عليكم وصحا رمضانكم

خويا موضوع حساس
بل يعتربر من حديث الساعة لي رانا عايشين فيه ونعانيو منو
اليوم انا طالب وغدوا نولي بطال كيما راك تحكي
مي وش نقلك كيما يقولو الخدمة بالديبلوم ولات كيما حكاية الغولا:sleep:
عندك معريفا تخدم وتخلص مليح
معندكش كالي الحيط والديبلوم سيغ بيه لرض
مي حبيت نقلك حاجة
الهدف من الدراسة مشي فقط العمل
الدراسة تعطي قيمة للشخص مهما كان العمل نتاعو
تقبل مروري اخي الكريم وصحا صيامك.....
صح خويا لي مازالو يصدق بالغولا يصدق انو الخدمة بالديبلوم
هاك الديبلوم تاع دك راهو بيي د صون ولا كتافك
ايه راك تشوف مي تعرف حنا نقرو ونشالله ؤبي يسهللنا ونقولط تفاءل خيرا تجده لكني نظن عندنا تفاءل خيرا يروحلك الخير لي راك فيه اللهم ما تفكر خير
مرسي خويا
 
سلام عليكم
صح البطالة كاينة مي عند ربي لايستوي الدين يعلمون مع الدين لا يعلمون
الرزق على ربي ولي شايف فيها ربي الخير هديك هي
وان شاء الله تتحسن الاحوال
 
salam alaycom

حيتيسيت متقف أحسن من حيتيسيت أمي
وعليكم السلام
مي انا نزيد نقولك حطيست ماشي قاري خير من حطيست قاري
لانو اذا ما قريتش تولي مقتنع ما قريتش لكن انك تقرى وتحكم الحيط
تبقى تتوسوس وتقدر اذا ما كنتش تامن بمكتوب ربي غايا تقدر تهبل
مرسي خويا وليد معسكر
 
سلام عليكم
صح البطالة كاينة مي عند ربي لايستوي الدين يعلمون مع الدين لا يعلمون
الرزق على ربي ولي شايف فيها ربي الخير هديك هي
وان شاء الله تتحسن الاحوال
وعليكم السلام
اه وي هنا ربحتني صح بعد بسم الله الرحمن الرحيم
(قل هل يستوي الذين يعلمون والذين لا يعلمون) صدق الله العظيم
سي فري الرزق بيد ربي مي راك تعرف خويا قتلك عبادنا تجهل معاهم
الله غالب تعيا تعيا وتجهل
مرسي ردك في المستوى خويا ربي يخليك

 
خويا لي قرا ,,قرا بكري وقتنا ضرك غير تاع خدمة مابقاتش توكل لقراية غير الناس الواصلة والباقي يروحو يحرقوا وكيما يقولوا ياكلني الحوت وما ياكلنيش الدود
هههههههههه
اهلا خويا انت راك معمر سي فري خويا مابقاتش تاكل القراية بقات المعارف هي لي تقضي مي حاجة نقولهاك انا مرات نشوف ونقول وعلاش نقرو مادام لي قرو راهم قاعدين لكني في نفس الوقت نقول انا ندير لي علي والباقي من عند ربي وتوجور راني نظن ماشي غير نظن مي متاكدو مامن بلي الدنيا ماكاتيب وفي نفس الوقت معاها قفزات
نظنك فهمتني خويا تحياتي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top