يا ناس اللمة علاش ما تقيموش المواضيع ؟؟

الحالة
مغلق ولا يسمح بالمزيد من الردود.

Moha le sage

:: عضو بارز ::
أحباب اللمة
إنضم
15 مارس 2009
المشاركات
8,138
نقاط التفاعل
3,560
النقاط
356
السلام عليكم

قبل ما نبدا حبيت نقول بلي ما يهمني لا التقييم ولا المواضيع ولا المشاركات .. يهمني قبل كلشي العباد ... يعني نتوما لي من ورا ليكران


takiim.jpg



التقييم مديور للمواضيع اللي تستحق ان الواحد يشكرها .. ومولاها كي يلقى موضوعو مقيم و يزيد يلقى عبارة مدح اكيد راح يطلعلو المورال ويكتب موضوع خير منو .. و مع الوقت اللي مواضيعو ملاح راح يكون عندو نقاط بزاف ربما تميزو على لخرين ..والتميز مهوش عيب

ماشي نخلو المواضيع بلا تقييم وكي اللي كتب نكتة كيما اللي عصر مخو وجابلكم موضوع يحلل فيه ظاهرة ولا يمد فيه اقتراح ... ياجماعة التقييم مهوش مديور باطل .. مدايرينو اتشجيع الاعضاء على الكتابة والتميز في طروحاتهم ..والتقييم راح يخلق جو من المنافسة على نيل الاستحقاق بطرح ارقى واجمل المواضيع


takiym.jpg



الظاهرة هاذي شفتها غير هنا ..وين ناس تقرا وما تقيمش المواضيع
نصيحتي ليكم ..اعطو لكل واحد حقو .. واللي يعجبكم موضوعو قيموه من هنا :















.​
 
و الله عندك حق خويا

في كل كلمة قلتها و انا تاني راني نشوف في الحالة هادي

مي صدقني انا موضوع يعجبني راح نقيمو

و انت الموضوع ديالك راهو فور

يعطيك الصحة لازم قع الناس تتوله للحوايج هادي

بارك الله فيك اخي

جزاك كل خير واصل ابداعك و تميز

تحياتي لك
 
و الله عندك حق خويا

في كل كلمة قلتها و انا تاني راني نشوف في الحالة هادي

مي صدقني انا موضوع يعجبني راح نقيمو

و انت الموضوع ديالك راهو فور

يعطيك الصحة لازم قع الناس تتوله للحوايج هادي

بارك الله فيك اخي

جزاك كل خير واصل ابداعك و تميز

تحياتي لك


يعطيك الصحة يا ايمان على الرد والتقييم

بزاف اللي نساو الزر تاع التقييم اللي وضع خصيصا لتمييز المواضيع وتثمينها ..بصح ناس بزاف متعرفش عادة التقييم .. ونا كلاني قلبي كي نشوف موضوع جميل والناس ما تقيمش مولاه

ربي يخليك ومرسي على المرور تاعك
 
كاين اعضاء جدد ميعرفوش تقييم هادا ...انا موضوع يعجبنى و يكون يستاهل تقييم نقيمو...و مارسى على نصيحة
 
انا هدا وين ولهتني لهدا الزر خويا تاركان...مرسي ...ومواضيعك دايما فور
 
مرسي اخي على موضوعك
موضوع له فائدة ويستاهل تقييم...
 
كاين اعضاء جدد ميعرفوش تقييم هادا ...انا موضوع يعجبنى و يكون يستاهل تقييم نقيمو...و مارسى على نصيحة



نتي ديما فور يا تسنيم وديما سابقة خرين بزاف نستعرف بيك :cool:

المرسي على الطلة تاعك
 
انا هدا وين ولهتني لهدا الزر خويا محمد ...مرسي ...ومواضيعك دايما فور


ربي يخليك ختي فايزة وان شاء الله تقيمي الناس فس مواضيعهم ويقيموك

مرسي على الباساج تاعك
 
ايه انت تسقسي على التقييم راهم ملاح اذا حطو الرد قبل باش يديرو تقييم كاين اللي يقرا و يروح يمرورون مرار

الكرام. علابيها نلقاو المشاهدات 365 و ردود 10 على هذا وضع مليح .

شحال يغيض الحال كي انت تنقي المواضيع باش تحطها و تخمم و طلع و تحبط باش تكتب موضوع جديد

ليستفيد منه الاعضاء مع الاخر ماتلقى حتى واحد لا حياة لمن تنادي الموضوع حطيتوا لريح ماشي للاعضاء .

لكن همنا هو استفادة الاعضاء وتعلمهم و توعيتهم و نامل ان يستفيد الاعضاء من المواضيع الهادفة و الموعية

لهم .

مشكوووور اخي تركان على الموضوع القيم .
 
ماشي غير المواضيع تتقيم كاين ردود جميلة تتقيم
ربي يهدينا للخير ربي يخليك محمد
موضوعك في القمة مشكوووور
حسام
 
صح كاينه منها
لاحظت بللي فاللمة التقييم بالمعرفه
معلابالهمش بجمال ولا تميز الموضوع
عجبو عضو يقيمو معجبوش والله ميشوف نقطه
مي هو لازم العدل لكل ذي حق حقه
واحد دار موضوع مشي كما واحد غير قاعد يتفنين ويدي النقط
الانسان لازم يقول الصح
وانا صراحة الموضوع اللي يعجبني نقيمو منشوفش لمولاه مليح ولا مشي مليح
شكرا ليك خويا على الموضوع
بارك الله فيك
موضوع روعه
كنت رايحه نقيمك مي الله غالب مقدرتش
غدوا نشالله تسالني تقييم
تحياتي
 
بارك الله فيك خويا محمد وماعندي ما نزيد على كلامك وحتى تطوير النقاش والحوار لازم يجي من هذا النقطة بالذات والإنسان إذا شاف روحو حط موضوع مليح ولا مشاركة مليحة وقيموه منها رايح يزيد يجتهد كثر ماشي كيما واحد يحط موضوع ويلقى روحو يدور وحدو وواحد ماعندو موضوع ماوالو دايها غير توريست فاللمة والنقاط الله يبارك ولو الواحد وأنا نهدر على نفسي مانراعيش لهذ لحوايج ولي يهمني الموضوع وكيفاش نتناقش مع مولاه بحوايج تفيدو وتفيدني ولا نحط موضوع باش يستفاد منو الأعضاء بصح كاين أعضاء يستاهلو التقييم من خلال المشاركات تاعهم من خلال المواضيع تاعهم من خلال روح المناقشة لي يتميزو بها بصح الله غالب تلقى النقاط تاعهم هبطين ومنين يخمم يقول كامل نروحو نتمسخرو وندو نقط علاش عليا نكسر راسي

ربي يحفظك وربي يخليك خويا محمد وموضوع فالقمة كي العادة ماراهيش غريبة عليا
وربي يتقبل الصيام والقيام وصالح الأعمال للجميع دمت
 
بارك الله فيك خويا على الموضوع المهم
نتمنى اتكون وصلت الرسالة للجميع






 
شكرا خويا محمد على هاذ التوضيح
والتقييم عندو دور كبير في تشجيع الاعضاء خاصة اللي يكتبو في المواضيع بمجهود شخصي ويتعبو عليها
وانا شخصيا كنت دائما نقيم في المواضيع والردود الجادة..
لكن مدة طويلة والتقييم متوقف عندي وما نقدرش نضيفو للعضو مانعرف اذا كان خلل تقني ام هو من الادارة.
شكرا محمد ومواضيعك دائما جادة وفي القمة ..
صحى صحوركم وصحى رمضانكم.

 
شوف اللمة راهي جزائرية والجزائر راهو حاكمها فيروس خطير ويسمى بفيروس البيسطو يعني المعرفة كما هو الشأن في الشركات والمصانع والادارات....الخ والعدوى راهي انتقلت للمة الله يجيب الخير لو نضرنا الى المواضيع الجادة شوف نجد عدد الردود لايتعدى عدد الاصابع فمابالك في التقييم والمواضيع التافهة المبهمة ستجد عدد الردود تعدى المئتان رد والتقييم بالجملة ومن هاد النقطة ندرك سبب انتمائنا للدول المتخلفة
واش راح نقولك الله يكثر من امثالك وصح صحورك وتصبح على خير
 
انا في الحقيقة ما نعرفش اصلا بللي كاين تقييم الموضوع و مرسي كي قتلي عليه لانو عندي بزاف مواضيع تعجبني
 
تسلم ايديك على موضوع القيم
اخي محمد
 
عندك الحق لازملك تزيدني تقييم خخخخخخخ
 
ايه انت تسقسي على التقييم راهم ملاح اذا حطو الرد قبل باش يديرو تقييم كاين اللي يقرا و يروح يمرورون مرار

الكرام. علابيها نلقاو المشاهدات 365 و ردود 10 على هذا وضع مليح .

شحال يغيض الحال كي انت تنقي المواضيع باش تحطها و تخمم و طلع و تحبط باش تكتب موضوع جديد

ليستفيد منه الاعضاء مع الاخر ماتلقى حتى واحد لا حياة لمن تنادي الموضوع حطيتوا لريح ماشي للاعضاء .

لكن همنا هو استفادة الاعضاء وتعلمهم و توعيتهم و نامل ان يستفيد الاعضاء من المواضيع الهادفة و الموعية

لهم .

مشكوووور اخي تركان على الموضوع القيم .

اهلا ختي روهانا

راني معاك في واش ذكرتي .. وشايف جماعة الباساجي اللي مايمركوش لاري غير توال حبابهم حتى ولو كان موضوع رهج ... بصح كل حاجة في بلاصتها .. التقييم والردود هوما لي يشجعو اي واحد باش يكتب من جديد ..

هنا التفنيين يقتلهم ..ما يخموش في راسهم كيما هوما يحبو لي يردو عليهم .. لازم يديرو ردود
بصح معاممن تهدري .. زوج ولا تلاثة يسمعو ولخرين لا حياة لمن تنادي ..طالعين هابطين ..لاكان طفل وشاف طفلة كتبت راه سير يبدى يفستي : و موضوعك تحفة وعباراتك فريدة من نوعها و حسك عالي ... واذا كانت طفلة و شافت تاع طفل تبدى الديسكور : ونتا انسان مليح ومواضيعط قيمة و نستناو في ابداعاتك ............ واشمن ابداع ربي يهديكم

العادة هاذي و زيديها الردود لازم يتعلمو الاعضاء يديروهم باش يولي منتدى مليح و فيه مواضيع مليحة ..ماشي نطبقو يدينا و نصفرو


مشكورة وتحياتي ليك روهانا
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top